Jérémie 9

¹ מִֽי־יִתְּנֵ֣נִי בַמִּדְבָּ֗ר מְלֹון֙ אֹֽרְחִ֔ים וְאֶֽעֶזְבָה֙ אֶת־עַמִּ֔י וְאֵלְכָ֖ה מֵֽאִתָּ֑ם כִּ֤י כֻלָּם֙ מְנָ֣אֲפִ֔ים עֲצֶ֖רֶת בֹּגְדִֽים׃ miy־yiteneniy vamidebar melown ʾoreḥiym weʾeʿezevah ʾet־ʿamiy weʾelekhah meʾitam kiy khulam menaʾafiym ʿatseret bogediym׃

² וַֽיַּדְרְכ֤וּ אֶת־לְשֹׁונָם֙ קַשְׁתָּ֣ם שֶׁ֔קֶר וְלֹ֥א לֶאֱמוּנָ֖ה גָּבְר֣וּ בָאָ֑רֶץ כִּי֩ מֵרָעָ֨ה אֶל־רָעָ֧ה ׀ יָצָ֛אוּ וְאֹתִ֥י לֹֽא־יָדָ֖עוּ נְאֻם־יְהוָֽה׃ ס wayaderekhu ʾet־leshownam qashetam sheqer weloʾ leʾemunah gaveru vaʾarets kiy meraʿah ʾel־raʿah ׀ yatsaʾu weʾotiy loʾ־yadaʿu neʾum־yehwah׃ s

³ אִ֤ישׁ מֵרֵעֵ֙הוּ֙ הִשָּׁמֵ֔רוּ וְעַל־כָּל־אָ֖ח אַל־תִּבְטָ֑חוּ כִּ֤י כָל־אָח֙ עָקֹ֣וב יַעְקֹ֔ב וְכָל־רֵ֖עַ רָכִ֥יל יַהֲלֹֽךְ׃ ʾiysh mereʿehu hishameru weʿal־kal־ʾaḥ ʾal־tiveṭaḥu kiy khal־ʾaḥ ʿaqowv yaʿeqov wekhal־reaʿ rakhiyl yahalokhe׃

⁴ וְאִ֤ישׁ בְּרֵעֵ֙הוּ֙ יְהָתֵ֔לּוּ וֶאֱמֶ֖ת לֹ֣א יְדַבֵּ֑רוּ לִמְּד֧וּ לְשֹׁונָ֛ם דַּבֶּר־שֶׁ֖קֶר הַעֲוֵ֥ה נִלְאֽוּ׃ weʾiysh bereʿehu yehatelu weʾemet loʾ yedaberu limedu leshownam daber־sheqer haʿaweh nileʾu׃

⁵ שִׁבְתְּךָ֖ בְּתֹ֣וךְ מִרְמָ֑ה בְּמִרְמָ֛ה מֵאֲנ֥וּ דַֽעַת־אֹותִ֖י נְאֻם־יְהוָֽה׃ ס shivetekha betowkhe miremah bemiremah meʾanu daʿat־ʾowtiy neʾum־yehwah׃ s

⁶ לָכֵ֗ן כֹּ֤ה אָמַר֙ יְהוָ֣ה צְבָאֹ֔ות הִנְנִ֥י צֹורְפָ֖ם וּבְחַנְתִּ֑ים כִּֽי־אֵ֣יךְ אֶעֱשֶׂ֔ה מִפְּנֵ֖י בַּת־עַמִּֽי׃ lakhen koh ʾamar yehwah tsevaʾowt hineniy tsowrefam uveḥanetiym kiy־ʾeykhe ʾeʿeseh mipeney bat־ʿamiy׃

⁷ חֵ֥ץ [שֹׁוחֵט כ] (שָׁח֛וּט ק) לְשֹׁונָ֖ם מִרְמָ֣ה דִבֵּ֑ר בְּפִ֗יו שָׁלֹ֤ום אֶת־רֵעֵ֙הוּ֙ יְדַבֵּ֗ר וּבְקִרְבֹּ֖ו יָשִׂ֥ים אָרְבֹּֽו׃ ḥets [showḥeṭ kh] (shaḥuṭ q) leshownam miremah diber befiyw shalowm ʾet־reʿehu yedaber uveqirebow yasiym ʾarebow׃

⁸ הַעַל־אֵ֥לֶּה לֹֽא־אֶפְקָד־בָּ֖ם נְאֻם־יְהוָ֑ה אִ֚ם בְּגֹ֣וי אֲשֶׁר־כָּזֶ֔ה לֹ֥א תִתְנַקֵּ֖ם נַפְשִֽׁי׃ ס haʿal־ʾeleh loʾ־ʾefeqad־bam neʾum־yehwah ʾim begowy ʾasher־kazeh loʾ titenaqem nafeshiy׃ s

⁹ עַל־הֶ֨הָרִ֜ים אֶשָּׂ֧א בְכִ֣י וָנֶ֗הִי וְעַל־נְאֹ֤ות מִדְבָּר֙ קִינָ֔ה כִּ֤י נִצְּתוּ֙ מִבְּלִי־אִ֣ישׁ עֹבֵ֔ר וְלֹ֥א שָׁמְע֖וּ קֹ֣ול מִקְנֶ֑ה מֵעֹ֤וף הַשָּׁמַ֙יִם֙ וְעַד־בְּהֵמָ֔ה נָדְד֖וּ הָלָֽכוּ׃ ʿal־hehariym ʾesaʾ vekhiy wanehiy weʿal־neʾowt midebar qiynah kiy nitsetu mibeliy־ʾiysh ʿover weloʾ shameʿu qowl miqeneh meʿowf hashamayim weʿad־behemah nadedu halakhu׃

¹⁰ וְנָתַתִּ֧י אֶת־יְרוּשָׁלִַ֛ם לְגַלִּ֖ים מְעֹ֣ון תַּנִּ֑ים וְאֶת־עָרֵ֧י יְהוּדָ֛ה אֶתֵּ֥ן שְׁמָמָ֖ה מִבְּלִ֖י יֹושֵֽׁב׃ ס wenatatiy ʾet־yerushalim legaliym meʿown taniym weʾet־ʿarey yehudah ʾeten shemamah mibeliy yowshev׃ s

¹¹ מִֽי־הָאִ֤ישׁ הֶֽחָכָם֙ וְיָבֵ֣ן אֶת־זֹ֔את וַאֲשֶׁ֨ר דִּבֶּ֧ר פִּֽי־יְהוָ֛ה אֵלָ֖יו וְיַגִּדָ֑הּ עַל־מָה֙ אָבְדָ֣ה הָאָ֔רֶץ נִצְּתָ֥ה כַמִּדְבָּ֖ר מִבְּלִ֖י עֹבֵֽר׃ ס miy־haʾiysh heḥakham weyaven ʾet־zoʾt waʾasher diber piy־yehwah ʾelayw weyagidah ʿal־mah ʾavedah haʾarets nitsetah khamidebar mibeliy ʿover׃ s

¹² וַיֹּ֣אמֶר יְהוָ֔ה עַל־עָזְבָם֙ אֶת־תֹּ֣ורָתִ֔י אֲשֶׁ֥ר נָתַ֖תִּי לִפְנֵיהֶ֑ם וְלֹא־שָׁמְע֥וּ בְקֹולִ֖י וְלֹא־הָ֥לְכוּ בָֽהּ׃ wayoʾmer yehwah ʿal־ʿazevam ʾet־towratiy ʾasher natatiy lifeneyhem weloʾ־shameʿu veqowliy weloʾ־halekhu vah׃

¹³ וַיֵּ֣לְכ֔וּ אַחֲרֵ֖י שְׁרִר֣וּת לִבָּ֑ם וְאַחֲרֵי֙ הַבְּעָלִ֔ים אֲשֶׁ֥ר לִמְּד֖וּם אֲבֹותָֽם׃ ס wayelekhu ʾaḥarey sherirut libam weʾaḥarey habeʿaliym ʾasher limedum ʾavowtam׃ s

¹⁴ לָכֵ֗ן כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֧י מַאֲכִילָ֛ם אֶת־הָעָ֥ם הַזֶּ֖ה לַֽעֲנָ֑ה וְהִשְׁקִיתִ֖ים מֵי־רֹֽאשׁ׃ lakhen koh־ʾamar yehwah tsevaʾowt ʾelohey yiseraʾel hineniy maʾakhiylam ʾet־haʿam hazeh laʿanah wehisheqiytiym mey־roʾsh׃

¹⁵ וַהֲפִֽצֹותִים֙ בַּגֹּויִ֔ם אֲשֶׁר֙ לֹ֣א יָֽדְע֔וּ הֵ֖מָּה וַֽאֲבֹותָ֑ם וְשִׁלַּחְתִּ֤י אַֽחֲרֵיהֶם֙ אֶת־הַחֶ֔רֶב עַ֥ד כַּלֹּותִ֖י אֹותָֽם׃ פ wahafitsowtiym bagowyim ʾasher loʾ yadeʿu hemah waʾavowtam weshilaḥetiy ʾaḥareyhem ʾet־haḥerev ʿad kalowtiy ʾowtam׃ f

¹⁶ כֹּ֤ה אָמַר֙ יְהוָ֣ה צְבָאֹ֔ות הִתְבֹּֽונְנ֛וּ וְקִרְא֥וּ לַמְקֹונְנֹ֖ות וּתְבֹואֶ֑ינָה וְאֶל־הַחֲכָמֹ֥ות שִׁלְח֖וּ וְתָבֹֽואנָה׃ koh ʾamar yehwah tsevaʾowt hitebownenu weqireʾu lameqownenowt utevowʾeynah weʾel־haḥakhamowt shileḥu wetavowʾnah׃

¹⁷ וּתְמַהֵ֕רְנָה וְתִשֶּׂ֥נָה עָלֵ֖ינוּ נֶ֑הִי וְתֵרַ֤דְנָה עֵינֵ֙ינוּ֙ דִּמְעָ֔ה וְעַפְעַפֵּ֖ינוּ יִזְּלוּ־מָֽיִם׃ utemaherenah wetisenah ʿaleynu nehiy weteradenah ʿeyneynu dimeʿah weʿafeʿapeynu yizelu־mayim׃

¹⁸ כִּ֣י קֹ֥ול נְהִ֛י נִשְׁמַ֥ע מִצִּיֹּ֖ון אֵ֣יךְ שֻׁדָּ֑דְנוּ בֹּ֤שְׁנֽוּ מְאֹד֙ כִּֽי־עָזַ֣בְנוּ אָ֔רֶץ כִּ֥י הִשְׁלִ֖יכוּ מִשְׁכְּנֹותֵֽינוּ׃ ס kiy qowl nehiy nishemaʿ mitsiyown ʾeykhe shudadenu boshenu meʾod kiy־ʿazavenu ʾarets kiy hisheliykhu mishekenowteynu׃ s

¹⁹ כִּֽי־שְׁמַ֤עְנָה נָשִׁים֙ דְּבַר־יְהוָ֔ה וְתִקַּ֥ח אָזְנְכֶ֖ם דְּבַר־פִּ֑יו וְלַמֵּ֤דְנָה בְנֹֽותֵיכֶם֙ נֶ֔הִי וְאִשָּׁ֥ה רְעוּתָ֖הּ קִינָֽה׃ kiy־shemaʿenah nashiym devar־yehwah wetiqaḥ ʾazenekhem devar־piyw welamedenah venowteykhem nehiy weʾishah reʿutah qiynah׃

²⁰ כִּֽי־עָ֤לָה מָ֙וֶת֙ בְּחַלֹּונֵ֔ינוּ בָּ֖א בְּאַרְמְנֹותֵ֑ינוּ לְהַכְרִ֤ית עֹולָל֙ מִח֔וּץ בַּחוּרִ֖ים מֵרְחֹבֹֽות׃ kiy־ʿalah mawet beḥalowneynu baʾ beʾaremenowteynu lehakheriyt ʿowlal miḥuts baḥuriym mereḥovowt׃

²¹ דַּבֵּ֗ר כֹּ֚ה נְאֻם־יְהוָ֔ה וְנָֽפְלָה֙ נִבְלַ֣ת הָֽאָדָ֔ם כְּדֹ֖מֶן עַל־פְּנֵ֣י הַשָּׂדֶ֑ה וּכְעָמִ֛יר מֵאַחֲרֵ֥י הַקֹּצֵ֖ר וְאֵ֥ין מְאַסֵּֽף׃ ס daber koh neʾum־yehwah wenafelah nivelat haʾadam kedomen ʿal־peney hasadeh ukheʿamiyr meʾaḥarey haqotser weʾeyn meʾasef׃ s

²² כֹּ֣ה ׀ אָמַ֣ר יְהוָ֗ה אַל־יִתְהַלֵּ֤ל חָכָם֙ בְּחָכְמָתֹ֔ו וְאַל־יִתְהַלֵּ֥ל הַגִּבֹּ֖ור בִּגְבֽוּרָתֹ֑ו אַל־יִתְהַלֵּ֥ל עָשִׁ֖יר בְּעָשְׁרֹֽו׃ koh ׀ ʾamar yehwah ʾal־yitehalel ḥakham beḥakhematow weʾal־yitehalel hagibowr bigevuratow ʾal־yitehalel ʿashiyr beʿasherow׃

²³ כִּ֣י אִם־בְּזֹ֞את יִתְהַלֵּ֣ל הַמִּתְהַלֵּ֗ל הַשְׂכֵּל֮ וְיָדֹ֣עַ אֹותִי֒ כִּ֚י אֲנִ֣י יְהוָ֔ה עֹ֥שֶׂה חֶ֛סֶד מִשְׁפָּ֥ט וּצְדָקָ֖ה בָּאָ֑רֶץ כִּֽי־בְאֵ֥לֶּה חָפַ֖צְתִּי נְאֻם־יְהוָֽה׃ ס kiy ʾim־bezoʾt yitehalel hamitehalel hasekel weyadoaʿ ʾowtiy kiy ʾaniy yehwah ʿoseh ḥesed mishepaṭ utsedaqah baʾarets kiy־veʾeleh ḥafatsetiy neʾum־yehwah׃ s

²⁴ הִנֵּ֛ה יָמִ֥ים בָּאִ֖ים נְאֻם־יְהוָ֑ה וּפָ֣קַדְתִּ֔י עַל־כָּל־מ֖וּל בְּעָרְלָֽה׃ hineh yamiym baʾiym neʾum־yehwah ufaqadetiy ʿal־kal־mul beʿarelah׃

²⁵ עַל־מִצְרַ֣יִם וְעַל־יְהוּדָ֗ה וְעַל־אֱדֹ֞ום וְעַל־בְּנֵ֤י עַמֹּון֙ וְעַל־מֹואָ֔ב וְעַל֙ כָּל־קְצוּצֵ֣י פֵאָ֔ה הַיֹּשְׁבִ֖ים בַּמִּדְבָּ֑ר כִּ֤י כָל־הַגֹּויִם֙ עֲרֵלִ֔ים וְכָל־בֵּ֥ית יִשְׂרָאֵ֖ל עַרְלֵי־לֵֽב׃ ס ʿal־mitserayim weʿal־yehudah weʿal־ʾedowm weʿal־beney ʿamown weʿal־mowʾav weʿal kal־qetsutsey feʾah hayosheviym bamidebar kiy khal־hagowyim ʿareliym wekhal־beyt yiseraʾel ʿareley־lev׃ s