2 Chroniques 14

¹ וַיַּ֤עַשׂ אָסָא֙ הַטֹּ֣וב וְהַיָּשָׁ֔ר בְּעֵינֵ֖י יְהוָ֥ה אֱלֹהָֽיו׃ wayaʿas ʾasaʾ haṭowv wehayashar beʿeyney yehwah ʾelohayw׃

² וַיָּ֛סַר אֶת־מִזְבְּחֹ֥ות הַנֵּכָ֖ר וְהַבָּמֹ֑ות וַיְשַׁבֵּר֙ אֶת־הַמַּצֵּבֹ֔ות וַיְגַדַּ֖ע אֶת־הָאֲשֵׁרִֽים׃ wayasar ʾet־mizebeḥowt hanekhar wehabamowt wayeshaber ʾet־hamatsevowt wayegadaʿ ʾet־haʾasheriym׃

³ וַיֹּ֙אמֶר֙ לִֽיהוּדָ֔ה לִדְרֹ֕ושׁ אֶת־יְהוָ֖ה אֱלֹהֵ֣י אֲבֹותֵיהֶ֑ם וְלַעֲשֹׂ֖ות הַתֹּורָ֥ה וְהַמִּצְוָֽה׃ wayoʾmer liyhudah liderowsh ʾet־yehwah ʾelohey ʾavowteyhem welaʿasowt hatowrah wehamitsewah׃

⁴ וַיָּ֙סַר֙ מִכָּל־עָרֵ֣י יְהוּדָ֔ה אֶת־הַבָּמֹ֖ות וְאֶת־הַֽחַמָּנִ֑ים וַתִּשְׁקֹ֥ט הַמַּמְלָכָ֖ה לְפָנָֽיו׃ wayasar mikal־ʿarey yehudah ʾet־habamowt weʾet־haḥamaniym watisheqoṭ hamamelakhah lefanayw׃

⁵ וַיִּ֛בֶן עָרֵ֥י מְצוּרָ֖ה בִּיהוּדָ֑ה כִּֽי־שָׁקְטָ֣ה הָאָ֗רֶץ וְאֵין־עִמֹּ֤ו מִלְחָמָה֙ בַּשָּׁנִ֣ים הָאֵ֔לֶּה כִּֽי־הֵנִ֥יחַ יְהוָ֖ה לֹֽו׃ wayiven ʿarey metsurah biyhudah kiy־shaqeṭah haʾarets weʾeyn־ʿimow mileḥamah bashaniym haʾeleh kiy־heniyḥa yehwah low׃

⁶ וַיֹּ֨אמֶר לִֽיהוּדָ֜ה נִבְנֶ֣ה ׀ אֶת־הֶעָרִ֣ים הָאֵ֗לֶּה וְנָסֵ֨ב חֹומָ֣ה וּמִגְדָּלִים֮ דְּלָתַ֣יִם וּבְרִיחִים֒ עֹודֶ֨נּוּ הָאָ֜רֶץ לְפָנֵ֗ינוּ כִּ֤י דָרַ֙שְׁנוּ֙ אֶת־יְהוָ֣ה אֱלֹהֵ֔ינוּ דָּרַ֕שְׁנוּ וַיָּ֥נַֽח לָ֖נוּ מִסָּבִ֑יב וַיִּבְנ֖וּ וַיַּצְלִֽיחוּ׃ פ wayoʾmer liyhudah niveneh ׀ ʾet־heʿariym haʾeleh wenasev ḥowmah umigedaliym delatayim uveriyḥiym ʿowdenu haʾarets lefaneynu kiy darashenu ʾet־yehwah ʾeloheynu darashenu wayanaḥ lanu misaviyv wayivenu wayatseliyḥu׃ f

⁷ וַיְהִ֣י לְאָסָ֗א חַיִל֮ נֹשֵׂ֣א צִנָּ֣ה וָרֹמַח֒ מִֽיהוּדָה֙ שְׁלֹ֣שׁ מֵאֹ֣ות אֶ֔לֶף ס וּמִבִּנְיָמִ֗ן נֹשְׂאֵ֤י מָגֵן֙ וְדֹ֣רְכֵי קֶ֔שֶׁת מָאתַ֥יִם וּשְׁמֹונִ֖ים אָ֑לֶף כָּל־אֵ֖לֶּה גִּבֹּ֥ורֵי חָֽיִל׃ wayehiy leʾasaʾ ḥayil noseʾ tsinah waromaḥ miyhudah shelosh meʾowt ʾelef s umibineyamin noseʾey magen wedorekhey qeshet maʾtayim ushemowniym ʾalef kal־ʾeleh gibowrey ḥayil׃

⁸ וַיֵּצֵ֨א אֲלֵיהֶ֜ם זֶ֣רַח הַכּוּשִׁ֗י בְּחַ֙יִל֙ אֶ֣לֶף אֲלָפִ֔ים וּמַרְכָּבֹ֖ות שְׁלֹ֣שׁ מֵאֹ֑ות וַיָּבֹ֖א עַד־מָרֵשָֽׁה׃ wayetseʾ ʾaleyhem zeraḥ hakushiy beḥayil ʾelef ʾalafiym umarekavowt shelosh meʾowt wayavoʾ ʿad־mareshah׃

⁹ וַיֵּצֵ֥א אָסָ֖א לְפָנָ֑יו וַיַּֽעַרְכוּ֙ מִלְחָמָ֔ה בְּגֵ֥יא צְפַ֖תָה לְמָרֵשָֽׁה׃ wayetseʾ ʾasaʾ lefanayw wayaʿarekhu mileḥamah begeyʾ tsefatah lemareshah׃

¹⁰ וַיִּקְרָ֨א אָסָ֜א אֶל־יְהוָ֣ה אֱלֹהָיו֮ וַיֹּאמַר֒ יְהוָ֗ה אֵֽין־עִמְּךָ֤ לַעְזֹור֙ בֵּ֥ין רַב֙ לְאֵ֣ין כֹּ֔חַ עָזְרֵ֜נוּ יְהוָ֤ה אֱלֹהֵ֙ינוּ֙ כִּֽי־עָלֶ֣יךָ נִשְׁעַ֔נּוּ וּבְשִׁמְךָ֣ בָ֔אנוּ עַל־הֶהָמֹ֖ון הַזֶּ֑ה יְהוָ֤ה אֱלֹהֵ֙ינוּ֙ אַ֔תָּה אַל־יַעְצֹ֥ר עִמְּךָ֖ אֱנֹֽושׁ׃ ס wayiqeraʾ ʾasaʾ ʾel־yehwah ʾelohayw wayoʾmar yehwah ʾeyn־ʿimekha laʿezowr beyn rav leʾeyn koaḥ ʿazerenu yehwah ʾeloheynu kiy־ʿaleykha nisheʿanu uveshimekha vaʾnu ʿal־hehamown hazeh yehwah ʾeloheynu ʾatah ʾal־yaʿetsor ʿimekha ʾenowsh׃ s

¹¹ וַיִּגֹּ֤ף יְהוָה֙ אֶת־הַכּוּשִׁ֔ים לִפְנֵ֥י אָסָ֖א וְלִפְנֵ֣י יְהוּדָ֑ה וַיָּנֻ֖סוּ הַכּוּשִֽׁים׃ wayigof yehwah ʾet־hakushiym lifeney ʾasaʾ welifeney yehudah wayanusu hakushiym׃

¹² וַיִּרְדְּפֵ֨ם אָסָ֜א וְהָעָ֣ם אֲשֶׁר־עִמֹּו֮ עַד־לִגְרָר֒ וַיִּפֹּ֤ל מִכּוּשִׁים֙ לְאֵ֣ין לָהֶ֣ם מִֽחְיָ֔ה כִּֽי־נִשְׁבְּר֥וּ לִפְנֵֽי־יְהוָ֖ה וְלִפְנֵ֣י מַחֲנֵ֑הוּ וַיִּשְׂא֥וּ שָׁלָ֖ל הַרְבֵּ֥ה מְאֹֽד׃ wayiredefem ʾasaʾ wehaʿam ʾasher־ʿimow ʿad־ligerar wayipol mikushiym leʾeyn lahem miḥeyah kiy־nisheberu lifeney־yehwah welifeney maḥanehu wayiseʾu shalal harebeh meʾod׃

¹³ וַיַּכּ֗וּ אֵ֤ת כָּל־הֶֽעָרִים֙ סְבִיבֹ֣ות גְּרָ֔ר כִּי־הָיָ֥ה פַֽחַד־יְהוָ֖ה עֲלֵיהֶ֑ם וַיָּבֹ֙זּוּ֙ אֶת־כָּל־הֶ֣עָרִ֔ים כִּֽי־בִזָּ֥ה רַבָּ֖ה הָיְתָ֥ה בָהֶֽם׃ wayaku ʾet kal־heʿariym seviyvowt gerar kiy־hayah faḥad־yehwah ʿaleyhem wayavozu ʾet־kal־heʿariym kiy־vizah rabah hayetah vahem׃

¹⁴ וְגַם־אָהֳלֵ֥י מִקְנֶ֖ה הִכּ֑וּ וַיִּשְׁבּ֨וּ צֹ֤אן לָרֹב֙ וּגְמַלִּ֔ים וַיָּשֻׁ֖בוּ יְרוּשָׁלִָֽם׃ ס wegam־ʾaholey miqeneh hiku wayishebu tsoʾn larov ugemaliym wayashuvu yerushalim׃ s