Genèse 43

¹ וְהָרָעָ֖ב כָּבֵ֥ד בָּאָֽרֶץ׃ weharaʿav kaved baʾarets׃

² וַיְהִ֗י כַּאֲשֶׁ֤ר כִּלּוּ֙ לֶאֱכֹ֣ל אֶת־הַשֶּׁ֔בֶר אֲשֶׁ֥ר הֵבִ֖יאוּ מִמִּצְרָ֑יִם וַיֹּ֤אמֶר אֲלֵיהֶם֙ אֲבִיהֶ֔ם שֻׁ֖בוּ שִׁבְרוּ־לָ֥נוּ מְעַט־אֹֽכֶל׃ wayehiy kaʾasher kilu leʾekhol ʾet־hashever ʾasher heviyʾu mimitserayim wayoʾmer ʾaleyhem ʾaviyhem shuvu shiveru־lanu meʿaṭ־ʾokhel׃

³ וַיֹּ֧אמֶר אֵלָ֛יו יְהוּדָ֖ה לֵאמֹ֑ר הָעֵ֣ד הֵעִד֩ בָּ֨נוּ הָאִ֤ישׁ לֵאמֹר֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃ wayoʾmer ʾelayw yehudah leʾmor haʿed heʿid banu haʾiysh leʾmor loʾ־tireʾu fanay biletiy ʾaḥiykhem ʾitekhem׃

⁴ אִם־יֶשְׁךָ֛ מְשַׁלֵּ֥חַ אֶת־אָחִ֖ינוּ אִתָּ֑נוּ נֵרְדָ֕ה וְנִשְׁבְּרָ֥ה לְךָ֖ אֹֽכֶל׃ ʾim־yeshekha meshaleaḥ ʾet־ʾaḥiynu ʾitanu neredah wenisheberah lekha ʾokhel׃

⁵ וְאִם־אֵינְךָ֥ מְשַׁלֵּ֖חַ לֹ֣א נֵרֵ֑ד כִּֽי־הָאִ֞ישׁ אָמַ֤ר אֵלֵ֙ינוּ֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃ weʾim־ʾeynekha meshaleaḥ loʾ nered kiy־haʾiysh ʾamar ʾeleynu loʾ־tireʾu fanay biletiy ʾaḥiykhem ʾitekhem׃

⁶ וַיֹּ֙אמֶר֙ יִשְׂרָאֵ֔ל לָמָ֥ה הֲרֵעֹתֶ֖ם לִ֑י לְהַגִּ֣יד לָאִ֔ישׁ הַעֹ֥וד לָכֶ֖ם אָֽח׃ wayoʾmer yiseraʾel lamah hareʿotem liy lehagiyd laʾiysh haʿowd lakhem ʾaḥ׃

⁷ וַיֹּאמְר֡וּ שָׁאֹ֣ול שָֽׁאַל־הָ֠אִישׁ לָ֣נוּ וּלְמֹֽולַדְתֵּ֜נוּ לֵאמֹ֗ר הַעֹ֨וד אֲבִיכֶ֥ם חַי֙ הֲיֵ֣שׁ לָכֶ֣ם אָ֔ח וַנַ֨גֶּד־לֹ֔ו עַל־פִּ֖י הַדְּבָרִ֣ים הָאֵ֑לֶּה הֲיָדֹ֣ועַ נֵדַ֔ע כִּ֣י יֹאמַ֔ר הֹורִ֖ידוּ אֶת־אֲחִיכֶֽם׃ wayoʾmeru shaʾowl shaʾal־haʾiysh lanu ulemowladetenu leʾmor haʿowd ʾaviykhem ḥay hayesh lakhem ʾaḥ wanaged־low ʿal־piy hadevariym haʾeleh hayadowʿa nedaʿ kiy yoʾmar howriydu ʾet־ʾaḥiykhem׃

⁸ וַיֹּ֨אמֶר יְהוּדָ֜ה אֶל־יִשְׂרָאֵ֣ל אָבִ֗יו שִׁלְחָ֥ה הַנַּ֛עַר אִתִּ֖י וְנָק֣וּמָה וְנֵלֵ֑כָה וְנִֽחְיֶה֙ וְלֹ֣א נָמ֔וּת גַּם־אֲנַ֥חְנוּ גַם־אַתָּ֖ה גַּם־טַפֵּֽנוּ׃ wayoʾmer yehudah ʾel־yiseraʾel ʾaviyw shileḥah hanaʿar ʾitiy wenaqumah wenelekhah weniḥeyeh weloʾ namut gam־ʾanaḥenu gam־ʾatah gam־ṭapenu׃

⁹ אָֽנֹכִי֙ אֶֽעֶרְבֶ֔נּוּ מִיָּדִ֖י תְּבַקְשֶׁ֑נּוּ אִם־לֹ֨א הֲבִיאֹתִ֤יו אֵלֶ֙יךָ֙ וְהִצַּגְתִּ֣יו לְפָנֶ֔יךָ וְחָטָ֥אתִֽי לְךָ֖ כָּל־הַיָּמִֽים׃ ʾanokhiy ʾeʿerevenu miyadiy tevaqeshenu ʾim־loʾ haviyʾotiyw ʾeleykha wehitsagetiyw lefaneykha weḥaṭaʾtiy lekha kal־hayamiym׃

¹⁰ כִּ֖י לוּלֵ֣א הִתְמַהְמָ֑הְנוּ כִּֽי־עַתָּ֥ה שַׁ֖בְנוּ זֶ֥ה פַעֲמָֽיִם׃ kiy luleʾ hitemahemahenu kiy־ʿatah shavenu zeh faʿamayim׃

¹¹ וַיֹּ֨אמֶר אֲלֵהֶ֜ם יִשְׂרָאֵ֣ל אֲבִיהֶ֗ם אִם־כֵּ֣ן ׀ אֵפֹוא֮ זֹ֣את עֲשׂוּ֒ קְח֞וּ מִזִּמְרַ֤ת הָאָ֙רֶץ֙ בִּכְלֵיכֶ֔ם וְהֹורִ֥ידוּ לָאִ֖ישׁ מִנְחָ֑ה מְעַ֤ט צֳרִי֙ וּמְעַ֣ט דְּבַ֔שׁ נְכֹ֣את וָלֹ֔ט בָּטְנִ֖ים וּשְׁקֵדִֽים׃ wayoʾmer ʾalehem yiseraʾel ʾaviyhem ʾim־ken ׀ ʾefowʾ zoʾt ʿasu qeḥu mizimerat haʾarets bikheleykhem wehowriydu laʾiysh mineḥah meʿaṭ tsoriy umeʿaṭ devash nekhoʾt waloṭ baṭeniym usheqediym׃

¹² וְכֶ֥סֶף מִשְׁנֶ֖ה קְח֣וּ בְיֶדְכֶ֑ם וְאֶת־הַכֶּ֜סֶף הַמּוּשָׁ֨ב בְּפִ֤י אַמְתְּחֹֽתֵיכֶם֙ תָּשִׁ֣יבוּ בְיֶדְכֶ֔ם אוּלַ֥י מִשְׁגֶּ֖ה הֽוּא׃ wekhesef misheneh qeḥu veyedekhem weʾet־hakesef hamushav befiy ʾameteḥoteykhem tashiyvu veyedekhem ʾulay mishegeh huʾ׃

¹³ וְאֶת־אֲחִיכֶ֖ם קָ֑חוּ וְק֖וּמוּ שׁ֥וּבוּ אֶל־הָאִֽישׁ׃ weʾet־ʾaḥiykhem qaḥu wequmu shuvu ʾel־haʾiysh׃

¹⁴ וְאֵ֣ל שַׁדַּ֗י יִתֵּ֨ן לָכֶ֤ם רַחֲמִים֙ לִפְנֵ֣י הָאִ֔ישׁ וְשִׁלַּ֥ח לָכֶ֛ם אֶת־אֲחִיכֶ֥ם אַחֵ֖ר וְאֶת־בִּנְיָמִ֑ין וַאֲנִ֕י כַּאֲשֶׁ֥ר שָׁכֹ֖לְתִּי שָׁכָֽלְתִּי׃ weʾel shaday yiten lakhem raḥamiym lifeney haʾiysh weshilaḥ lakhem ʾet־ʾaḥiykhem ʾaḥer weʾet־bineyamiyn waʾaniy kaʾasher shakholetiy shakhaletiy׃

¹⁵ וַיִּקְח֤וּ הָֽאֲנָשִׁים֙ אֶת־הַמִּנְחָ֣ה הַזֹּ֔את וּמִשְׁנֶה־כֶּ֛סֶף לָקְח֥וּ בְיָדָ֖ם וְאֶת־בִּנְיָמִ֑ן וַיָּקֻ֙מוּ֙ וַיֵּרְד֣וּ מִצְרַ֔יִם וַיַּֽעַמְד֖וּ לִפְנֵ֥י יֹוסֵֽף׃ wayiqeḥu haʾanashiym ʾet־hamineḥah hazoʾt umisheneh־kesef laqeḥu veyadam weʾet־bineyamin wayaqumu wayeredu mitserayim wayaʿamedu lifeney yowsef׃

¹⁶ וַיַּ֨רְא יֹוסֵ֣ף אִתָּם֮ אֶת־בִּנְיָמִין֒ וַיֹּ֙אמֶר֙ לַֽאֲשֶׁ֣ר עַל־בֵּיתֹ֔ו הָבֵ֥א אֶת־הָאֲנָשִׁ֖ים הַבָּ֑יְתָה וּטְבֹ֤חַ טֶ֙בַח֙ וְהָכֵ֔ן כִּ֥י אִתִּ֛י יֹאכְל֥וּ הָאֲנָשִׁ֖ים בַּֽצָּהֳרָֽיִם׃ wayareʾ yowsef ʾitam ʾet־bineyamiyn wayoʾmer laʾasher ʿal־beytow haveʾ ʾet־haʾanashiym habayetah uṭevoaḥ ṭevaḥ wehakhen kiy ʾitiy yoʾkhelu haʾanashiym batsahorayim׃

¹⁷ וַיַּ֣עַשׂ הָאִ֔ישׁ כַּֽאֲשֶׁ֖ר אָמַ֣ר יֹוסֵ֑ף וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֥יתָה יֹוסֵֽף׃ wayaʿas haʾiysh kaʾasher ʾamar yowsef wayaveʾ haʾiysh ʾet־haʾanashiym beytah yowsef׃

¹⁸ וַיִּֽירְא֣וּ הָֽאֲנָשִׁ֗ים כִּ֣י הֽוּבְאוּ֮ בֵּ֣ית יֹוסֵף֒ וַיֹּאמְר֗וּ עַל־דְּבַ֤ר הַכֶּ֙סֶף֙ הַשָּׁ֤ב בְּאַמְתְּחֹתֵ֙ינוּ֙ בַּתְּחִלָּ֔ה אֲנַ֖חְנוּ מֽוּבָאִ֑ים לְהִתְגֹּלֵ֤ל עָלֵ֙ינוּ֙ וּלְהִתְנַפֵּ֣ל עָלֵ֔ינוּ וְלָקַ֧חַת אֹתָ֛נוּ לַעֲבָדִ֖ים וְאֶת־חֲמֹרֵֽינוּ׃ wayiyreʾu haʾanashiym kiy huveʾu beyt yowsef wayoʾmeru ʿal־devar hakesef hashav beʾameteḥoteynu bateḥilah ʾanaḥenu muvaʾiym lehitegolel ʿaleynu ulehitenapel ʿaleynu welaqaḥat ʾotanu laʿavadiym weʾet־ḥamoreynu׃

¹⁹ וַֽיִּגְּשׁוּ֙ אֶל־הָאִ֔ישׁ אֲשֶׁ֖ר עַל־בֵּ֣ית יֹוסֵ֑ף וַיְדַבְּר֥וּ אֵלָ֖יו פֶּ֥תַח הַבָּֽיִת׃ wayigeshu ʾel־haʾiysh ʾasher ʿal־beyt yowsef wayedaberu ʾelayw petaḥ habayit׃

²⁰ וַיֹּאמְר֖וּ בִּ֣י אֲדֹנִ֑י יָרֹ֥ד יָרַ֛דְנוּ בַּתְּחִלָּ֖ה לִשְׁבָּר־אֹֽכֶל׃ wayoʾmeru biy ʾadoniy yarod yaradenu bateḥilah lishebar־ʾokhel׃

²¹ וַֽיְהִ֞י כִּי־בָ֣אנוּ אֶל־הַמָּלֹ֗ון וַֽנִּפְתְּחָה֙ אֶת־אַמְתְּחֹתֵ֔ינוּ וְהִנֵּ֤ה כֶֽסֶף־אִישׁ֙ בְּפִ֣י אַמְתַּחְתֹּ֔ו כַּסְפֵּ֖נוּ בְּמִשְׁקָלֹ֑ו וַנָּ֥שֶׁב אֹתֹ֖ו בְּיָדֵֽנוּ׃ wayehiy kiy־vaʾnu ʾel־hamalown wanifeteḥah ʾet־ʾameteḥoteynu wehineh khesef־ʾiysh befiy ʾametaḥetow kasepenu bemisheqalow wanashev ʾotow beyadenu׃

²² וְכֶ֧סֶף אַחֵ֛ר הֹורַ֥דְנוּ בְיָדֵ֖נוּ לִשְׁבָּר־אֹ֑כֶל לֹ֣א יָדַ֔עְנוּ מִי־שָׂ֥ם כַּסְפֵּ֖נוּ בְּאַמְתְּחֹתֵֽינוּ׃ wekhesef ʾaḥer howradenu veyadenu lishebar־ʾokhel loʾ yadaʿenu miy־sam kasepenu beʾameteḥoteynu׃

²³ וַיֹּאמֶר֩ שָׁלֹ֨ום לָכֶ֜ם אַל־תִּירָ֗אוּ אֱלֹ֨הֵיכֶ֜ם וֵֽאלֹהֵ֤י אֲבִיכֶם֙ נָתַ֨ן לָכֶ֤ם מַטְמֹון֙ בְּאַמְתְּחֹ֣תֵיכֶ֔ם כַּסְפְּכֶ֖ם בָּ֣א אֵלָ֑י וַיֹּוצֵ֥א אֲלֵהֶ֖ם אֶת־שִׁמְעֹֽון׃ wayoʾmer shalowm lakhem ʾal־tiyraʾu ʾeloheykhem weʾlohey ʾaviykhem natan lakhem maṭemown beʾameteḥoteykhem kasepekhem baʾ ʾelay wayowtseʾ ʾalehem ʾet־shimeʿown׃

²⁴ וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֣יתָה יֹוסֵ֑ף וַיִּתֶּן־מַ֙יִם֙ וַיִּרְחֲצ֣וּ רַגְלֵיהֶ֔ם וַיִּתֵּ֥ן מִסְפֹּ֖וא לַחֲמֹֽרֵיהֶֽם׃ wayaveʾ haʾiysh ʾet־haʾanashiym beytah yowsef wayiten־mayim wayireḥatsu rageleyhem wayiten misepowʾ laḥamoreyhem׃

²⁵ וַיָּכִ֙ינוּ֙ אֶת־הַמִּנְחָ֔ה עַד־בֹּ֥וא יֹוסֵ֖ף בַּֽצָּהֳרָ֑יִם כִּ֣י שָֽׁמְע֔וּ כִּי־שָׁ֖ם יֹ֥אכְלוּ לָֽחֶם׃ wayakhiynu ʾet־hamineḥah ʿad־bowʾ yowsef batsahorayim kiy shameʿu kiy־sham yoʾkhelu laḥem׃

²⁶ וַיָּבֹ֤א יֹוסֵף֙ הַבַּ֔יְתָה וַיָּבִ֥יאּוּ לֹ֛ו אֶת־הַמִּנְחָ֥ה אֲשֶׁר־בְּיָדָ֖ם הַבָּ֑יְתָה וַיִּשְׁתַּחֲווּ־לֹ֖ו אָֽרְצָה׃ wayavoʾ yowsef habayetah wayaviyʾu low ʾet־hamineḥah ʾasher־beyadam habayetah wayishetaḥawu־low ʾaretsah׃

²⁷ וַיִּשְׁאַ֤ל לָהֶם֙ לְשָׁלֹ֔ום וַיֹּ֗אמֶר הֲשָׁלֹ֛ום אֲבִיכֶ֥ם הַזָּקֵ֖ן אֲשֶׁ֣ר אֲמַרְתֶּ֑ם הַעֹודֶ֖נּוּ חָֽי׃ wayisheʾal lahem leshalowm wayoʾmer hashalowm ʾaviykhem hazaqen ʾasher ʾamaretem haʿowdenu ḥay׃

²⁸ וַיֹּאמְר֗וּ שָׁלֹ֛ום לְעַבְדְּךָ֥ לְאָבִ֖ינוּ עֹודֶ֣נּוּ חָ֑י וַֽיִּקְּד֖וּ [וַיִּשְׁתַּחוּ כ] (וַיִּֽשְׁתַּחֲוּֽוּ ׃ ק) wayoʾmeru shalowm leʿavedekha leʾaviynu ʿowdenu ḥay wayiqedu [wayishetaḥu kh] (wayishetaḥauu ׃ q)

²⁹ וַיִּשָּׂ֣א עֵינָ֗יו וַיַּ֞רְא אֶת־בִּנְיָמִ֣ין אָחִיו֮ בֶּן־אִמֹּו֒ וַיֹּ֗אמֶר הֲזֶה֙ אֲחִיכֶ֣ם הַקָּטֹ֔ן אֲשֶׁ֥ר אֲמַרְתֶּ֖ם אֵלָ֑י וַיֹּאמַ֕ר אֱלֹהִ֥ים יָחְנְךָ֖ בְּנִֽי׃ wayisaʾ ʿeynayw wayareʾ ʾet־bineyamiyn ʾaḥiyw ben־ʾimow wayoʾmer hazeh ʾaḥiykhem haqaṭon ʾasher ʾamaretem ʾelay wayoʾmar ʾelohiym yaḥenekha beniy׃

³⁰ וַיְמַהֵ֣ר יֹוסֵ֗ף כִּֽי־נִכְמְר֤וּ רַחֲמָיו֙ אֶל־אָחִ֔יו וַיְבַקֵּ֖שׁ לִבְכֹּ֑ות וַיָּבֹ֥א הַחַ֖דְרָה וַיֵּ֥בְךְּ שָֽׁמָּה׃ wayemaher yowsef kiy־nikhemeru raḥamayw ʾel־ʾaḥiyw wayevaqesh livekowt wayavoʾ haḥaderah wayeveke shamah׃

³¹ וַיִּרְחַ֥ץ פָּנָ֖יו וַיֵּצֵ֑א וַיִּ֨תְאַפַּ֔ק וַיֹּ֖אמֶר שִׂ֥ימוּ לָֽחֶם׃ wayireḥats panayw wayetseʾ wayiteʾapaq wayoʾmer siymu laḥem׃

³² וַיָּשִׂ֥ימוּ לֹ֛ו לְבַדֹּ֖ו וְלָהֶ֣ם לְבַדָּ֑ם וְלַמִּצְרִ֞ים הָאֹכְלִ֤ים אִתֹּו֙ לְבַדָּ֔ם כִּי֩ לֹ֨א יוּכְל֜וּן הַמִּצְרִ֗ים לֶאֱכֹ֤ל אֶת־הָֽעִבְרִים֙ לֶ֔חֶם כִּי־תֹועֵבָ֥ה הִ֖וא לְמִצְרָֽיִם׃ wayasiymu low levadow welahem levadam welamitseriym haʾokheliym ʾitow levadam kiy loʾ yukhelun hamitseriym leʾekhol ʾet־haʿiveriym leḥem kiy־towʿevah hiwʾ lemitserayim׃

³³ וַיֵּשְׁב֣וּ לְפָנָ֔יו הַבְּכֹר֙ כִּבְכֹ֣רָתֹ֔ו וְהַצָּעִ֖יר כִּצְעִרָתֹ֑ו וַיִּתְמְה֥וּ הָאֲנָשִׁ֖ים אִ֥ישׁ אֶל־רֵעֵֽהוּ׃ wayeshevu lefanayw habekhor kivekhoratow wehatsaʿiyr kitseʿiratow wayitemehu haʾanashiym ʾiysh ʾel־reʿehu׃

³⁴ וַיִּשָּׂ֨א מַשְׂאֹ֜ת מֵאֵ֣ת פָּנָיו֮ אֲלֵהֶם֒ וַתֵּ֜רֶב מַשְׂאַ֧ת בִּנְיָמִ֛ן מִמַּשְׂאֹ֥ת כֻּלָּ֖ם חָמֵ֣שׁ יָדֹ֑ות וַיִּשְׁתּ֥וּ וַֽיִּשְׁכְּר֖וּ עִמֹּֽו׃ wayisaʾ maseʾot meʾet panayw ʾalehem waterev maseʾat bineyamin mimaseʾot kulam ḥamesh yadowt wayishetu wayishekeru ʿimow׃