Psaumes 143

¹ מִזְמֹ֗ור לְדָ֫וִ֥ד יְהוָ֤ה ׀ שְׁמַ֬ע תְּפִלָּתִ֗י הַאֲזִ֥ינָה אֶל־תַּחֲנוּנַ֑י בֶּאֱמֻנָתְךָ֥ עֲ֝נֵ֗נִי בְּצִדְקָתֶֽךָ׃ mizemowr ledawid yehwah ׀ shemaʿ tefilatiy haʾaziynah ʾel־taḥanunay beʾemunatekha ʿaneniy betsideqatekha׃

² וְאַל־תָּבֹ֣וא בְ֭מִשְׁפָּט אֶת־עַבְדֶּ֑ךָ כִּ֤י לֹֽא־יִצְדַּ֖ק לְפָנֶ֣יךָ כָל־חָֽי׃ weʾal־tavowʾ vemishepaṭ ʾet־ʿavedekha kiy loʾ־yitsedaq lefaneykha khal־ḥay׃

³ כִּ֥י רָ֘דַ֤ף אֹויֵ֨ב ׀ נַפְשִׁ֗י דִּכָּ֣א לָ֭אָרֶץ חַיָּתִ֑י הֹושִׁיבַ֥נִי בְ֝מַחֲשַׁכִּ֗ים כְּמֵתֵ֥י עֹולָֽם׃ kiy radaf ʾowyev ׀ nafeshiy dikaʾ laʾarets ḥayatiy howshiyvaniy vemaḥashakiym kemetey ʿowlam׃

⁴ וַתִּתְעַטֵּ֣ף עָלַ֣י רוּחִ֑י בְּ֝תֹוכִ֗י יִשְׁתֹּומֵ֥ם לִבִּֽי׃ watiteʿaṭef ʿalay ruḥiy betowkhiy yishetowmem libiy׃

⁵ זָ֘כַ֤רְתִּי יָמִ֨ים ׀ מִקֶּ֗דֶם הָגִ֥יתִי בְכָל־פָּעֳלֶ֑ךָ בְּֽמַעֲשֵׂ֖ה יָדֶ֣יךָ אֲשֹׂוחֵֽחַ׃ zakharetiy yamiym ׀ miqedem hagiytiy vekhal־paʿolekha bemaʿaseh yadeykha ʾasowḥeaḥ׃

⁶ פֵּרַ֣שְׂתִּי יָדַ֣י אֵלֶ֑יךָ נַפְשִׁ֓י ׀ כְּאֶֽרֶץ־עֲיֵפָ֖ה לְךָ֣ סֶֽלָה׃ perasetiy yaday ʾeleykha nafeshiy ׀ keʾerets־ʿayefah lekha selah׃

⁷ מַ֘הֵ֤ר עֲנֵ֨נִי ׀ יְהוָה֮ כָּלְתָ֪ה ר֫וּחִ֥י אַל־תַּסְתֵּ֣ר פָּנֶ֣יךָ מִמֶּ֑נִּי וְ֝נִמְשַׁ֗לְתִּי עִם־יֹ֥רְדֵי בֹֽור׃ maher ʿaneniy ׀ yehwah kaletah ruḥiy ʾal־taseter paneykha mimeniy wenimeshaletiy ʿim־yoredey vowr׃

⁸ הַשְׁמִ֘יעֵ֤נִי בַבֹּ֨קֶר ׀ חַסְדֶּךָ֮ כִּֽי־בְךָ֪ בָ֫טָ֥חְתִּי הֹודִיעֵ֗נִי דֶּֽרֶךְ־ז֥וּ אֵלֵ֑ךְ כִּֽי־אֵ֝לֶיךָ נָשָׂ֥אתִי נַפְשִֽׁי׃ hashemiyʿeniy vaboqer ׀ ḥasedekha kiy־vekha vaṭaḥetiy howdiyʿeniy derekhe־zu ʾelekhe kiy־ʾeleykha nasaʾtiy nafeshiy׃

⁹ הַצִּילֵ֖נִי מֵאֹיְבַ֥י ׀ יְהוָ֗ה אֵלֶ֥יךָ כִסִּֽתִי׃ hatsiyleniy meʾoyevay ׀ yehwah ʾeleykha khisitiy׃

¹⁰ לַמְּדֵ֤נִי ׀ לַֽעֲשֹׂ֣ות רְצֹונֶךָ֮ כִּֽי־אַתָּ֪ה אֱלֹ֫והָ֥י רוּחֲךָ֥ טֹובָ֑ה תַּ֝נְחֵ֗נִי בְּאֶ֣רֶץ מִישֹֽׁור׃ lamedeniy ׀ laʿasowt retsownekha kiy־ʾatah ʾelowhay ruḥakha ṭowvah taneḥeniy beʾerets miyshowr׃

¹¹ לְמַֽעַן־שִׁמְךָ֣ יְהוָ֣ה תְּחַיֵּ֑נִי בְּצִדְקָתְךָ֓ ׀ תֹוצִ֖יא מִצָּרָ֣ה נַפְשִֽׁי׃ lemaʿan־shimekha yehwah teḥayeniy betsideqatekha ׀ towtsiyʾ mitsarah nafeshiy׃

¹² וּֽבְחַסְדְּךָ֮ תַּצְמִ֪ית אֹ֫יְבָ֥י וְֽ֭הַאֲבַדְתָּ כָּל־צֹרֲרֵ֣י נַפְשִׁ֑י כִּ֝֗י אֲנִ֣י עַבְדֶּֽךָ׃ uveḥasedekha tatsemiyt ʾoyevay wehaʾavadeta kal־tsorarey nafeshiy kiy ʾaniy ʿavedekha׃