1 Samuel 13

¹ בֶּן־שָׁנָ֖ה שָׁא֣וּל בְּמָלְכֹ֑ו וּשְׁתֵּ֣י שָׁנִ֔ים מָלַ֖ךְ עַל־יִשְׂרָאֵֽל׃ ben־shanah shaʾul bemalekhow ushetey shaniym malakhe ʿal־yiseraʾel׃

² וַיִּבְחַר־לֹ֨ו שָׁא֜וּל שְׁלֹ֣שֶׁת אֲלָפִים֮ מִיִּשְׂרָאֵל֒ וַיִּהְי֨וּ עִם־שָׁא֜וּל אַלְפַּ֗יִם בְּמִכְמָשׂ֙ וּבְהַ֣ר בֵּֽית־אֵ֔ל וְאֶ֗לֶף הָיוּ֙ עִם־יֹ֣ונָתָ֔ן בְּגִבְעַ֖ת בִּנְיָמִ֑ין וְיֶ֣תֶר הָעָ֔ם שִׁלַּ֖ח אִ֥ישׁ לְאֹהָלָֽיו׃ wayiveḥar־low shaʾul sheloshet ʾalafiym miyiseraʾel wayiheyu ʿim־shaʾul ʾalepayim bemikhemas uvehar beyt־ʾel weʾelef hayu ʿim־yownatan begiveʿat bineyamiyn weyeter haʿam shilaḥ ʾiysh leʾohalayw׃

³ וַיַּ֣ךְ יֹונָתָ֗ן אֵ֣ת נְצִ֤יב פְּלִשְׁתִּים֙ אֲשֶׁ֣ר בְּגֶ֔בַע וַֽיִּשְׁמְע֖וּ פְּלִשְׁתִּ֑ים וְשָׁאוּל֩ תָּקַ֨ע בַּשֹּׁופָ֤ר בְּכָל־הָאָ֙רֶץ֙ לֵאמֹ֔ר יִשְׁמְע֖וּ הָעִבְרִֽים׃ wayakhe yownatan ʾet netsiyv pelishetiym ʾasher begevaʿ wayishemeʿu pelishetiym weshaʾul taqaʿ bashowfar bekhal־haʾarets leʾmor yishemeʿu haʿiveriym׃

⁴ וְכָל־יִשְׂרָאֵ֞ל שָׁמְע֣וּ לֵאמֹ֗ר הִכָּ֤ה שָׁאוּל֙ אֶת־נְצִ֣יב פְּלִשְׁתִּ֔ים וְגַם־נִבְאַשׁ יִשְׂרָאֵ֖ל בַּפְּלִשְׁתִּ֑ים וַיִּצָּעֲק֥וּ הָעָ֛ם אַחֲרֵ֥י שָׁא֖וּל הַגִּלְגָּֽל׃ wekhal־yiseraʾel shameʿu leʾmor hikah shaʾul ʾet־netsiyv pelishetiym wegam־niveʾash yiseraʾel bapelishetiym wayitsaʿaqu haʿam ʾaḥarey shaʾul hagilegal׃

⁵ וּפְלִשְׁתִּ֞ים נֶאֶסְפ֣וּ ׀ לְהִלָּחֵ֣ם עִם־יִשְׂרָאֵ֗ל שְׁלֹשִׁ֨ים אֶ֤לֶף רֶ֙כֶב֙ וְשֵׁ֤שֶׁת אֲלָפִים֙ פָּרָשִׁ֔ים וְעָ֕ם כַּחֹ֛ול אֲשֶׁ֥ר עַל־שְׂפַֽת־הַיָּ֖ם לָרֹ֑ב וַֽיַּעֲלוּ֙ וַיַּחֲנ֣וּ בְמִכְמָ֔שׂ קִדְמַ֖ת בֵּ֥ית אָֽוֶן׃ ufelishetiym neʾesefu ׀ lehilaḥem ʿim־yiseraʾel sheloshiym ʾelef rekhev wesheshet ʾalafiym parashiym weʿam kaḥowl ʾasher ʿal־sefat־hayam larov wayaʿalu wayaḥanu vemikhemas qidemat beyt ʾawen׃

⁶ וְאִ֨ישׁ יִשְׂרָאֵ֤ל רָאוּ֙ כִּ֣י צַר־לֹ֔ו כִּ֥י נִגַּ֖שׂ הָעָ֑ם וַיִּֽתְחַבְּא֣וּ הָעָ֗ם בַּמְּעָרֹ֤ות וּבַֽחֲוָחִים֙ וּבַסְּלָעִ֔ים וּבַצְּרִחִ֖ים וּבַבֹּרֹֽות׃ weʾiysh yiseraʾel raʾu kiy tsar־low kiy nigas haʿam wayiteḥabeʾu haʿam bameʿarowt uvaḥawaḥiym uvaselaʿiym uvatseriḥiym uvaborowt׃

⁷ וְעִבְרִ֗ים עָֽבְרוּ֙ אֶת־הַיַּרְדֵּ֔ן אֶ֥רֶץ גָּ֖ד וְגִלְעָ֑ד וְשָׁאוּל֙ עֹודֶ֣נּוּ בַגִּלְגָּ֔ל וְכָל־הָעָ֖ם חָרְד֥וּ אַחֲרָֽיו׃ weʿiveriym ʿaveru ʾet־hayareden ʾerets gad wegileʿad weshaʾul ʿowdenu vagilegal wekhal־haʿam ḥaredu ʾaḥarayw׃

⁸ [וַיִּיחֶל כ] (וַיֹּ֣וחֶל ׀ ק) שִׁבְעַ֣ת יָמִ֗ים לַמֹּועֵד֙ אֲשֶׁ֣ר שְׁמוּאֵ֔ל וְלֹא־בָ֥א שְׁמוּאֵ֖ל הַגִּלְגָּ֑ל וַיָּ֥פֶץ הָעָ֖ם מֵעָלָֽיו׃ [wayiyḥel kh] (wayowḥel ׀ q) shiveʿat yamiym lamowʿed ʾasher shemuʾel weloʾ־vaʾ shemuʾel hagilegal wayafets haʿam meʿalayw׃

⁹ וַיֹּ֣אמֶר שָׁא֔וּל הַגִּ֣שׁוּ אֵלַ֔י הָעֹלָ֖ה וְהַשְּׁלָמִ֑ים וַיַּ֖עַל הָעֹלָֽה׃ wayoʾmer shaʾul hagishu ʾelay haʿolah wehashelamiym wayaʿal haʿolah׃

¹⁰ וַיְהִ֗י כְּכַלֹּתֹו֙ לְהַעֲלֹ֣ות הָעֹלָ֔ה וְהִנֵּ֥ה שְׁמוּאֵ֖ל בָּ֑א וַיֵּצֵ֥א שָׁא֛וּל לִקְרָאתֹ֖ו לְבָרֲכֹֽו׃ wayehiy kekhalotow lehaʿalowt haʿolah wehineh shemuʾel baʾ wayetseʾ shaʾul liqeraʾtow levarakhow׃

¹¹ וַיֹּ֥אמֶר שְׁמוּאֵ֖ל מֶ֣ה עָשִׂ֑יתָ וַיֹּ֣אמֶר שָׁא֡וּל כִּֽי־רָאִיתִי֩ כִֽי־נָפַ֨ץ הָעָ֜ם מֵעָלַ֗י וְאַתָּה֙ לֹא־בָ֙אתָ֙ לְמֹועֵ֣ד הַיָּמִ֔ים וּפְלִשְׁתִּ֖ים נֶאֱסָפִ֥ים מִכְמָֽשׂ׃ wayoʾmer shemuʾel meh ʿasiyta wayoʾmer shaʾul kiy־raʾiytiy khiy־nafats haʿam meʿalay weʾatah loʾ־vaʾta lemowʿed hayamiym ufelishetiym neʾesafiym mikhemas׃

¹² וָאֹמַ֗ר עַ֠תָּה יֵרְד֨וּ פְלִשְׁתִּ֤ים אֵלַי֙ הַגִּלְגָּ֔ל וּפְנֵ֥י יְהוָ֖ה לֹ֣א חִלִּ֑יתִי וָֽאֶתְאַפַּ֔ק וָאַעֲלֶ֖ה הָעֹלָֽה׃ ס waʾomar ʿatah yeredu felishetiym ʾelay hagilegal ufeney yehwah loʾ ḥiliytiy waʾeteʾapaq waʾaʿaleh haʿolah׃ s

¹³ וַיֹּ֧אמֶר שְׁמוּאֵ֛ל אֶל־שָׁא֖וּל נִסְכָּ֑לְתָּ לֹ֣א שָׁמַ֗רְתָּ אֶת־מִצְוַ֞ת יְהוָ֤ה אֱלֹהֶ֙יךָ֙ אֲשֶׁ֣ר צִוָּ֔ךְ כִּ֣י עַתָּ֗ה הֵכִ֨ין יְהוָ֧ה אֶת־מַֽמְלַכְתְּךָ֛ אֶל־יִשְׂרָאֵ֖ל עַד־עֹולָֽם׃ wayoʾmer shemuʾel ʾel־shaʾul nisekaleta loʾ shamareta ʾet־mitsewat yehwah ʾeloheykha ʾasher tsiuakhe kiy ʿatah hekhiyn yehwah ʾet־mamelakhetekha ʾel־yiseraʾel ʿad־ʿowlam׃

¹⁴ וְעַתָּ֖ה מַמְלַכְתְּךָ֣ לֹא־תָק֑וּם בִּקֵּשׁ֩ יְהוָ֨ה לֹ֜ו אִ֣ישׁ כִּלְבָבֹ֗ו וַיְצַוֵּ֨הוּ יְהוָ֤ה לְנָגִיד֙ עַל־עַמֹּ֔ו כִּ֚י לֹ֣א שָׁמַ֔רְתָּ אֵ֥ת אֲשֶֽׁר־צִוְּךָ֖ יְהוָֽה׃ פ weʿatah mamelakhetekha loʾ־taqum biqesh yehwah low ʾiysh kilevavow wayetsauehu yehwah lenagiyd ʿal־ʿamow kiy loʾ shamareta ʾet ʾasher־tsiuekha yehwah׃ f

¹⁵ וַיָּ֣קָם שְׁמוּאֵ֗ל וַיַּ֛עַל מִן־הַגִּלְגָּ֖ל גִּבְעַ֣ת בִּנְיָמִ֑ן וַיִּפְקֹ֣ד שָׁא֗וּל אֶת־הָעָם֙ הַנִּמְצְאִ֣ים עִמֹּ֔ו כְּשֵׁ֥שׁ מֵאֹ֖ות אִֽישׁ׃ wayaqam shemuʾel wayaʿal min־hagilegal giveʿat bineyamin wayifeqod shaʾul ʾet־haʿam hanimetseʾiym ʿimow keshesh meʾowt ʾiysh׃

¹⁶ וְשָׁא֞וּל וְיֹונָתָ֣ן בְּנֹ֗ו וְהָעָם֙ הַנִּמְצָ֣א עִמָּ֔ם יֹשְׁבִ֖ים בְּגֶ֣בַע בִּנְיָמִ֑ן וּפְלִשְׁתִּ֖ים חָנ֥וּ בְמִכְמָֽשׂ׃ weshaʾul weyownatan benow wehaʿam hanimetsaʾ ʿimam yosheviym begevaʿ bineyamin ufelishetiym ḥanu vemikhemas׃

¹⁷ וַיֵּצֵ֧א הַמַּשְׁחִ֛ית מִמַּחֲנֵ֥ה פְלִשְׁתִּ֖ים שְׁלֹשָׁ֣ה רָאשִׁ֑ים הָרֹ֨אשׁ אֶחָ֥ד יִפְנֶ֛ה אֶל־דֶּ֥רֶךְ עָפְרָ֖ה אֶל־אֶ֥רֶץ שׁוּעָֽל׃ wayetseʾ hamasheḥiyt mimaḥaneh felishetiym sheloshah raʾshiym haroʾsh ʾeḥad yifeneh ʾel־derekhe ʿaferah ʾel־ʾerets shuʿal׃

¹⁸ וְהָרֹ֤אשׁ אֶחָד֙ יִפְנֶ֔ה דֶּ֖רֶךְ בֵּ֣ית חֹרֹ֑ון וְהָרֹ֨אשׁ אֶחָ֤ד יִפְנֶה֙ דֶּ֣רֶךְ הַגְּב֔וּל הַנִּשְׁקָ֛ף עַל־גֵּ֥י הַצְּבֹעִ֖ים הַמִּדְבָּֽרָה׃ ס weharoʾsh ʾeḥad yifeneh derekhe beyt ḥorown weharoʾsh ʾeḥad yifeneh derekhe hagevul hanisheqaf ʿal־gey hatsevoʿiym hamidebarah׃ s

¹⁹ וְחָרָשׁ֙ לֹ֣א יִמָּצֵ֔א בְּכֹ֖ל אֶ֣רֶץ יִשְׂרָאֵ֑ל כִּֽי־ [אָמַר כ] (אָמְר֣וּ ק) פְלִשְׁתִּ֔ים פֶּ֚ן יַעֲשׂ֣וּ הָעִבְרִ֔ים חֶ֖רֶב אֹ֥ו חֲנִֽית׃ weḥarash loʾ yimatseʾ bekhol ʾerets yiseraʾel kiy־ [ʾamar kh] (ʾameru q) felishetiym pen yaʿasu haʿiveriym ḥerev ʾow ḥaniyt׃

²⁰ וַיֵּרְד֥וּ כָל־יִשְׂרָאֵ֖ל הַפְּלִשְׁתִּ֑ים לִ֠לְטֹושׁ אִ֣ישׁ אֶת־מַחֲרַשְׁתֹּ֤ו וְאֶת־אֵתֹו֙ וְאֶת־קַרְדֻּמֹּ֔ו וְאֵ֖ת מַחֲרֵשָׁתֹֽו׃ wayeredu khal־yiseraʾel hapelishetiym lileṭowsh ʾiysh ʾet־maḥarashetow weʾet־ʾetow weʾet־qaredumow weʾet maḥareshatow׃

²¹ וְֽהָיְתָ֞ה הַפְּצִ֣ירָה פִ֗ים לַמַּֽחֲרֵשֹׁת֙ וְלָ֣אֵתִ֔ים וְלִשְׁלֹ֥שׁ קִלְּשֹׁ֖ון וּלְהַקַּרְדֻּמִּ֑ים וּלְהַצִּ֖יב הַדָּרְבָֽן׃ wehayetah hapetsiyrah fiym lamaḥareshot welaʾetiym welishelosh qileshown ulehaqaredumiym ulehatsiyv hadarevan׃

²² וְהָיָה֙ בְּיֹ֣ום מִלְחֶ֔מֶת וְלֹ֨א נִמְצָ֜א חֶ֤רֶב וַחֲנִית֙ בְּיַ֣ד כָּל־הָעָ֔ם אֲשֶׁ֥ר אֶת־שָׁא֖וּל וְאֶת־יֹונָתָ֑ן וַתִּמָּצֵ֣א לְשָׁא֔וּל וּלְיֹונָתָ֖ן בְּנֹֽו׃ wehayah beyowm mileḥemet weloʾ nimetsaʾ ḥerev waḥaniyt beyad kal־haʿam ʾasher ʾet־shaʾul weʾet־yownatan watimatseʾ leshaʾul uleyownatan benow׃

²³ וַיֵּצֵא֙ מַצַּ֣ב פְּלִשְׁתִּ֔ים אֶֽל־מַעֲבַ֖ר מִכְמָֽשׂ׃ ס wayetseʾ matsav pelishetiym ʾel־maʿavar mikhemas׃ s