Ésaïe 38

¹ בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת וַיָּבֹ֣וא אֵ֠לָיו יְשַׁעְיָ֨הוּ בֶן־אָמֹ֜וץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְהוָה֙ צַ֣ו לְבֵיתֶ֔ךָ כִּ֛י מֵ֥ת אַתָּ֖ה וְלֹ֥א תִֽחְיֶֽה׃ bayamiym hahem ḥalah ḥizeqiyahu lamut wayavowʾ ʾelayw yeshaʿeyahu ven־ʾamowts hanaviyʾ wayoʾmer ʾelayw koh־ʾamar yehwah tsaw leveytekha kiy met ʾatah weloʾ tiḥeyeh׃

² וַיַּסֵּ֧ב חִזְקִיָּ֛הוּ פָּנָ֖יו אֶל־הַקִּ֑יר וַיִּתְפַּלֵּ֖ל אֶל־יְהוָֽה׃ wayasev ḥizeqiyahu panayw ʾel־haqiyr wayitepalel ʾel־yehwah׃

³ וַיֹּאמַ֗ר אָנָּ֤ה יְהוָה֙ זְכָר־נָ֞א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵ֣ב שָׁלֵ֔ם וְהַטֹּ֥וב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֹֽול׃ ס wayoʾmar ʾanah yehwah zekhar־naʾ ʾet ʾasher hitehalakhetiy lefaneykha beʾemet uvelev shalem wehaṭowv beʿeyneykha ʿasiytiy wayeveke ḥizeqiyahu bekhiy gadowl׃ s

⁴ וַֽיְהִי֙ דְּבַר־יְהוָ֔ה אֶֽל־יְשַׁעְיָ֖הוּ לֵאמֹֽר׃ wayehiy devar־yehwah ʾel־yeshaʿeyahu leʾmor׃

⁵ הָלֹ֞וךְ וְאָמַרְתָּ֣ אֶל־חִזְקִיָּ֗הוּ כֹּֽה־אָמַ֤ר יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֙עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ הִנְנִי֙ יֹוסִ֣ף עַל־יָמֶ֔יךָ חֲמֵ֥שׁ עֶשְׂרֵ֖ה שָׁנָֽה׃ halowkhe weʾamareta ʾel־ḥizeqiyahu koh־ʾamar yehwah ʾelohey dawid ʾaviykha shamaʿetiy ʾet־tefilatekha raʾiytiy ʾet־dimeʿatekha hineniy yowsif ʿal־yameykha ḥamesh ʿesereh shanah׃

⁶ וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔ וְאֵ֖ת הָעִ֣יר הַזֹּ֑את וְגַנֹּותִ֖י עַל־הָעִ֥יר הַזֹּֽאת׃ umikaf melekhe־ʾashur ʾatsiylekha weʾet haʿiyr hazoʾt weganowtiy ʿal־haʿiyr hazoʾt׃

⁷ וְזֶה־לְּךָ֥ הָאֹ֖ות מֵאֵ֣ת יְהוָ֑ה אֲשֶׁר֙ יַעֲשֶׂ֣ה יְהוָ֔ה אֶת־הַדָּבָ֥ר הַזֶּ֖ה אֲשֶׁ֥ר דִּבֵּֽר׃ wezeh־lekha haʾowt meʾet yehwah ʾasher yaʿaseh yehwah ʾet־hadavar hazeh ʾasher diber׃

⁸ הִנְנִ֣י מֵשִׁ֣יב אֶת־צֵ֣ל הַֽמַּעֲלֹ֡ות אֲשֶׁ֣ר יָרְדָה֩ בְמַעֲלֹ֨ות אָחָ֥ז בַּשֶּׁ֛מֶשׁ אֲחֹרַנִּ֖ית עֶ֣שֶׂר מַעֲלֹ֑ות וַתָּ֤שָׁב הַשֶּׁ֙מֶשׁ֙ עֶ֣שֶׂר מַעֲלֹ֔ות בַּֽמַּעֲלֹ֖ות אֲשֶׁ֥ר יָרָֽדָה׃ ס hineniy meshiyv ʾet־tsel hamaʿalowt ʾasher yaredah vemaʿalowt ʾaḥaz bashemesh ʾaḥoraniyt ʿeser maʿalowt watashav hashemesh ʿeser maʿalowt bamaʿalowt ʾasher yaradah׃ s

⁹ מִכְתָּ֖ב לְחִזְקִיָּ֣הוּ מֶֽלֶךְ־יְהוּדָ֑ה בַּחֲלֹתֹ֕ו וַיְחִ֖י מֵחָלְיֹֽו׃ mikhetav leḥizeqiyahu melekhe־yehudah baḥalotow wayeḥiy meḥaleyow׃

¹⁰ אֲנִ֣י אָמַ֗רְתִּי בִּדְמִ֥י יָמַ֛י אֵלֵ֖כָה בְּשַׁעֲרֵ֣י שְׁאֹ֑ול פֻּקַּ֖דְתִּי יֶ֥תֶר שְׁנֹותָֽי׃ ʾaniy ʾamaretiy bidemiy yamay ʾelekhah beshaʿarey sheʾowl puqadetiy yeter shenowtay׃

¹¹ אָמַ֙רְתִּי֙ לֹא־אֶרְאֶ֣ה יָ֔הּ יָ֖הּ בְּאֶ֣רֶץ הַחַיִּ֑ים לֹא־אַבִּ֥יט אָדָ֛ם עֹ֖וד עִם־יֹ֥ושְׁבֵי חָֽדֶל׃ ʾamaretiy loʾ־ʾereʾeh yah yah beʾerets haḥayiym loʾ־ʾabiyṭ ʾadam ʿowd ʿim־yowshevey ḥadel׃

¹² דֹּורִ֗י נִסַּ֧ע וְנִגְלָ֛ה מִנִּ֖י כְּאֹ֣הֶל רֹעִ֑י קִפַּ֨דְתִּי כָאֹרֵ֤ג חַיַּי֙ מִדַּלָּ֣ה יְבַצְּעֵ֔נִי מִיֹּ֥ום עַד־לַ֖יְלָה תַּשְׁלִימֵֽנִי׃ dowriy nisaʿ wenigelah miniy keʾohel roʿiy qipadetiy khaʾoreg ḥayay midalah yevatseʿeniy miyowm ʿad־layelah tasheliymeniy׃

¹³ שִׁוִּ֤יתִי עַד־בֹּ֙קֶר֙ כָּֽאֲרִ֔י כֵּ֥ן יְשַׁבֵּ֖ר כָּל־עַצְמֹותָ֑י מִיֹּ֥ום עַד־לַ֖יְלָה תַּשְׁלִימֵֽנִי׃ shiuiytiy ʿad־boqer kaʾariy ken yeshaber kal־ʿatsemowtay miyowm ʿad־layelah tasheliymeniy׃

¹⁴ כְּס֤וּס עָגוּר֙ כֵּ֣ן אֲצַפְצֵ֔ף אֶהְגֶּ֖ה כַּיֹּונָ֑ה דַּלּ֤וּ עֵינַי֙ לַמָּרֹ֔ום אֲדֹנָ֖י עָֽשְׁקָה־לִּ֥י עָרְבֵֽנִי׃ kesus ʿagur ken ʾatsafetsef ʾehegeh kayownah dalu ʿeynay lamarowm ʾadonay ʿasheqah־liy ʿareveniy׃

¹⁵ מָֽה־אֲדַבֵּ֥ר וְאָֽמַר־לִ֖י וְה֣וּא עָשָׂ֑ה אֶדַּדֶּ֥ה כָל־שְׁנֹותַ֖י עַל־מַ֥ר נַפְשִֽׁי׃ mah־ʾadaber weʾamar־liy wehuʾ ʿasah ʾedadeh khal־shenowtay ʿal־mar nafeshiy׃

¹⁶ אֲדֹנָ֖י עֲלֵיהֶ֣ם יִֽחְי֑וּ וּלְכָל־בָּהֶן֙ חַיֵּ֣י רוּחִ֔י וְתַחֲלִימֵ֖נִי וְהַחֲיֵֽנִי׃ ʾadonay ʿaleyhem yiḥeyu ulekhal־bahen ḥayey ruḥiy wetaḥaliymeniy wehaḥayeniy׃

¹⁷ הִנֵּ֥ה לְשָׁלֹ֖ום מַר־לִ֣י מָ֑ר וְאַתָּ֞ה חָשַׁ֤קְתָּ נַפְשִׁי֙ מִשַּׁ֣חַת בְּלִ֔י כִּ֥י הִשְׁלַ֛כְתָּ אַחֲרֵ֥י גֵוְךָ֖ כָּל־חֲטָאָֽי׃ hineh leshalowm mar־liy mar weʾatah ḥashaqeta nafeshiy mishaḥat beliy kiy hishelakheta ʾaḥarey gewekha kal־ḥaṭaʾay׃

¹⁸ כִּ֣י לֹ֥א שְׁאֹ֛ול תֹּודֶ֖ךָּ מָ֣וֶת יְהַלְלֶ֑ךָּ לֹֽא־יְשַׂבְּר֥וּ יֹֽורְדֵי־בֹ֖ור אֶל־אֲמִתֶּֽךָ׃ kiy loʾ sheʾowl towdeka mawet yehaleleka loʾ־yesaberu yowredey־vowr ʾel־ʾamitekha׃

¹⁹ חַ֥י חַ֛י ה֥וּא יֹודֶ֖ךָ כָּמֹ֣ונִי הַיֹּ֑ום אָ֣ב לְבָנִ֔ים יֹודִ֖יעַ אֶל־אֲמִתֶּֽךָ׃ ḥay ḥay huʾ yowdekha kamowniy hayowm ʾav levaniym yowdiyʿa ʾel־ʾamitekha׃

²⁰ יְהוָ֖ה לְהֹושִׁיעֵ֑נִי וּנְגִנֹותַ֧י נְנַגֵּ֛ן כָּל־יְמֵ֥י חַיֵּ֖ינוּ עַל־בֵּ֥ית יְהוָֽה׃ yehwah lehowshiyʿeniy uneginowtay nenagen kal־yemey ḥayeynu ʿal־beyt yehwah׃

²¹ וַיֹּ֣אמֶר יְשַׁעְיָ֔הוּ יִשְׂא֖וּ דְּבֶ֣לֶת תְּאֵנִ֑ים וְיִמְרְח֥וּ עַֽל־הַשְּׁחִ֖ין וְיֶֽחִי׃ wayoʾmer yeshaʿeyahu yiseʾu develet teʾeniym weyimereḥu ʿal־hasheḥiyn weyeḥiy׃

²² וַיֹּ֥אמֶר חִזְקִיָּ֖הוּ מָ֣ה אֹ֑ות כִּ֥י אֶעֱלֶ֖ה בֵּ֥ית יְהוָֽה׃ ס wayoʾmer ḥizeqiyahu mah ʾowt kiy ʾeʿeleh beyt yehwah׃ s