1 וַיְהִ֧י לִֽיהֹושָׁפָ֛ט עֹ֥שֶׁר וְכָבֹ֖וד לָרֹ֑ב וַיִּתְחַתֵּ֖ן לְאַחְאָֽב׃ wayehiy liyhowshafaṭ ʿosher wekhavowd larov wayiteḥaten leʾaḥeʾav׃
2 וַיֵּרֶד֩ לְקֵ֨ץ שָׁנִ֤ים אֶל־אַחְאָב֙ לְשֹׁ֣מְרֹ֔ון וַיִּֽזְבַּֽח־לֹ֨ו אַחְאָ֜ב צֹ֤אן וּבָקָר֙ לָרֹ֔ב וְלָעָ֖ם אֲשֶׁ֣ר עִמֹּ֑ו וַיְסִיתֵ֕הוּ לַעֲלֹ֖ות אֶל־רָמֹ֥ות גִּלְעָֽד׃ wayered leqets shaniym ʾel־ʾaḥeʾav leshomerown wayizebaḥ־low ʾaḥeʾav tsoʾn uvaqar larov welaʿam ʾasher ʿimow wayesiytehu laʿalowt ʾel־ramowt gileʿad׃
3 וַיֹּ֜אמֶר אַחְאָ֣ב מֶֽלֶךְ־יִשְׂרָאֵ֗ל אֶל־יְהֹֽושָׁפָט֙ מֶ֣לֶךְ יְהוּדָ֔ה הֲתֵלֵ֥ךְ עִמִּ֖י רָמֹ֣ת גִּלְעָ֑ד וַיֹּ֣אמֶר לֹ֗ו כָּמֹ֤ונִי כָמֹ֙וךָ֙ וּכְעַמְּךָ֣ עַמִּ֔י וְעִמְּךָ֖ בַּמִּלְחָמָֽה׃ wayoʾmer ʾaḥeʾav melekhe־yiseraʾel ʾel־yehowshafaṭ melekhe yehudah hatelekhe ʿimiy ramot gileʿad wayoʾmer low kamowniy khamowkha ukheʿamekha ʿamiy weʿimekha bamileḥamah׃
4 וַיֹּ֥אמֶר יְהֹושָׁפָ֖ט אֶל־מֶ֣לֶךְ יִשְׂרָאֵ֑ל דְּרָשׁ־נָ֥א כַיֹּ֖ום אֶת־דְּבַ֥ר יְהוָֽה׃ wayoʾmer yehowshafaṭ ʾel־melekhe yiseraʾel derash־naʾ khayowm ʾet־devar yehwah׃
5 וַיִּקְבֹּ֨ץ מֶֽלֶךְ־יִשְׂרָאֵ֥ל אֶֽת־הַנְּבִאִים֮ אַרְבַּ֣ע מֵאֹ֣ות אִישׁ֒ וַיֹּ֣אמֶר אֲלֵהֶ֗ם הֲנֵלֵ֞ךְ אֶל־רָמֹ֥ת גִּלְעָ֛ד לַמִּלְחָמָ֖ה אִם־אֶחְדָּ֑ל וַיֹּאמְר֣וּ עֲלֵ֔ה וְיִתֵּ֥ן הָאֱלֹהִ֖ים בְּיַ֥ד הַמֶּֽלֶךְ׃ wayiqebots melekhe־yiseraʾel ʾet־haneviʾiym ʾarebaʿ meʾowt ʾiysh wayoʾmer ʾalehem hanelekhe ʾel־ramot gileʿad lamileḥamah ʾim־ʾeḥedal wayoʾmeru ʿaleh weyiten haʾelohiym beyad hamelekhe׃
6 וַיֹּ֙אמֶר֙ יְהֹ֣ושָׁפָ֔ט הַאֵ֨ין פֹּ֥ה נָבִ֛יא לַיהוָ֖ה עֹ֑וד וְנִדְרְשָׁ֖ה מֵאֹתֹֽו׃ wayoʾmer yehowshafaṭ haʾeyn poh naviyʾ layhwah ʿowd wenidereshah meʾotow׃
7 וַיֹּ֣אמֶר מֶֽלֶךְ־יִשְׂרָאֵ֣ל ׀ אֶֽל־יְהֹושָׁפָ֡ט עֹ֣וד אִישׁ־אֶחָ֡ד לִדְרֹושׁ֩ אֶת־יְהוָ֨ה מֵֽאֹתֹ֜ו וַאֲנִ֣י שְׂנֵאתִ֗יהוּ כִּֽי־אֵ֠ינֶנּוּ מִתְנַבֵּ֨א עָלַ֤י לְטֹובָה֙ כִּ֣י כָל־יָמָ֣יו לְרָעָ֔ה ה֖וּא מִיכָ֣יְהוּ בֶן־יִמְלָ֑א וַיֹּ֙אמֶר֙ יְהֹ֣ושָׁפָ֔ט אַל־יֹאמַ֥ר הַמֶּ֖לֶךְ כֵּֽן׃ wayoʾmer melekhe־yiseraʾel ׀ ʾel־yehowshafaṭ ʿowd ʾiysh־ʾeḥad liderowsh ʾet־yehwah meʾotow waʾaniy seneʾtiyhu kiy־ʾeynenu mitenabeʾ ʿalay leṭowvah kiy khal־yamayw leraʿah huʾ miykhayehu ven־yimelaʾ wayoʾmer yehowshafaṭ ʾal־yoʾmar hamelekhe ken׃
8 וַיִּקְרָא֙ מֶ֣לֶךְ יִשְׂרָאֵ֔ל אֶל־סָרִ֖יס אֶחָ֑ד וַיֹּ֕אמֶר מַהֵ֖ר [מִיכָהוּ כ] (מִיכָ֥יְהוּ ק) בֶן־יִמְלָֽא׃ wayiqeraʾ melekhe yiseraʾel ʾel־sariys ʾeḥad wayoʾmer maher [miykhahu kh] (miykhayehu q) ven־yimelaʾ׃
9 וּמֶ֣לֶךְ יִשְׂרָאֵ֡ל וִֽיהֹושָׁפָ֣ט מֶֽלֶךְ־יְהוּדָ֡ה יֹושְׁבִים֩ אִ֨ישׁ עַל־כִּסְאֹ֜ו מְלֻבָּשִׁ֤ים בְּגָדִים֙ וְיֹשְׁבִ֣ים בְּגֹ֔רֶן פֶּ֖תַח שַׁ֣עַר שֹׁמְרֹ֑ון וְכָל־הַ֨נְּבִיאִ֔ים מִֽתְנַבְּאִ֖ים לִפְנֵיהֶֽם׃ umelekhe yiseraʾel wiyhowshafaṭ melekhe־yehudah yowsheviym ʾiysh ʿal־kiseʾow melubashiym begadiym weyosheviym begoren petaḥ shaʿar shomerown wekhal־haneviyʾiym mitenabeʾiym lifeneyhem׃
10 וַיַּ֥עַשׂ לֹ֛ו צִדְקִיָּ֥הוּ בֶֽן־כְּנַעֲנָ֖ה קַרְנֵ֣י בַרְזֶ֣ל וַיֹּ֙אמֶר֙ כֹּֽה־אָמַ֣ר יְהוָ֔ה בְּאֵ֛לֶּה תְּנַגַּ֥ח אֶת־אֲרָ֖ם עַד־כַּלֹּותָֽם׃ wayaʿas low tsideqiyahu ven־kenaʿanah qareney varezel wayoʾmer koh־ʾamar yehwah beʾeleh tenagaḥ ʾet־ʾaram ʿad־kalowtam׃
11 וְכָל־הַ֨נְּבִאִ֔ים נִבְּאִ֥ים כֵּ֖ן לֵאמֹ֑ר עֲלֵ֞ה רָמֹ֤ת גִּלְעָד֙ וְהַצְלַ֔ח וְנָתַ֥ן יְהוָ֖ה בְּיַ֥ד הַמֶּֽלֶךְ׃ wekhal־haneviʾiym nibeʾiym ken leʾmor ʿaleh ramot gileʿad wehatselaḥ wenatan yehwah beyad hamelekhe׃
12 וְהַמַּלְאָ֞ךְ אֲשֶׁר־הָלַ֣ךְ ׀ לִקְרֹ֣א לְמִיכָ֗יְהוּ דִּבֶּ֤ר אֵלָיו֙ לֵאמֹ֔ר הִנֵּ֞ה דִּבְרֵ֧י הַנְּבִאִ֛ים פֶּֽה־אֶחָ֥ד טֹ֖וב אֶל־הַמֶּ֑לֶךְ וִֽיהִי־נָ֧א דְבָרְךָ֛ כְּאַחַ֥ד מֵהֶ֖ם וְדִבַּ֥רְתָּ טֹּֽוב׃ wehamaleʾakhe ʾasher־halakhe ׀ liqeroʾ lemiykhayehu diber ʾelayw leʾmor hineh diverey haneviʾiym peh־ʾeḥad ṭowv ʾel־hamelekhe wiyhiy־naʾ devarekha keʾaḥad mehem wedibareta ṭowv׃
13 וַיֹּ֖אמֶר מִיכָ֑יְהוּ חַי־יְהוָ֕ה כִּ֛י אֶת־אֲשֶׁר־יֹאמַ֥ר אֱלֹהַ֖י אֹתֹ֥ו אֲדַבֵּֽר׃ wayoʾmer miykhayehu ḥay־yehwah kiy ʾet־ʾasher־yoʾmar ʾelohay ʾotow ʾadaber׃
14 וַיָּבֹא֮ אֶל־הַמֶּלֶךְ֒ וַיֹּ֨אמֶר הַמֶּ֜לֶךְ אֵלָ֗יו מִיכָה֙ הֲנֵלֵ֞ךְ אֶל־רָמֹ֥ת גִּלְעָ֛ד לַמִּלְחָמָ֖ה אִם־אֶחְדָּ֑ל וַיֹּ֙אמֶר֙ עֲל֣וּ וְהַצְלִ֔יחוּ וְיִנָּתְנ֖וּ בְּיֶדְכֶֽם׃ wayavoʾ ʾel־hamelekhe wayoʾmer hamelekhe ʾelayw miykhah hanelekhe ʾel־ramot gileʿad lamileḥamah ʾim־ʾeḥedal wayoʾmer ʿalu wehatseliyḥu weyinatenu beyedekhem׃
15 וַיֹּ֤אמֶר אֵלָיו֙ הַמֶּ֔לֶךְ עַד־כַּמֶּ֥ה פְעָמִ֖ים אֲנִ֣י מַשְׁבִּיעֶ֑ךָ אֲ֠שֶׁר לֹֽא־תְדַבֵּ֥ר אֵלַ֛י רַק־אֱמֶ֖ת בְּשֵׁ֥ם יְהוָֽה׃ wayoʾmer ʾelayw hamelekhe ʿad־kameh feʿamiym ʾaniy mashebiyʿekha ʾasher loʾ־tedaber ʾelay raq־ʾemet beshem yehwah׃
16 וַיֹּ֗אמֶר רָאִ֤יתִי אֶת־כָּל־יִשְׂרָאֵל֙ נְפֹוצִ֣ים עַל־הֶֽהָרִ֔ים כַּצֹּ֕אן אֲשֶׁ֥ר אֵין־לָהֶ֖ן רֹעֶ֑ה וַיֹּ֤אמֶר יְהוָה֙ לֹֽא־אֲדֹנִ֣ים לָאֵ֔לֶּה יָשׁ֥וּבוּ אִישׁ־לְבֵיתֹ֖ו בְּשָׁלֹֽום׃ wayoʾmer raʾiytiy ʾet־kal־yiseraʾel nefowtsiym ʿal־hehariym katsoʾn ʾasher ʾeyn־lahen roʿeh wayoʾmer yehwah loʾ־ʾadoniym laʾeleh yashuvu ʾiysh־leveytow beshalowm׃
17 וַיֹּ֥אמֶר מֶֽלֶךְ־יִשְׂרָאֵ֖ל אֶל־יְהֹושָׁפָ֑ט הֲלֹא֙ אָמַ֣רְתִּי אֵלֶ֔יךָ לֹא־יִתְנַבֵּ֥א עָלַ֛י טֹ֖וב כִּ֥י אִם־לְרָֽע׃ ס wayoʾmer melekhe־yiseraʾel ʾel־yehowshafaṭ haloʾ ʾamaretiy ʾeleykha loʾ־yitenabeʾ ʿalay ṭowv kiy ʾim־leraʿ׃ s
18 וַיֹּ֕אמֶר לָכֵ֖ן שִׁמְע֣וּ דְבַר־יְהוָ֑ה רָאִ֤יתִי אֶת־יְהוָה֙ יֹושֵׁ֣ב עַל־כִּסְאֹ֔ו וְכָל־צְבָ֤א הַשָּׁמַ֙יִם֙ עֹֽמְדִ֔ים עַל־יְמִינֹ֖ו וּשְׂמֹאלֹֽו׃ wayoʾmer lakhen shimeʿu devar־yehwah raʾiytiy ʾet־yehwah yowshev ʿal־kiseʾow wekhal־tsevaʾ hashamayim ʿomediym ʿal־yemiynow usemoʾlow׃
19 וַיֹּ֣אמֶר יְהוָ֗ה מִ֤י יְפַתֶּה֙ אֶת־אַחְאָ֣ב מֶֽלֶךְ־יִשְׂרָאֵ֔ל וְיַ֕עַל וְיִפֹּ֖ל בְּרָמֹ֣ות גִּלְעָ֑ד וַיֹּ֕אמֶר זֶ֚ה אֹמֵ֣ר כָּ֔כָה וְזֶ֖ה אֹמֵ֥ר כָּֽכָה׃ wayoʾmer yehwah miy yefateh ʾet־ʾaḥeʾav melekhe־yiseraʾel weyaʿal weyipol beramowt gileʿad wayoʾmer zeh ʾomer kakhah wezeh ʾomer kakhah׃
20 וַיֵּצֵ֣א הָר֗וּחַ וַֽיַּעֲמֹד֙ לִפְנֵ֣י יְהוָ֔ה וַיֹּ֖אמֶר אֲנִ֣י אֲפַתֶּ֑נּוּ וַיֹּ֧אמֶר יְהוָ֛ה אֵלָ֖יו בַּמָּֽה׃ wayetseʾ haruaḥ wayaʿamod lifeney yehwah wayoʾmer ʾaniy ʾafatenu wayoʾmer yehwah ʾelayw bamah׃
21 וַיֹּ֗אמֶר אֵצֵא֙ וְהָיִ֙יתִי֙ לְר֣וּחַ שֶׁ֔קֶר בְּפִ֖י כָּל־נְבִיאָ֑יו וַיֹּ֗אמֶר תְּפַתֶּה֙ וְגַם־תּוּכָ֔ל צֵ֖א וַעֲשֵׂה־כֵֽן׃ wayoʾmer ʾetseʾ wehayiytiy leruaḥ sheqer befiy kal־neviyʾayw wayoʾmer tefateh wegam־tukhal tseʾ waʿaseh־khen׃
22 וְעַתָּ֗ה הִנֵּ֨ה נָתַ֤ן יְהוָה֙ ר֣וּחַ שֶׁ֔קֶר בְּפִ֖י נְבִיאֶ֣יךָ אֵ֑לֶּה וַֽיהוָ֔ה דִּבֶּ֥ר עָלֶ֖יךָ רָעָֽה׃ ס weʿatah hineh natan yehwah ruaḥ sheqer befiy neviyʾeykha ʾeleh wayhwah diber ʿaleykha raʿah׃ s
23 וַיִּגַּשׁ֙ צִדְקִיָּ֣הוּ בֶֽן־כְּנַעֲנָ֔ה וַיַּ֥ךְ אֶת־מִיכָ֖יְהוּ עַל־הַלֶּ֑חִי וַיֹּ֗אמֶר אֵ֣י זֶ֤ה הַדֶּ֙רֶךְ֙ עָבַ֧ר רֽוּחַ־יְהוָ֛ה מֵאִתִּ֖י לְדַבֵּ֥ר אֹתָֽךְ׃ wayigash tsideqiyahu ven־kenaʿanah wayakhe ʾet־miykhayehu ʿal־haleḥiy wayoʾmer ʾey zeh haderekhe ʿavar ruaḥ־yehwah meʾitiy ledaber ʾotakhe׃
24 וַיֹּ֣אמֶר מִיכָ֔יְהוּ הִנְּךָ֥ רֹאֶ֖ה בַּיֹּ֣ום הַה֑וּא אֲשֶׁ֥ר תָּבֹ֛וא חֶ֥דֶר בְּחֶ֖דֶר לְהֵחָבֵֽא׃ wayoʾmer miykhayehu hinekha roʾeh bayowm hahuʾ ʾasher tavowʾ ḥeder beḥeder leheḥaveʾ׃
25 וַיֹּ֙אמֶר֙ מֶ֣לֶךְ יִשְׂרָאֵ֔ל קְחוּ֙ אֶת־מִיכָ֔יְהוּ וַהֲשִׁיבֻ֖הוּ אֶל־אָמֹ֣ון שַׂר־הָעִ֑יר וְאֶל־יֹואָ֖שׁ בֶּן־הַמֶּֽלֶךְ׃ wayoʾmer melekhe yiseraʾel qeḥu ʾet־miykhayehu wahashiyvuhu ʾel־ʾamown sar־haʿiyr weʾel־yowʾash ben־hamelekhe׃
26 וַאֲמַרְתֶּ֗ם כֹּ֚ה אָמַ֣ר הַמֶּ֔לֶךְ שִׂ֥ימוּ זֶ֖ה בֵּ֣ית הַכֶּ֑לֶא וְהַאֲכִלֻ֜הוּ לֶ֤חֶם לַ֙חַץ֙ וּמַ֣יִם לַ֔חַץ עַ֖ד שׁוּבִ֥י בְשָׁלֹֽום׃ waʾamaretem koh ʾamar hamelekhe siymu zeh beyt hakeleʾ wehaʾakhiluhu leḥem laḥats umayim laḥats ʿad shuviy veshalowm׃
27 וַיֹּ֣אמֶר מִיכָ֔יְהוּ אִם־שֹׁ֤וב תָּשׁוּב֙ בְּשָׁלֹ֔ום לֹא־דִבֶּ֥ר יְהוָ֖ה בִּ֑י וַיֹּ֕אמֶר שִׁמְע֖וּ עַמִּ֥ים כֻּלָּֽם׃ פ wayoʾmer miykhayehu ʾim־showv tashuv beshalowm loʾ־diber yehwah biy wayoʾmer shimeʿu ʿamiym kulam׃ f
28 וַיַּ֧עַל מֶֽלֶךְ־יִשְׂרָאֵ֛ל וִֽיהֹושָׁפָ֥ט מֶֽלֶךְ־יְהוּדָ֖ה אֶל־רָמֹ֥ת גִּלְעָֽד׃ wayaʿal melekhe־yiseraʾel wiyhowshafaṭ melekhe־yehudah ʾel־ramot gileʿad׃
29 וַיֹּאמֶר֩ מֶ֨לֶךְ יִשְׂרָאֵ֜ל אֶל־יְהֹושָׁפָ֗ט הִתְחַפֵּשׂ֙ וָבֹ֣וא בַמִּלְחָמָ֔ה וְאַתָּ֖ה לְבַ֣שׁ בְּגָדֶ֑יךָ וַיִּתְחַפֵּשׂ֙ מֶ֣לֶךְ יִשְׂרָאֵ֔ל וַיָּבֹ֖אוּ בַּמִּלְחָמָֽה׃ wayoʾmer melekhe yiseraʾel ʾel־yehowshafaṭ hiteḥapes wavowʾ vamileḥamah weʾatah levash begadeykha wayiteḥapes melekhe yiseraʾel wayavoʾu bamileḥamah׃
30 וּמֶ֣לֶךְ אֲרָ֡ם צִוָּה֩ אֶת־שָׂרֵ֨י הָרֶ֤כֶב אֲשֶׁר־לֹו֙ לֵאמֹ֔ר לֹ֚א תִּלָּ֣חֲמ֔וּ אֶת־הַקָּטֹ֖ן אֶת־הַגָּדֹ֑ול כִּ֛י אִֽם־אֶת־מֶ֥לֶךְ יִשְׂרָאֵ֖ל לְבַדֹּֽו׃ umelekhe ʾaram tsiuah ʾet־sarey harekhev ʾasher־low leʾmor loʾ tilaḥamu ʾet־haqaṭon ʾet־hagadowl kiy ʾim־ʾet־melekhe yiseraʾel levadow׃
31 וַיְהִ֡י כִּרְאֹות֩ שָׂרֵ֨י הָרֶ֜כֶב אֶת־יְהֹושָׁפָ֗ט וְהֵ֤מָּה אָֽמְרוּ֙ מֶ֣לֶךְ יִשְׂרָאֵ֣ל ה֔וּא וַיָּסֹ֥בּוּ עָלָ֖יו לְהִלָּחֵ֑ם וַיִּזְעַ֤ק יְהֹֽושָׁפָט֙ וַֽיהוָ֣ה עֲזָרֹ֔ו וַיְסִיתֵ֥ם אֱלֹהִ֖ים מִמֶּֽנּוּ׃ wayehiy kireʾowt sarey harekhev ʾet־yehowshafaṭ wehemah ʾameru melekhe yiseraʾel huʾ wayasobu ʿalayw lehilaḥem wayizeʿaq yehowshafaṭ wayhwah ʿazarow wayesiytem ʾelohiym mimenu׃
32 וַיְהִ֗י כִּרְאֹות֙ שָׂרֵ֣י הָרֶ֔כֶב כִּ֥י לֹא־הָיָ֖ה מֶ֣לֶךְ יִשְׂרָאֵ֑ל וַיָּשֻׁ֖בוּ מֵאַחֲרָֽיו׃ wayehiy kireʾowt sarey harekhev kiy loʾ־hayah melekhe yiseraʾel wayashuvu meʾaḥarayw׃
33 וְאִ֗ישׁ מָשַׁ֤ךְ בַּקֶּ֙שֶׁת֙ לְתֻמֹּ֔ו וַיַּךְ֙ אֶת־מֶ֣לֶךְ יִשְׂרָאֵ֔ל בֵּ֥ין הַדְּבָקִ֖ים וּבֵ֣ין הַשִּׁרְיָ֑ן וַיֹּ֣אמֶר לָֽרַכָּ֗ב הֲפֹ֧ךְ [יָדֶיךָ כ] (יָדְךָ֛ ק) וְהֹוצֵאתַ֥נִי מִן־הַֽמַּחֲנֶ֖ה כִּ֥י הָחֳלֵֽיתִי׃ weʾiysh mashakhe baqeshet letumow wayakhe ʾet־melekhe yiseraʾel beyn hadevaqiym uveyn hashireyan wayoʾmer larakav hafokhe [yadeykha kh] (yadekha q) wehowtseʾtaniy min־hamaḥaneh kiy haḥoleytiy׃
34 וַתַּ֤עַל הַמִּלְחָמָה֙ בַּיֹּ֣ום הַה֔וּא וּמֶ֣לֶךְ יִשְׂרָאֵ֗ל הָיָ֨ה מַעֲמִ֧יד בַּמֶּרְכָּבָ֛ה נֹ֥כַח אֲרָ֖ם עַד־הָעָ֑רֶב וַיָּ֕מָת לְעֵ֖ת בֹּ֥וא הַשָּֽׁמֶשׁ׃ wataʿal hamileḥamah bayowm hahuʾ umelekhe yiseraʾel hayah maʿamiyd bamerekavah nokhaḥ ʾaram ʿad־haʿarev wayamat leʿet bowʾ hashamesh׃