1 הֹ֥וי אֶ֖רֶץ צִלְצַ֣ל כְּנָפָ֑יִם אֲשֶׁ֥ר מֵעֵ֖בֶר לְנַֽהֲרֵי־כֽוּשׁ׃ howy ʾerets tsiletsal kenafayim ʾasher meʿever lenaharey־khush׃
2 הַשֹּׁלֵ֨חַ בַּיָּ֜ם צִירִ֗ים וּבִכְלֵי־גֹמֶא֮ עַל־פְּנֵי־מַיִם֒ לְכ֣וּ ׀ מַלְאָכִ֣ים קַלִּ֗ים אֶל־גֹּוי֙ מְמֻשָּׁ֣ךְ וּמֹורָ֔ט אֶל־עַ֥ם נֹורָ֖א מִן־ה֣וּא וָהָ֑לְאָה גֹּ֚וי קַו־קָ֣ו וּמְבוּסָ֔ה אֲשֶׁר־בָּזְא֥וּ נְהָרִ֖ים אַרְצֹֽו׃ hasholeaḥ bayam tsiyriym uvikheley־gomeʾ ʿal־peney־mayim lekhu ׀ maleʾakhiym qaliym ʾel־gowy memushakhe umowraṭ ʾel־ʿam nowraʾ min־huʾ wahaleʾah gowy qaw־qaw umevusah ʾasher־bazeʾu nehariym ʾaretsow׃
3 כָּל־יֹשְׁבֵ֥י תֵבֵ֖ל וְשֹׁ֣כְנֵי אָ֑רֶץ כִּנְשֹׂא־נֵ֤ס הָרִים֙ תִּרְא֔וּ וְכִתְקֹ֥עַ שֹׁופָ֖ר תִּשְׁמָֽעוּ׃ ס kal־yoshevey tevel weshokheney ʾarets kinesoʾ־nes hariym tireʾu wekhiteqoaʿ showfar tishemaʿu׃ s
4 כִּי֩ כֹ֨ה אָמַ֤ר יְהוָה֙ אֵלַ֔י [אֶשְׁקֹוטָה כ] (אֶשְׁקֳטָ֖ה ק) וְאַבִּ֣יטָה בִמְכֹונִ֑י כְּחֹ֥ם צַח֙ עֲלֵי־אֹ֔ור כְּעָ֥ב טַ֖ל בְּחֹ֥ם קָצִֽיר׃ kiy khoh ʾamar yehwah ʾelay [ʾesheqowṭah kh] (ʾesheqoṭah q) weʾabiyṭah vimekhowniy keḥom tsaḥ ʿaley־ʾowr keʿav ṭal beḥom qatsiyr׃
5 כִּֽי־לִפְנֵ֤י קָצִיר֙ כְּתָם־פֶּ֔רַח וּבֹ֥סֶר גֹּמֵ֖ל יִֽהְיֶ֣ה נִצָּ֑ה וְכָרַ֤ת הַזַּלְזַלִּים֙ בַּמַּזְמֵרֹ֔ות וְאֶת־הַנְּטִישֹׁ֖ות הֵסִ֥יר הֵתַֽז׃ kiy־lifeney qatsiyr ketam־peraḥ uvoser gomel yiheyeh nitsah wekharat hazalezaliym bamazemerowt weʾet־haneṭiyshowt hesiyr hetaz׃
6 יֵעָזְב֤וּ יַחְדָּו֙ לְעֵ֣יט הָרִ֔ים וּֽלְבֶהֱמַ֖ת הָאָ֑רֶץ וְקָ֤ץ עָלָיו֙ הָעַ֔יִט וְכָל־בֶּהֱמַ֥ת הָאָ֖רֶץ עָלָ֥יו תֶּחֱרָֽף׃ yeʿazevu yaḥedaw leʿeyṭ hariym ulevehemat haʾarets weqats ʿalayw haʿayiṭ wekhal־behemat haʾarets ʿalayw teḥeraf׃
7 בָּעֵת֩ הַהִ֨יא יֽוּבַל־שַׁ֜י לַיהוָ֣ה צְבָאֹ֗ות עַ֚ם מְמֻשָּׁ֣ךְ וּמֹורָ֔ט וּמֵעַ֥ם נֹורָ֖א מִן־ה֣וּא וָהָ֑לְאָה גֹּ֣וי ׀ קַו־קָ֣ו וּמְבוּסָ֗ה אֲשֶׁ֨ר בָּזְא֤וּ נְהָרִים֙ אַרְצֹ֔ו אֶל־מְקֹ֛ום שֵׁם־יְהוָ֥ה צְבָאֹ֖ות הַר־צִיֹּֽון׃ ס baʿet hahiyʾ yuval־shay layhwah tsevaʾowt ʿam memushakhe umowraṭ umeʿam nowraʾ min־huʾ wahaleʾah gowy ׀ qaw־qaw umevusah ʾasher bazeʾu nehariym ʾaretsow ʾel־meqowm shem־yehwah tsevaʾowt har־tsiyown׃ s