2 Rois 21

¹ בֶּן־שְׁתֵּ֨ים עֶשְׂרֵ֤ה שָׁנָה֙ מְנַשֶּׁ֣ה בְמָלְכֹ֔ו וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֥ם אִמֹּ֖ו חֶפְצִי־בָֽהּ׃ ben־sheteym ʿesereh shanah menasheh vemalekhow waḥamishiym weḥamesh shanah malakhe biyrushalim weshem ʾimow ḥefetsiy־vah׃

² וַיַּ֥עַשׂ הָרַ֖ע בְּעֵינֵ֣י יְהוָ֑ה כְּתֹֽועֲבֹת֙ הַגֹּויִ֔ם אֲשֶׁר֙ הֹורִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ wayaʿas haraʿ beʿeyney yehwah ketowʿavot hagowyim ʾasher howriysh yehwah mipeney beney yiseraʾel׃

³ וַיָּ֗שָׁב וַיִּ֙בֶן֙ אֶת־הַבָּמֹ֔ות אֲשֶׁ֥ר אִבַּ֖ד חִזְקִיָּ֣הוּ אָבִ֑יו וַיָּ֨קֶם מִזְבְּחֹ֜ת לַבַּ֗עַל וַיַּ֤עַשׂ אֲשֵׁרָה֙ כַּאֲשֶׁ֣ר עָשָׂ֗ה אַחְאָב֙ מֶ֣לֶךְ יִשְׂרָאֵ֔ל וַיִּשְׁתַּ֙חוּ֙ לְכָל־צְבָ֣א הַשָּׁמַ֔יִם וַֽיַּעֲבֹ֖ד אֹתָֽם׃ wayashav wayiven ʾet־habamowt ʾasher ʾibad ḥizeqiyahu ʾaviyw wayaqem mizebeḥot labaʿal wayaʿas ʾasherah kaʾasher ʿasah ʾaḥeʾav melekhe yiseraʾel wayishetaḥu lekhal־tsevaʾ hashamayim wayaʿavod ʾotam׃

⁴ וּבָנָ֥ה מִזְבְּחֹ֖ת בְּבֵ֣ית יְהוָ֑ה אֲשֶׁר֙ אָמַ֣ר יְהוָ֔ה בִּירוּשָׁלִַ֖ם אָשִׂ֥ים אֶת־שְׁמִֽי׃ uvanah mizebeḥot beveyt yehwah ʾasher ʾamar yehwah biyrushalim ʾasiym ʾet־shemiy׃

⁵ וַיִּ֥בֶן מִזְבְּחֹ֖ות לְכָל־צְבָ֣א הַשָּׁמָ֑יִם בִּשְׁתֵּ֖י חַצְרֹ֥ות בֵּית־יְהוָֽה׃ wayiven mizebeḥowt lekhal־tsevaʾ hashamayim bishetey ḥatserowt beyt־yehwah׃

⁶ וְהֶעֱבִ֤יר אֶת־בְּנֹו֙ בָּאֵ֔שׁ וְעֹונֵ֣ן וְנִחֵ֔שׁ וְעָ֥שָׂה אֹ֖וב וְיִדְּעֹנִ֑ים הִרְבָּ֗ה לַעֲשֹׂ֥ות הָרַ֛ע בְּעֵינֵ֥י יְהוָ֖ה לְהַכְעִֽיס׃ weheʿeviyr ʾet־benow baʾesh weʿownen weniḥesh weʿasah ʾowv weyideʿoniym hirebah laʿasowt haraʿ beʿeyney yehwah lehakheʿiys׃

⁷ וַיָּ֕שֶׂם אֶת־פֶּ֥סֶל הָאֲשֵׁרָ֖ה אֲשֶׁ֣ר עָשָׂ֑ה בַּבַּ֗יִת אֲשֶׁ֨ר אָמַ֤ר יְהוָה֙ אֶל־דָּוִד֙ וְאֶל־שְׁלֹמֹ֣ה בְנֹ֔ו בַּבַּ֨יִת הַזֶּ֜ה וּבִירוּשָׁלִַ֗ם אֲשֶׁ֤ר בָּחַ֙רְתִּי֙ מִכֹּל֙ שִׁבְטֵ֣י יִשְׂרָאֵ֔ל אָשִׂ֥ים אֶת־שְׁמִ֖י לְעֹולָֽם׃ wayasem ʾet־pesel haʾasherah ʾasher ʿasah babayit ʾasher ʾamar yehwah ʾel־dawid weʾel־shelomoh venow babayit hazeh uviyrushalim ʾasher baḥaretiy mikol shiveṭey yiseraʾel ʾasiym ʾet־shemiy leʿowlam׃

⁸ וְלֹ֣א אֹסִ֗יף לְהָנִיד֙ רֶ֣גֶל יִשְׂרָאֵ֔ל מִן־הָ֣אֲדָמָ֔ה אֲשֶׁ֥ר נָתַ֖תִּי לַֽאֲבֹותָ֑ם רַ֣ק ׀ אִם־יִשְׁמְר֣וּ לַעֲשֹׂ֗ות כְּכֹל֙ אֲשֶׁ֣ר צִוִּיתִ֔ים וּלְכָל־הַ֨תֹּורָ֔ה אֲשֶׁר־צִוָּ֥ה אֹתָ֖ם עַבְדִּ֥י מֹשֶֽׁה׃ weloʾ ʾosiyf lehaniyd regel yiseraʾel min־haʾadamah ʾasher natatiy laʾavowtam raq ׀ ʾim־yishemeru laʿasowt kekhol ʾasher tsiuiytiym ulekhal־hatowrah ʾasher־tsiuah ʾotam ʿavediy mosheh׃

⁹ וְלֹ֖א שָׁמֵ֑עוּ וַיַּתְעֵ֤ם מְנַשֶּׁה֙ לַעֲשֹׂ֣ות אֶת־הָרָ֔ע מִן־הַ֨גֹּויִ֔ם אֲשֶׁר֙ הִשְׁמִ֣יד יְהוָ֔ה מִפְּנֵ֖י בְּנֵ֥י יִשְׂרָאֵֽל׃ weloʾ shameʿu wayateʿem menasheh laʿasowt ʾet־haraʿ min־hagowyim ʾasher hishemiyd yehwah mipeney beney yiseraʾel׃

¹⁰ וַיְדַבֵּ֧ר יְהוָ֛ה בְּיַד־עֲבָדָ֥יו הַנְּבִיאִ֖ים לֵאמֹֽר׃ wayedaber yehwah beyad־ʿavadayw haneviyʾiym leʾmor׃

¹¹ יַעַן֩ אֲשֶׁ֨ר עָשָׂ֜ה מְנַשֶּׁ֤ה מֶֽלֶךְ־יְהוּדָה֙ הַתֹּעֵבֹ֣ות הָאֵ֔לֶּה הֵרַ֕ע מִכֹּ֛ל אֲשֶׁר־עָשׂ֥וּ הָאֱמֹרִ֖י אֲשֶׁ֣ר לְפָנָ֑יו וַיַּחֲטִ֥א גַֽם־אֶת־יְהוּדָ֖ה בְּגִלּוּלָֽיו׃ פ yaʿan ʾasher ʿasah menasheh melekhe־yehudah hatoʿevowt haʾeleh heraʿ mikol ʾasher־ʿasu haʾemoriy ʾasher lefanayw wayaḥaṭiʾ gam־ʾet־yehudah begilulayw׃ f

¹² לָכֵ֗ן כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הִנְנִי֙ מֵבִ֣יא רָעָ֔ה עַל־יְרוּשָׁלִַ֖ם וִֽיהוּדָ֑ה אֲשֶׁר֙ כָּל־ [שֹׁמְעָיו כ] (שֹׁ֣מְעָ֔הּ ק) תִּצַּ֖לְנָה שְׁתֵּ֥י אָזְנָֽיו׃ lakhen koh־ʾamar yehwah ʾelohey yiseraʾel hineniy meviyʾ raʿah ʿal־yerushalim wiyhudah ʾasher kal־ [shomeʿayw kh] (shomeʿah q) titsalenah shetey ʾazenayw׃

¹³ וְנָטִ֣יתִי עַל־יְרוּשָׁלִַ֗ם אֵ֚ת קָ֣ו שֹֽׁמְרֹ֔ון וְאֶת־מִשְׁקֹ֖לֶת בֵּ֣ית אַחְאָ֑ב וּמָחִ֨יתִי אֶת־יְרוּשָׁלִַ֜ם כַּֽאֲשֶׁר־יִמְחֶ֤ה אֶת־הַצַּלַּ֙חַת֙ מָחָ֔ה וְהָפַ֖ךְ עַל־פָּנֶֽיהָ׃ wenaṭiytiy ʿal־yerushalim ʾet qaw shomerown weʾet־misheqolet beyt ʾaḥeʾav umaḥiytiy ʾet־yerushalim kaʾasher־yimeḥeh ʾet־hatsalaḥat maḥah wehafakhe ʿal־paneyha׃

¹⁴ וְנָטַשְׁתִּ֗י אֵ֚ת שְׁאֵרִ֣ית נַחֲלָתִ֔י וּנְתַתִּ֖ים בְּיַ֣ד אֹֽיְבֵיהֶ֑ם וְהָי֥וּ לְבַ֛ז וְלִמְשִׁסָּ֖ה לְכָל־אֹיְבֵיהֶֽם׃ wenaṭashetiy ʾet sheʾeriyt naḥalatiy unetatiym beyad ʾoyeveyhem wehayu levaz welimeshisah lekhal־ʾoyeveyhem׃

¹⁵ יַ֗עַן אֲשֶׁ֨ר עָשׂ֤וּ אֶת־הָרַע֙ בְּעֵינַ֔י וַיִּהְי֥וּ מַכְעִסִ֖ים אֹתִ֑י מִן־הַיֹּ֗ום אֲשֶׁ֨ר יָצְא֤וּ אֲבֹותָם֙ מִמִּצְרַ֔יִם וְעַ֖ד הַיֹּ֥ום הַזֶּֽה׃ yaʿan ʾasher ʿasu ʾet־haraʿ beʿeynay wayiheyu makheʿisiym ʾotiy min־hayowm ʾasher yatseʾu ʾavowtam mimitserayim weʿad hayowm hazeh׃

¹⁶ וְגַם֩ דָּ֨ם נָקִ֜י שָׁפַ֤ךְ מְנַשֶּׁה֙ הַרְבֵּ֣ה מְאֹ֔ד עַ֛ד אֲשֶׁר־מִלֵּ֥א אֶת־יְרוּשָׁלִַ֖ם פֶּ֣ה לָפֶ֑ה לְבַ֤ד מֵֽחַטָּאתֹו֙ אֲשֶׁ֣ר הֶחֱטִ֣יא אֶת־יְהוּדָ֔ה לַעֲשֹׂ֥ות הָרַ֖ע בְּעֵינֵ֥י יְהוָֽה׃ wegam dam naqiy shafakhe menasheh harebeh meʾod ʿad ʾasher־mileʾ ʾet־yerushalim peh lafeh levad meḥaṭaʾtow ʾasher heḥeṭiyʾ ʾet־yehudah laʿasowt haraʿ beʿeyney yehwah׃

¹⁷ וְיֶ֨תֶר דִּבְרֵ֤י מְנַשֶּׁה֙ וְכָל־אֲשֶׁ֣ר עָשָׂ֔ה וְחַטָּאתֹ֖ו אֲשֶׁ֣ר חָטָ֑א הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey menasheh wekhal־ʾasher ʿasah weḥaṭaʾtow ʾasher ḥaṭaʾ haloʾ־hem ketuviym ʿal־sefer diverey hayamiym lemalekhey yehudah׃

¹⁸ וַיִּשְׁכַּ֤ב מְנַשֶּׁה֙ עִם־אֲבֹתָ֔יו וַיִּקָּבֵ֥ר בְּגַן־בֵּיתֹ֖ו בְּגַן־עֻזָּ֑א וַיִּמְלֹ֛ךְ אָמֹ֥ון בְּנֹ֖ו תַּחְתָּֽיו׃ פ wayishekav menasheh ʿim־ʾavotayw wayiqaver began־beytow began־ʿuzaʾ wayimelokhe ʾamown benow taḥetayw׃ f

¹⁹ בֶּן־עֶשְׂרִ֨ים וּשְׁתַּ֤יִם שָׁנָה֙ אָמֹ֣ון בְּמָלְכֹ֔ו וּשְׁתַּ֣יִם שָׁנִ֔ים מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו מְשֻׁלֶּ֥מֶת בַּת־חָר֖וּץ מִן־יָטְבָֽה׃ ben־ʿeseriym ushetayim shanah ʾamown bemalekhow ushetayim shaniym malakhe biyrushalim weshem ʾimow meshulemet bat־ḥaruts min־yaṭevah׃

²⁰ וַיַּ֥עַשׂ הָרַ֖ע בְּעֵינֵ֣י יְהוָ֑ה כַּאֲשֶׁ֥ר עָשָׂ֖ה מְנַשֶּׁ֥ה אָבִֽיו׃ wayaʿas haraʿ beʿeyney yehwah kaʾasher ʿasah menasheh ʾaviyw׃

²¹ וַיֵּ֕לֶךְ בְּכָל־הַדֶּ֖רֶךְ אֲשֶׁר־הָלַ֣ךְ אָבִ֑יו וַֽיַּעֲבֹ֗ד אֶת־הַגִּלֻּלִים֙ אֲשֶׁ֣ר עָבַ֣ד אָבִ֔יו וַיִּשְׁתַּ֖חוּ לָהֶֽם׃ wayelekhe bekhal־haderekhe ʾasher־halakhe ʾaviyw wayaʿavod ʾet־hagiluliym ʾasher ʿavad ʾaviyw wayishetaḥu lahem׃

²² וַיַּעֲזֹ֕ב אֶת־יְהוָ֖ה אֱלֹהֵ֣י אֲבֹתָ֑יו וְלֹ֥א הָלַ֖ךְ בְּדֶ֥רֶךְ יְהוָֽה׃ wayaʿazov ʾet־yehwah ʾelohey ʾavotayw weloʾ halakhe bederekhe yehwah׃

²³ וַיִּקְשְׁר֥וּ עַבְדֵֽי־אָמֹ֖ון עָלָ֑יו וַיָּמִ֥יתוּ אֶת־הַמֶּ֖לֶךְ בְּבֵיתֹֽו׃ wayiqesheru ʿavedey־ʾamown ʿalayw wayamiytu ʾet־hamelekhe beveytow׃

²⁴ וַיַּךְ֙ עַם־הָאָ֔רֶץ אֵ֥ת כָּל־הַקֹּשְׁרִ֖ים עַל־הַמֶּ֣לֶךְ אָמֹ֑ון וַיַּמְלִ֧יכוּ עַם־הָאָ֛רֶץ אֶת־יֹאשִׁיָּ֥הוּ בְנֹ֖ו תַּחְתָּֽיו׃ wayakhe ʿam־haʾarets ʾet kal־haqosheriym ʿal־hamelekhe ʾamown wayameliykhu ʿam־haʾarets ʾet־yoʾshiyahu venow taḥetayw׃

²⁵ וְיֶ֛תֶר דִּבְרֵ֥י אָמֹ֖ון אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey ʾamown ʾasher ʿasah haloʾ־hem ketuviym ʿal־sefer diverey hayamiym lemalekhey yehudah׃

²⁶ וַיִּקְבְֹּ֥ר אֹתֹ֛ו בִּקְבֻרָתֹ֖ו בְּגַן־עֻזָּ֑א וַיִּמְלֹ֛ךְ יֹאשִׁיָּ֥הוּ בְנֹ֖ו תַּחְתָּֽיו׃ פ wayiqeber ʾotow biqevuratow began־ʿuzaʾ wayimelokhe yoʾshiyahu venow taḥetayw׃ f