1 טֹ֥וב שֵׁ֖ם מִשֶּׁ֣מֶן טֹ֑וב וְיֹ֣ום הַמָּ֔וֶת מִיֹּ֖ום הִוָּלְדֹֽו׃ ṭowv shem mishemen ṭowv weyowm hamawet miyowm hiualedow׃
2 טֹ֞וב לָלֶ֣כֶת אֶל־בֵּֽית־אֵ֗בֶל מִלֶּ֙כֶת֙ אֶל־בֵּ֣ית מִשְׁתֶּ֔ה בַּאֲשֶׁ֕ר ה֖וּא סֹ֣וף כָּל־הָאָדָ֑ם וְהַחַ֖י יִתֵּ֥ן אֶל־לִבֹּֽו׃ ṭowv lalekhet ʾel־beyt־ʾevel milekhet ʾel־beyt misheteh baʾasher huʾ sowf kal־haʾadam wehaḥay yiten ʾel־libow׃
3 טֹ֥וב כַּ֖עַס מִשְּׂחֹ֑ק כִּֽי־בְרֹ֥עַ פָּנִ֖ים יִ֥יטַב לֵֽב׃ ṭowv kaʿas miseḥoq kiy־veroaʿ paniym yiyṭav lev׃
4 לֵ֤ב חֲכָמִים֙ בְּבֵ֣ית אֵ֔בֶל וְלֵ֥ב כְּסִילִ֖ים בְּבֵ֥ית שִׂמְחָֽה׃ lev ḥakhamiym beveyt ʾevel welev kesiyliym beveyt simeḥah׃
5 טֹ֕וב לִשְׁמֹ֖עַ גַּעֲרַ֣ת חָכָ֑ם מֵאִ֕ישׁ שֹׁמֵ֖עַ שִׁ֥יר כְּסִילִֽים׃ ṭowv lishemoaʿ gaʿarat ḥakham meʾiysh shomeaʿ shiyr kesiyliym׃
6 כִּ֣י כְקֹ֤ול הַסִּירִים֙ תַּ֣חַת הַסִּ֔יר כֵּ֖ן שְׂחֹ֣ק הַכְּסִ֑יל וְגַם־זֶ֖ה הָֽבֶל׃ kiy kheqowl hasiyriym taḥat hasiyr ken seḥoq hakesiyl wegam־zeh havel׃
7 כִּ֥י הָעֹ֖שֶׁק יְהֹולֵ֣ל חָכָ֑ם וִֽיאַבֵּ֥ד אֶת־לֵ֖ב מַתָּנָֽה׃ kiy haʿosheq yehowlel ḥakham wiyʾabed ʾet־lev matanah׃
8 טֹ֛וב אַחֲרִ֥ית דָּבָ֖ר מֵֽרֵאשִׁיתֹ֑ו טֹ֥וב אֶֽרֶךְ־ר֖וּחַ מִגְּבַהּ־רֽוּחַ׃ ṭowv ʾaḥariyt davar mereʾshiytow ṭowv ʾerekhe־ruaḥ migevah־ruaḥ׃
9 אַל־תְּבַהֵ֥ל בְּרֽוּחֲךָ֖ לִכְעֹ֑וס כִּ֣י כַ֔עַס בְּחֵ֥יק כְּסִילִ֖ים יָנֽוּחַ׃ ʾal־tevahel beruḥakha likheʿows kiy khaʿas beḥeyq kesiyliym yanuaḥ׃
10 אַל־תֹּאמַר֙ מֶ֣ה הָיָ֔ה שֶׁ֤הַיָּמִים֙ הָרִ֣אשֹׁנִ֔ים הָי֥וּ טֹובִ֖ים מֵאֵ֑לֶּה כִּ֛י לֹ֥א מֵחָכְמָ֖ה שָׁאַ֥לְתָּ עַל־זֶֽה׃ ʾal־toʾmar meh hayah shehayamiym hariʾshoniym hayu ṭowviym meʾeleh kiy loʾ meḥakhemah shaʾaleta ʿal־zeh׃
11 טֹובָ֥ה חָכְמָ֖ה עִֽם־נַחֲלָ֑ה וְיֹתֵ֖ר לְרֹאֵ֥י הַשָּֽׁמֶשׁ׃ ṭowvah ḥakhemah ʿim־naḥalah weyoter leroʾey hashamesh׃
12 כִּ֛י בְּצֵ֥ל הַֽחָכְמָ֖ה בְּצֵ֣ל הַכָּ֑סֶף וְיִתְרֹ֣ון דַּ֔עַת הַֽחָכְמָ֖ה תְּחַיֶּ֥ה בְעָלֶֽיהָ׃ kiy betsel haḥakhemah betsel hakasef weyiterown daʿat haḥakhemah teḥayeh veʿaleyha׃
13 רְאֵ֖ה אֶת־מַעֲשֵׂ֣ה הָאֱלֹהִ֑ים כִּ֣י מִ֤י יוּכַל֙ לְתַקֵּ֔ן אֵ֖ת אֲשֶׁ֥ר עִוְּתֹֽו׃ reʾeh ʾet־maʿaseh haʾelohiym kiy miy yukhal letaqen ʾet ʾasher ʿiuetow׃
14 בְּיֹ֤ום טֹובָה֙ הֱיֵ֣ה בְטֹ֔וב וּבְיֹ֥ום רָעָ֖ה רְאֵ֑ה גַּ֣ם אֶת־זֶ֤ה לְעֻמַּת־זֶה֙ עָשָׂ֣ה הָֽאֱלֹהִ֔ים עַל־דִּבְרַ֗ת שֶׁלֹּ֨א יִמְצָ֧א הָֽאָדָ֛ם אַחֲרָ֖יו מְאֽוּמָה׃ beyowm ṭowvah heyeh veṭowv uveyowm raʿah reʾeh gam ʾet־zeh leʿumat־zeh ʿasah haʾelohiym ʿal־diverat sheloʾ yimetsaʾ haʾadam ʾaḥarayw meʾumah׃
15 אֶת־הַכֹּ֥ל רָאִ֖יתִי בִּימֵ֣י הֶבְלִ֑י יֵ֤שׁ צַדִּיק֙ אֹבֵ֣ד בְּצִדְקֹ֔ו וְיֵ֣שׁ רָשָׁ֔ע מַאֲרִ֖יךְ בְּרָעָתֹֽו׃ ʾet־hakol raʾiytiy biymey heveliy yesh tsadiyq ʾoved betsideqow weyesh rashaʿ maʾariykhe beraʿatow׃
16 אַל־תְּהִ֤י צַדִּיק֙ הַרְבֵּ֔ה וְאַל־תִּתְחַכַּ֖ם יֹותֵ֑ר לָ֖מָּה תִּשֹּׁומֵֽם׃ ʾal־tehiy tsadiyq harebeh weʾal־titeḥakam yowter lamah tishowmem׃
17 אַל־תִּרְשַׁ֥ע הַרְבֵּ֖ה וְאַל־תְּהִ֣י סָכָ֑ל לָ֥מָּה תָמ֖וּת בְּלֹ֥א עִתֶּֽךָ׃ ʾal־tireshaʿ harebeh weʾal־tehiy sakhal lamah tamut beloʾ ʿitekha׃
18 טֹ֚וב אֲשֶׁ֣ר תֶּאֱחֹ֣ז בָּזֶ֔ה וְגַם־מִזֶּ֖ה אַל־תַּנַּ֣ח אֶת־יָדֶ֑ךָ כִּֽי־יְרֵ֥א אֱלֹהִ֖ים יֵצֵ֥א אֶת־כֻּלָּֽם׃ ṭowv ʾasher teʾeḥoz bazeh wegam־mizeh ʾal־tanaḥ ʾet־yadekha kiy־yereʾ ʾelohiym yetseʾ ʾet־kulam׃
19 הַֽחָכְמָ֖ה תָּעֹ֣ז לֶחָכָ֑ם מֵֽעֲשָׂרָה֙ שַׁלִּיטִ֔ים אֲשֶׁ֥ר הָי֖וּ בָּעִֽיר׃ haḥakhemah taʿoz leḥakham meʿasarah shaliyṭiym ʾasher hayu baʿiyr׃
20 כִּ֣י אָדָ֔ם אֵ֥ין צַדִּ֖יק בָּאָ֑רֶץ אֲשֶׁ֥ר יַעֲשֶׂה־טֹּ֖וב וְלֹ֥א יֶחֱטָֽא׃ kiy ʾadam ʾeyn tsadiyq baʾarets ʾasher yaʿaseh־ṭowv weloʾ yeḥeṭaʾ׃
21 גַּ֤ם לְכָל־הַדְּבָרִים֙ אֲשֶׁ֣ר יְדַבֵּ֔רוּ אַל־תִּתֵּ֖ן לִבֶּ֑ךָ אֲשֶׁ֥ר לֹֽא־תִשְׁמַ֥ע אֶֽת־עַבְדְּךָ֖ מְקַלְלֶֽךָ׃ gam lekhal־hadevariym ʾasher yedaberu ʾal־titen libekha ʾasher loʾ־tishemaʿ ʾet־ʿavedekha meqalelekha׃
22 כִּ֛י גַּם־פְּעָמִ֥ים רַבֹּ֖ות יָדַ֣ע לִבֶּ֑ךָ אֲשֶׁ֥ר גַּם־ [אַתְּ כ] (אַתָּ֖ה ק) קִלַּ֥לְתָּ אֲחֵרִֽים׃ kiy gam־peʿamiym rabowt yadaʿ libekha ʾasher gam־ [ʾate kh] (ʾatah q) qilaleta ʾaḥeriym׃
23 כָּל־זֹ֖ה נִסִּ֣יתִי בַֽחָכְמָ֑ה אָמַ֣רְתִּי אֶחְכָּ֔מָה וְהִ֖יא רְחֹוקָ֥ה מִמֶּֽנִּי׃ kal־zoh nisiytiy vaḥakhemah ʾamaretiy ʾeḥekamah wehiyʾ reḥowqah mimeniy׃
24 רָחֹ֖וק מַה־שֶּׁהָיָ֑ה וְעָמֹ֥ק ׀ עָמֹ֖ק מִ֥י יִמְצָאֶֽנּוּ׃ raḥowq mah־shehayah weʿamoq ׀ ʿamoq miy yimetsaʾenu׃
25 סַבֹּ֨ותִֽי אֲנִ֤י וְלִבִּי֙ לָדַ֣עַת וְלָת֔וּר וּבַקֵּ֥שׁ חָכְמָ֖ה וְחֶשְׁבֹּ֑ון וְלָדַ֙עַת֙ רֶ֣שַׁע כֶּ֔סֶל וְהַסִּכְל֖וּת הֹולֵלֹֽות׃ sabowtiy ʾaniy welibiy ladaʿat welatur uvaqesh ḥakhemah weḥeshebown weladaʿat reshaʿ kesel wehasikhelut howlelowt׃
26 וּמֹוצֶ֨א אֲנִ֜י מַ֣ר מִמָּ֗וֶת אֶת־הָֽאִשָּׁה֙ אֲשֶׁר־הִ֨יא מְצֹודִ֧ים וַחֲרָמִ֛ים לִבָּ֖הּ אֲסוּרִ֣ים יָדֶ֑יהָ טֹ֞וב לִפְנֵ֤י הָאֱלֹהִים֙ יִמָּלֵ֣ט מִמֶּ֔נָּה וְחֹוטֵ֖א יִלָּ֥כֶד בָּֽהּ׃ umowtseʾ ʾaniy mar mimawet ʾet־haʾishah ʾasher־hiyʾ metsowdiym waḥaramiym libah ʾasuriym yadeyha ṭowv lifeney haʾelohiym yimaleṭ mimenah weḥowṭeʾ yilakhed bah׃
27 רְאֵה֙ זֶ֣ה מָצָ֔אתִי אָמְרָ֖ה קֹהֶ֑לֶת אַחַ֥ת לְאַחַ֖ת לִמְצֹ֥א חֶשְׁבֹּֽון׃ reʾeh zeh matsaʾtiy ʾamerah qohelet ʾaḥat leʾaḥat limetsoʾ ḥeshebown׃
28 אֲשֶׁ֛ר עֹוד־בִּקְשָׁ֥ה נַפְשִׁ֖י וְלֹ֣א מָצָ֑אתִי אָדָ֞ם אֶחָ֤ד מֵאֶ֙לֶף֙ מָצָ֔אתִי וְאִשָּׁ֥ה בְכָל־אֵ֖לֶּה לֹ֥א מָצָֽאתִי׃ ʾasher ʿowd־biqeshah nafeshiy weloʾ matsaʾtiy ʾadam ʾeḥad meʾelef matsaʾtiy weʾishah vekhal־ʾeleh loʾ matsaʾtiy׃
29 לְבַד֙ רְאֵה־זֶ֣ה מָצָ֔אתִי אֲשֶׁ֨ר עָשָׂ֧ה הָאֱלֹהִ֛ים אֶת־הָאָדָ֖ם יָשָׁ֑ר וְהֵ֥מָּה בִקְשׁ֖וּ חִשְּׁבֹנֹ֥ות רַבִּֽים׃ levad reʾeh־zeh matsaʾtiy ʾasher ʿasah haʾelohiym ʾet־haʾadam yashar wehemah viqeshu ḥishevonowt rabiym׃