Proverbes 2

¹ בְּ֭נִי אִם־תִּקַּ֣ח אֲמָרָ֑י וּ֝מִצְוֹתַ֗י תִּצְפֹּ֥ן אִתָּֽךְ׃ beniy ʾim־tiqaḥ ʾamaray umitseotay titsepon ʾitakhe׃

² לְהַקְשִׁ֣יב לַֽחָכְמָ֣ה אָזְנֶ֑ךָ תַּטֶּ֥ה לִ֝בְּךָ֗ לַתְּבוּנָֽה׃ lehaqeshiyv laḥakhemah ʾazenekha taṭeh libekha latevunah׃

³ כִּ֤י אִ֣ם לַבִּינָ֣ה תִקְרָ֑א לַ֝תְּבוּנָ֗ה תִּתֵּ֥ן קֹולֶֽךָ׃ kiy ʾim labiynah tiqeraʾ latevunah titen qowlekha׃

⁴ אִם־תְּבַקְשֶׁ֥נָּה כַכָּ֑סֶף וְֽכַמַּטְמֹונִ֥ים תַּחְפְּשֶֽׂנָּה׃ ʾim־tevaqeshenah khakasef wekhamaṭemowniym taḥepesenah׃

⁵ אָ֗ז תָּ֭בִין יִרְאַ֣ת יְהוָ֑ה וְדַ֖עַת אֱלֹהִ֣ים תִּמְצָֽא׃ ʾaz taviyn yireʾat yehwah wedaʿat ʾelohiym timetsaʾ׃

⁶ כִּֽי־יְ֭הוָה יִתֵּ֣ן חָכְמָ֑ה מִ֝פִּ֗יו דַּ֣עַת וּתְבוּנָֽה׃ kiy־yehwah yiten ḥakhemah mipiyw daʿat utevunah׃

⁷ [וְצָפַן כ] (יִצְפֹּ֣ן ק) לַ֭יְשָׁרִים תּוּשִׁיָּ֑ה מָ֝גֵ֗ן לְהֹ֣לְכֵי תֹֽם׃ [wetsafan kh] (yitsepon q) layeshariym tushiyah magen leholekhey tom׃

⁸ לִ֭נְצֹר אָרְחֹ֣ות מִשְׁפָּ֑ט וְדֶ֖רֶךְ [חֲסִידֹו כ] (חֲסִידָ֣יו ק) יִשְׁמֹֽר׃ linetsor ʾareḥowt mishepaṭ wederekhe [ḥasiydow kh] (ḥasiydayw q) yishemor׃

⁹ אָ֗ז תָּ֭בִין צֶ֣דֶק וּמִשְׁפָּ֑ט וּ֝מֵישָׁרִ֗ים כָּל־מַעְגַּל־טֹֽוב׃ ʾaz taviyn tsedeq umishepaṭ umeyshariym kal־maʿegal־ṭowv׃

¹⁰ כִּֽי־תָבֹ֣וא חָכְמָ֣ה בְלִבֶּ֑ךָ וְ֝דַ֗עַת לְֽנַפְשְׁךָ֥ יִנְעָֽם׃ kiy־tavowʾ ḥakhemah velibekha wedaʿat lenafeshekha yineʿam׃

¹¹ מְ֭זִמָּה תִּשְׁמֹ֥ר עָלֶ֗יךָ תְּבוּנָ֥ה תִנְצְרֶֽכָּה׃ mezimah tishemor ʿaleykha tevunah tinetserekah׃

¹² לְ֭הַצִּ֣ילְךָ מִדֶּ֣רֶךְ רָ֑ע מֵ֝אִ֗ישׁ מְדַבֵּ֥ר תַּהְפֻּכֹֽות׃ lehatsiylekha miderekhe raʿ meʾiysh medaber tahepukhowt׃

¹³ הַ֭עֹ֣זְבִים אָרְחֹ֣ות יֹ֑שֶׁר לָ֝לֶ֗כֶת בְּדַרְכֵי־חֹֽשֶׁךְ׃ haʿozeviym ʾareḥowt yosher lalekhet bedarekhey־ḥoshekhe׃

¹⁴ הַ֭שְּׂמֵחִים לַעֲשֹׂ֥ות רָ֑ע יָ֝גִ֗ילוּ בְּֽתַהְפֻּכֹ֥ות רָֽע׃ hasemeḥiym laʿasowt raʿ yagiylu betahepukhowt raʿ׃

¹⁵ אֲשֶׁ֣ר אָרְחֹתֵיהֶ֣ם עִקְּשִׁ֑ים וּ֝נְלֹוזִ֗ים בְּמַעְגְּלֹותָֽם׃ ʾasher ʾareḥoteyhem ʿiqeshiym unelowziym bemaʿegelowtam׃

¹⁶ לְ֭הַצִּ֣ילְךָ מֵאִשָּׁ֣ה זָרָ֑ה מִ֝נָּכְרִיָּ֗ה אֲמָרֶ֥יהָ הֶחֱלִֽיקָה׃ lehatsiylekha meʾishah zarah minakheriyah ʾamareyha heḥeliyqah׃

¹⁷ הַ֭עֹזֶבֶת אַלּ֣וּף נְעוּרֶ֑יהָ וְאֶת־בְּרִ֖ית אֱלֹהֶ֣יהָ שָׁכֵֽחָה׃ haʿozevet ʾaluf neʿureyha weʾet־beriyt ʾeloheyha shakheḥah׃

¹⁸ כִּ֤י שָׁ֣חָה אֶל־מָ֣וֶת בֵּיתָ֑הּ וְאֶל־רְ֝פָאִ֗ים מַעְגְּלֹתֶֽיהָ׃ kiy shaḥah ʾel־mawet beytah weʾel־refaʾiym maʿegeloteyha׃

¹⁹ כָּל־בָּ֭אֶיהָ לֹ֣א יְשׁוּב֑וּן וְלֹֽא־יַ֝שִּׂ֗יגוּ אָרְחֹ֥ות חַיִּֽים׃ kal־baʾeyha loʾ yeshuvun weloʾ־yasiygu ʾareḥowt ḥayiym׃

²⁰ לְמַ֗עַן תֵּ֭לֵךְ בְּדֶ֣רֶךְ טֹובִ֑ים וְאָרְחֹ֖ות צַדִּיקִ֣ים תִּשְׁמֹֽר׃ lemaʿan telekhe bederekhe ṭowviym weʾareḥowt tsadiyqiym tishemor׃

²¹ כִּֽי־יְשָׁרִ֥ים יִשְׁכְּנוּ־אָ֑רֶץ וּ֝תְמִימִ֗ים יִוָּ֥תְרוּ בָֽהּ׃ kiy־yeshariym yishekenu־ʾarets utemiymiym yiuateru vah׃

²² וּ֭רְשָׁעִים מֵאֶ֣רֶץ יִכָּרֵ֑תוּ וּ֝בֹוגְדִ֗ים יִסְּח֥וּ מִמֶּֽנָּה׃ פ ureshaʿiym meʾerets yikaretu uvowgediym yiseḥu mimenah׃ f