1 וַֽעֲתַלְיָה֙ אֵ֣ם אֲחַזְיָ֔הוּ [וּרָאֲתָה כ] (רָאֲתָ֖ה ק) כִּ֣י מֵ֣ת בְּנָ֑הּ וַתָּ֙קָם֙ וַתְּאַבֵּ֔ד אֵ֖ת כָּל־זֶ֥רַע הַמַּמְלָכָֽה׃ waʿataleyah ʾem ʾaḥazeyahu [uraʾatah kh] (raʾatah q) kiy met benah wataqam wateʾabed ʾet kal־zeraʿ hamamelakhah׃
2 וַתִּקַּ֣ח יְהֹושֶׁ֣בַע בַּת־הַמֶּֽלֶךְ־יֹ֠ורָם אֲחֹ֨ות אֲחַזְיָ֜הוּ אֶת־יֹואָ֣שׁ בֶּן־אֲחַזְיָ֗ה וַתִּגְנֹ֤ב אֹתֹו֙ מִתֹּ֤וךְ בְּנֵֽי־הַמֶּ֙לֶךְ֙ [הַמַּמֹותְתִים כ] (הַמּ֣וּמָתִ֔ים ק) אֹתֹ֥ו וְאֶת־מֵינִקְתֹּ֖ו בַּחֲדַ֣ר הַמִּטֹּ֑ות וַיַּסְתִּ֧רוּ אֹתֹ֛ו מִפְּנֵ֥י עֲתַלְיָ֖הוּ וְלֹ֥א הוּמָֽת׃ watiqaḥ yehowshevaʿ bat־hamelekhe־yowram ʾaḥowt ʾaḥazeyahu ʾet־yowʾash ben־ʾaḥazeyah watigenov ʾotow mitowkhe beney־hamelekhe [hamamowtetiym kh] (hamumatiym q) ʾotow weʾet־meyniqetow baḥadar hamiṭowt wayasetiru ʾotow mipeney ʿataleyahu weloʾ humat׃
3 וַיְהִ֤י אִתָּהּ֙ בֵּ֣ית יְהוָ֔ה מִתְחַבֵּ֖א שֵׁ֣שׁ שָׁנִ֑ים וַעֲתַלְיָ֖ה מֹלֶ֥כֶת עַל־הָאָֽרֶץ׃ פ wayehiy ʾitah beyt yehwah miteḥabeʾ shesh shaniym waʿataleyah molekhet ʿal־haʾarets׃ f
4 וּבַשָּׁנָ֣ה הַ֠שְּׁבִיעִית שָׁלַ֨ח יְהֹויָדָ֜ע וַיִּקַּ֣ח ׀ אֶת־שָׂרֵ֣י [הַמֵּאיֹות כ] (הַמֵּאֹ֗ות ק) לַכָּרִי֙ וְלָ֣רָצִ֔ים וַיָּבֵ֥א אֹתָ֛ם אֵלָ֖יו בֵּ֣ית יְהוָ֑ה וַיִּכְרֹת֩ לָהֶ֨ם בְּרִ֜ית וַיַּשְׁבַּ֤ע אֹתָם֙ בְּבֵ֣ית יְהוָ֔ה וַיַּ֥רְא אֹתָ֖ם אֶת־בֶּן־הַמֶּֽלֶךְ׃ uvashanah hasheviyʿiyt shalaḥ yehowyadaʿ wayiqaḥ ׀ ʾet־sarey [hameʾyowt kh] (hameʾowt q) lakariy welaratsiym wayaveʾ ʾotam ʾelayw beyt yehwah wayikherot lahem beriyt wayashebaʿ ʾotam beveyt yehwah wayareʾ ʾotam ʾet־ben־hamelekhe׃
5 וַיְצַוֵּ֣ם לֵאמֹ֔ר זֶ֥ה הַדָּבָ֖ר אֲשֶׁ֣ר תַּעֲשׂ֑וּן הַשְּׁלִשִׁ֤ית מִכֶּם֙ בָּאֵ֣י הַשַּׁבָּ֔ת וְשֹׁ֣מְרֵ֔י מִשְׁמֶ֖רֶת בֵּ֥ית הַמֶּֽלֶךְ׃ wayetsauem leʾmor zeh hadavar ʾasher taʿasun hashelishiyt mikem baʾey hashabat weshomerey mishemeret beyt hamelekhe׃
6 וְהַשְּׁלִשִׁית֙ בְּשַׁ֣עַר ס֔וּר וְהַשְּׁלִשִׁ֥ית בַּשַּׁ֖עַר אַחַ֣ר הָרָצִ֑ים וּשְׁמַרְתֶּ֛ם אֶת־מִשְׁמֶ֥רֶת הַבַּ֖יִת מַסָּֽח׃ wehashelishiyt beshaʿar sur wehashelishiyt bashaʿar ʾaḥar haratsiym ushemaretem ʾet־mishemeret habayit masaḥ׃
7 וּשְׁתֵּ֤י הַיָּדֹות֙ בָּכֶ֔ם כֹּ֖ל יֹצְאֵ֣י הַשַּׁבָּ֑ת וְשָֽׁמְר֛וּ אֶת־מִשְׁמֶ֥רֶת בֵּית־יְהוָ֖ה אֶל־הַמֶּֽלֶךְ׃ ushetey hayadowt bakhem kol yotseʾey hashabat weshameru ʾet־mishemeret beyt־yehwah ʾel־hamelekhe׃
8 וְהִקַּפְתֶּ֨ם עַל־הַמֶּ֜לֶךְ סָבִ֗יב אִ֚ישׁ וְכֵלָ֣יו בְּיָדֹ֔ו וְהַבָּ֥א אֶל־הַשְּׂדֵרֹ֖ות יוּמָ֑ת וִהְי֥וּ אֶת־הַמֶּ֖לֶךְ בְּצֵאתֹ֥ו וּבְבֹאֹֽו׃ wehiqafetem ʿal־hamelekhe saviyv ʾiysh wekhelayw beyadow wehabaʾ ʾel־hasederowt yumat wiheyu ʾet־hamelekhe betseʾtow uvevoʾow׃
9 וַֽיַּעֲשׂ֞וּ שָׂרֵ֣י [הַמֵּאיֹות כ] (הַמֵּאֹ֗ות ק) כְּכֹ֣ל אֲשֶׁר־צִוָּה֮ יְהֹויָדָ֣ע הַכֹּהֵן֒ וַיִּקְחוּ֙ אִ֣ישׁ אֶת־אֲנָשָׁ֔יו בָּאֵ֣י הַשַּׁבָּ֔ת עִ֖ם יֹצְאֵ֣י הַשַּׁבָּ֑ת וַיָּבֹ֖אוּ אֶל־יְהֹויָדָ֥ע הַכֹּהֵֽן׃ wayaʿasu sarey [hameʾyowt kh] (hameʾowt q) kekhol ʾasher־tsiuah yehowyadaʿ hakohen wayiqeḥu ʾiysh ʾet־ʾanashayw baʾey hashabat ʿim yotseʾey hashabat wayavoʾu ʾel־yehowyadaʿ hakohen׃
10 וַיִּתֵּ֨ן הַכֹּהֵ֜ן לְשָׂרֵ֣י [הַמֵּאיֹות כ] (הַמֵּאֹ֗ות ק) אֶֽת־הַחֲנִית֙ וְאֶת־הַשְּׁלָטִ֔ים אֲשֶׁ֖ר לַמֶּ֣לֶךְ דָּוִ֑ד אֲשֶׁ֖ר בְּבֵ֥ית יְהוָֽה׃ wayiten hakohen lesarey [hameʾyowt kh] (hameʾowt q) ʾet־haḥaniyt weʾet־hashelaṭiym ʾasher lamelekhe dawid ʾasher beveyt yehwah׃
11 וַיַּעַמְד֨וּ הָרָצִ֜ים אִ֣ישׁ ׀ וְכֵלָ֣יו בְּיָדֹ֗ו מִכֶּ֨תֶף הַבַּ֤יִת הַיְמָנִית֙ עַד־כֶּ֤תֶף הַבַּ֙יִת֙ הַשְּׂמָאלִ֔ית לַמִּזְבֵּ֖חַ וְלַבָּ֑יִת עַל־הַמֶּ֖לֶךְ סָבִֽיב׃ wayaʿamedu haratsiym ʾiysh ׀ wekhelayw beyadow miketef habayit hayemaniyt ʿad־ketef habayit hasemaʾliyt lamizebeaḥ welabayit ʿal־hamelekhe saviyv׃
12 וַיֹּוצִ֣א אֶת־בֶּן־הַמֶּ֗לֶךְ וַיִּתֵּ֤ן עָלָיו֙ אֶת־הַנֵּ֙זֶר֙ וְאֶת־הָ֣עֵד֔וּת וַיַּמְלִ֥כוּ אֹתֹ֖ו וַיִּמְשָׁחֻ֑הוּ וַיַּכּוּ־כָ֔ף וַיֹּאמְר֖וּ יְחִ֥י הַמֶּֽלֶךְ׃ ס wayowtsiʾ ʾet־ben־hamelekhe wayiten ʿalayw ʾet־hanezer weʾet־haʿedut wayamelikhu ʾotow wayimeshaḥuhu wayaku־khaf wayoʾmeru yeḥiy hamelekhe׃ s
13 וַתִּשְׁמַ֣ע עֲתַלְיָ֔ה אֶת־קֹ֥ול הָֽרָצִ֖ין הָעָ֑ם וַתָּבֹ֥א אֶל־הָעָ֖ם בֵּ֥ית יְהוָֽה׃ watishemaʿ ʿataleyah ʾet־qowl haratsiyn haʿam watavoʾ ʾel־haʿam beyt yehwah׃
14 וַתֵּ֡רֶא וְהִנֵּ֣ה הַמֶּלֶךְ֩ עֹמֵ֨ד עַֽל־הָעַמּ֜וּד כַּמִּשְׁפָּ֗ט וְהַשָּׂרִ֤ים וְהַחֲצֹֽצְרֹות֙ אֶל־הַמֶּ֔לֶךְ וְכָל־עַ֤ם הָאָ֙רֶץ֙ שָׂמֵ֔חַ וְתֹקֵ֖עַ בַּחֲצֹֽצְרֹ֑ות וַתִּקְרַ֤ע עֲתַלְיָה֙ אֶת־בְּגָדֶ֔יהָ וַתִּקְרָ֖א קֶ֥שֶׁר קָֽשֶׁר׃ ס watereʾ wehineh hamelekhe ʿomed ʿal־haʿamud kamishepaṭ wehasariym wehaḥatsotserowt ʾel־hamelekhe wekhal־ʿam haʾarets sameaḥ wetoqeaʿ baḥatsotserowt watiqeraʿ ʿataleyah ʾet־begadeyha watiqeraʾ qesher qasher׃ s
15 וַיְצַו֩ יְהֹויָדָ֨ע הַכֹּהֵ֜ן אֶת־שָׂרֵ֥י [הַמֵּיאֹות כ] (הַמֵּאֹ֣ות ׀ ק) פְּקֻדֵ֣י הַחַ֗יִל וַיֹּ֤אמֶר אֲלֵיהֶם֙ הֹוצִ֤יאוּ אֹתָהּ֙ אֶל־מִבֵּ֣ית לַשְּׂדֵרֹ֔ת וְהַבָּ֥א אַחֲרֶ֖יהָ הָמֵ֣ת בֶּחָ֑רֶב כִּ֚י אָמַ֣ר הַכֹּהֵ֔ן אַל־תּוּמַ֖ת בֵּ֥ית יְהוָֽה׃ wayetsaw yehowyadaʿ hakohen ʾet־sarey [hameyʾowt kh] (hameʾowt ׀ q) pequdey haḥayil wayoʾmer ʾaleyhem howtsiyʾu ʾotah ʾel־mibeyt lasederot wehabaʾ ʾaḥareyha hamet beḥarev kiy ʾamar hakohen ʾal־tumat beyt yehwah׃
16 וַיָּשִׂ֤מוּ לָהּ֙ יָדַ֔יִם וַתָּבֹ֛וא דֶּֽרֶךְ־מְבֹ֥וא הַסּוּסִ֖ים בֵּ֣ית הַמֶּ֑לֶךְ וַתּוּמַ֖ת שָֽׁם׃ ס wayasimu lah yadayim watavowʾ derekhe־mevowʾ hasusiym beyt hamelekhe watumat sham׃ s
17 וַיִּכְרֹ֨ת יְהֹויָדָ֜ע אֶֽת־הַבְּרִ֗ית בֵּ֤ין יְהוָה֙ וּבֵ֤ין הַמֶּ֙לֶךְ֙ וּבֵ֣ין הָעָ֔ם לִהְיֹ֥ות לְעָ֖ם לַֽיהוָ֑ה וּבֵ֥ין הַמֶּ֖לֶךְ וּבֵ֥ין הָעָֽם׃ wayikherot yehowyadaʿ ʾet־haberiyt beyn yehwah uveyn hamelekhe uveyn haʿam liheyowt leʿam layhwah uveyn hamelekhe uveyn haʿam׃
18 וַיָּבֹ֣אוּ כָל־עַם֩ הָאָ֨רֶץ בֵּית־הַבַּ֜עַל וַֽיִּתְּצֻ֗הוּ אֶת־ [מִזְבְּחֹתֹו כ] (מִזְבְּחֹתָ֤יו ק) וְאֶת־צְלָמָיו֙ שִׁבְּר֣וּ הֵיטֵ֔ב וְאֵ֗ת מַתָּן֙ כֹּהֵ֣ן הַבַּ֔עַל הָרְג֖וּ לִפְנֵ֣י הַֽמִּזְבְּחֹ֑ות וַיָּ֧שֶׂם הַכֹּהֵ֛ן פְּקֻדֹּ֖ות עַל־בֵּ֥ית יְהוָֽה׃ wayavoʾu khal־ʿam haʾarets beyt־habaʿal wayitetsuhu ʾet־ [mizebeḥotow kh] (mizebeḥotayw q) weʾet־tselamayw shiberu heyṭev weʾet matan kohen habaʿal haregu lifeney hamizebeḥowt wayasem hakohen pequdowt ʿal־beyt yehwah׃
19 וַיִּקַּ֣ח אֶת־שָׂרֵ֣י הַ֠מֵּאֹות וְאֶת־הַכָּרִ֨י וְאֶת־הָרָצִ֜ים וְאֵ֣ת ׀ כָּל־עַ֣ם הָאָ֗רֶץ וַיֹּרִ֤ידוּ אֶת־הַמֶּ֙לֶךְ֙ מִבֵּ֣ית יְהוָ֔ה וַיָּבֹ֛ואוּ דֶּֽרֶך־שַׁ֥עַר הָרָצִ֖ים בֵּ֣ית הַמֶּ֑לֶךְ וַיֵּ֖שֶׁב עַל־כִּסֵּ֥א הַמְּלָכִֽים׃ wayiqaḥ ʾet־sarey hameʾowt weʾet־hakariy weʾet־haratsiym weʾet ׀ kal־ʿam haʾarets wayoriydu ʾet־hamelekhe mibeyt yehwah wayavowʾu derekh־shaʿar haratsiym beyt hamelekhe wayeshev ʿal־kiseʾ hamelakhiym׃
20 וַיִּשְׂמַ֥ח כָּל־עַם־הָאָ֖רֶץ וְהָעִ֣יר שָׁקָ֑טָה וְאֶת־עֲתַלְיָ֛הוּ הֵמִ֥יתוּ בַחֶ֖רֶב בֵּ֥ית [מֶלֶךְ כ] (הַמֶּֽלֶךְ׃ ק) ס wayisemaḥ kal־ʿam־haʾarets wehaʿiyr shaqaṭah weʾet־ʿataleyahu hemiytu vaḥerev beyt [melekhe kh] (hamelekhe׃ q) s