1 הַדָּבָ֞ר אֲשֶׁר־הָיָ֤ה אֶֽל־יִרְמְיָ֙הוּ֙ מֵאֵ֣ת יְהוָ֔ה אַחַ֣ר ׀ שַׁלַּ֣ח אֹתֹ֗ו נְבוּזַרְאֲדָ֛ן רַב־טַבָּחִ֖ים מִן־הָֽרָמָ֑ה בְּקַחְתֹּ֣ו אֹתֹ֗ו וְהֽוּא־אָס֤וּר בָּֽאזִקִּים֙ בְּתֹ֨וךְ כָּל־גָּל֤וּת יְרוּשָׁלִַ֙ם֙ וִֽיהוּדָ֔ה הַמֻּגְלִ֖ים בָּבֶֽלָה׃ hadavar ʾasher־hayah ʾel־yiremeyahu meʾet yehwah ʾaḥar ׀ shalaḥ ʾotow nevuzareʾadan rav־ṭabaḥiym min־haramah beqaḥetow ʾotow wehuʾ־ʾasur baʾziqiym betowkhe kal־galut yerushalim wiyhudah hamugeliym bavelah׃
2 וַיִּקַּ֥ח רַב־טַבָּחִ֖ים לְיִרְמְיָ֑הוּ וַיֹּ֣אמֶר אֵלָ֔יו יְהוָ֣ה אֱלֹהֶ֗יךָ דִּבֶּר֙ אֶת־הָרָעָ֣ה הַזֹּ֔את אֶל־הַמָּקֹ֖ום הַזֶּֽה׃ wayiqaḥ rav־ṭabaḥiym leyiremeyahu wayoʾmer ʾelayw yehwah ʾeloheykha diber ʾet־haraʿah hazoʾt ʾel־hamaqowm hazeh׃
3 וַיָּבֵ֥א וַיַּ֛עַשׂ יְהוָ֖ה כַּאֲשֶׁ֣ר דִּבֵּ֑ר כִּֽי־חֲטָאתֶ֤ם לַֽיהוָה֙ וְלֹֽא־שְׁמַעְתֶּ֣ם בְּקֹולֹ֔ו וְהָיָ֥ה לָכֶ֖ם [דָּבָר כ] (הַדָּבָ֥ר ק) הַזֶּֽה׃ wayaveʾ wayaʿas yehwah kaʾasher diber kiy־ḥaṭaʾtem layhwah weloʾ־shemaʿetem beqowlow wehayah lakhem [davar kh] (hadavar q) hazeh׃
4 וְעַתָּ֞ה הִנֵּ֧ה פִתַּחְתִּ֣יךָ הַיֹּ֗ום מִֽן־הָאזִקִּים֮ אֲשֶׁ֣ר עַל־יָדֶךָ֒ אִם־טֹ֨וב בְּעֵינֶ֜יךָ לָבֹ֧וא אִתִּ֣י בָבֶ֗ל בֹּ֚א וְאָשִׂ֤ים אֶת־עֵינִי֙ עָלֶ֔יךָ וְאִם־רַ֧ע בְּעֵינֶ֛יךָ לָבֹֽוא־אִתִּ֥י בָבֶ֖ל חֲדָ֑ל רְאֵה֙ כָּל־הָאָ֣רֶץ לְפָנֶ֔יךָ אֶל־טֹ֨וב וְאֶל־הַיָּשָׁ֧ר בְּעֵינֶ֛יךָ לָלֶ֥כֶת שָׁ֖מָּה לֵֽךְ׃ weʿatah hineh fitaḥetiykha hayowm min־haʾziqiym ʾasher ʿal־yadekha ʾim־ṭowv beʿeyneykha lavowʾ ʾitiy vavel boʾ weʾasiym ʾet־ʿeyniy ʿaleykha weʾim־raʿ beʿeyneykha lavowʾ־ʾitiy vavel ḥadal reʾeh kal־haʾarets lefaneykha ʾel־ṭowv weʾel־hayashar beʿeyneykha lalekhet shamah lekhe׃
5 וְעֹודֶ֣נּוּ לֹֽא־יָשׁ֗וּב וְשֻׁ֡בָה אֶל־גְּדַלְיָ֣ה בֶן־אֲחִיקָ֣ם בֶּן־שָׁפָ֡ן אֲשֶׁר֩ הִפְקִ֨יד מֶֽלֶךְ־בָּבֶ֜ל בְּעָרֵ֣י יְהוּדָ֗ה וְשֵׁ֤ב אִתֹּו֙ בְּתֹ֣וךְ הָעָ֔ם אֹ֠ו אֶל־כָּל־הַיָּשָׁ֧ר בְּעֵינֶ֛יךָ לָלֶ֖כֶת לֵ֑ךְ וַיִּתֶּן־לֹ֧ו רַב־טַבָּחִ֛ים אֲרֻחָ֥ה וּמַשְׂאֵ֖ת וַֽיְשַׁלְּחֵֽהוּ׃ weʿowdenu loʾ־yashuv weshuvah ʾel־gedaleyah ven־ʾaḥiyqam ben־shafan ʾasher hifeqiyd melekhe־bavel beʿarey yehudah weshev ʾitow betowkhe haʿam ʾow ʾel־kal־hayashar beʿeyneykha lalekhet lekhe wayiten־low rav־ṭabaḥiym ʾaruḥah umaseʾet wayeshaleḥehu׃
6 וַיָּבֹ֧א יִרְמְיָ֛הוּ אֶל־גְּדַלְיָ֥ה בֶן־אֲחִיקָ֖ם הַמִּצְפָּ֑תָה וַיֵּ֤שֶׁב אִתֹּו֙ בְּתֹ֣וךְ הָעָ֔ם הַנִּשְׁאָרִ֖ים בָּאָֽרֶץ׃ ס wayavoʾ yiremeyahu ʾel־gedaleyah ven־ʾaḥiyqam hamitsepatah wayeshev ʾitow betowkhe haʿam hanisheʾariym baʾarets׃ s
7 וַיִּשְׁמְעוּ֩ כָל־שָׂרֵ֨י הַחֲיָלִ֜ים אֲשֶׁ֣ר בַּשָּׂדֶ֗ה הֵ֚מָּה וְאַנְשֵׁיהֶ֔ם כִּֽי־הִפְקִ֧יד מֶֽלֶךְ־בָּבֶ֛ל אֶת־גְּדַלְיָ֥הוּ בֶן־אֲחִיקָ֖ם בָּאָ֑רֶץ וְכִ֣י ׀ הִפְקִ֣יד אִתֹּ֗ו אֲנָשִׁ֤ים וְנָשִׁים֙ וָטָ֔ף וּמִדַּלַּ֣ת הָאָ֔רֶץ מֵאֲשֶׁ֥ר לֹֽא־הָגְל֖וּ בָּבֶֽלָה׃ wayishemeʿu khal־sarey haḥayaliym ʾasher basadeh hemah weʾanesheyhem kiy־hifeqiyd melekhe־bavel ʾet־gedaleyahu ven־ʾaḥiyqam baʾarets wekhiy ׀ hifeqiyd ʾitow ʾanashiym wenashiym waṭaf umidalat haʾarets meʾasher loʾ־hagelu bavelah׃
8 וַיָּבֹ֥אוּ אֶל־גְּדַלְיָ֖ה הַמִּצְפָּ֑תָה וְיִשְׁמָעֵ֣אל בֶּן־נְתַנְיָ֡הוּ וְיֹוחָנָ֣ן וְיֹונָתָ֣ן בְּנֵֽי־קָ֠רֵחַ וּשְׂרָיָ֨ה בֶן־תַּנְחֻ֜מֶת וּבְנֵ֣י ׀ [עֹופַי כ] (עֵיפַ֣י ק) הַנְּטֹפָתִ֗י וִֽיזַנְיָ֙הוּ֙ בֶּן־הַמַּ֣עֲכָתִ֔י הֵ֖מָּה וְאַנְשֵׁיהֶֽם׃ wayavoʾu ʾel־gedaleyah hamitsepatah weyishemaʿeʾl ben־netaneyahu weyowḥanan weyownatan beney־qareaḥ userayah ven־taneḥumet uveney ׀ [ʿowfay kh] (ʿeyfay q) haneṭofatiy wiyzaneyahu ben־hamaʿakhatiy hemah weʾanesheyhem׃
9 וַיִּשָּׁבַ֨ע לָהֶ֜ם גְּדַלְיָ֨הוּ בֶן־אֲחִיקָ֤ם בֶּן־שָׁפָן֙ וּלְאַנְשֵׁיהֶ֣ם לֵאמֹ֔ר אַל־תִּֽירְא֖וּ מֵעֲבֹ֣וד הַכַּשְׂדִּ֑ים שְׁב֣וּ בָאָ֗רֶץ וְעִבְד֛וּ אֶת־מֶ֥לֶךְ בָּבֶ֖ל וְיִיטַ֥ב לָכֶֽם׃ wayishavaʿ lahem gedaleyahu ven־ʾaḥiyqam ben־shafan uleʾanesheyhem leʾmor ʾal־tiyreʾu meʿavowd hakasediym shevu vaʾarets weʿivedu ʾet־melekhe bavel weyiyṭav lakhem׃
10 וַאֲנִ֗י הִנְנִ֤י יֹשֵׁב֙ בַּמִּצְפָּ֔ה לַֽעֲמֹד֙ לִפְנֵ֣י הַכַּשְׂדִּ֔ים אֲשֶׁ֥ר יָבֹ֖אוּ אֵלֵ֑ינוּ וְאַתֶּ֡ם אִסְפוּ֩ יַ֨יִן וְקַ֜יִץ וְשֶׁ֗מֶן וְשִׂ֙מוּ֙ בִּכְלֵיכֶ֔ם וּשְׁב֖וּ בְּעָרֵיכֶ֥ם אֲשֶׁר־תְּפַשְׂתֶּֽם׃ waʾaniy hineniy yoshev bamitsepah laʿamod lifeney hakasediym ʾasher yavoʾu ʾeleynu weʾatem ʾisefu yayin weqayits weshemen wesimu bikheleykhem ushevu beʿareykhem ʾasher־tefasetem׃
11 וְגַ֣ם כָּֽל־הַיְּהוּדִ֡ים אֲשֶׁר־בְּמֹואָ֣ב ׀ וּבִבְנֵֽי־עַמֹּ֨ון וּבֶאֱדֹ֜ום וַאֲשֶׁ֤ר בְּכָל־הָֽאֲרָצֹות֙ שָֽׁמְע֔וּ כִּֽי־נָתַ֧ן מֶֽלֶךְ־בָּבֶ֛ל שְׁאֵרִ֖ית לִֽיהוּדָ֑ה וְכִי֙ הִפְקִ֣יד עֲלֵיהֶ֔ם אֶת־גְּדַלְיָ֖הוּ בֶּן־אֲחִיקָ֥ם בֶּן־שָׁפָֽן׃ wegam kal־hayehudiym ʾasher־bemowʾav ׀ uviveney־ʿamown uveʾedowm waʾasher bekhal־haʾaratsowt shameʿu kiy־natan melekhe־bavel sheʾeriyt liyhudah wekhiy hifeqiyd ʿaleyhem ʾet־gedaleyahu ben־ʾaḥiyqam ben־shafan׃
12 וַיָּשֻׁ֣בוּ כָל־הַיְּהוּדִ֗ים מִכָּל־הַמְּקֹמֹות֙ אֲשֶׁ֣ר נִדְּחוּ־שָׁ֔ם וַיָּבֹ֧אוּ אֶֽרֶץ־יְהוּדָ֛ה אֶל־גְּדַלְיָ֖הוּ הַמִּצְפָּ֑תָה וַיַּאַסְפ֛וּ יַ֥יִן וָקַ֖יִץ הַרְבֵּ֥ה מְאֹֽד׃ פ wayashuvu khal־hayehudiym mikal־hameqomowt ʾasher nideḥu־sham wayavoʾu ʾerets־yehudah ʾel־gedaleyahu hamitsepatah wayaʾasefu yayin waqayits harebeh meʾod׃ f
13 וְיֹֽוחָנָן֙ בֶּן־קָרֵ֔חַ וְכָל־שָׂרֵ֥י הַחֲיָלִ֖ים אֲשֶׁ֣ר בַּשָּׂדֶ֑ה בָּ֥אוּ אֶל־גְּדַלְיָ֖הוּ הַמִּצְפָּֽתָה׃ weyowḥanan ben־qareaḥ wekhal־sarey haḥayaliym ʾasher basadeh baʾu ʾel־gedaleyahu hamitsepatah׃
14 וַיֹּאמְר֣וּ אֵלָ֗יו הֲיָדֹ֤עַ תֵּדַע֙ כִּ֞י בַּעֲלִ֣יס ׀ מֶ֣לֶךְ בְּנֵֽי־עַמֹּ֗ון שָׁלַח֙ אֶת־יִשְׁמָעֵ֣אל בֶּן־נְתַנְיָ֔ה לְהַכֹּתְךָ֖ נָ֑פֶשׁ וְלֹא־הֶאֱמִ֣ין לָהֶ֔ם גְּדַלְיָ֖הוּ בֶּן־אֲחִיקָֽם׃ wayoʾmeru ʾelayw hayadoaʿ tedaʿ kiy baʿaliys ׀ melekhe beney־ʿamown shalaḥ ʾet־yishemaʿeʾl ben־netaneyah lehakotekha nafesh weloʾ־heʾemiyn lahem gedaleyahu ben־ʾaḥiyqam׃
15 וְיֹוחָנָ֣ן בֶּן־קָרֵ֡חַ אָמַ֣ר אֶל־גְּדַלְיָהוּ֩ בַסֵּ֨תֶר בַּמִּצְפָּ֜ה לֵאמֹ֗ר אֵ֤לְכָה נָּא֙ וְאַכֶּה֙ אֶת־יִשְׁמָעֵ֣אל בֶּן־נְתַנְיָ֔ה וְאִ֖ישׁ לֹ֣א יֵדָ֑ע לָ֧מָּה יַכֶּ֣כָּה נֶּ֗פֶשׁ וְנָפֹ֙צוּ֙ כָּל־יְהוּדָ֔ה הַנִּקְבָּצִ֣ים אֵלֶ֔יךָ וְאָבְדָ֖ה שְׁאֵרִ֥ית יְהוּדָֽה׃ weyowḥanan ben־qareaḥ ʾamar ʾel־gedaleyahu vaseter bamitsepah leʾmor ʾelekhah naʾ weʾakeh ʾet־yishemaʿeʾl ben־netaneyah weʾiysh loʾ yedaʿ lamah yakekah nefesh wenafotsu kal־yehudah haniqebatsiym ʾeleykha weʾavedah sheʾeriyt yehudah׃
16 וַיֹּ֨אמֶר גְּדַלְיָ֤הוּ בֶן־אֲחִיקָם֙ אֶל־יֹוחָנָ֣ן בֶּן־קָרֵ֔חַ אַֽל־ [תַּעַשׂ כ] (תַּעֲשֵׂ֖ה ק) אֶת־הַדָּבָ֣ר הַזֶּ֑ה כִּֽי־שֶׁ֛קֶר אַתָּ֥ה דֹבֵ֖ר אֶל־יִשְׁמָעֵֽאל׃ ס wayoʾmer gedaleyahu ven־ʾaḥiyqam ʾel־yowḥanan ben־qareaḥ ʾal־ [taʿas kh] (taʿaseh q) ʾet־hadavar hazeh kiy־sheqer ʾatah dover ʾel־yishemaʿeʾl׃ s