Ésaïe 63

¹ מִי־זֶ֣ה ׀ בָּ֣א מֵאֱדֹ֗ום חֲמ֤וּץ בְּגָדִים֙ מִבָּצְרָ֔ה זֶ֚ה הָד֣וּר בִּלְבוּשֹׁ֔ו צֹעֶ֖ה בְּרֹ֣ב כֹּחֹ֑ו אֲנִ֛י מְדַבֵּ֥ר בִּצְדָקָ֖ה רַ֥ב לְהֹושִֽׁיעַ׃ miy־zeh ׀ baʾ meʾedowm ḥamuts begadiym mibatserah zeh hadur bilevushow tsoʿeh berov koḥow ʾaniy medaber bitsedaqah rav lehowshiyʿa׃

² מַדּ֥וּעַ אָדֹ֖ם לִלְבוּשֶׁ֑ךָ וּבְגָדֶ֖יךָ כְּדֹרֵ֥ךְ בְּגַֽת׃ maduaʿ ʾadom lilevushekha uvegadeykha kedorekhe begat׃

³ פּוּרָ֣ה ׀ דָּרַ֣כְתִּי לְבַדִּ֗י וּמֵֽעַמִּים֙ אֵֽין־אִ֣ישׁ אִתִּ֔י וְאֶדְרְכֵ֣ם בְּאַפִּ֔י וְאֶרְמְסֵ֖ם בַּחֲמָתִ֑י וְיֵ֤ז נִצְחָם֙ עַל־בְּגָדַ֔י וְכָל־מַלְבּוּשַׁ֖י אֶגְאָֽלְתִּי׃ purah ׀ darakhetiy levadiy umeʿamiym ʾeyn־ʾiysh ʾitiy weʾederekhem beʾapiy weʾeremesem baḥamatiy weyez nitseḥam ʿal־begaday wekhal־malebushay ʾegeʾaletiy׃

⁴ כִּ֛י יֹ֥ום נָקָ֖ם בְּלִבִּ֑י וּשְׁנַ֥ת גְּאוּלַ֖י בָּֽאָה׃ kiy yowm naqam belibiy ushenat geʾulay baʾah׃

⁵ וְאַבִּיט֙ וְאֵ֣ין עֹזֵ֔ר וְאֶשְׁתֹּומֵ֖ם וְאֵ֣ין סֹומֵ֑ךְ וַתֹּ֤ושַֽׁע לִי֙ זְרֹעִ֔י וַחֲמָתִ֖י הִ֥יא סְמָכָֽתְנִי׃ weʾabiyṭ weʾeyn ʿozer weʾeshetowmem weʾeyn sowmekhe watowshaʿ liy zeroʿiy waḥamatiy hiyʾ semakhateniy׃

⁶ וְאָב֤וּס עַמִּים֙ בְּאַפִּ֔י וַאֲשַׁכְּרֵ֖ם בַּחֲמָתִ֑י וְאֹורִ֥יד לָאָ֖רֶץ נִצְחָֽם׃ ס weʾavus ʿamiym beʾapiy waʾashakerem baḥamatiy weʾowriyd laʾarets nitseḥam׃ s

⁷ חַֽסְדֵ֨י יְהוָ֤ה ׀ אַזְכִּיר֙ תְּהִלֹּ֣ת יְהוָ֔ה כְּעַ֕ל כֹּ֥ל אֲשֶׁר־גְּמָלָ֖נוּ יְהוָ֑ה וְרַב־טוּב֙ לְבֵ֣ית יִשְׂרָאֵ֔ל אֲשֶׁר־גְּמָלָ֥ם כְּֽרַחֲמָ֖יו וּכְרֹ֥ב חֲסָדָֽיו׃ ḥasedey yehwah ׀ ʾazekiyr tehilot yehwah keʿal kol ʾasher־gemalanu yehwah werav־ṭuv leveyt yiseraʾel ʾasher־gemalam keraḥamayw ukherov ḥasadayw׃

⁸ וַיֹּ֙אמֶר֙ אַךְ־עַמִּ֣י הֵ֔מָּה בָּנִ֖ים לֹ֣א יְשַׁקֵּ֑רוּ וַיְהִ֥י לָהֶ֖ם לְמֹושִֽׁיעַ׃ wayoʾmer ʾakhe־ʿamiy hemah baniym loʾ yeshaqeru wayehiy lahem lemowshiyʿa׃

⁹ בְּֽכָל־צָרָתָ֣ם ׀ [לֹא כ] (לֹ֣ו ק) צָ֗ר וּמַלְאַ֤ךְ פָּנָיו֙ הֹֽושִׁיעָ֔ם בְּאַהֲבָתֹ֥ו וּבְחֶמְלָתֹ֖ו ה֣וּא גְאָלָ֑ם וַֽיְנַטְּלֵ֥ם וַֽיְנַשְּׂאֵ֖ם כָּל־יְמֵ֥י עֹולָֽם׃ bekhal־tsaratam ׀ [loʾ kh] (low q) tsar umaleʾakhe panayw howshiyʿam beʾahavatow uveḥemelatow huʾ geʾalam wayenaṭelem wayenaseʾem kal־yemey ʿowlam׃

¹⁰ וְהֵ֛מָּה מָר֥וּ וְעִצְּב֖וּ אֶת־ר֣וּחַ קָדְשֹׁ֑ו וַיֵּהָפֵ֥ךְ לָהֶ֛ם לְאֹויֵ֖ב ה֥וּא נִלְחַם־בָּֽם׃ wehemah maru weʿitsevu ʾet־ruaḥ qadeshow wayehafekhe lahem leʾowyev huʾ nileḥam־bam׃

¹¹ וַיִּזְכֹּ֥ר יְמֵֽי־עֹולָ֖ם מֹשֶׁ֣ה עַמֹּ֑ו אַיֵּ֣ה ׀ הַֽמַּעֲלֵ֣ם מִיָּ֗ם אֵ֚ת רֹעֵ֣י צֹאנֹ֔ו אַיֵּ֛ה הַשָּׂ֥ם בְּקִרְבֹּ֖ו אֶת־ר֥וּחַ קָדְשֹֽׁו׃ wayizekor yemey־ʿowlam mosheh ʿamow ʾayeh ׀ hamaʿalem miyam ʾet roʿey tsoʾnow ʾayeh hasam beqirebow ʾet־ruaḥ qadeshow׃

¹² מֹולִיךְ֙ לִימִ֣ין מֹשֶׁ֔ה זְרֹ֖ועַ תִּפְאַרְתֹּ֑ו בֹּ֤וקֵֽעַ מַ֙יִם֙ מִפְּנֵיהֶ֔ם לַעֲשֹׂ֥ות לֹ֖ו שֵׁ֥ם עֹולָֽם׃ mowliykhe liymiyn mosheh zerowʿa tifeʾaretow bowqeaʿ mayim mipeneyhem laʿasowt low shem ʿowlam׃

¹³ מֹולִיכָ֖ם בַּתְּהֹמֹ֑ות כַּסּ֥וּס בַּמִּדְבָּ֖ר לֹ֥א יִכָּשֵֽׁלוּ׃ mowliykham batehomowt kasus bamidebar loʾ yikashelu׃

¹⁴ כַּבְּהֵמָה֙ בַּבִּקְעָ֣ה תֵרֵ֔ד ר֥וּחַ יְהוָ֖ה תְּנִיחֶ֑נּוּ כֵּ֚ן נִהַ֣גְתָּ עַמְּךָ֔ לַעֲשֹׂ֥ות לְךָ֖ שֵׁ֥ם תִּפְאָֽרֶת׃ kabehemah babiqeʿah tered ruaḥ yehwah teniyḥenu ken nihageta ʿamekha laʿasowt lekha shem tifeʾaret׃

¹⁵ הַבֵּ֤ט מִשָּׁמַ֙יִם֙ וּרְאֵ֔ה מִזְּבֻ֥ל קָדְשְׁךָ֖ וְתִפְאַרְתֶּ֑ךָ אַיֵּ֤ה קִנְאָֽתְךָ֙ וּגְב֣וּרֹתֶ֔ךָ הֲמֹ֥ון מֵעֶ֛יךָ וְֽרַחֲמֶ֖יךָ אֵלַ֥י הִתְאַפָּֽקוּ׃ habeṭ mishamayim ureʾeh mizevul qadeshekha wetifeʾaretekha ʾayeh qineʾatekha ugevurotekha hamown meʿeykha weraḥameykha ʾelay hiteʾapaqu׃

¹⁶ כִּֽי־אַתָּ֣ה אָבִ֔ינוּ כִּ֤י אַבְרָהָם֙ לֹ֣א יְדָעָ֔נוּ וְיִשְׂרָאֵ֖ל לֹ֣א יַכִּירָ֑נוּ אַתָּ֤ה יְהוָה֙ אָבִ֔ינוּ גֹּאֲלֵ֥נוּ מֵֽעֹולָ֖ם שְׁמֶֽךָ׃ kiy־ʾatah ʾaviynu kiy ʾaveraham loʾ yedaʿanu weyiseraʾel loʾ yakiyranu ʾatah yehwah ʾaviynu goʾalenu meʿowlam shemekha׃

¹⁷ לָ֣מָּה תַתְעֵ֤נוּ יְהוָה֙ מִדְּרָכֶ֔יךָ תַּקְשִׁ֥יחַ לִבֵּ֖נוּ מִיִּרְאָתֶ֑ךָ וּב לְמַ֣עַן עֲבָדֶ֔יךָ שִׁבְטֵ֖י נַחֲלָתֶֽךָ׃ lamah tateʿenu yehwah miderakheykha taqeshiyḥa libenu miyireʾatekha uv lemaʿan ʿavadeykha shiveṭey naḥalatekha׃

¹⁸ לַמִּצְעָ֕ר יָרְשׁ֖וּ עַם־קָדְשֶׁ֑ךָ צָרֵ֕ינוּ בֹּוסְס֖וּ מִקְדָּשֶֽׁךָ׃ lamitseʿar yareshu ʿam־qadeshekha tsareynu bowsesu miqedashekha׃

¹⁹ הָיִ֗ינוּ מֵֽעֹולָם֙ לֹֽא־מָשַׁ֣לְתָּ בָּ֔ם לֹֽא־נִקְרָ֥א שִׁמְךָ֖ עֲלֵיהֶ֑ם לוּא־קָרַ֤עְתָּ שָׁמַ֙יִם֙ יָרַ֔דְתָּ מִפָּנֶ֖יךָ הָרִ֥ים נָזֹֽלּוּ׃ hayiynu meʿowlam loʾ־mashaleta bam loʾ־niqeraʾ shimekha ʿaleyhem luʾ־qaraʿeta shamayim yaradeta mipaneykha hariym nazolu׃