Proverbes 4

¹ שִׁמְע֣וּ בָ֭נִים מ֣וּסַר אָ֑ב וְ֝הַקְשִׁ֗יבוּ לָדַ֥עַת בִּינָֽה׃ shimeʿu vaniym musar ʾav wehaqeshiyvu ladaʿat biynah׃

² כִּ֤י לֶ֣קַח טֹ֭וב נָתַ֣תִּי לָכֶ֑ם תֹּֽ֝ורָתִ֗י אַֽל־תַּעֲזֹֽבוּ׃ kiy leqaḥ ṭowv natatiy lakhem towratiy ʾal־taʿazovu׃

³ כִּי־בֵ֭ן הָיִ֣יתִי לְאָבִ֑י רַ֥ךְ וְ֝יָחִ֗יד לִפְנֵ֥י אִמִּֽי׃ kiy־ven hayiytiy leʾaviy rakhe weyaḥiyd lifeney ʾimiy׃

⁴ וַיֹּרֵ֗נִי וַיֹּ֥אמֶר לִ֗י יִֽתְמָךְ־דְּבָרַ֥י לִבֶּ֑ךָ שְׁמֹ֖ר מִצְוֹתַ֣י וֶֽחְיֵֽה׃ wayoreniy wayoʾmer liy yitemakhe־devaray libekha shemor mitseotay weḥeyeh׃

⁵ קְנֵ֣ה חָ֭כְמָה קְנֵ֣ה בִינָ֑ה אַל־תִּשְׁכַּ֥ח וְאַל־תֵּ֝֗ט מֵֽאִמְרֵי־פִֽי׃ qeneh ḥakhemah qeneh viynah ʾal־tishekaḥ weʾal־teṭ meʾimerey־fiy׃

⁶ אַל־תַּעַזְבֶ֥הָ וְתִשְׁמְרֶ֑ךָּ אֱהָבֶ֥הָ וְתִצְּרֶֽךָּ׃ ʾal־taʿazeveah wetishemereka ʾehaveah wetitsereka׃

⁷ רֵאשִׁ֣ית חָ֭כְמָה קְנֵ֣ה חָכְמָ֑ה וּבְכָל־קִ֝נְיָנְךָ֗ קְנֵ֣ה בִינָֽה׃ reʾshiyt ḥakhemah qeneh ḥakhemah uvekhal־qineyanekha qeneh viynah׃

⁸ סַלְסְלֶ֥הָ וּֽתְרֹומְמֶ֑ךָּ תְּ֝כַבֵּ֗דְךָ כִּ֣י תְחַבְּקֶֽנָּה׃ saleseleah uterowmemeka tekhabedekha kiy teḥabeqenah׃

⁹ תִּתֵּ֣ן לְ֭רֹאשְׁךָ לִוְיַת־חֵ֑ן עֲטֶ֖רֶת תִּפְאֶ֣רֶת תְּמַגְּנֶֽךָּ׃ titen leroʾshekha liweyat־ḥen ʿaṭeret tifeʾeret temageneka׃

¹⁰ שְׁמַ֣ע בְּ֭נִי וְקַ֣ח אֲמָרָ֑י וְיִרְבּ֥וּ לְ֝ךָ֗ שְׁנֹ֣ות חַיִּֽים׃ shemaʿ beniy weqaḥ ʾamaray weyirebu lekha shenowt ḥayiym׃

¹¹ בְּדֶ֣רֶךְ חָ֭כְמָה הֹרֵתִ֑יךָ הִ֝דְרַכְתִּ֗יךָ בְּמַעְגְּלֵי־יֹֽשֶׁר׃ bederekhe ḥakhemah horetiykha hiderakhetiykha bemaʿegeley־yosher׃

¹² בְּֽ֭לֶכְתְּךָ לֹא־יֵצַ֣ר צַעֲדֶ֑ךָ וְאִם־תָּ֝ר֗וּץ לֹ֣א תִכָּשֵֽׁל׃ belekhetekha loʾ־yetsar tsaʿadekha weʾim־taruts loʾ tikashel׃

¹³ הַחֲזֵ֣ק בַּמּוּסָ֣ר אַל־תֶּ֑רֶף נִ֝צְּרֶ֗הָ כִּי־הִ֥יא חַיֶּֽיךָ׃ haḥazeq bamusar ʾal־teref nitsereah kiy־hiyʾ ḥayeykha׃

¹⁴ בְּאֹ֣רַח רְ֭שָׁעִים אַל־תָּבֹ֑א וְאַל־תְּ֝אַשֵּׁ֗ר בְּדֶ֣רֶךְ רָעִֽים׃ beʾoraḥ reshaʿiym ʾal־tavoʾ weʾal־teʾasher bederekhe raʿiym׃

¹⁵ פְּרָעֵ֥הוּ אַל־תַּעֲבָר־בֹּ֑ו שְׂטֵ֖ה מֵעָלָ֣יו וַעֲבֹֽור׃ peraʿehu ʾal־taʿavar־bow seṭeh meʿalayw waʿavowr׃

¹⁶ כִּ֤י לֹ֣א יִֽ֭שְׁנוּ אִם־לֹ֣א יָרֵ֑עוּ וְֽנִגְזְלָ֥ה נָתָ֗ם אִם־לֹ֥א [יִכְשֹׁולוּ כ] (יַכְשִֽׁילוּ׃ ק) kiy loʾ yishenu ʾim־loʾ yareʿu wenigezelah natam ʾim־loʾ [yikheshowlu kh] (yakheshiylu׃ q)

¹⁷ כִּ֣י לָ֭חֲמוּ לֶ֣חֶם רֶ֑שַׁע וְיֵ֖ין חֲמָסִ֣ים יִשְׁתּֽוּ׃ kiy laḥamu leḥem reshaʿ weyeyn ḥamasiym yishetu׃

¹⁸ וְאֹ֣רַח צַ֭דִּיקִים כְּאֹ֣ור נֹ֑גַהּ הֹולֵ֥ךְ וָ֝אֹ֗ור עַד־נְכֹ֥ון הַיֹּֽום׃ weʾoraḥ tsadiyqiym keʾowr nogah howlekhe waʾowr ʿad־nekhown hayowm׃

¹⁹ דֶּ֣רֶךְ רְ֭שָׁעִים כָּֽאֲפֵלָ֑ה לֹ֥א יָ֝דְע֗וּ בַּמֶּ֥ה יִכָּשֵֽׁלוּ׃ פ derekhe reshaʿiym kaʾafelah loʾ yadeʿu bameh yikashelu׃ f

²⁰ בְּ֭נִי לִדְבָרַ֣י הַקְשִׁ֑יבָה לַ֝אֲמָרַ֗י הַט־אָזְנֶֽךָ׃ beniy lidevaray haqeshiyvah laʾamaray haṭ־ʾazenekha׃

²¹ אַל־יַלִּ֥יזוּ מֵעֵינֶ֑יךָ מְרֵ֗ם בְּתֹ֣וךְ לְבָבֶֽךָ׃ ʾal־yaliyzu meʿeyneykha merem betowkhe levavekha׃

²² כִּֽי־חַיִּ֣ים הֵ֭ם לְמֹצְאֵיהֶ֑ם וּֽלְכָל־בְּשָׂרֹ֥ו מַרְפֵּֽא׃ kiy־ḥayiym hem lemotseʾeyhem ulekhal־besarow marepeʾ׃

²³ מִֽכָּל־מִ֭שְׁמָר נְצֹ֣ר לִבֶּ֑ךָ כִּֽי־מִ֝מֶּ֗נּוּ תֹּוצְאֹ֥ות חַיִּֽים׃ mikal־mishemar netsor libekha kiy־mimenu towtseʾowt ḥayiym׃

²⁴ הָסֵ֣ר מִ֭מְּךָ עִקְּשׁ֣וּת פֶּ֑ה וּלְז֥וּת פָתַ֗יִם הַרְחֵ֥ק מִמֶּֽךָּ׃ haser mimekha ʿiqeshut peh ulezut fatayim hareḥeq mimeka׃

²⁵ עֵ֭ינֶיךָ לְנֹ֣כַח יַבִּ֑יטוּ וְ֝עַפְעַפֶּ֗יךָ יַיְשִׁ֥רוּ נֶגְדֶּֽךָ׃ ʿeyneykha lenokhaḥ yabiyṭu weʿafeʿapeykha yayeshiru negedekha׃

²⁶ פַּ֭לֵּס מַעְגַּ֣ל רַגְלֶ֑ךָ וְֽכָל־דְּרָכֶ֥יךָ יִכֹּֽנוּ׃ pales maʿegal ragelekha wekhal־derakheykha yikonu׃

²⁷ אַֽל־תֵּט־יָמִ֥ין וּשְׂמֹ֑אול הָסֵ֖ר רַגְלְךָ֣ מֵרָֽע׃ ʾal־teṭ־yamiyn usemoʾwl haser ragelekha meraʿ׃