Exode 20

¹ וַיְדַבֵּ֣ר אֱלֹהִ֔ים אֵ֛ת כָּל־הַדְּבָרִ֥ים הָאֵ֖לֶּה לֵאמֹֽר׃ ס wayedaber ʾelohiym ʾet kal־hadevariym haʾeleh leʾmor׃ s

² אָֽנֹכִ֖י֙ יְהוָ֣ה אֱלֹהֶ֑֔יךָ אֲשֶׁ֧ר הֹוצֵאתִ֛יךָ מֵאֶ֥רֶץ מִצְרַ֖יִם מִבֵּ֣֥ית עֲבָדִֽ֑ים׃ ʾanokhiy yehwah ʾeloheykha ʾasher howtseʾtiykha meʾerets mitserayim mibeyt ʿavadiym׃

³ לֹֽ֣א יִהְיֶֽה־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ ׃ loʾ yiheyeh־lekha ʾelohiym ʾaḥeriym ʿal־panaya ׃

⁴ לֹֽ֣א תַֽעֲשֶׂ֨ה־לְךָ֥֣ פֶ֣֙סֶל֙ ׀ וְכָל־תְּמוּנָ֡֔ה אֲשֶׁ֤֣ר בַּשָּׁמַ֣֙יִם֙ ׀ מִמַּ֡֔עַל וַֽאֲשֶׁ֥ר֩ בָּאָ֖֨רֶץ מִתַָּ֑֜חַת וַאֲשֶׁ֥֣ר בַּמַּ֖֣יִם ׀ מִתַּ֥֣חַת לָאָֽ֗רֶץ ׃ loʾ taʿaseh־lekha fesel ׀ wekhal־temunah ʾasher bashamayim ׀ mimaʿal waʾasher baʾarets mitaḥat waʾasher bamayim ׀ mitaḥat laʾarets ׃

⁵ לֹֽא־תִשְׁתַּחְוֶ֥֣ה לָהֶ֖ם֮ וְלֹ֣א תָעָבְדֵ֑ם֒ כִּ֣י אָֽנֹכִ֞י יְהוָ֤ה אֱלֹהֶ֙יךָ֙ אֵ֣ל קַנָּ֔א פֹּ֠קֵד עֲוֹ֨ן אָבֹ֧ת עַל־בָּנִ֛ים עַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃ loʾ־tishetaḥeweh lahem weloʾ taʿavedem kiy ʾanokhiy yehwah ʾeloheykha ʾel qanaʾ poqed ʿaon ʾavot ʿal־baniym ʿal־shileshiym weʿal־ribeʿiym lesoneʾay׃

⁶ וְעֹ֥֤שֶׂה חֶ֖֙סֶד֙ לַאֲלָפִ֑֔ים לְאֹהֲבַ֖י וּלְשֹׁמְרֵ֥י מִצְוֹתָֽי׃ ס weʿoseh ḥesed laʾalafiym leʾohavay uleshomerey mitseotay׃ s

⁷ לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמֹ֖ו לַשָּֽׁוְא׃ פ loʾ tisaʾ ʾet־shem־yehwah ʾeloheykha lashaweʾ kiy loʾ yenaqeh yehwah ʾet ʾasher־yisaʾ ʾet־shemow lashaweʾ׃ f

⁸ זָכֹ֛ור֩ אֶת־יֹ֥֨ום הַשַּׁבָּ֖֜ת לְקַדְּשֹֽׁ֗ו ׃ zakhowr ʾet־yowm hashabat leqadeshow ׃

⁹ שֵׁ֤֣שֶׁת יָמִ֣ים֙ תַּֽעֲבֹ֔ד֮ וְעָשִׂ֖֣יתָ כָּל־מְלַאכְתֶּֽךָ֒ ׃ sheshet yamiym taʿavod weʿasiyta kal־melaʾkhetekha ׃

¹⁰ וְיֹ֙ום֙ הַשְּׁבִיעִ֔֜י שַׁבָּ֖֣ת ׀ לַיהוָ֣ה אֱלֹהֶ֑֗יךָ לֹֽ֣א־תַעֲשֶׂ֣֨ה כָל־מְלָאכָ֡֜ה אַתָּ֣ה ׀ וּבִנְךָֽ֣־וּ֠בִתֶּ֗ךָ עַבְדְּךָ֤֨ וַאֲמָֽתְךָ֜֙ וּבְהֶמְתֶּ֔֗ךָ וְגֵרְךָ֖֙ אֲשֶׁ֥֣ר בִּשְׁעָרֶֽ֔יךָ ׃ weyowm hasheviyʿiy shabat ׀ layhwah ʾeloheykha loʾ־taʿaseh khal־melaʾkhah ʾatah ׀ uvinekha־uvitekha ʿavedekha waʾamatekha uvehemetekha wegerekha ʾasher bisheʿareykha ׃

¹¹ כִּ֣י שֵֽׁשֶׁת־יָמִים֩ עָשָׂ֨ה יְהוָ֜ה אֶת־הַשָּׁמַ֣יִם וְאֶת־הָאָ֗רֶץ אֶת־הַיָּם֙ וְאֶת־כָּל־אֲשֶׁר־בָּ֔ם וַיָּ֖נַח בַּיֹּ֣ום הַשְּׁבִיעִ֑י עַל־כֵּ֗ן בֵּרַ֧ךְ יְהוָ֛ה אֶת־יֹ֥ום הַשַּׁבָּ֖ת וַֽיְקַדְּשֵֽׁהוּ׃ ס kiy sheshet־yamiym ʿasah yehwah ʾet־hashamayim weʾet־haʾarets ʾet־hayam weʾet־kal־ʾasher־bam wayanaḥ bayowm hasheviyʿiy ʿal־ken berakhe yehwah ʾet־yowm hashabat wayeqadeshehu׃ s

¹² כַּבֵּ֥ד אֶת־אָבִ֖יךָ וְאֶת־אִמֶּ֑ךָ לְמַ֙עַן֙ יַאֲרִכ֣וּן יָמֶ֔יךָ עַ֚ל הָאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס kabed ʾet־ʾaviykha weʾet־ʾimekha lemaʿan yaʾarikhun yameykha ʿal haʾadamah ʾasher־yehwah ʾeloheykha noten lakhe׃ s

¹³ לֹ֥֖א תִּֿרְצָֽ֖ח׃ ס loʾ tiretsaḥ׃ s

¹⁴ לֹ֣֖א תִּֿנְאָֽ֑ף׃ ס loʾ tineʾaf׃ s

¹⁵ לֹ֣֖א תִּֿגְנֹֽ֔ב׃ ס loʾ tigenov׃ s

¹⁶ לֹֽא־תַעֲנֶ֥ה בְרֵעֲךָ֖ עֵ֥ד שָֽׁקֶר׃ ס loʾ־taʿaneh vereʿakha ʿed shaqer׃ s

¹⁷ לֹ֥א תַחְמֹ֖ד בֵּ֣ית רֵעֶ֑ךָ לֹֽא־תַחְמֹ֞ד אֵ֣שֶׁת רֵעֶ֗ךָ וְעַבְדֹּ֤ו וַאֲמָתֹו֙ וְשֹׁורֹ֣ו וַחֲמֹרֹ֔ו וְכֹ֖ל אֲשֶׁ֥ר לְרֵעֶֽךָ׃ פ loʾ taḥemod beyt reʿekha loʾ־taḥemod ʾeshet reʿekha weʿavedow waʾamatow weshowrow waḥamorow wekhol ʾasher lereʿekha׃ f

¹⁸ וְכָל־הָעָם֩ רֹאִ֨ים אֶת־הַקֹּולֹ֜ת וְאֶת־הַלַּפִּידִ֗ם וְאֵת֙ קֹ֣ול הַשֹּׁפָ֔ר וְאֶת־הָהָ֖ר עָשֵׁ֑ן וַיַּ֤רְא הָעָם֙ וַיָּנֻ֔עוּ וַיַּֽעַמְד֖וּ מֵֽרָחֹֽק׃ wekhal־haʿam roʾiym ʾet־haqowlot weʾet־halapiydim weʾet qowl hashofar weʾet־hahar ʿashen wayareʾ haʿam wayanuʿu wayaʿamedu meraḥoq׃

¹⁹ וַיֹּֽאמְרוּ֙ אֶל־מֹשֶׁ֔ה דַּבֵּר־אַתָּ֥ה עִמָּ֖נוּ וְנִשְׁמָ֑עָה וְאַל־יְדַבֵּ֥ר עִמָּ֛נוּ אֱלֹהִ֖ים פֶּן־נָמֽוּת׃ wayoʾmeru ʾel־mosheh daber־ʾatah ʿimanu wenishemaʿah weʾal־yedaber ʿimanu ʾelohiym pen־namut׃

²⁰ וַיֹּ֨אמֶר מֹשֶׁ֣ה אֶל־הָעָם֮ אַל־תִּירָאוּ֒ כִּ֗י לְבַֽעֲבוּר֙ נַסֹּ֣ות אֶתְכֶ֔ם בָּ֖א הָאֱלֹהִ֑ים וּבַעֲב֗וּר תִּהְיֶ֧ה יִרְאָתֹ֛ו עַל־פְּנֵיכֶ֖ם לְבִלְתִּ֥י תֶחֱטָֽאוּ׃ wayoʾmer mosheh ʾel־haʿam ʾal־tiyraʾu kiy levaʿavur nasowt ʾetekhem baʾ haʾelohiym uvaʿavur tiheyeh yireʾatow ʿal־peneykhem leviletiy teḥeṭaʾu׃

²¹ וַיַּעֲמֹ֥ד הָעָ֖ם מֵרָחֹ֑ק וּמֹשֶׁה֙ נִגַּ֣שׁ אֶל־הָֽעֲרָפֶ֔ל אֲשֶׁר־שָׁ֖ם הָאֱלֹהִֽים׃ פ wayaʿamod haʿam meraḥoq umosheh nigash ʾel־haʿarafel ʾasher־sham haʾelohiym׃ f

²² וַיֹּ֤אמֶר יְהוָה֙ אֶל־מֹשֶׁ֔ה כֹּ֥ה תֹאמַ֖ר אֶל־בְּנֵ֣י יִשְׂרָאֵ֑ל אַתֶּ֣ם רְאִיתֶ֔ם כִּ֚י מִן־הַשָּׁמַ֔יִם דִּבַּ֖רְתִּי עִמָּכֶֽם׃ wayoʾmer yehwah ʾel־mosheh koh toʾmar ʾel־beney yiseraʾel ʾatem reʾiytem kiy min־hashamayim dibaretiy ʿimakhem׃

²³ לֹ֥א תַעֲשׂ֖וּן אִתִּ֑י אֱלֹ֤הֵי כֶ֙סֶף֙ וֵאלֹהֵ֣י זָהָ֔ב לֹ֥א תַעֲשׂ֖וּ לָכֶֽם׃ loʾ taʿasun ʾitiy ʾelohey khesef weʾlohey zahav loʾ taʿasu lakhem׃

²⁴ מִזְבַּ֣ח אֲדָמָה֮ תַּעֲשֶׂה־לִּי֒ וְזָבַחְתָּ֣ עָלָ֗יו אֶת־עֹלֹתֶ֙יךָ֙ וְאֶת־שְׁלָמֶ֔יךָ אֶת־צֹֽאנְךָ֖ וְאֶת־בְּקָרֶ֑ךָ בְּכָל־הַמָּקֹום֙ אֲשֶׁ֣ר אַזְכִּ֣יר אֶת־שְׁמִ֔י אָבֹ֥וא אֵלֶ֖יךָ וּבֵרַכְתִּֽיךָ׃ mizebaḥ ʾadamah taʿaseh־liy wezavaḥeta ʿalayw ʾet־ʿoloteykha weʾet־shelameykha ʾet־tsoʾnekha weʾet־beqarekha bekhal־hamaqowm ʾasher ʾazekiyr ʾet־shemiy ʾavowʾ ʾeleykha uverakhetiykha׃

²⁵ וְאִם־מִזְבַּ֤ח אֲבָנִים֙ תַּֽעֲשֶׂה־לִּ֔י לֹֽא־תִבְנֶ֥ה אֶתְהֶ֖ן גָּזִ֑ית כִּ֧י חַרְבְּךָ֛ הֵנַ֥פְתָּ עָלֶ֖יהָ וַתְּחַֽלְלֶֽהָ׃ weʾim־mizebaḥ ʾavaniym taʿaseh־liy loʾ־tiveneh ʾetehen gaziyt kiy ḥarebekha henafeta ʿaleyha wateḥaleleah׃

²⁶ וְלֹֽא־תַעֲלֶ֥ה בְמַעֲלֹ֖ת עַֽל־מִזְבְּחִ֑י אֲשֶׁ֛ר לֹֽא־תִגָּלֶ֥ה עֶרְוָתְךָ֖ עָלָֽיו׃ פ weloʾ־taʿaleh vemaʿalot ʿal־mizebeḥiy ʾasher loʾ־tigaleh ʿerewatekha ʿalayw׃ f