Lévitique 8

¹ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

² קַ֤ח אֶֽת־אַהֲרֹן֙ וְאֶת־בָּנָ֣יו אִתֹּ֔ו וְאֵת֙ הַבְּגָדִ֔ים וְאֵ֖ת שֶׁ֣מֶן הַמִּשְׁחָ֑ה וְאֵ֣ת ׀ פַּ֣ר הַֽחַטָּ֗את וְאֵת֙ שְׁנֵ֣י הָֽאֵילִ֔ים וְאֵ֖ת סַ֥ל הַמַּצֹּֽות׃ qaḥ ʾet־ʾaharon weʾet־banayw ʾitow weʾet habegadiym weʾet shemen hamisheḥah weʾet ׀ par haḥaṭaʾt weʾet sheney haʾeyliym weʾet sal hamatsowt׃

³ וְאֵ֥ת כָּל־הָעֵדָ֖ה הַקְהֵ֑ל אֶל־פֶּ֖תַח אֹ֥הֶל מֹועֵֽד׃ weʾet kal־haʿedah haqehel ʾel־petaḥ ʾohel mowʿed׃

⁴ וַיַּ֣עַשׂ מֹשֶׁ֔ה כַּֽאֲשֶׁ֛ר צִוָּ֥ה יְהוָ֖ה אֹתֹ֑ו וַתִּקָּהֵל֙ הָֽעֵדָ֔ה אֶל־פֶּ֖תַח אֹ֥הֶל מֹועֵֽד׃ wayaʿas mosheh kaʾasher tsiuah yehwah ʾotow watiqahel haʿedah ʾel־petaḥ ʾohel mowʿed׃

⁵ וַיֹּ֥אמֶר מֹשֶׁ֖ה אֶל־הָעֵדָ֑ה זֶ֣ה הַדָּבָ֔ר אֲשֶׁר־צִוָּ֥ה יְהוָ֖ה לַעֲשֹֽׂות׃ wayoʾmer mosheh ʾel־haʿedah zeh hadavar ʾasher־tsiuah yehwah laʿasowt׃

⁶ וַיַּקְרֵ֣ב מֹשֶׁ֔ה אֶֽת־אַהֲרֹ֖ן וְאֶת־בָּנָ֑יו וַיִּרְחַ֥ץ אֹתָ֖ם בַּמָּֽיִם׃ wayaqerev mosheh ʾet־ʾaharon weʾet־banayw wayireḥats ʾotam bamayim׃

⁷ וַיִּתֵּ֨ן עָלָ֜יו אֶת־הַכֻּתֹּ֗נֶת וַיַּחְגֹּ֤ר אֹתֹו֙ בָּֽאַבְנֵ֔ט וַיַּלְבֵּ֤שׁ אֹתֹו֙ אֶֽת־הַמְּעִ֔יל וַיִּתֵּ֥ן עָלָ֖יו אֶת־הָאֵפֹ֑ד וַיַּחְגֹּ֣ר אֹתֹ֗ו בְּחֵ֙שֶׁב֙ הָֽאֵפֹ֔ד וַיֶּאְפֹּ֥ד לֹ֖ו בֹּֽו׃ wayiten ʿalayw ʾet־hakutonet wayaḥegor ʾotow baʾaveneṭ wayalebesh ʾotow ʾet־hameʿiyl wayiten ʿalayw ʾet־haʾefod wayaḥegor ʾotow beḥeshev haʾefod wayeʾepod low bow׃

⁸ וַיָּ֥שֶׂם עָלָ֖יו אֶת־הַחֹ֑שֶׁן וַיִּתֵּן֙ אֶל־הַחֹ֔שֶׁן אֶת־הָאוּרִ֖ים וְאֶת־הַתֻּמִּֽים׃ wayasem ʿalayw ʾet־haḥoshen wayiten ʾel־haḥoshen ʾet־haʾuriym weʾet־hatumiym׃

⁹ וַיָּ֥שֶׂם אֶת־הַמִּצְנֶ֖פֶת עַל־רֹאשֹׁ֑ו וַיָּ֨שֶׂם עַֽל־הַמִּצְנֶ֜פֶת אֶל־מ֣וּל פָּנָ֗יו אֵ֣ת צִ֤יץ הַזָּהָב֙ נֵ֣זֶר הַקֹּ֔דֶשׁ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayasem ʾet־hamitsenefet ʿal־roʾshow wayasem ʿal־hamitsenefet ʾel־mul panayw ʾet tsiyts hazahav nezer haqodesh kaʾasher tsiuah yehwah ʾet־mosheh׃

¹⁰ וַיִּקַּ֤ח מֹשֶׁה֙ אֶת־שֶׁ֣מֶן הַמִּשְׁחָ֔ה וַיִּמְשַׁ֥ח אֶת־הַמִּשְׁכָּ֖ן וְאֶת־כָּל־אֲשֶׁר־בֹּ֑ו וַיְקַדֵּ֖שׁ אֹתָֽם׃ wayiqaḥ mosheh ʾet־shemen hamisheḥah wayimeshaḥ ʾet־hamishekan weʾet־kal־ʾasher־bow wayeqadesh ʾotam׃

¹¹ וַיַּ֥ז מִמֶּ֛נּוּ עַל־הַמִּזְבֵּ֖חַ שֶׁ֣בַע פְּעָמִ֑ים וַיִּמְשַׁ֨ח אֶת־הַמִּזְבֵּ֜חַ וְאֶת־כָּל־כֵּלָ֗יו וְאֶת־הַכִּיֹּ֛ר וְאֶת־כַּנֹּ֖ו לְקַדְּשָֽׁם׃ wayaz mimenu ʿal־hamizebeaḥ shevaʿ peʿamiym wayimeshaḥ ʾet־hamizebeaḥ weʾet־kal־kelayw weʾet־hakiyor weʾet־kanow leqadesham׃

¹² וַיִּצֹק֙ מִשֶּׁ֣מֶן הַמִּשְׁחָ֔ה עַ֖ל רֹ֣אשׁ אַהֲרֹ֑ן וַיִּמְשַׁ֥ח אֹתֹ֖ו לְקַדְּשֹֽׁו׃ wayitsoq mishemen hamisheḥah ʿal roʾsh ʾaharon wayimeshaḥ ʾotow leqadeshow׃

¹³ וַיַּקְרֵ֨ב מֹשֶׁ֜ה אֶת־בְּנֵ֣י אַהֲרֹ֗ן וַיַּלְבִּשֵׁ֤ם כֻּתֳּנֹת֙ וַיַּחְגֹּ֤ר אֹתָם֙ אַבְנֵ֔ט וַיַּחֲבֹ֥שׁ לָהֶ֖ם מִגְבָּעֹ֑ות כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayaqerev mosheh ʾet־beney ʾaharon wayalebishem kutonot wayaḥegor ʾotam ʾaveneṭ wayaḥavosh lahem migebaʿowt kaʾasher tsiuah yehwah ʾet־mosheh׃

¹⁴ וַיַּגֵּ֕שׁ אֵ֖ת פַּ֣ר הַֽחַטָּ֑את וַיִּסְמֹ֨ךְ אַהֲרֹ֤ן וּבָנָיו֙ אֶת־יְדֵיהֶ֔ם עַל־רֹ֖אשׁ פַּ֥ר הַֽחַטָּֽאת׃ wayagesh ʾet par haḥaṭaʾt wayisemokhe ʾaharon uvanayw ʾet־yedeyhem ʿal־roʾsh par haḥaṭaʾt׃

¹⁵ וַיִּשְׁחָ֗ט וַיִּקַּ֨ח מֹשֶׁ֤ה אֶת־הַדָּם֙ וַ֠יִּתֵּן עַל־קַרְנֹ֨ות הַמִּזְבֵּ֤חַ סָבִיב֙ בְּאֶצְבָּעֹ֔ו וַיְחַטֵּ֖א אֶת־הַמִּזְבֵּ֑חַ וְאֶת־הַדָּ֗ם יָצַק֙ אֶל־יְסֹ֣וד הַמִּזְבֵּ֔חַ וַֽיְקַדְּשֵׁ֖הוּ לְכַפֵּ֥ר עָלָֽיו׃ wayisheḥaṭ wayiqaḥ mosheh ʾet־hadam wayiten ʿal־qarenowt hamizebeaḥ saviyv beʾetsebaʿow wayeḥaṭeʾ ʾet־hamizebeaḥ weʾet־hadam yatsaq ʾel־yesowd hamizebeaḥ wayeqadeshehu lekhaper ʿalayw׃

¹⁶ וַיִּקַּ֗ח אֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־שְׁתֵּ֥י הַכְּלָיֹ֖ת וְאֶֽת־חֶלְבְּהֶ֑ן וַיַּקְטֵ֥ר מֹשֶׁ֖ה הַמִּזְבֵּֽחָה׃ wayiqaḥ ʾet־kal־haḥelev ʾasher ʿal־haqerev weʾet yoteret hakaved weʾet־shetey hakelayot weʾet־ḥelebehen wayaqeṭer mosheh hamizebeḥah׃

¹⁷ וְאֶת־הַפָּ֤ר וְאֶת־עֹרֹו֙ וְאֶת־בְּשָׂרֹ֣ו וְאֶת־פִּרְשֹׁ֔ו שָׂרַ֣ף בָּאֵ֔שׁ מִח֖וּץ לַֽמַּחֲנֶ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ weʾet־hapar weʾet־ʿorow weʾet־besarow weʾet־pireshow saraf baʾesh miḥuts lamaḥaneh kaʾasher tsiuah yehwah ʾet־mosheh׃

¹⁸ וַיַּקְרֵ֕ב אֵ֖ת אֵ֣יל הָעֹלָ֑ה וַֽיִּסְמְכ֞וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃ wayaqerev ʾet ʾeyl haʿolah wayisemekhu ʾaharon uvanayw ʾet־yedeyhem ʿal־roʾsh haʾayil׃

¹⁹ וַיִּשְׁחָ֑ט וַיִּזְרֹ֨ק מֹשֶׁ֧ה אֶת־הַדָּ֛ם עַל־הַמִּזְבֵּ֖חַ סָבִֽיב׃ wayisheḥaṭ wayizeroq mosheh ʾet־hadam ʿal־hamizebeaḥ saviyv׃

²⁰ וְאֶת־הָאַ֔יִל נִתַּ֖ח לִנְתָחָ֑יו וַיַּקְטֵ֤ר מֹשֶׁה֙ אֶת־הָרֹ֔אשׁ וְאֶת־הַנְּתָחִ֖ים וְאֶת־הַפָּֽדֶר׃ weʾet־haʾayil nitaḥ linetaḥayw wayaqeṭer mosheh ʾet־haroʾsh weʾet־hanetaḥiym weʾet־hapader׃

²¹ וְאֶת־הַקֶּ֥רֶב וְאֶת־הַכְּרָעַ֖יִם רָחַ֣ץ בַּמָּ֑יִם וַיַּקְטֵר֩ מֹשֶׁ֨ה אֶת־כָּל־הָאַ֜יִל הַמִּזְבֵּ֗חָה עֹלָ֨ה ה֤וּא לְרֵֽיחַ־נִיחֹ֙חַ֙ אִשֶּׁ֥ה הוּא֙ לַיהוָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ weʾet־haqerev weʾet־hakeraʿayim raḥats bamayim wayaqeṭer mosheh ʾet־kal־haʾayil hamizebeḥah ʿolah huʾ lereyḥa־niyḥoaḥ ʾisheh huʾ layhwah kaʾasher tsiuah yehwah ʾet־mosheh׃

²² וַיַּקְרֵב֙ אֶת־הָאַ֣יִל הַשֵּׁנִ֔י אֵ֖יל הַמִּלֻּאִ֑ים וַֽיִּסְמְכ֞וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃ wayaqerev ʾet־haʾayil hasheniy ʾeyl hamiluʾiym wayisemekhu ʾaharon uvanayw ʾet־yedeyhem ʿal־roʾsh haʾayil׃

²³ וַיִּשְׁחָ֓ט ׀ וַיִּקַּ֤ח מֹשֶׁה֙ מִדָּמֹ֔ו וַיִּתֵּ֛ן עַל־תְּנ֥וּךְ אֹֽזֶן־אַהֲרֹ֖ן הַיְמָנִ֑ית וְעַל־בֹּ֤הֶן יָדֹו֙ הַיְמָנִ֔ית וְעַל־בֹּ֥הֶן רַגְלֹ֖ו הַיְמָנִֽית׃ wayisheḥaṭ ׀ wayiqaḥ mosheh midamow wayiten ʿal־tenukhe ʾozen־ʾaharon hayemaniyt weʿal־bohen yadow hayemaniyt weʿal־bohen ragelow hayemaniyt׃

²⁴ וַיַּקְרֵ֞ב אֶת־בְּנֵ֣י אַהֲרֹ֗ן וַיִּתֵּ֨ן מֹשֶׁ֤ה מִן־הַדָּם֙ עַל־תְּנ֤וּךְ אָזְנָם֙ הַיְמָנִ֔ית וְעַל־בֹּ֤הֶן יָדָם֙ הַיְמָנִ֔ית וְעַל־בֹּ֥הֶן רַגְלָ֖ם הַיְמָנִ֑ית וַיִּזְרֹ֨ק מֹשֶׁ֧ה אֶת־הַדָּ֛ם עַל־הַֽמִּזְבֵּ֖חַ סָבִֽיב׃ wayaqerev ʾet־beney ʾaharon wayiten mosheh min־hadam ʿal־tenukhe ʾazenam hayemaniyt weʿal־bohen yadam hayemaniyt weʿal־bohen ragelam hayemaniyt wayizeroq mosheh ʾet־hadam ʿal־hamizebeaḥ saviyv׃

²⁵ וַיִּקַּ֞ח אֶת־הַחֵ֣לֶב וְאֶת־הָֽאַלְיָ֗ה וְאֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־שְׁתֵּ֥י הַכְּלָיֹ֖ת וְאֶֽת־חֶלְבְּהֶ֑ן וְאֵ֖ת שֹׁ֥וק הַיָּמִֽין׃ wayiqaḥ ʾet־haḥelev weʾet־haʾaleyah weʾet־kal־haḥelev ʾasher ʿal־haqerev weʾet yoteret hakaved weʾet־shetey hakelayot weʾet־ḥelebehen weʾet showq hayamiyn׃

²⁶ וּמִסַּ֨ל הַמַּצֹּ֜ות אֲשֶׁ֣ר ׀ לִפְנֵ֣י יְהוָ֗ה לָ֠קַח חַלַּ֨ת מַצָּ֤ה אַחַת֙ וְֽחַלַּ֨ת לֶ֥חֶם שֶׁ֛מֶן אַחַ֖ת וְרָקִ֣יק אֶחָ֑ד וַיָּ֙שֶׂם֙ עַל־הַ֣חֲלָבִ֔ים וְעַ֖ל שֹׁ֥וק הַיָּמִֽין׃ umisal hamatsowt ʾasher ׀ lifeney yehwah laqaḥ ḥalat matsah ʾaḥat weḥalat leḥem shemen ʾaḥat weraqiyq ʾeḥad wayasem ʿal־haḥalaviym weʿal showq hayamiyn׃

²⁷ וַיִּתֵּ֣ן אֶת־הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וַיָּ֧נֶף אֹתָ֛ם תְּנוּפָ֖ה לִפְנֵ֥י יְהוָֽה׃ wayiten ʾet־hakol ʿal kapey ʾaharon weʿal kapey vanayw wayanef ʾotam tenufah lifeney yehwah׃

²⁸ וַיִּקַּ֨ח מֹשֶׁ֤ה אֹתָם֙ מֵעַ֣ל כַּפֵּיהֶ֔ם וַיַּקְטֵ֥ר הַמִּזְבֵּ֖חָה עַל־הָעֹלָ֑ה מִלֻּאִ֥ים הֵם֙ לְרֵ֣יחַ נִיחֹ֔חַ אִשֶּׁ֥ה ה֖וּא לַיהוָֽה׃ wayiqaḥ mosheh ʾotam meʿal kapeyhem wayaqeṭer hamizebeḥah ʿal־haʿolah miluʾiym hem lereyḥa niyḥoaḥ ʾisheh huʾ layhwah׃

²⁹ וַיִּקַּ֤ח מֹשֶׁה֙ אֶת־הֶ֣חָזֶ֔ה וַיְנִיפֵ֥הוּ תְנוּפָ֖ה לִפְנֵ֣י יְהוָ֑ה מֵאֵ֣יל הַמִּלֻּאִ֗ים לְמֹשֶׁ֤ה הָיָה֙ לְמָנָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayiqaḥ mosheh ʾet־heḥazeh wayeniyfehu tenufah lifeney yehwah meʾeyl hamiluʾiym lemosheh hayah lemanah kaʾasher tsiuah yehwah ʾet־mosheh׃

³⁰ וַיִּקַּ֨ח מֹשֶׁ֜ה מִשֶּׁ֣מֶן הַמִּשְׁחָ֗ה וּמִן־הַדָּם֮ אֲשֶׁ֣ר עַל־הַמִּזְבֵּחַ֒ וַיַּ֤ז עַֽל־אַהֲרֹן֙ עַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתֹּ֑ו וַיְקַדֵּ֤שׁ אֶֽת־אַהֲרֹן֙ אֶת־בְּגָדָ֔יו וְאֶת־בָּנָ֛יו וְאֶת־בִּגְדֵ֥י בָנָ֖יו אִתֹּֽו׃ wayiqaḥ mosheh mishemen hamisheḥah umin־hadam ʾasher ʿal־hamizebeaḥ wayaz ʿal־ʾaharon ʿal־begadayw weʿal־banayw weʿal־bigedey vanayw ʾitow wayeqadesh ʾet־ʾaharon ʾet־begadayw weʾet־banayw weʾet־bigedey vanayw ʾitow׃

³¹ וַיֹּ֨אמֶר מֹשֶׁ֜ה אֶל־אַהֲרֹ֣ן וְאֶל־בָּנָ֗יו בַּשְּׁל֣וּ אֶת־הַבָּשָׂר֮ פֶּ֣תַח אֹ֣הֶל מֹועֵד֒ וְשָׁם֙ תֹּאכְל֣וּ אֹתֹ֔ו וְאֶ֨ת־הַלֶּ֔חֶם אֲשֶׁ֖ר בְּסַ֣ל הַמִּלֻּאִ֑ים כַּאֲשֶׁ֤ר צִוֵּ֙יתִי֙ לֵאמֹ֔ר אַהֲרֹ֥ן וּבָנָ֖יו יֹאכְלֻֽהוּ׃ wayoʾmer mosheh ʾel־ʾaharon weʾel־banayw bashelu ʾet־habasar petaḥ ʾohel mowʿed wesham toʾkhelu ʾotow weʾet־haleḥem ʾasher besal hamiluʾiym kaʾasher tsiueytiy leʾmor ʾaharon uvanayw yoʾkheluhu׃

³² וְהַנֹּותָ֥ר בַּבָּשָׂ֖ר וּבַלָּ֑חֶם בָּאֵ֖שׁ תִּשְׂרֹֽפוּ׃ wehanowtar babasar uvalaḥem baʾesh tiserofu׃

³³ וּמִפֶּתַח֩ אֹ֨הֶל מֹועֵ֜ד לֹ֤א תֵֽצְאוּ֙ שִׁבְעַ֣ת יָמִ֔ים עַ֚ד יֹ֣ום מְלֹ֔את יְמֵ֖י מִלֻּאֵיכֶ֑ם כִּ֚י שִׁבְעַ֣ת יָמִ֔ים יְמַלֵּ֖א אֶת־יֶדְכֶֽם׃ umipetaḥ ʾohel mowʿed loʾ tetseʾu shiveʿat yamiym ʿad yowm meloʾt yemey miluʾeykhem kiy shiveʿat yamiym yemaleʾ ʾet־yedekhem׃

³⁴ כַּאֲשֶׁ֥ר עָשָׂ֖ה בַּיֹּ֣ום הַזֶּ֑ה צִוָּ֧ה יְהוָ֛ה לַעֲשֹׂ֖ת לְכַפֵּ֥ר עֲלֵיכֶֽם׃ kaʾasher ʿasah bayowm hazeh tsiuah yehwah laʿasot lekhaper ʿaleykhem׃

³⁵ וּפֶתַח֩ אֹ֨הֶל מֹועֵ֜ד תֵּשְׁב֨וּ יֹומָ֤ם וָלַ֙יְלָה֙ שִׁבְעַ֣ת יָמִ֔ים וּשְׁמַרְתֶּ֛ם אֶת־מִשְׁמֶ֥רֶת יְהוָ֖ה וְלֹ֣א תָמ֑וּתוּ כִּי־כֵ֖ן צֻוֵּֽיתִי׃ ufetaḥ ʾohel mowʿed teshevu yowmam walayelah shiveʿat yamiym ushemaretem ʾet־mishemeret yehwah weloʾ tamutu kiy־khen tsuueytiy׃

³⁶ וַיַּ֥עַשׂ אַהֲרֹ֖ן וּבָנָ֑יו אֵ֚ת כָּל־הַדְּבָרִ֔ים אֲשֶׁר־צִוָּ֥ה יְהוָ֖ה בְּיַד־מֹשֶֽׁה׃ ס wayaʿas ʾaharon uvanayw ʾet kal־hadevariym ʾasher־tsiuah yehwah beyad־mosheh׃ s