1 הִרְאַנִי֮ יְהוָה֒ וְהִנֵּ֗ה שְׁנֵי֙ דּוּדָאֵ֣י תְאֵנִ֔ים מוּעָדִ֕ים לִפְנֵ֖י הֵיכַ֣ל יְהוָ֑ה אַחֲרֵ֣י הַגְלֹ֣ות נְבוּכַדְרֶאצַּ֣ר מֶֽלֶךְ־בָּבֶ֡ל אֶת־יְכָנְיָ֣הוּ בֶן־יְהֹויָקִ֣ים מֶֽלֶךְ־יְהוּדָה֩ וְאֶת־שָׂרֵ֨י יְהוּדָ֜ה וְאֶת־הֶחָרָ֤שׁ וְאֶת־הַמַּסְגֵּר֙ מִיר֣וּשָׁלִַ֔ם וַיְבִאֵ֖ם בָּבֶֽל׃ hireʾaniy yehwah wehineh sheney dudaʾey teʾeniym muʿadiym lifeney heykhal yehwah ʾaḥarey hagelowt nevukhadereʾtsar melekhe־bavel ʾet־yekhaneyahu ven־yehowyaqiym melekhe־yehudah weʾet־sarey yehudah weʾet־heḥarash weʾet־hamaseger miyrushalim wayeviʾem bavel׃
2 הַדּ֣וּד אֶחָ֗ד תְּאֵנִים֙ טֹבֹ֣ות מְאֹ֔ד כִּתְאֵנֵ֖י הַבַּכֻּרֹ֑ות וְהַדּ֣וּד אֶחָ֗ד תְּאֵנִים֙ רָעֹ֣ות מְאֹ֔ד אֲשֶׁ֥ר לֹא־תֵֽאָכַ֖לְנָה מֵרֹֽעַ׃ ס hadud ʾeḥad teʾeniym ṭovowt meʾod kiteʾeney habakurowt wehadud ʾeḥad teʾeniym raʿowt meʾod ʾasher loʾ־teʾakhalenah meroaʿ׃ s
3 וַיֹּ֨אמֶר יְהוָ֜ה אֵלַ֗י מָֽה־אַתָּ֤ה רֹאֶה֙ יִרְמְיָ֔הוּ וָאֹמַ֖ר תְּאֵנִ֑ים הַתְּאֵנִ֤ים הַטֹּבֹות֙ טֹבֹ֣ות מְאֹ֔ד וְהָֽרָעֹות֙ רָעֹ֣ות מְאֹ֔ד אֲשֶׁ֥ר לֹא־תֵאָכַ֖לְנָה מֵרֹֽעַ׃ פ wayoʾmer yehwah ʾelay mah־ʾatah roʾeh yiremeyahu waʾomar teʾeniym hateʾeniym haṭovowt ṭovowt meʾod weharaʿowt raʿowt meʾod ʾasher loʾ־teʾakhalenah meroaʿ׃ f
4 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
5 כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥ים הַטֹּבֹ֖ות הָאֵ֑לֶּה כֵּֽן־אַכִּ֞יר אֶת־גָּל֣וּת יְהוּדָ֗ה אֲשֶׁ֨ר שִׁלַּ֜חְתִּי מִן־הַמָּקֹ֥ום הַזֶּ֛ה אֶ֥רֶץ כַּשְׂדִּ֖ים לְטֹובָֽה׃ koh־ʾamar yehwah ʾelohey yiseraʾel kateʾeniym haṭovowt haʾeleh ken־ʾakiyr ʾet־galut yehudah ʾasher shilaḥetiy min־hamaqowm hazeh ʾerets kasediym leṭowvah׃
6 וְשַׂמְתִּ֨י עֵינִ֤י עֲלֵיהֶם֙ לְטֹובָ֔ה וַהֲשִׁבֹתִ֖ים עַל־הָאָ֣רֶץ הַזֹּ֑את וּבְנִיתִים֙ וְלֹ֣א אֶהֱרֹ֔ס וּנְטַעְתִּ֖ים וְלֹ֥א אֶתֹּֽושׁ׃ wesametiy ʿeyniy ʿaleyhem leṭowvah wahashivotiym ʿal־haʾarets hazoʾt uveniytiym weloʾ ʾeheros uneṭaʿetiym weloʾ ʾetowsh׃
7 וְנָתַתִּי֩ לָהֶ֨ם לֵ֜ב לָדַ֣עַת אֹתִ֗י כִּ֚י אֲנִ֣י יְהוָ֔ה וְהָיוּ־לִ֣י לְעָ֔ם וְאָ֣נֹכִ֔י אֶהְיֶ֥ה לָהֶ֖ם לֵאלֹהִ֑ים כִּֽי־יָשֻׁ֥בוּ אֵלַ֖י בְּכָל־לִבָּֽם׃ ס wenatatiy lahem lev ladaʿat ʾotiy kiy ʾaniy yehwah wehayu־liy leʿam weʾanokhiy ʾeheyeh lahem leʾlohiym kiy־yashuvu ʾelay bekhal־libam׃ s
8 וְכַתְּאֵנִים֙ הָֽרָעֹ֔ות אֲשֶׁ֥ר לֹא־תֵאָכַ֖לְנָה מֵרֹ֑עַ כִּי־כֹ֣ה ׀ אָמַ֣ר יְהוָ֗ה כֵּ֣ן אֶ֠תֵּן אֶת־צִדְקִיָּ֨הוּ מֶֽלֶךְ־יְהוּדָ֤ה וְאֶת־שָׂרָיו֙ וְאֵ֣ת ׀ שְׁאֵרִ֣ית יְרוּשָׁלִַ֗ם הַנִּשְׁאָרִים֙ בָּאָ֣רֶץ הַזֹּ֔את וְהַיֹּשְׁבִ֖ים בְּאֶ֥רֶץ מִצְרָֽיִם׃ wekhateʾeniym haraʿowt ʾasher loʾ־teʾakhalenah meroaʿ kiy־khoh ׀ ʾamar yehwah ken ʾeten ʾet־tsideqiyahu melekhe־yehudah weʾet־sarayw weʾet ׀ sheʾeriyt yerushalim hanisheʾariym baʾarets hazoʾt wehayosheviym beʾerets mitserayim׃
9 וּנְתַתִּים֙ [לִזְוָעָה כ] (לְזַעֲוָ֣ה ק) לְרָעָ֔ה לְכֹ֖ל מַמְלְכֹ֣ות הָאָ֑רֶץ לְחֶרְפָּ֤ה וּלְמָשָׁל֙ לִשְׁנִינָ֣ה וְלִקְלָלָ֔ה בְּכָל־הַמְּקֹמֹ֖ות אֲשֶֽׁר־אַדִּיחֵ֥ם שָֽׁם׃ unetatiym [lizewaʿah kh] (lezaʿawah q) leraʿah lekhol mamelekhowt haʾarets leḥerepah ulemashal lisheniynah weliqelalah bekhal־hameqomowt ʾasher־ʾadiyḥem sham׃
10 וְשִׁלַּ֣חְתִּי בָ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶר עַד־תֻּמָּם֙ מֵעַ֣ל הָאֲדָמָ֔ה אֲשֶׁר־נָתַ֥תִּי לָהֶ֖ם וְלַאֲבֹותֵיהֶֽם׃ פ weshilaḥetiy vam ʾet־haḥerev ʾet־haraʿav weʾet־hadaver ʿad־tumam meʿal haʾadamah ʾasher־natatiy lahem welaʾavowteyhem׃ f