Psaumes 55

¹ לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃ lamenatseaḥ binegiynot masekiyl ledawid׃

² הַאֲזִ֣ינָה אֱ֭לֹהִים תְּפִלָּתִ֑י וְאַל־תִּ֝תְעַלַּ֗ם מִתְּחִנָּתִֽי׃ haʾaziynah ʾelohiym tefilatiy weʾal־titeʿalam miteḥinatiy׃

³ הַקְשִׁ֣יבָה לִּ֣י וַעֲנֵ֑נִי אָרִ֖יד בְּשִׂיחִ֣י וְאָהִֽימָה׃ haqeshiyvah liy waʿaneniy ʾariyd besiyḥiy weʾahiymah׃

⁴ מִקֹּ֤ול אֹויֵ֗ב מִפְּנֵ֣י עָקַ֣ת רָשָׁ֑ע כִּי־יָמִ֥יטוּ עָלַ֥י אָ֝֗וֶן וּבְאַ֥ף יִשְׂטְמֽוּנִי׃ miqowl ʾowyev mipeney ʿaqat rashaʿ kiy־yamiyṭu ʿalay ʾawen uveʾaf yiseṭemuniy׃

⁵ לִ֭בִּי יָחִ֣יל בְּקִרְבִּ֑י וְאֵימֹ֥ות מָ֝֗וֶת נָפְל֥וּ עָלָֽי׃ libiy yaḥiyl beqirebiy weʾeymowt mawet nafelu ʿalay׃

⁶ יִרְאָ֣ה וָ֭רַעַד יָ֣בֹא בִ֑י וַ֝תְּכַסֵּ֗נִי פַּלָּצֽוּת׃ yireʾah waraʿad yavoʾ viy watekhaseniy palatsut׃

⁷ וָאֹמַ֗ר מִֽי־יִתֶּן־לִּ֣י אֵ֭בֶר כַּיֹּונָ֗ה אָע֥וּפָה וְאֶשְׁכֹּֽנָה׃ waʾomar miy־yiten־liy ʾever kayownah ʾaʿufah weʾeshekonah׃

⁸ הִ֭נֵּה אַרְחִ֣יק נְדֹ֑ד אָלִ֖ין בַּמִּדְבָּ֣ר סֶֽלָה׃ hineh ʾareḥiyq nedod ʾaliyn bamidebar selah׃

⁹ אָחִ֣ישָׁה מִפְלָ֣ט לִ֑י מֵר֖וּחַ סֹעָ֣ה מִסָּֽעַר׃ ʾaḥiyshah mifelaṭ liy meruaḥ soʿah misaʿar׃

¹⁰ בַּלַּ֣ע אֲ֭דֹנָי פַּלַּ֣ג לְשֹׁונָ֑ם כִּֽי־רָאִ֨יתִי חָמָ֖ס וְרִ֣יב בָּעִֽיר׃ balaʿ ʾadonay palag leshownam kiy־raʾiytiy ḥamas weriyv baʿiyr׃

¹¹ יֹומָ֤ם וָלַ֗יְלָה יְסֹובְבֻ֥הָ עַל־חֹומֹתֶ֑יהָ וְאָ֖וֶן וְעָמָ֣ל בְּקִרְבָּֽהּ׃ yowmam walayelah yesowvevuah ʿal־ḥowmoteyha weʾawen weʿamal beqirebah׃

¹² הַוֹּ֥ות בְּקִרְבָּ֑הּ וְֽלֹא־יָמִ֥ישׁ מֵ֝רְחֹבָ֗הּ תֹּ֣ךְ וּמִרְמָֽה׃ haowt beqirebah weloʾ־yamiysh mereḥovah tokhe umiremah׃

¹³ כִּ֤י לֹֽא־אֹויֵ֥ב יְחָֽרְפֵ֗נִי וְאֶ֫שָּׂ֥א לֹֽא־מְ֭שַׂנְאִי עָלַ֣י הִגְדִּ֑יל וְאֶסָּתֵ֥ר מִמֶּֽנּוּ׃ kiy loʾ־ʾowyev yeḥarefeniy weʾesaʾ loʾ־mesaneʾiy ʿalay higediyl weʾesater mimenu׃

¹⁴ וְאַתָּ֣ה אֱנֹ֣ושׁ כְּעֶרְכִּ֑י אַ֝לּוּפִ֗י וּמְיֻדָּֽעִי׃ weʾatah ʾenowsh keʿerekiy ʾalufiy umeyudaʿiy׃

¹⁵ אֲשֶׁ֣ר יַ֭חְדָּו נַמְתִּ֣יק סֹ֑וד בְּבֵ֥ית אֱ֝לֹהִ֗ים נְהַלֵּ֥ךְ בְּרָֽגֶשׁ׃ ʾasher yaḥedaw nametiyq sowd beveyt ʾelohiym nehalekhe beragesh׃

¹⁶ [יַשִּׁימָוֶת כ] (יַשִּׁ֤י ק) (מָ֨וֶת ׀ ק) עָלֵ֗ימֹו יֵרְד֣וּ שְׁאֹ֣ול חַיִּ֑ים כִּֽי־רָעֹ֖ות בִּמְגוּרָ֣ם בְּקִרְבָּֽם׃ [yashiymawet kh] (yashiy q) (mawet ׀ q) ʿaleymow yeredu sheʾowl ḥayiym kiy־raʿowt bimeguram beqirebam׃

¹⁷ אֲ֭נִי אֶל־אֱלֹהִ֣ים אֶקְרָ֑א וַ֝יהוָ֗ה יֹושִׁיעֵֽנִי׃ ʾaniy ʾel־ʾelohiym ʾeqeraʾ wayhwah yowshiyʿeniy׃

¹⁸ עֶ֤רֶב וָבֹ֣קֶר וְ֭צָהֳרַיִם אָשִׂ֣יחָה וְאֶהֱמֶ֑ה וַיִּשְׁמַ֥ע קֹולִֽי׃ ʿerev wavoqer wetsahorayim ʾasiyḥah weʾehemeh wayishemaʿ qowliy׃

¹⁹ פָּ֘דָ֤ה בְשָׁלֹ֣ום נַ֭פְשִׁי מִקֲּרָב־לִ֑י כִּֽי־בְ֝רַבִּ֗ים הָי֥וּ עִמָּדִֽי׃ padah veshalowm nafeshiy miqarav־liy kiy־verabiym hayu ʿimadiy׃

²⁰ יִשְׁמַ֤ע ׀ אֵ֨ל ׀ וְֽיַעֲנֵם֮ וְיֹ֤שֵׁ֥ב קֶ֗דֶם סֶ֥לָה אֲשֶׁ֤ר אֵ֣ין חֲלִיפֹ֣ות לָ֑מֹו וְלֹ֖א יָרְא֣וּ אֱלֹהִֽים׃ yishemaʿ ׀ ʾel ׀ weyaʿanem weyoshev qedem selah ʾasher ʾeyn ḥaliyfowt lamow weloʾ yareʾu ʾelohiym׃

²¹ שָׁלַ֣ח יָ֭דָיו בִּשְׁלֹמָ֗יו חִלֵּ֥ל בְּרִיתֹֽו׃ shalaḥ yadayw bishelomayw ḥilel beriytow׃

²² חָלְק֤וּ ׀ מַחְמָאֹ֣ת פִּיו֮ וּֽקֲרָב־לִ֫בֹּ֥ו רַכּ֖וּ דְבָרָ֥יו מִשֶּׁ֗מֶן וְהֵ֣מָּה פְתִחֹֽות׃ ḥalequ ׀ maḥemaʾot piyw uqarav־libow raku devarayw mishemen wehemah fetiḥowt׃

²³ הַשְׁלֵ֤ךְ עַל־יְהוָ֨ה ׀ יְהָבְךָ֮ וְה֪וּא יְכַ֫לְכְּלֶ֥ךָ לֹא־יִתֵּ֖ן לְעֹולָ֥ם מֹ֗וט לַצַּדִּֽיק׃ hashelekhe ʿal־yehwah ׀ yehavekha wehuʾ yekhalekelekha loʾ־yiten leʿowlam mowṭ latsadiyq׃

²⁴ וְאַתָּ֤ה אֱלֹהִ֨ים ׀ תֹּורִדֵ֬ם ׀ לִבְאֵ֬ר שַׁ֗חַת אַנְשֵׁ֤י דָמִ֣ים וּ֭מִרְמָה לֹא־יֶחֱצ֣וּ יְמֵיהֶ֑ם וַ֝אֲנִ֗י אֶבְטַח־בָּֽךְ׃ weʾatah ʾelohiym ׀ towridem ׀ liveʾer shaḥat ʾaneshey damiym umiremah loʾ־yeḥetsu yemeyhem waʾaniy ʾeveṭaḥ־bakhe׃