Ésaïe 17

¹ מַשָּׂ֖א דַּמָּ֑שֶׂק הִנֵּ֤ה דַמֶּ֙שֶׂק֙ מוּסָ֣ר מֵעִ֔יר וְהָיְתָ֖ה מְעִ֥י מַפָּלָֽה׃ masaʾ damaseq hineh dameseq musar meʿiyr wehayetah meʿiy mapalah׃

² עֲזֻבֹ֖ות עָרֵ֣י עֲרֹעֵ֑ר לַעֲדָרִ֣ים תִּֽהְיֶ֔ינָה וְרָבְצ֖וּ וְאֵ֥ין מַחֲרִֽיד׃ ʿazuvowt ʿarey ʿaroʿer laʿadariym tiheyeynah weravetsu weʾeyn maḥariyd׃

³ וְנִשְׁבַּ֤ת מִבְצָר֙ מֵֽאֶפְרַ֔יִם וּמַמְלָכָ֥ה מִדַּמֶּ֖שֶׂק וּשְׁאָ֣ר אֲרָ֑ם כִּכְבֹ֤וד בְּנֵֽי־יִשְׂרָאֵל֙ יִֽהְי֔וּ נְאֻ֖ם יְהוָ֥ה צְבָאֹֽות׃ ס wenishebat mivetsar meʾeferayim umamelakhah midameseq usheʾar ʾaram kikhevowd beney־yiseraʾel yiheyu neʾum yehwah tsevaʾowt׃ s

⁴ וְהָיָה֙ בַּיֹּ֣ום הַה֔וּא יִדַּ֖ל כְּבֹ֣וד יַעֲקֹ֑ב וּמִשְׁמַ֥ן בְּשָׂרֹ֖ו יֵרָזֶֽה׃ wehayah bayowm hahuʾ yidal kevowd yaʿaqov umisheman besarow yerazeh׃

⁵ וְהָיָ֗ה כֶּֽאֱסֹף֙ קָצִ֣יר קָמָ֔ה וּזְרֹעֹ֖ו שִׁבֳּלִ֣ים יִקְצֹ֑ור וְהָיָ֛ה כִּמְלַקֵּ֥ט שִׁבֳּלִ֖ים בְּעֵ֥מֶק רְפָאִֽים׃ wehayah keʾesof qatsiyr qamah uzeroʿow shiboliym yiqetsowr wehayah kimelaqeṭ shiboliym beʿemeq refaʾiym׃

⁶ וְנִשְׁאַר־בֹּ֤ו עֹֽולֵלֹת֙ כְּנֹ֣קֶף זַ֔יִת שְׁנַ֧יִם שְׁלֹשָׁ֛ה גַּרְגְּרִ֖ים בְּרֹ֣אשׁ אָמִ֑יר אַרְבָּעָ֣ה חֲמִשָּׁ֗ה בִּסְעִפֶ֙יהָ֙ פֹּֽרִיָּ֔ה נְאֻם־יְהוָ֖ה אֱלֹהֵ֥י יִשְׂרָאֵֽל׃ ס wenisheʾar־bow ʿowlelot kenoqef zayit shenayim sheloshah garegeriym beroʾsh ʾamiyr ʾarebaʿah ḥamishah biseʿifeyha poriyah neʾum־yehwah ʾelohey yiseraʾel׃ s

⁷ בַּיֹּ֣ום הַה֔וּא יִשְׁעֶ֥ה הָאָדָ֖ם עַל־עֹשֵׂ֑הוּ וְעֵינָ֕יו אֶל־קְדֹ֥ושׁ יִשְׂרָאֵ֖ל תִּרְאֶֽינָה׃ bayowm hahuʾ yisheʿeh haʾadam ʿal־ʿosehu weʿeynayw ʾel־qedowsh yiseraʾel tireʾeynah׃

⁸ וְלֹ֣א יִשְׁעֶ֔ה אֶל־הַֽמִּזְבְּחֹ֖ות מַעֲשֵׂ֣ה יָדָ֑יו וַאֲשֶׁ֨ר עָשׂ֤וּ אֶצְבְּעֹתָיו֙ לֹ֣א יִרְאֶ֔ה וְהָאֲשֵׁרִ֖ים וְהָחַמָּנִֽים׃ weloʾ yisheʿeh ʾel־hamizebeḥowt maʿaseh yadayw waʾasher ʿasu ʾetsebeʿotayw loʾ yireʾeh wehaʾasheriym wehaḥamaniym׃

⁹ בַּיֹּ֨ום הַה֜וּא יִהְי֣וּ ׀ עָרֵ֣י מָעֻזֹּ֗ו כַּעֲזוּבַ֤ת הַחֹ֙רֶשׁ֙ וְהָ֣אָמִ֔יר אֲשֶׁ֣ר עָזְב֔וּ מִפְּנֵ֖י בְּנֵ֣י יִשְׂרָאֵ֑ל וְהָיְתָ֖ה שְׁמָמָֽה׃ bayowm hahuʾ yiheyu ׀ ʿarey maʿuzow kaʿazuvat haḥoresh wehaʾamiyr ʾasher ʿazevu mipeney beney yiseraʾel wehayetah shemamah׃

¹⁰ כִּ֤י שָׁכַ֙חַתְּ֙ אֱלֹהֵ֣י יִשְׁעֵ֔ךְ וְצ֥וּר מָעֻזֵּ֖ךְ לֹ֣א זָכָ֑רְתְּ עַל־כֵּ֗ן תִּטְּעִי֙ נִטְעֵ֣י נַעֲמָנִ֔ים וּזְמֹ֥רַת זָ֖ר תִּזְרָעֶֽנּוּ׃ kiy shakhaḥate ʾelohey yisheʿekhe wetsur maʿuzekhe loʾ zakharete ʿal־ken tiṭeʿiy niṭeʿey naʿamaniym uzemorat zar tizeraʿenu׃

¹¹ בְּיֹ֤ום נִטְעֵךְ֙ תְּשַׂגְשֵׂ֔גִי וּבַבֹּ֖קֶר זַרְעֵ֣ךְ תַּפְרִ֑יחִי נֵ֥ד קָצִ֛יר בְּיֹ֥ום נַחֲלָ֖ה וּכְאֵ֥ב אָנֽוּשׁ׃ ס beyowm niṭeʿekhe tesagesegiy uvaboqer zareʿekhe taferiyḥiy ned qatsiyr beyowm naḥalah ukheʾev ʾanush׃ s

¹² הֹ֗וי הֲמֹון֙ עַמִּ֣ים רַבִּ֔ים כַּהֲמֹ֥ות יַמִּ֖ים יֶהֱמָי֑וּן וּשְׁאֹ֣ון לְאֻמִּ֔ים כִּשְׁאֹ֛ון מַ֥יִם כַּבִּירִ֖ים יִשָּׁאֽוּן׃ howy hamown ʿamiym rabiym kahamowt yamiym yehemayun usheʾown leʾumiym kisheʾown mayim kabiyriym yishaʾun׃

¹³ לְאֻמִּ֗ים כִּשְׁאֹ֞ון מַ֤יִם רַבִּים֙ יִשָּׁא֔וּן וְגָ֥עַר בֹּ֖ו וְנָ֣ס מִמֶּרְחָ֑ק וְרֻדַּ֗ף כְּמֹ֤ץ הָרִים֙ לִפְנֵי־ר֔וּחַ וּכְגַלְגַּ֖ל לִפְנֵ֥י סוּפָֽה׃ leʾumiym kisheʾown mayim rabiym yishaʾun wegaʿar bow wenas mimereḥaq werudaf kemots hariym lifeney־ruaḥ ukhegalegal lifeney sufah׃

¹⁴ לְעֵ֥ת עֶ֙רֶב֙ וְהִנֵּ֣ה בַלָּהָ֔ה בְּטֶ֥רֶם בֹּ֖קֶר אֵינֶ֑נּוּ זֶ֚ה חֵ֣לֶק שֹׁוסֵ֔ינוּ וְגֹורָ֖ל לְבֹזְזֵֽינוּ׃ ס leʿet ʿerev wehineh valahah beṭerem boqer ʾeynenu zeh ḥeleq showseynu wegowral levozezeynu׃ s