Daniel 4

¹ אֲנָ֣ה נְבוּכַדְנֶצַּ֗ר שְׁלֵ֤ה הֲוֵית֙ בְּבֵיתִ֔י וְרַעְנַ֖ן בְּהֵיכְלִֽי׃ ʾanah nevukhadenetsar sheleh haweyt beveytiy weraʿenan beheykheliy׃

² חֵ֥לֶם חֲזֵ֖ית וִֽידַחֲלִנַּ֑נִי וְהַרְהֹרִין֙ עַֽל־מִשְׁכְּבִ֔י וְחֶזְוֵ֥י רֵאשִׁ֖י יְבַהֲלֻנַּֽנִי׃ ḥelem ḥazeyt wiydaḥalinaniy weharehoriyn ʿal־mishekeviy weḥezewey reʾshiy yevahalunaniy׃

³ וּמִנִּי֙ שִׂ֣ים טְעֵ֔ם לְהַנְעָלָ֣ה קָֽדָמַ֔י לְכֹ֖ל חַכִּימֵ֣י בָבֶ֑ל דִּֽי־פְשַׁ֥ר חֶלְמָ֖א יְהֹֽודְעֻנַּֽנִי׃ uminiy siym ṭeʿem lehaneʿalah qadamay lekhol ḥakiymey vavel diy־feshar ḥelemaʾ yehowdeʿunaniy׃

⁴ בֵּאדַ֣יִן [עָלֲלִין כ] (עָלִּ֗ין ק) חַרְטֻמַיָּא֙ אָֽשְׁפַיָּ֔א [כַּשְׂדָּיֵא כ] (כַּשְׂדָּאֵ֖י ק) וְגָזְרַיָּ֑א וְחֶלְמָ֗א אָמַ֤ר אֲנָה֙ קֳדָ֣מֵיהֹ֔ון וּפִשְׁרֵ֖הּ לָא־מְהֹודְעִ֥ין לִֽי׃ beʾdayin [ʿalaliyn kh] (ʿaliyn q) ḥareṭumayaʾ ʾashefayaʾ [kasedayeʾ kh] (kasedaʾey q) wegazerayaʾ weḥelemaʾ ʾamar ʾanah qodameyhown ufishereh laʾ־mehowdeʿiyn liy׃

⁵ וְעַ֣ד אָחֳרֵ֡ין עַל֩ קָֽדָמַ֨י דָּנִיֵּ֜אל דִּֽי־שְׁמֵ֤הּ בֵּלְטְשַׁאצַּר֙ כְּשֻׁ֣ם אֱלָהִ֔י וְדִ֛י רֽוּחַ־אֱלָהִ֥ין קַדִּישִׁ֖ין בֵּ֑הּ וְחֶלְמָ֖א קָֽדָמֹ֥והִי אַמְרֵֽת׃ weʿad ʾaḥoreyn ʿal qadamay daniyeʾl diy־shemeh beleṭeshaʾtsar keshum ʾelahiy wediy ruaḥ־ʾelahiyn qadiyshiyn beh weḥelemaʾ qadamowhiy ʾameret׃

⁶ בֵּלְטְשַׁאצַּר֮ רַ֣ב חַרְטֻמַיָּא֒ דִּ֣י ׀ אֲנָ֣ה יִדְעֵ֗ת דִּ֠י ר֣וּחַ אֱלָהִ֤ין קַדִּישִׁין֙ בָּ֔ךְ וְכָל־רָ֖ז לָא־אָנֵ֣ס לָ֑ךְ חֶזְוֵ֨י חֶלְמִ֧י דִֽי־חֲזֵ֛ית וּפִשְׁרֵ֖הּ אֱמַֽר׃ beleṭeshaʾtsar rav ḥareṭumayaʾ diy ׀ ʾanah yideʿet diy ruaḥ ʾelahiyn qadiyshiyn bakhe wekhal־raz laʾ־ʾanes lakhe ḥezewey ḥelemiy diy־ḥazeyt ufishereh ʾemar׃

⁷ וְחֶזְוֵ֥י רֵאשִׁ֖י עַֽל־מִשְׁכְּבִ֑י חָזֵ֣ה הֲוֵ֔ית וַאֲל֥וּ אִילָ֛ן בְּגֹ֥וא אַרְעָ֖א וְרוּמֵ֥הּ שַׂגִּֽיא׃ weḥezewey reʾshiy ʿal־mishekeviy ḥazeh haweyt waʾalu ʾiylan begowʾ ʾareʿaʾ werumeh sagiyʾ׃

⁸ רְבָ֥ה אִֽילָנָ֖א וּתְקִ֑ף וְרוּמֵהּ֙ יִמְטֵ֣א לִשְׁמַיָּ֔א וַחֲזֹותֵ֖הּ לְסֹ֥וף כָּל־אַרְעָֽא׃ revah ʾiylanaʾ uteqif werumeh yimeṭeʾ lishemayaʾ waḥazowteh lesowf kal־ʾareʿaʾ׃

⁹ עָפְיֵ֤הּ שַׁפִּיר֙ וְאִנְבֵּ֣הּ שַׂגִּ֔יא וּמָזֹ֨ון לְכֹ֖לָּא־בֵ֑הּ תְּחֹתֹ֜והִי תַּטְלֵ֣ל ׀ חֵיוַ֣ת בָּרָ֗א וּבְעַנְפֹ֙והִי֙ [יְדֻרוּן כ] (יְדוּרָן֙ ק) צִפֲּרֵ֣י שְׁמַיָּ֔א וּמִנֵּ֖הּ יִתְּזִ֥ין כָּל־בִּשְׂרָֽא׃ ʿafeyeh shapiyr weʾinebeh sagiyʾ umazown lekholaʾ־veh teḥotowhiy taṭelel ׀ ḥeywat baraʾ uveʿanefowhiy [yedurun kh] (yeduran q) tsiparey shemayaʾ umineh yiteziyn kal־biseraʾ׃

¹⁰ חָזֵ֥ה הֲוֵ֛ית בְּחֶזְוֵ֥י רֵאשִׁ֖י עַֽל־מִשְׁכְּבִ֑י וַאֲלוּ֙ עִ֣יר וְקַדִּ֔ישׁ מִן־שְׁמַיָּ֖א נָחִֽת׃ ḥazeh haweyt beḥezewey reʾshiy ʿal־mishekeviy waʾalu ʿiyr weqadiysh min־shemayaʾ naḥit׃

¹¹ קָרֵ֨א בְחַ֜יִל וְכֵ֣ן אָמַ֗ר גֹּ֤דּוּ אִֽילָנָא֙ וְקַצִּ֣צוּ עַנְפֹ֔והִי אַתַּ֥רוּ עָפְיֵ֖הּ וּבַדַּ֣רוּ אִנְבֵּ֑הּ תְּנֻ֤ד חֵֽיוְתָא֙ מִן־תַּחְתֹּ֔והִי וְצִפְּרַיָּ֖א מִן־עַנְפֹֽוהִי׃ qareʾ veḥayil wekhen ʾamar godu ʾiylanaʾ weqatsitsu ʿanefowhiy ʾataru ʿafeyeh uvadaru ʾinebeh tenud ḥeywetaʾ min־taḥetowhiy wetsiperayaʾ min־ʿanefowhiy׃

¹² בְּרַ֨ם עִקַּ֤ר שָׁרְשֹׁ֙והִי֙ בְּאַרְעָ֣א שְׁבֻ֔קוּ וּבֶֽאֱסוּר֙ דִּֽי־פַרְזֶ֣ל וּנְחָ֔שׁ בְּדִתְאָ֖א דִּ֣י בָרָ֑א וּבְטַ֤ל שְׁמַיָּא֙ יִצְטַבַּ֔ע וְעִם־חֵיוְתָ֥א חֲלָקֵ֖הּ בַּעֲשַׂ֥ב אַרְעָֽא׃ beram ʿiqar shareshowhiy beʾareʿaʾ shevuqu uveʾesur diy־farezel uneḥash bediteʾaʾ diy varaʾ uveṭal shemayaʾ yitseṭabaʿ weʿim־ḥeywetaʾ ḥalaqeh baʿasav ʾareʿaʾ׃

¹³ לִבְבֵהּ֙ מִן־ [אֱנֹושָׁא כ] (אֲנָשָׁ֣א ק) יְשַׁנֹּ֔ון וּלְבַ֥ב חֵיוָ֖ה יִתְיְהִ֣ב לֵ֑הּ וְשִׁבְעָ֥ה עִדָּנִ֖ין יַחְלְפ֥וּן עֲלֹֽוהִי׃ liveveh min־ [ʾenowshaʾ kh] (ʾanashaʾ q) yeshanown ulevav ḥeywah yiteyehiv leh weshiveʿah ʿidaniyn yaḥelefun ʿalowhiy׃

¹⁴ בִּגְזֵרַ֤ת עִירִין֙ פִּתְגָמָ֔א וּמֵאמַ֥ר קַדִּישִׁ֖ין שְׁאֵֽלְתָ֑א עַד־דִּבְרַ֡ת דִּ֣י יִנְדְּע֣וּן חַ֠יַּיָּא דִּֽי־שַׁלִּ֨יט [עִלָּיָא כ] (עִלָּאָ֜ה ק) בְּמַלְכ֣וּת [אֱנֹושָׁא כ] (אֲנָשָׁ֗א ק) וּלְמַן־דִּ֤י יִצְבֵּא֙ יִתְּנִנַּ֔הּ וּשְׁפַ֥ל אֲנָשִׁ֖ים יְקִ֥ים [עֲלַיַּהּ כ] (עֲלַֽהּ׃ ק) bigezerat ʿiyriyn pitegamaʾ umeʾmar qadiyshiyn sheʾeletaʾ ʿad־diverat diy yinedeʿun ḥayayaʾ diy־shaliyṭ [ʿilayaʾ kh] (ʿilaʾah q) bemalekhut [ʾenowshaʾ kh] (ʾanashaʾ q) uleman־diy yitsebeʾ yiteninah ushefal ʾanashiym yeqiym [ʿalayah kh] (ʿalah׃ q)

¹⁵ דְּנָה֙ חֶלְמָ֣א חֲזֵ֔ית אֲנָ֖ה מַלְכָּ֣א נְבוּכַדְנֶצַּ֑ר [וְאַנְתָּה כ] (וְאַ֨נְתְּ ק) בֵּלְטְשַׁאצַּ֜ר פִּשְׁרֵ֣א ׀ אֱמַ֗ר כָּל־קֳבֵל֙ דִּ֣י ׀ כָּל־חַכִּימֵ֣י מַלְכוּתִ֗י לָֽא־יָכְלִ֤ין פִּשְׁרָא֙ לְהֹודָ֣עֻתַ֔נִי [וְאַנְתָּה כ] (וְאַ֣נְתְּ ק) כָּהֵ֔ל דִּ֛י רֽוּחַ־אֱלָהִ֥ין קַדִּישִׁ֖ין בָּֽךְ׃ denah ḥelemaʾ ḥazeyt ʾanah malekaʾ nevukhadenetsar [weʾanetah kh] (weʾanete q) beleṭeshaʾtsar pishereʾ ׀ ʾemar kal־qovel diy ׀ kal־ḥakiymey malekhutiy laʾ־yakheliyn pisheraʾ lehowdaʿutaniy [weʾanetah kh] (weʾanete q) kahel diy ruaḥ־ʾelahiyn qadiyshiyn bakhe׃

¹⁶ אֱדַ֨יִן דָּֽנִיֵּ֜אל דִּֽי־שְׁמֵ֣הּ בֵּלְטְשַׁאצַּ֗ר אֶשְׁתֹּומַם֙ כְּשָׁעָ֣ה חֲדָ֔ה וְרַעְיֹנֹ֖הִי יְבַהֲלֻנֵּ֑הּ עָנֵ֨ה מַלְכָּ֜א וְאָמַ֗ר בֵּלְטְשַׁאצַּר֙ חֶלְמָ֤א וּפִשְׁרֵא֙ אַֽל־יְבַהֲלָ֔ךְ עָנֵ֤ה בֵלְטְשַׁאצַּר֙ וְאָמַ֔ר [מָרְאִי כ] (מָרִ֕י ק) חֶלְמָ֥א [לְשָׂנְאַיִךְ כ] (לְשָֽׂנְאָ֖ךְ ק) וּפִשְׁרֵ֥הּ [לְעָרַיִךְ כ] (לְעָרָֽךְ ׃ ק) ʾedayin daniyeʾl diy־shemeh beleṭeshaʾtsar ʾeshetowmam keshaʿah ḥadah weraʿeyonohiy yevahaluneh ʿaneh malekaʾ weʾamar beleṭeshaʾtsar ḥelemaʾ ufishereʾ ʾal־yevahalakhe ʿaneh veleṭeshaʾtsar weʾamar [mareʾiy kh] (mariy q) ḥelemaʾ [lesaneʾayikhe kh] (lesaneʾakhe q) ufishereh [leʿarayikhe kh] (leʿarakhe ׃ q)

¹⁷ אִֽילָנָא֙ דִּ֣י חֲזַ֔יְתָ דִּ֥י רְבָ֖ה וּתְקִ֑ף וְרוּמֵהּ֙ יִמְטֵ֣א לִשְׁמַיָּ֔א וַחֲזֹותֵ֖הּ לְכָל־אַרְעָֽא׃ ʾiylanaʾ diy ḥazayeta diy revah uteqif werumeh yimeṭeʾ lishemayaʾ waḥazowteh lekhal־ʾareʿaʾ׃

¹⁸ וְעָפְיֵ֤הּ שַׁפִּיר֙ וְאִנְבֵּ֣הּ שַׂגִּ֔יא וּמָזֹ֨ון לְכֹ֖לָּא־בֵ֑הּ תְּחֹתֹ֗והִי תְּדוּר֙ חֵיוַ֣ת בָּרָ֔א וּבְעַנְפֹ֕והִי יִשְׁכְּנָ֖ן צִפֲּרֵ֥י שְׁמַיָּֽא׃ weʿafeyeh shapiyr weʾinebeh sagiyʾ umazown lekholaʾ־veh teḥotowhiy tedur ḥeywat baraʾ uveʿanefowhiy yishekenan tsiparey shemayaʾ׃

¹⁹ [אַנְתָּה כ] (אַנְתְּ־ה֣וּא ק) מַלְכָּ֔א דִּ֥י רְבַ֖ית וּתְקֵ֑פְתְּ וּרְבוּתָ֤ךְ רְבָת֙ וּמְטָ֣ת לִשְׁמַיָּ֔א וְשָׁלְטָנָ֖ךְ לְסֹ֥וף אַרְעָֽא׃ [ʾanetah kh] (ʾanete־huʾ q) malekaʾ diy revayt uteqefete urevutakhe revat umeṭat lishemayaʾ weshaleṭanakhe lesowf ʾareʿaʾ׃

²⁰ וְדִ֣י חֲזָ֣ה מַלְכָּ֡א עִ֣יר וְקַדִּ֣ישׁ נָחִ֣ת ׀ מִן־שְׁמַיָּ֡א וְאָמַר֩ גֹּ֨דּוּ אִֽילָנָ֜א וְחַבְּל֗וּהִי בְּרַ֨ם עִקַּ֤ר שָׁרְשֹׁ֙והִי֙ בְּאַרְעָ֣א שְׁבֻ֔קוּ וּבֶאֱסוּר֙ דִּֽי־פַרְזֶ֣ל וּנְחָ֔שׁ בְּדִתְאָ֖א דִּ֣י בָרָ֑א וּבְטַ֧ל שְׁמַיָּ֣א יִצְטַבַּ֗ע וְעִם־חֵיוַ֤ת בָּרָא֙ חֲלָקֵ֔הּ עַ֛ד דִּֽי־שִׁבְעָ֥ה עִדָּנִ֖ין יַחְלְפ֥וּן עֲלֹֽוהִי׃ wediy ḥazah malekaʾ ʿiyr weqadiysh naḥit ׀ min־shemayaʾ weʾamar godu ʾiylanaʾ weḥabeluhiy beram ʿiqar shareshowhiy beʾareʿaʾ shevuqu uveʾesur diy־farezel uneḥash bediteʾaʾ diy varaʾ uveṭal shemayaʾ yitseṭabaʿ weʿim־ḥeywat baraʾ ḥalaqeh ʿad diy־shiveʿah ʿidaniyn yaḥelefun ʿalowhiy׃

²¹ דְּנָ֥ה פִשְׁרָ֖א מַלְכָּ֑א וּגְזֵרַ֤ת [עִלָּיָא כ] (עִלָּאָה֙ ק) הִ֔יא דִּ֥י מְטָ֖ת עַל־ [מַרְאִי כ] (מָרִ֥י ק) מַלְכָּֽא׃ denah fisheraʾ malekaʾ ugezerat [ʿilayaʾ kh] (ʿilaʾah q) hiyʾ diy meṭat ʿal־ [mareʾiy kh] (mariy q) malekaʾ׃

²² וְלָ֣ךְ טָֽרְדִ֣ין מִן־אֲנָשָׁ֡א וְעִם־חֵיוַ֣ת בָּרָא֩ לֶהֱוֵ֨ה מְדֹרָ֜ךְ וְעִשְׂבָּ֥א כְתֹורִ֣ין ׀ לָ֣ךְ יְטַֽעֲמ֗וּן וּמִטַּ֤ל שְׁמַיָּא֙ לָ֣ךְ מְצַבְּעִ֔ין וְשִׁבְעָ֥ה עִדָּנִ֖ין יַחְלְפ֣וּן [עֲלַיִךְ כ] (עֲלָ֑ךְ ק) עַ֣ד דִּֽי־תִנְדַּ֗ע דִּֽי־שַׁלִּ֤יט [עִלָּיָא כ] (עִלָּאָה֙ ק) בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖א יִתְּנִנַּֽהּ׃ welakhe ṭarediyn min־ʾanashaʾ weʿim־ḥeywat baraʾ leheweh medorakhe weʿisebaʾ khetowriyn ׀ lakhe yeṭaʿamun umiṭal shemayaʾ lakhe metsabeʿiyn weshiveʿah ʿidaniyn yaḥelefun [ʿalayikhe kh] (ʿalakhe q) ʿad diy־tinedaʿ diy־shaliyṭ [ʿilayaʾ kh] (ʿilaʾah q) bemalekhut ʾanashaʾ uleman־diy yitsebeʾ yiteninah׃

²³ וְדִ֣י אֲמַ֗רוּ לְמִשְׁבַּ֞ק עִקַּ֤ר שָׁרְשֹׁ֙והִי֙ דִּ֣י אִֽילָנָ֔א מַלְכוּתָ֖ךְ לָ֣ךְ קַיָּמָ֑ה מִן־דִּ֣י תִנְדַּ֔ע דִּ֥י שַׁלִּטִ֖ן שְׁמַיָּֽא׃ wediy ʾamaru lemishebaq ʿiqar shareshowhiy diy ʾiylanaʾ malekhutakhe lakhe qayamah min־diy tinedaʿ diy shaliṭin shemayaʾ׃

²⁴ לָהֵ֣ן מַלְכָּ֗א מִלְכִּי֙ יִשְׁפַּ֣ר [עֲלַיִךְ כ] (עֲלָ֔ךְ ק) [וַחֲטָיָךְ כ] (וַחֲטָאָךְ֙ ק) בְּצִדְקָ֣ה פְרֻ֔ק וַעֲוָיָתָ֖ךְ בְּמִחַ֣ן עֲנָ֑יִן הֵ֛ן תֶּהֱוֵ֥א אַרְכָ֖ה לִשְׁלֵוְתָֽךְ׃ lahen malekaʾ milekiy yishepar [ʿalayikhe kh] (ʿalakhe q) [waḥaṭayakhe kh] (waḥaṭaʾakhe q) betsideqah feruq waʿawayatakhe bemiḥan ʿanayin hen teheweʾ ʾarekhah lishelewetakhe׃

²⁵ כֹּ֣לָּא מְּטָ֔א עַל־נְבוּכַדְנֶצַּ֖ר מַלְכָּֽא׃ פ kolaʾ meṭaʾ ʿal־nevukhadenetsar malekaʾ׃ f

²⁶ לִקְצָ֥ת יַרְחִ֖ין תְּרֵֽי־עֲשַׂ֑ר עַל־הֵיכַ֧ל מַלְכוּתָ֛א דִּ֥י בָבֶ֖ל מְהַלֵּ֥ךְ הֲוָֽה׃ liqetsat yareḥiyn terey־ʿasar ʿal־heykhal malekhutaʾ diy vavel mehalekhe hawah׃

²⁷ עָנֵ֤ה מַלְכָּא֙ וְאָמַ֔ר הֲלָ֥א דָא־הִ֖יא בָּבֶ֣ל רַבְּתָ֑א דִּֽי־אֲנָ֤ה בֱנַיְתַהּ֙ לְבֵ֣ית מַלְכ֔וּ בִּתְקַ֥ף חִסְנִ֖י וְלִיקָ֥ר הַדְרִֽי׃ ʿaneh malekaʾ weʾamar halaʾ daʾ־hiyʾ bavel rabetaʾ diy־ʾanah venayetah leveyt malekhu biteqaf ḥiseniy weliyqar haderiy׃

²⁸ עֹ֗וד מִלְּתָא֙ בְּפֻ֣ם מַלְכָּ֔א קָ֖ל מִן־שְׁמַיָּ֣א נְפַ֑ל לָ֤ךְ אָֽמְרִין֙ נְבוּכַדְנֶצַּ֣ר מַלְכָּ֔א מַלְכוּתָ֖ה עֲדָ֥ת מִנָּֽךְ׃ ʿowd miletaʾ befum malekaʾ qal min־shemayaʾ nefal lakhe ʾameriyn nevukhadenetsar malekaʾ malekhutah ʿadat minakhe׃

²⁹ וּמִן־אֲנָשָׁא֩ לָ֨ךְ טָֽרְדִ֜ין וְֽעִם־חֵיוַ֧ת בָּרָ֣א מְדֹרָ֗ךְ עִשְׂבָּ֤א כְתֹורִין֙ לָ֣ךְ יְטַעֲמ֔וּן וְשִׁבְעָ֥ה עִדָּנִ֖ין יַחְלְפ֣וּן [עֲלַיִךְ כ] (עֲלָ֑ךְ ק) עַ֣ד דִּֽי־תִנְדַּ֗ע דִּֽי־שַׁלִּ֤יט [עִלָּיָא כ] (עִלָּאָה֙ ק) בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖א יִתְּנִנַּֽהּ׃ umin־ʾanashaʾ lakhe ṭarediyn weʿim־ḥeywat baraʾ medorakhe ʿisebaʾ khetowriyn lakhe yeṭaʿamun weshiveʿah ʿidaniyn yaḥelefun [ʿalayikhe kh] (ʿalakhe q) ʿad diy־tinedaʿ diy־shaliyṭ [ʿilayaʾ kh] (ʿilaʾah q) bemalekhut ʾanashaʾ uleman־diy yitsebeʾ yiteninah׃

³⁰ בַּהּ־שַׁעֲתָ֗א מִלְּתָא֮ סָ֣פַת עַל־נְבוּכַדְנֶצַּר֒ וּמִן־אֲנָשָׁ֣א טְרִ֔יד וְעִשְׂבָּ֤א כְתֹורִין֙ יֵאכֻ֔ל וּמִטַּ֥ל שְׁמַיָּ֖א גִּשְׁמֵ֣הּ יִצְטַבַּ֑ע עַ֣ד דִּ֥י שַׂעְרֵ֛הּ כְּנִשְׁרִ֥ין רְבָ֖ה וְטִפְרֹ֥והִי כְצִפְּרִֽין׃ bah־shaʿataʾ miletaʾ safat ʿal־nevukhadenetsar umin־ʾanashaʾ ṭeriyd weʿisebaʾ khetowriyn yeʾkhul umiṭal shemayaʾ gishemeh yitseṭabaʿ ʿad diy saʿereh kenisheriyn revah weṭiferowhiy khetsiperiyn׃

³¹ וְלִקְצָ֣ת יֹֽומַיָּה֩ אֲנָ֨ה נְבוּכַדְנֶצַּ֜ר עַיְנַ֣י ׀ לִשְׁמַיָּ֣א נִטְלֵ֗ת וּמַנְדְּעִי֙ עֲלַ֣י יְת֔וּב [וּלְעִלָּיָא כ] (וּלְעִלָּאָה֙ ק) בָּרְכֵ֔ת וּלְחַ֥י עָלְמָ֖א שַׁבְּחֵ֣ת וְהַדְּרֵ֑ת דִּ֤י שָׁלְטָנֵהּ֙ שָׁלְטָ֣ן עָלַ֔ם וּמַלְכוּתֵ֖הּ עִם־דָּ֥ר וְדָֽר׃ weliqetsat yowmayah ʾanah nevukhadenetsar ʿayenay ׀ lishemayaʾ niṭelet umanedeʿiy ʿalay yetuv [uleʿilayaʾ kh] (uleʿilaʾah q) barekhet uleḥay ʿalemaʾ shabeḥet wehaderet diy shaleṭaneh shaleṭan ʿalam umalekhuteh ʿim־dar wedar׃

³² וְכָל־ [דָּאֲרֵי כ] (דָּיְרֵ֤י ק) אַרְעָא֙ כְּלָ֣ה חֲשִׁיבִ֔ין וּֽכְמִצְבְּיֵ֗הּ עָבֵד֙ בְּחֵ֣יל שְׁמַיָּ֔א [וְדָאֲרֵי כ] (וְדָיְרֵ֖י ק) אַרְעָ֑א וְלָ֤א אִיתַי֙ דִּֽי־יְמַחֵ֣א בִידֵ֔הּ וְיֵ֥אמַר לֵ֖הּ מָ֥ה עֲבַֽדְתְּ׃ wekhal־ [daʾarey kh] (dayerey q) ʾareʿaʾ kelah ḥashiyviyn ukhemitsebeyeh ʿaved beḥeyl shemayaʾ [wedaʾarey kh] (wedayerey q) ʾareʿaʾ welaʾ ʾiytay diy־yemaḥeʾ viydeh weyeʾmar leh mah ʿavadete׃

³³ בֵּהּ־זִמְנָ֞א מַנְדְּעִ֣י ׀ יְת֣וּב עֲלַ֗י וְלִיקַ֨ר מַלְכוּתִ֜י הַדְרִ֤י וְזִוִי֙ יְת֣וּב עֲלַ֔י וְלִ֕י הַדָּֽבְרַ֥י וְרַבְרְבָנַ֖י יְבַעֹ֑ון וְעַל־מַלְכוּתִ֣י הָתְקְנַ֔ת וּרְב֥וּ יַתִּירָ֖ה ה֥וּסְפַת לִֽי׃ beh־zimenaʾ manedeʿiy ׀ yetuv ʿalay weliyqar malekhutiy haderiy weziwiy yetuv ʿalay weliy hadaveray weraverevanay yevaʿown weʿal־malekhutiy hateqenat urevu yatiyrah husefat liy׃

³⁴ כְּעַ֞ן אֲנָ֣ה נְבוּכַדְנֶצַּ֗ר מְשַׁבַּ֨ח וּמְרֹומֵ֤ם וּמְהַדַּר֙ לְמֶ֣לֶךְ שְׁמַיָּ֔א דִּ֤י כָל־מַעֲבָדֹ֙והִי֙ קְשֹׁ֔ט וְאֹרְחָתֵ֖הּ דִּ֑ין וְדִי֙ מַהְלְכִ֣ין בְּגֵוָ֔ה יָכִ֖ל לְהַשְׁפָּלָֽה׃ פ keʿan ʾanah nevukhadenetsar meshabaḥ umerowmem umehadar lemelekhe shemayaʾ diy khal־maʿavadowhiy qeshoṭ weʾoreḥateh diyn wediy mahelekhiyn begewah yakhil lehashepalah׃ f