1 הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה בִּשְׁלֹ֨חַ אֵלָ֜יו הַמֶּ֣לֶךְ צִדְקִיָּ֗הוּ אֶת־פַּשְׁחוּר֙ בֶּן־מַלְכִּיָּ֔ה וְאֶת־צְפַנְיָ֧ה בֶן־מַעֲשֵׂיָ֛ה הַכֹּהֵ֖ן לֵאמֹֽר׃ hadavar ʾasher־hayah ʾel־yiremeyahu meʾet yehwah bisheloaḥ ʾelayw hamelekhe tsideqiyahu ʾet־pasheḥur ben־malekiyah weʾet־tsefaneyah ven־maʿaseyah hakohen leʾmor׃
2 דְּרָשׁ־נָ֤א בַעֲדֵ֙נוּ֙ אֶת־יְהוָ֔ה כִּ֛י נְבוּכַדְרֶאצַּ֥ר מֶֽלֶךְ־בָּבֶ֖ל נִלְחָ֣ם עָלֵ֑ינוּ אוּלַי֩ יַעֲשֶׂ֨ה יְהוָ֤ה אֹותָ֙נוּ֙ כְּכָל־נִפְלְאֹתָ֔יו וְיַעֲלֶ֖ה מֵעָלֵֽינוּ׃ ס derash־naʾ vaʿadenu ʾet־yehwah kiy nevukhadereʾtsar melekhe־bavel nileḥam ʿaleynu ʾulay yaʿaseh yehwah ʾowtanu kekhal־nifeleʾotayw weyaʿaleh meʿaleynu׃ s
3 וַיֹּ֥אמֶר יִרְמְיָ֖הוּ אֲלֵיהֶ֑ם כֹּ֥ה תֹאמְרֻ֖ן אֶל־צִדְקִיָּֽהוּ׃ wayoʾmer yiremeyahu ʾaleyhem koh toʾmerun ʾel־tsideqiyahu׃
4 כֹּֽה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל הִנְנִ֣י מֵסֵב֮ אֶת־כְּלֵ֣י הַמִּלְחָמָה֮ אֲשֶׁ֣ר בְּיֶדְכֶם֒ אֲשֶׁ֨ר אַתֶּ֜ם נִלְחָמִ֣ים בָּ֗ם אֶת־מֶ֤לֶךְ בָּבֶל֙ וְאֶת־הַכַּשְׂדִּ֔ים הַצָּרִ֣ים עֲלֵיכֶ֔ם מִח֖וּץ לַֽחֹומָ֑ה וְאָסַפְתִּ֣י אֹותָ֔ם אֶל־תֹּ֖וךְ הָעִ֥יר הַזֹּֽאת׃ koh־ʾamar yehwah ʾelohey yiseraʾel hineniy mesev ʾet־keley hamileḥamah ʾasher beyedekhem ʾasher ʾatem nileḥamiym bam ʾet־melekhe bavel weʾet־hakasediym hatsariym ʿaleykhem miḥuts laḥowmah weʾasafetiy ʾowtam ʾel־towkhe haʿiyr hazoʾt׃
5 וְנִלְחַמְתִּ֤י אֲנִי֙ אִתְּכֶ֔ם בְּיָ֥ד נְטוּיָ֖ה וּבִזְרֹ֣ועַ חֲזָקָ֑ה וּבְאַ֥ף וּבְחֵמָ֖ה וּבְקֶ֥צֶף גָּדֹֽול׃ wenileḥametiy ʾaniy ʾitekhem beyad neṭuyah uvizerowʿa ḥazaqah uveʾaf uveḥemah uveqetsef gadowl׃
6 וְהִכֵּיתִ֗י אֶת־יֹֽושְׁבֵי֙ הָעִ֣יר הַזֹּ֔את וְאֶת־הָאָדָ֖ם וְאֶת־הַבְּהֵמָ֑ה בְּדֶ֥בֶר גָּדֹ֖ול יָמֻֽתוּ׃ wehikeytiy ʾet־yowshevey haʿiyr hazoʾt weʾet־haʾadam weʾet־habehemah bedever gadowl yamutu׃
7 וְאַחֲרֵי־כֵ֣ן נְאֻם־יְהוָ֡ה אֶתֵּ֣ן אֶת־צִדְקִיָּ֣הוּ מֶֽלֶךְ־יְהוּדָ֣ה וְאֶת־עֲבָדָ֣יו ׀ וְאֶת־הָעָ֡ם וְאֶת־הַנִּשְׁאָרִים֩ בָּעִ֨יר הַזֹּ֜את מִן־הַדֶּ֣בֶר ׀ מִן־הַחֶ֣רֶב וּמִן־הָרָעָ֗ב בְּיַד֙ נְבוּכַדְרֶאצַּ֣ר מֶֽלֶךְ־בָּבֶ֔ל וּבְיַד֙ אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְהִכָּ֣ם לְפִי־חֶ֔רֶב לֹֽא־יָח֣וּס עֲלֵיהֶ֔ם וְלֹ֥א יַחְמֹ֖ל וְלֹ֥א יְרַחֵֽם׃ weʾaḥarey־khen neʾum־yehwah ʾeten ʾet־tsideqiyahu melekhe־yehudah weʾet־ʿavadayw ׀ weʾet־haʿam weʾet־hanisheʾariym baʿiyr hazoʾt min־hadever ׀ min־haḥerev umin־haraʿav beyad nevukhadereʾtsar melekhe־bavel uveyad ʾoyeveyhem uveyad mevaqeshey nafesham wehikam lefiy־ḥerev loʾ־yaḥus ʿaleyhem weloʾ yaḥemol weloʾ yeraḥem׃
8 וְאֶל־הָעָ֤ם הַזֶּה֙ תֹּאמַ֔ר כֹּ֖ה אָמַ֣ר יְהוָ֑ה הִנְנִ֤י נֹתֵן֙ לִפְנֵיכֶ֔ם אֶת־דֶּ֥רֶךְ הַחַיִּ֖ים וְאֶת־דֶּ֥רֶךְ הַמָּֽוֶת׃ weʾel־haʿam hazeh toʾmar koh ʾamar yehwah hineniy noten lifeneykhem ʾet־derekhe haḥayiym weʾet־derekhe hamawet׃
9 הַיֹּשֵׁב֙ בָּעִ֣יר הַזֹּ֔את יָמ֕וּת בַּחֶ֖רֶב וּבָרָעָ֣ב וּבַדָּ֑בֶר וְהַיֹּוצֵא֩ וְנָפַ֨ל עַל־הַכַּשְׂדִּ֜ים הַצָּרִ֤ים עֲלֵיכֶם֙ [יִחְיֶה כ] (וְחָיָ֔ה ק) וְהָֽיְתָה־לֹּ֥ו נַפְשֹׁ֖ו לְשָׁלָֽל׃ hayoshev baʿiyr hazoʾt yamut baḥerev uvaraʿav uvadaver wehayowtseʾ wenafal ʿal־hakasediym hatsariym ʿaleykhem [yiḥeyeh kh] (weḥayah q) wehayetah־low nafeshow leshalal׃
10 כִּ֣י שַׂ֣מְתִּי פָ֠נַי בָּעִ֨יר הַזֹּ֧את לְרָעָ֛ה וְלֹ֥א לְטֹובָ֖ה נְאֻם־יְהוָ֑ה בְּיַד־מֶ֤לֶךְ בָּבֶל֙ תִּנָּתֵ֔ן וּשְׂרָפָ֖הּ בָּאֵֽשׁ׃ ס kiy sametiy fanay baʿiyr hazoʾt leraʿah weloʾ leṭowvah neʾum־yehwah beyad־melekhe bavel tinaten userafah baʾesh׃ s
11 וּלְבֵית֙ מֶ֣לֶךְ יְהוּדָ֔ה שִׁמְע֖וּ דְּבַר־יְהוָֽה׃ uleveyt melekhe yehudah shimeʿu devar־yehwah׃
12 בֵּ֣ית דָּוִ֗ד כֹּ֚ה אָמַ֣ר יְהוָ֔ה דִּ֤ינוּ לַבֹּ֙קֶר֙ מִשְׁפָּ֔ט וְהַצִּ֥ילוּ גָז֖וּל מִיַּ֣ד עֹושֵׁ֑ק פֶּן־תֵּצֵ֨א כָאֵ֜שׁ חֲמָתִ֗י וּבָעֲרָה֙ וְאֵ֣ין מְכַבֶּ֔ה מִפְּנֵ֖י רֹ֥עַ [מַעַלְלֵיהֶם כ] (מַעַלְלֵיכֶֽם׃ ק) beyt dawid koh ʾamar yehwah diynu laboqer mishepaṭ wehatsiylu gazul miyad ʿowsheq pen־tetseʾ khaʾesh ḥamatiy uvaʿarah weʾeyn mekhabeh mipeney roaʿ [maʿaleleyhem kh] (maʿaleleykhem׃ q)
13 הִנְנִ֨י אֵלַ֜יִךְ יֹשֶׁ֧בֶת הָעֵ֛מֶק צ֥וּר הַמִּישֹׁ֖ר נְאֻם־יְהוָ֑ה הָאֹֽמְרִים֙ מִֽי־יֵחַ֣ת עָלֵ֔ינוּ וּמִ֥י יָבֹ֖וא בִּמְעֹונֹותֵֽינוּ׃ hineniy ʾelayikhe yoshevet haʿemeq tsur hamiyshor neʾum־yehwah haʾomeriym miy־yeḥat ʿaleynu umiy yavowʾ bimeʿownowteynu׃
14 וּפָקַדְתִּ֧י עֲלֵיכֶ֛ם כִּפְרִ֥י מַעַלְלֵיכֶ֖ם נְאֻם־יְהוָ֑ה וְהִצַּ֤תִּי אֵשׁ֙ בְּיַעְרָ֔הּ וְאָכְלָ֖ה כָּל־סְבִיבֶֽיהָ׃ ס ufaqadetiy ʿaleykhem kiferiy maʿaleleykhem neʾum־yehwah wehitsatiy ʾesh beyaʿerah weʾakhelah kal־seviyveyha׃ s