Job 26

¹ וַיַּ֥עַן אִיֹּ֗וב וַיֹּאמַֽר׃ wayaʿan ʾiyowv wayoʾmar׃

² מֶה־עָזַ֥רְתָּ לְלֹא־כֹ֑חַ הֹ֝ושַׁ֗עְתָּ זְרֹ֣ועַ לֹא־עֹֽז׃ meh־ʿazareta leloʾ־khoaḥ howshaʿeta zerowʿa loʾ־ʿoz׃

³ מַה־יָּ֭עַצְתָּ לְלֹ֣א חָכְמָ֑ה וְ֝תוּשִׁיָּ֗ה לָרֹ֥ב הֹודָֽעְתָּ׃ mah־yaʿatseta leloʾ ḥakhemah wetushiyah larov howdaʿeta׃

⁴ אֶת־מִ֭י הִגַּ֣דְתָּ מִלִּ֑ין וְנִשְׁמַת־מִ֝י יָצְאָ֥ה מִמֶּֽךָּ׃ ʾet־miy higadeta miliyn wenishemat־miy yatseʾah mimeka׃

⁵ הָרְפָאִ֥ים יְחֹולָ֑לוּ מִתַּ֥חַת מַ֝֗יִם וְשֹׁכְנֵיהֶֽם׃ harefaʾiym yeḥowlalu mitaḥat mayim weshokheneyhem׃

⁶ עָרֹ֣ום שְׁאֹ֣ול נֶגְדֹּ֑ו וְאֵ֥ין כְּ֝ס֗וּת לָֽאֲבַדֹּֽון׃ ʿarowm sheʾowl negedow weʾeyn kesut laʾavadown׃

⁷ נֹטֶ֣ה צָפֹ֣ון עַל־תֹּ֑הוּ תֹּ֥לֶה אֶ֝֗רֶץ עַל־בְּלִי־מָֽה׃ noṭeh tsafown ʿal־tohu toleh ʾerets ʿal־beliy־mah׃

⁸ צֹרֵֽר־מַ֥יִם בְּעָבָ֑יו וְלֹא־נִבְקַ֖ע עָנָ֣ן תַּחְתָּֽם׃ tsorer־mayim beʿavayw weloʾ־niveqaʿ ʿanan taḥetam׃

⁹ מְאַחֵ֥ז פְּנֵי־כִסֵּ֑ה פַּרְשֵׁ֖ז עָלָ֣יו עֲנָנֹֽו׃ meʾaḥez peney־khiseh pareshez ʿalayw ʿananow׃

¹⁰ חֹֽק־חָ֭ג עַל־פְּנֵי־מָ֑יִם עַד־תַּכְלִ֖ית אֹ֣ור עִם־חֹֽשֶׁךְ׃ ḥoq־ḥag ʿal־peney־mayim ʿad־takheliyt ʾowr ʿim־ḥoshekhe׃

¹¹ עַמּוּדֵ֣י שָׁמַ֣יִם יְרֹופָ֑פוּ וְ֝יִתְמְה֗וּ מִגַּעֲרָתֹֽו׃ ʿamudey shamayim yerowfafu weyitemehu migaʿaratow׃

¹² בְּ֭כֹחֹו רָגַ֣ע הַיָּ֑ם [וּבִתוּבְנָתֹו כ] (וּ֝בִתְבוּנָתֹ֗ו ק) מָ֣חַץ רָֽהַב׃ bekhoḥow ragaʿ hayam [uvituvenatow kh] (uvitevunatow q) maḥats rahav׃

¹³ בְּ֭רוּחֹו שָׁמַ֣יִם שִׁפְרָ֑ה חֹֽלֲלָ֥ה יָ֝דֹ֗ו נָחָ֥שׁ בָּרִֽיחַ׃ beruḥow shamayim shiferah ḥolalah yadow naḥash bariyḥa׃

¹⁴ הֶן־אֵ֤לֶּה ׀ קְצֹ֬ות [דַּרְכֹּו כ] (דְּרָכָ֗יו ק) וּמַה־שֵּׁ֣מֶץ דָּ֭בָר נִשְׁמַע־בֹּ֑ו וְרַ֥עַם [גְּבוּרָתֹו כ] (גְּ֝בוּרֹותָ֗יו ק) מִ֣י יִתְבֹּונָֽן׃ ס hen־ʾeleh ׀ qetsowt [darekow kh] (derakhayw q) umah־shemets davar nishemaʿ־bow weraʿam [gevuratow kh] (gevurowtayw q) miy yitebownan׃ s