Proverbes 25

¹ גַּם־אֵ֭לֶּה מִשְׁלֵ֣י שְׁלֹמֹ֑ה אֲשֶׁ֥ר הֶ֝עְתִּ֗יקוּ אַנְשֵׁ֤י ׀ חִזְקִיָּ֬ה מֶֽלֶךְ־יְהוּדָֽה׃ gam־ʾeleh misheley shelomoh ʾasher heʿetiyqu ʾaneshey ׀ ḥizeqiyah melekhe־yehudah׃

² כְּבֹ֣ד אֱ֭לֹהִים הַסְתֵּ֣ר דָּבָ֑ר וּכְבֹ֥ד מְ֝לָכִ֗ים חֲקֹ֣ר דָּבָֽר׃ kevod ʾelohiym haseter davar ukhevod melakhiym ḥaqor davar׃

³ שָׁמַ֣יִם לָ֭רוּם וָאָ֣רֶץ לָעֹ֑מֶק וְלֵ֥ב מְ֝לָכִ֗ים אֵ֣ין חֵֽקֶר׃ shamayim larum waʾarets laʿomeq welev melakhiym ʾeyn ḥeqer׃

⁴ הָגֹ֣ו סִיגִ֣ים מִכָּ֑סֶף וַיֵּצֵ֖א לַצֹּרֵ֣ף כֶּֽלִי׃ hagow siygiym mikasef wayetseʾ latsoref keliy׃

⁵ הָגֹ֣ו רָ֭שָׁע לִפְנֵי־מֶ֑לֶךְ וְיִכֹּ֖ון בַּצֶּ֣דֶק כִּסְאֹֽו׃ hagow rashaʿ lifeney־melekhe weyikown batsedeq kiseʾow׃

⁶ אַל־תִּתְהַדַּ֥ר לִפְנֵי־מֶ֑לֶךְ וּבִמְקֹ֥ום גְּ֝דֹלִ֗ים אַֽל־תַּעֲמֹֽד׃ ʾal־titehadar lifeney־melekhe uvimeqowm gedoliym ʾal־taʿamod׃

⁷ כִּ֤י טֹ֥וב אֲמָר־לְךָ֗ עֲ‍ֽלֵ֫ה הֵ֥נָּה מֵֽ֭הַשְׁפִּ֣ילְךָ לִפְנֵ֣י נָדִ֑יב אֲשֶׁ֖ר רָא֣וּ עֵינֶֽיךָ׃ kiy ṭowv ʾamar־lekha ע‍leh henah mehashepiylekha lifeney nadiyv ʾasher raʾu ʿeyneykha׃

⁸ אַל־תֵּצֵ֥א לָרִ֗ב מַ֫הֵ֥ר פֶּ֣ן מַה־תַּ֭עֲשֶׂה בְּאַחֲרִיתָ֑הּ בְּהַכְלִ֖ים אֹתְךָ֣ רֵעֶֽךָ׃ ʾal־tetseʾ lariv maher pen mah־taʿaseh beʾaḥariytah behakheliym ʾotekha reʿekha׃

⁹ רִֽ֭יבְךָ רִ֣יב אֶת־רֵעֶ֑ךָ וְסֹ֖וד אַחֵ֣ר אַל־תְּגָֽל׃ riyvekha riyv ʾet־reʿekha wesowd ʾaḥer ʾal־tegal׃

¹⁰ פֶּֽן־יְחַסֶּדְךָ֥ שֹׁמֵ֑עַ וְ֝דִבָּתְךָ֗ לֹ֣א תָשֽׁוּב׃ pen־yeḥasedekha shomeaʿ wedibatekha loʾ tashuv׃

¹¹ תַּפּוּחֵ֣י זָ֭הָב בְּמַשְׂכִּיֹּ֥ות כָּ֑סֶף דָּ֝בָ֗ר דָּבֻ֥ר עַל־אָפְנָֽיו׃ tapuḥey zahav bemasekiyowt kasef davar davur ʿal־ʾafenayw׃

¹² נֶ֣זֶם זָ֭הָב וַחֲלִי־כָ֑תֶם מֹוכִ֥יחַ חָ֝כָ֗ם עַל־אֹ֥זֶן שֹׁמָֽעַת׃ nezem zahav waḥaliy־khatem mowkhiyḥa ḥakham ʿal־ʾozen shomaʿat׃

¹³ כְּצִנַּת־שֶׁ֨לֶג ׀ בְּיֹ֬ום קָצִ֗יר צִ֣יר נֶ֭אֱמָן לְשֹׁלְחָ֑יו וְנֶ֖פֶשׁ אֲדֹנָ֣יו יָשִֽׁיב׃ פ ketsinat־sheleg ׀ beyowm qatsiyr tsiyr neʾeman lesholeḥayw wenefesh ʾadonayw yashiyv׃ f

¹⁴ נְשִׂיאִ֣ים וְ֭רוּחַ וְגֶ֣שֶׁם אָ֑יִן אִ֥ישׁ מִ֝תְהַלֵּ֗ל בְּמַתַּת־שָֽׁקֶר׃ nesiyʾiym weruaḥ wegeshem ʾayin ʾiysh mitehalel bematat־shaqer׃

¹⁵ בְּאֹ֣רֶךְ אַ֭פַּיִם יְפֻתֶּ֣ה קָצִ֑ין וְלָשֹׁ֥ון רַ֝כָּ֗ה תִּשְׁבָּר־גָּֽרֶם׃ beʾorekhe ʾapayim yefuteh qatsiyn welashown rakah tishebar־garem׃

¹⁶ דְּבַ֣שׁ מָ֭צָאתָ אֱכֹ֣ל דַּיֶּ֑ךָּ פֶּן־תִּ֝שְׂבָּעֶ֗נּוּ וַהֲקֵֽאתֹֽו׃ devash matsaʾta ʾekhol dayeka pen־tisebaʿenu wahaqeʾtow׃

¹⁷ הֹקַ֣ר רַ֭גְלְךָ מִבֵּ֣ית רֵעֶ֑ךָ פֶּן־יִ֝שְׂבָּעֲךָ֗ וּשְׂנֵאֶֽךָ׃ hoqar ragelekha mibeyt reʿekha pen־yisebaʿakha useneʾekha׃

¹⁸ מֵפִ֣יץ וְ֭חֶרֶב וְחֵ֣ץ שָׁנ֑וּן אִ֥ישׁ עֹנֶ֥ה בְ֝רֵעֵ֗הוּ עֵ֣ד שָֽׁקֶר׃ mefiyts weḥerev weḥets shanun ʾiysh ʿoneh vereʿehu ʿed shaqer׃

¹⁹ שֵׁ֣ן רֹ֭עָה וְרֶ֣גֶל מוּעָ֑דֶת מִבְטָ֥ח בֹּ֝וגֵ֗ד בְּיֹ֣ום צָרָֽה׃ shen roʿah weregel muʿadet miveṭaḥ bowged beyowm tsarah׃

²⁰ מַ֥עֲדֶה בֶּ֨גֶד ׀ בְּיֹ֣ום קָ֭רָה חֹ֣מֶץ עַל־נָ֑תֶר וְשָׁ֥ר בַּ֝שִּׁרִ֗ים עַ֣ל לֶב־רָֽע׃ פ maʿadeh beged ׀ beyowm qarah ḥomets ʿal־nater weshar bashiriym ʿal lev־raʿ׃ f

²¹ אִם־רָעֵ֣ב נַאֲךָ הַאֲכִלֵ֣הוּ לָ֑חֶם וְאִם־צָ֝מֵ֗א הַשְׁקֵ֥הוּ מָֽיִם׃ ʾim־raʿev naʾakha haʾakhilehu laḥem weʾim־tsameʾ hasheqehu mayim׃

²² כִּ֤י גֶֽחָלִ֗ים אַ֭תָּה חֹתֶ֣ה עַל־רֹאשֹׁ֑ו וַֽ֝יהוָ֗ה יְשַׁלֶּם־לָֽךְ׃ kiy geḥaliym ʾatah ḥoteh ʿal־roʾshow wayhwah yeshalem־lakhe׃

²³ ר֣וּחַ צָ֭פֹון תְּחֹ֣ולֵֽל גָּ֑שֶׁם וּפָנִ֥ים נִ֝זְעָמִ֗ים לְשֹׁ֣ון סָֽתֶר׃ ruaḥ tsafown teḥowlel gashem ufaniym nizeʿamiym leshown sater׃

²⁴ טֹ֗וב שֶׁ֥בֶת עַל־פִּנַּת־גָּ֑ג מֵאֵ֥שֶׁת [מִדֹונִים כ] (מִ֝דְיָנִ֗ים ק) וּבֵ֥ית חָֽבֶר׃ ṭowv shevet ʿal־pinat־gag meʾeshet [midowniym kh] (mideyaniym q) uveyt ḥaver׃

²⁵ מַ֣יִם קָ֭רִים עַל־נֶ֣פֶשׁ עֲיֵפָ֑ה וּשְׁמוּעָ֥ה טֹ֝ובָ֗ה מֵאֶ֥רֶץ מֶרְחָֽק׃ mayim qariym ʿal־nefesh ʿayefah ushemuʿah ṭowvah meʾerets mereḥaq׃

²⁶ מַעְיָ֣ן נִ֭רְפָּשׂ וּמָקֹ֣ור מָשְׁחָ֑ת צַ֝דִּ֗יק מָ֣ט לִפְנֵֽי־רָשָֽׁע׃ maʿeyan nirepas umaqowr masheḥat tsadiyq maṭ lifeney־rashaʿ׃

²⁷ אָ֘כֹ֤ל דְּבַ֣שׁ הַרְבֹּ֣ות לֹא־טֹ֑וב וְחֵ֖קֶר כְּבֹדָ֣ם כָּבֹֽוד׃ ʾakhol devash harebowt loʾ־ṭowv weḥeqer kevodam kavowd׃

²⁸ עִ֣יר פְּ֭רוּצָה אֵ֣ין חֹומָ֑ה אִ֝֗ישׁ אֲשֶׁ֤ר אֵ֖ין מַעְצָ֣ר לְרוּחֹֽו׃ ʿiyr perutsah ʾeyn ḥowmah ʾiysh ʾasher ʾeyn maʿetsar leruḥow׃