1 וַיְהִי֙ כִּֽי־זָקֵ֣ן יִצְחָ֔ק וַתִּכְהֶ֥יןָ עֵינָ֖יו מֵרְאֹ֑ת וַיִּקְרָ֞א אֶת־עֵשָׂ֣ו ׀ בְּנֹ֣ו הַגָּדֹ֗ל וַיֹּ֤אמֶר אֵלָיו֙ בְּנִ֔י וַיֹּ֥אמֶר אֵלָ֖יו הִנֵּֽנִי׃ wayehiy kiy־zaqen yitseḥaq watikheheyna ʿeynayw mereʾot wayiqeraʾ ʾet־ʿesaw ׀ benow hagadol wayoʾmer ʾelayw beniy wayoʾmer ʾelayw hineniy׃
2 וַיֹּ֕אמֶר הִנֵּה־נָ֖א זָקַ֑נְתִּי לֹ֥א יָדַ֖עְתִּי יֹ֥ום מֹותִֽי׃ wayoʾmer hineh־naʾ zaqanetiy loʾ yadaʿetiy yowm mowtiy׃
3 וְעַתָּה֙ שָׂא־נָ֣א כֵלֶ֔יךָ תֶּלְיְךָ֖ וְקַשְׁתֶּ֑ךָ וְצֵא֙ הַשָּׂדֶ֔ה וְצ֥וּדָה לִּ֖י [צֵידָה כ] (צָֽיִד׃ ק) weʿatah saʾ־naʾ kheleykha teleyekha weqashetekha wetseʾ hasadeh wetsudah liy [tseydah kh] (tsayid׃ q)
4 וַעֲשֵׂה־לִ֨י מַטְעַמִּ֜ים כַּאֲשֶׁ֥ר אָהַ֛בְתִּי וְהָבִ֥יאָה לִּ֖י וְאֹכֵ֑לָה בַּעֲב֛וּר תְּבָרֶכְךָ֥ נַפְשִׁ֖י בְּטֶ֥רֶם אָמֽוּת׃ waʿaseh־liy maṭeʿamiym kaʾasher ʾahavetiy wehaviyʾah liy weʾokhelah baʿavur tevarekhekha nafeshiy beṭerem ʾamut׃
5 וְרִבְקָ֣ה שֹׁמַ֔עַת בְּדַבֵּ֣ר יִצְחָ֔ק אֶל־עֵשָׂ֖ו בְּנֹ֑ו וַיֵּ֤לֶךְ עֵשָׂו֙ הַשָּׂדֶ֔ה לָצ֥וּד צַ֖יִד לְהָבִֽיא׃ weriveqah shomaʿat bedaber yitseḥaq ʾel־ʿesaw benow wayelekhe ʿesaw hasadeh latsud tsayid lehaviyʾ׃
6 וְרִבְקָה֙ אָֽמְרָ֔ה אֶל־יַעֲקֹ֥ב בְּנָ֖הּ לֵאמֹ֑ר הִנֵּ֤ה שָׁמַ֙עְתִּי֙ אֶת־אָבִ֔יךָ מְדַבֵּ֛ר אֶל־עֵשָׂ֥ו אָחִ֖יךָ לֵאמֹֽר׃ weriveqah ʾamerah ʾel־yaʿaqov benah leʾmor hineh shamaʿetiy ʾet־ʾaviykha medaber ʾel־ʿesaw ʾaḥiykha leʾmor׃
7 הָבִ֨יאָה לִּ֥י צַ֛יִד וַעֲשֵׂה־לִ֥י מַטְעַמִּ֖ים וְאֹכֵ֑לָה וַאֲבָרֶכְכָ֛ה לִפְנֵ֥י יְהוָ֖ה לִפְנֵ֥י מֹותִֽי׃ haviyʾah liy tsayid waʿaseh־liy maṭeʿamiym weʾokhelah waʾavarekhekhah lifeney yehwah lifeney mowtiy׃
8 וְעַתָּ֥ה בְנִ֖י שְׁמַ֣ע בְּקֹלִ֑י לַאֲשֶׁ֥ר אֲנִ֖י מְצַוָּ֥ה אֹתָֽךְ׃ weʿatah veniy shemaʿ beqoliy laʾasher ʾaniy metsauah ʾotakhe׃
9 לֶךְ־נָא֙ אֶל־הַצֹּ֔אן וְקַֽח־לִ֣י מִשָּׁ֗ם שְׁנֵ֛י גְּדָיֵ֥י עִזִּ֖ים טֹבִ֑ים וְאֶֽעֱשֶׂ֨ה אֹתָ֧ם מַטְעַמִּ֛ים לְאָבִ֖יךָ כַּאֲשֶׁ֥ר אָהֵֽב׃ lekhe־naʾ ʾel־hatsoʾn weqaḥ־liy misham sheney gedayey ʿiziym ṭoviym weʾeʿeseh ʾotam maṭeʿamiym leʾaviykha kaʾasher ʾahev׃
10 וְהֵבֵאתָ֥ לְאָבִ֖יךָ וְאָכָ֑ל בַּעֲבֻ֛ר אֲשֶׁ֥ר יְבָרֶכְךָ֖ לִפְנֵ֥י מֹותֹֽו׃ weheveʾta leʾaviykha weʾakhal baʿavur ʾasher yevarekhekha lifeney mowtow׃
11 וַיֹּ֣אמֶר יַעֲקֹ֔ב אֶל־רִבְקָ֖ה אִמֹּ֑ו הֵ֣ן עֵשָׂ֤ו אָחִי֙ אִ֣ישׁ שָׂעִ֔ר וְאָנֹכִ֖י אִ֥ישׁ חָלָֽק׃ wayoʾmer yaʿaqov ʾel־riveqah ʾimow hen ʿesaw ʾaḥiy ʾiysh saʿir weʾanokhiy ʾiysh ḥalaq׃
12 אוּלַ֤י יְמֻשֵּׁ֙נִי֙ אָבִ֔י וְהָיִ֥יתִי בְעֵינָ֖יו כִּמְתַעְתֵּ֑עַ וְהֵבֵאתִ֥י עָלַ֛י קְלָלָ֖ה וְלֹ֥א בְרָכָֽה׃ ʾulay yemusheniy ʾaviy wehayiytiy veʿeynayw kimetaʿeteaʿ weheveʾtiy ʿalay qelalah weloʾ verakhah׃
13 וַתֹּ֤אמֶר לֹו֙ אִמֹּ֔ו עָלַ֥י קִלְלָתְךָ֖ בְּנִ֑י אַ֛ךְ שְׁמַ֥ע בְּקֹלִ֖י וְלֵ֥ךְ קַֽח־לִֽי׃ watoʾmer low ʾimow ʿalay qilelatekha beniy ʾakhe shemaʿ beqoliy welekhe qaḥ־liy׃
14 וַיֵּ֙לֶךְ֙ וַיִּקַּ֔ח וַיָּבֵ֖א לְאִמֹּ֑ו וַתַּ֤עַשׂ אִמֹּו֙ מַטְעַמִּ֔ים כַּאֲשֶׁ֖ר אָהֵ֥ב אָבִֽיו׃ wayelekhe wayiqaḥ wayaveʾ leʾimow wataʿas ʾimow maṭeʿamiym kaʾasher ʾahev ʾaviyw׃
15 וַתִּקַּ֣ח רִ֠בְקָה אֶת־בִּגְדֵ֨י עֵשָׂ֜ו בְּנָ֤הּ הַגָּדֹל֙ הַחֲמֻדֹ֔ת אֲשֶׁ֥ר אִתָּ֖הּ בַּבָּ֑יִת וַתַּלְבֵּ֥שׁ אֶֽת־יַעֲקֹ֖ב בְּנָ֥הּ הַקָּטָֽן׃ watiqaḥ riveqah ʾet־bigedey ʿesaw benah hagadol haḥamudot ʾasher ʾitah babayit watalebesh ʾet־yaʿaqov benah haqaṭan׃
16 וְאֵ֗ת עֹרֹת֙ גְּדָיֵ֣י הָֽעִזִּ֔ים הִלְבִּ֖ישָׁה עַל־יָדָ֑יו וְעַ֖ל חֶלְקַ֥ת צַוָּארָֽיו׃ weʾet ʿorot gedayey haʿiziym hilebiyshah ʿal־yadayw weʿal ḥeleqat tsauaʾrayw׃
17 וַתִּתֵּ֧ן אֶת־הַמַּטְעַמִּ֛ים וְאֶת־הַלֶּ֖חֶם אֲשֶׁ֣ר עָשָׂ֑תָה בְּיַ֖ד יַעֲקֹ֥ב בְּנָֽהּ׃ watiten ʾet־hamaṭeʿamiym weʾet־haleḥem ʾasher ʿasatah beyad yaʿaqov benah׃
18 וַיָּבֹ֥א אֶל־אָבִ֖יו וַיֹּ֣אמֶר אָבִ֑י וַיֹּ֣אמֶר הִנֶּ֔נִּי מִ֥י אַתָּ֖ה בְּנִֽי׃ wayavoʾ ʾel־ʾaviyw wayoʾmer ʾaviy wayoʾmer hineniy miy ʾatah beniy׃
19 וַיֹּ֨אמֶר יַעֲקֹ֜ב אֶל־אָבִ֗יו אָנֹכִי֙ עֵשָׂ֣ו בְּכֹרֶ֔ךָ עָשִׂ֕יתִי כַּאֲשֶׁ֥ר דִּבַּ֖רְתָּ אֵלָ֑י קֽוּם־נָ֣א שְׁבָ֗ה וְאָכְלָה֙ מִצֵּידִ֔י בַּעֲב֖וּר תְּבָרֲכַ֥נִּי נַפְשֶֽׁךָ׃ wayoʾmer yaʿaqov ʾel־ʾaviyw ʾanokhiy ʿesaw bekhorekha ʿasiytiy kaʾasher dibareta ʾelay qum־naʾ shevah weʾakhelah mitseydiy baʿavur tevarakhaniy nafeshekha׃
20 וַיֹּ֤אמֶר יִצְחָק֙ אֶל־בְּנֹ֔ו מַה־זֶּ֛ה מִהַ֥רְתָּ לִמְצֹ֖א בְּנִ֑י וַיֹּ֕אמֶר כִּ֥י הִקְרָ֛ה יְהוָ֥ה אֱלֹהֶ֖יךָ לְפָנָֽי׃ wayoʾmer yitseḥaq ʾel־benow mah־zeh mihareta limetsoʾ beniy wayoʾmer kiy hiqerah yehwah ʾeloheykha lefanay׃
21 וַיֹּ֤אמֶר יִצְחָק֙ אֶֽל־יַעֲקֹ֔ב גְּשָׁה־נָּ֥א וַאֲמֻֽשְׁךָ֖ בְּנִ֑י הַֽאַתָּ֥ה זֶ֛ה בְּנִ֥י עֵשָׂ֖ו אִם־לֹֽא׃ wayoʾmer yitseḥaq ʾel־yaʿaqov geshah־naʾ waʾamushekha beniy haʾatah zeh beniy ʿesaw ʾim־loʾ׃
22 וַיִּגַּ֧שׁ יַעֲקֹ֛ב אֶל־יִצְחָ֥ק אָבִ֖יו וַיְמֻשֵּׁ֑הוּ וַיֹּ֗אמֶר הַקֹּל֙ קֹ֣ול יַעֲקֹ֔ב וְהַיָּדַ֖יִם יְדֵ֥י עֵשָֽׂו׃ wayigash yaʿaqov ʾel־yitseḥaq ʾaviyw wayemushehu wayoʾmer haqol qowl yaʿaqov wehayadayim yedey ʿesaw׃
23 וְלֹ֣א הִכִּירֹ֔ו כִּֽי־הָי֣וּ יָדָ֗יו כִּידֵ֛י עֵשָׂ֥ו אָחִ֖יו שְׂעִרֹ֑ת וַֽיְבָרְכֵֽהוּ׃ weloʾ hikiyrow kiy־hayu yadayw kiydey ʿesaw ʾaḥiyw seʿirot wayevarekhehu׃
24 וַיֹּ֕אמֶר אַתָּ֥ה זֶ֖ה בְּנִ֣י עֵשָׂ֑ו וַיֹּ֖אמֶר אָֽנִי׃ wayoʾmer ʾatah zeh beniy ʿesaw wayoʾmer ʾaniy׃
25 וַיֹּ֗אמֶר הַגִּ֤שָׁה לִּי֙ וְאֹֽכְלָה֙ מִצֵּ֣יד בְּנִ֔י לְמַ֥עַן תְּבָֽרֶכְךָ֖ נַפְשִׁ֑י וַיַּגֶּשׁ־לֹו֙ וַיֹּאכַ֔ל וַיָּ֧בֵא לֹ֦ו יַ֖יִן וַיֵּֽשְׁתְּ׃ wayoʾmer hagishah liy weʾokhelah mitseyd beniy lemaʿan tevarekhekha nafeshiy wayagesh־low wayoʾkhal wayaveʾ low yayin wayeshete׃
26 וַיֹּ֥אמֶר אֵלָ֖יו יִצְחָ֣ק אָבִ֑יו גְּשָׁה־נָּ֥א וּשְׁקָה־לִּ֖י בְּנִֽי׃ wayoʾmer ʾelayw yitseḥaq ʾaviyw geshah־naʾ usheqah־liy beniy׃
27 וַיִּגַּשׁ֙ וַיִּשַּׁק־לֹ֔ו וַיָּ֛רַח אֶת־רֵ֥יחַ בְּגָדָ֖יו וַֽיְבָרֲכֵ֑הוּ וַיֹּ֗אמֶר רְאֵה֙ רֵ֣יחַ בְּנִ֔י כְּרֵ֣יחַ שָׂדֶ֔ה אֲשֶׁ֥ר בֵּרֲכֹ֖ו יְהוָֽה׃ wayigash wayishaq־low wayaraḥ ʾet־reyḥa begadayw wayevarakhehu wayoʾmer reʾeh reyḥa beniy kereyḥa sadeh ʾasher berakhow yehwah׃
28 וְיִֽתֶּן־לְךָ֙ הָאֱלֹהִ֔ים מִטַּל֙ הַשָּׁמַ֔יִם וּמִשְׁמַנֵּ֖י הָאָ֑רֶץ וְרֹ֥ב דָּגָ֖ן וְתִירֹֽשׁ׃ weyiten־lekha haʾelohiym miṭal hashamayim umishemaney haʾarets werov dagan wetiyrosh׃
29 יַֽעַבְד֣וּךָ עַמִּ֗ים [וְיִשְׁתַּחוּ כ] (וְיִֽשְׁתַּחֲו֤וּ ק) לְךָ֙ לְאֻמִּ֔ים הֱוֵ֤ה גְבִיר֙ לְאַחֶ֔יךָ וְיִשְׁתַּחֲוּ֥וּ לְךָ֖ בְּנֵ֣י אִמֶּ֑ךָ אֹרְרֶ֣יךָ אָר֔וּר וּֽמְבָרֲכֶ֖יךָ בָּרֽוּךְ׃ yaʿavedukha ʿamiym [weyishetaḥu kh] (weyishetaḥawu q) lekha leʾumiym heweh geviyr leʾaḥeykha weyishetaḥauu lekha beney ʾimekha ʾorereykha ʾarur umevarakheykha barukhe׃
30 וַיְהִ֗י כַּאֲשֶׁ֨ר כִּלָּ֣ה יִצְחָק֮ לְבָרֵ֣ךְ אֶֽת־יַעֲקֹב֒ וַיְהִ֗י אַ֣ךְ יָצֹ֤א יָצָא֙ יַעֲקֹ֔ב מֵאֵ֥ת פְּנֵ֖י יִצְחָ֣ק אָבִ֑יו וְעֵשָׂ֣ו אָחִ֔יו בָּ֖א מִצֵּידֹֽו׃ wayehiy kaʾasher kilah yitseḥaq levarekhe ʾet־yaʿaqov wayehiy ʾakhe yatsoʾ yatsaʾ yaʿaqov meʾet peney yitseḥaq ʾaviyw weʿesaw ʾaḥiyw baʾ mitseydow׃
31 וַיַּ֤עַשׂ גַּם־הוּא֙ מַטְעַמִּ֔ים וַיָּבֵ֖א לְאָבִ֑יו וַיֹּ֣אמֶר לְאָבִ֗יו יָקֻ֤ם אָבִי֙ וְיֹאכַל֙ מִצֵּ֣יד בְּנֹ֔ו בַּעֲב֖וּר תְּבָרֲכַ֥נִּי נַפְשֶֽׁךָ׃ wayaʿas gam־huʾ maṭeʿamiym wayaveʾ leʾaviyw wayoʾmer leʾaviyw yaqum ʾaviy weyoʾkhal mitseyd benow baʿavur tevarakhaniy nafeshekha׃
32 וַיֹּ֥אמֶר לֹ֛ו יִצְחָ֥ק אָבִ֖יו מִי־אָ֑תָּה וַיֹּ֕אמֶר אֲנִ֛י בִּנְךָ֥ בְכֹֽרְךָ֖ עֵשָֽׂו׃ wayoʾmer low yitseḥaq ʾaviyw miy־ʾatah wayoʾmer ʾaniy binekha vekhorekha ʿesaw׃
33 וַיֶּחֱרַ֨ד יִצְחָ֣ק חֲרָדָה֮ גְּדֹלָ֣ה עַד־מְאֹד֒ וַיֹּ֡אמֶר מִֽי־אֵפֹ֡וא ה֣וּא הַצָּֽד־צַיִד֩ וַיָּ֨בֵא לִ֜י וָאֹכַ֥ל מִכֹּ֛ל בְּטֶ֥רֶם תָּבֹ֖וא וָאֲבָרֲכֵ֑הוּ גַּם־בָּר֖וּךְ יִהְיֶֽה׃ wayeḥerad yitseḥaq ḥaradah gedolah ʿad־meʾod wayoʾmer miy־ʾefowʾ huʾ hatsad־tsayid wayaveʾ liy waʾokhal mikol beṭerem tavowʾ waʾavarakhehu gam־barukhe yiheyeh׃
34 כִּשְׁמֹ֤עַ עֵשָׂו֙ אֶת־דִּבְרֵ֣י אָבִ֔יו וַיִּצְעַ֣ק צְעָקָ֔ה גְּדֹלָ֥ה וּמָרָ֖ה עַד־מְאֹ֑ד וַיֹּ֣אמֶר לְאָבִ֔יו בָּרֲכֵ֥נִי גַם־אָ֖נִי אָבִֽי׃ kishemoaʿ ʿesaw ʾet־diverey ʾaviyw wayitseʿaq tseʿaqah gedolah umarah ʿad־meʾod wayoʾmer leʾaviyw barakheniy gam־ʾaniy ʾaviy׃
35 וַיֹּ֕אמֶר בָּ֥א אָחִ֖יךָ בְּמִרְמָ֑ה וַיִּקַּ֖ח בִּרְכָתֶֽךָ׃ wayoʾmer baʾ ʾaḥiykha bemiremah wayiqaḥ birekhatekha׃
36 וַיֹּ֡אמֶר הֲכִי֩ קָרָ֨א שְׁמֹ֜ו יַעֲקֹ֗ב וַֽיַּעְקְבֵ֙נִי֙ זֶ֣ה פַעֲמַ֔יִם אֶת־בְּכֹרָתִ֣י לָקָ֔ח וְהִנֵּ֥ה עַתָּ֖ה לָקַ֣ח בִּרְכָתִ֑י וַיֹּאמַ֕ר הֲלֹא־אָצַ֥לְתָּ לִּ֖י בְּרָכָֽה׃ wayoʾmer hakhiy qaraʾ shemow yaʿaqov wayaʿeqeveniy zeh faʿamayim ʾet־bekhoratiy laqaḥ wehineh ʿatah laqaḥ birekhatiy wayoʾmar haloʾ־ʾatsaleta liy berakhah׃
37 וַיַּ֨עַן יִצְחָ֜ק וַיֹּ֣אמֶר לְעֵשָׂ֗ו הֵ֣ן גְּבִ֞יר שַׂמְתִּ֥יו לָךְ֙ וְאֶת־כָּל־אֶחָ֗יו נָתַ֤תִּי לֹו֙ לַעֲבָדִ֔ים וְדָגָ֥ן וְתִירֹ֖שׁ סְמַכְתִּ֑יו וּלְכָ֣ה אֵפֹ֔וא מָ֥ה אֶֽעֱשֶׂ֖ה בְּנִֽי׃ wayaʿan yitseḥaq wayoʾmer leʿesaw hen geviyr sametiyw lakhe weʾet־kal־ʾeḥayw natatiy low laʿavadiym wedagan wetiyrosh semakhetiyw ulekhah ʾefowʾ mah ʾeʿeseh beniy׃
38 וַיֹּ֨אמֶר עֵשָׂ֜ו אֶל־אָבִ֗יו הַֽבְרָכָ֨ה אַחַ֤ת הִֽוא־לְךָ֙ אָבִ֔י בָּרֲכֵ֥נִי גַם־אָ֖נִי אָבִ֑י וַיִּשָּׂ֥א עֵשָׂ֛ו קֹלֹ֖ו וַיֵּֽבְךְּ׃ wayoʾmer ʿesaw ʾel־ʾaviyw haverakhah ʾaḥat hiwʾ־lekha ʾaviy barakheniy gam־ʾaniy ʾaviy wayisaʾ ʿesaw qolow wayeveke׃
39 וַיַּ֛עַן יִצְחָ֥ק אָבִ֖יו וַיֹּ֣אמֶר אֵלָ֑יו הִנֵּ֞ה מִשְׁמַנֵּ֤י הָאָ֙רֶץ֙ יִהְיֶ֣ה מֹֽושָׁבֶ֔ךָ וּמִטַּ֥ל הַשָּׁמַ֖יִם מֵעָֽל׃ wayaʿan yitseḥaq ʾaviyw wayoʾmer ʾelayw hineh mishemaney haʾarets yiheyeh mowshavekha umiṭal hashamayim meʿal׃
40 וְעַל־חַרְבְּךָ֣ תִֽחְיֶ֔ה וְאֶת־אָחִ֖יךָ תַּעֲבֹ֑ד וְהָיָה֙ כַּאֲשֶׁ֣ר תָּרִ֔יד וּפָרַקְתָּ֥ עֻלֹּ֖ו מֵעַ֥ל צַוָּארֶֽךָ׃ weʿal־ḥarebekha tiḥeyeh weʾet־ʾaḥiykha taʿavod wehayah kaʾasher tariyd ufaraqeta ʿulow meʿal tsauaʾrekha׃
41 וַיִּשְׂטֹ֤ם עֵשָׂו֙ אֶֽת־יַעֲקֹ֔ב עַל־הַ֨בְּרָכָ֔ה אֲשֶׁ֥ר בֵּרֲכֹ֖ו אָבִ֑יו וַיֹּ֨אמֶר עֵשָׂ֜ו בְּלִבֹּ֗ו יִקְרְבוּ֙ יְמֵי֙ אֵ֣בֶל אָבִ֔י וְאַֽהַרְגָ֖ה אֶת־יַעֲקֹ֥ב אָחִֽי׃ wayiseṭom ʿesaw ʾet־yaʿaqov ʿal־haberakhah ʾasher berakhow ʾaviyw wayoʾmer ʿesaw belibow yiqerevu yemey ʾevel ʾaviy weʾaharegah ʾet־yaʿaqov ʾaḥiy׃
42 וַיֻּגַּ֣ד לְרִבְקָ֔ה אֶת־דִּבְרֵ֥י עֵשָׂ֖ו בְּנָ֣הּ הַגָּדֹ֑ל וַתִּשְׁלַ֞ח וַתִּקְרָ֤א לְיַעֲקֹב֙ בְּנָ֣הּ הַקָּטָ֔ן וַתֹּ֣אמֶר אֵלָ֔יו הִנֵּה֙ עֵשָׂ֣ו אָחִ֔יךָ מִתְנַחֵ֥ם לְךָ֖ לְהָרְגֶֽךָ׃ wayugad leriveqah ʾet־diverey ʿesaw benah hagadol watishelaḥ watiqeraʾ leyaʿaqov benah haqaṭan watoʾmer ʾelayw hineh ʿesaw ʾaḥiykha mitenaḥem lekha leharegekha׃
43 וְעַתָּ֥ה בְנִ֖י שְׁמַ֣ע בְּקֹלִ֑י וְק֧וּם בְּרַח־לְךָ֛ אֶל־לָבָ֥ן אָחִ֖י חָרָֽנָה׃ weʿatah veniy shemaʿ beqoliy wequm beraḥ־lekha ʾel־lavan ʾaḥiy ḥaranah׃
44 וְיָשַׁבְתָּ֥ עִמֹּ֖ו יָמִ֣ים אֲחָדִ֑ים עַ֥ד אֲשֶׁר־תָּשׁ֖וּב חֲמַ֥ת אָחִֽיךָ׃ weyashaveta ʿimow yamiym ʾaḥadiym ʿad ʾasher־tashuv ḥamat ʾaḥiykha׃
45 עַד־שׁ֨וּב אַף־אָחִ֜יךָ מִמְּךָ֗ וְשָׁכַח֙ אֵ֣ת אֲשֶׁר־עָשִׂ֣יתָ לֹּ֔ו וְשָׁלַחְתִּ֖י וּלְקַחְתִּ֣יךָ מִשָּׁ֑ם לָמָ֥ה אֶשְׁכַּ֛ל גַּם־שְׁנֵיכֶ֖ם יֹ֥ום אֶחָֽד׃ ʿad־shuv ʾaf־ʾaḥiykha mimekha weshakhaḥ ʾet ʾasher־ʿasiyta low weshalaḥetiy uleqaḥetiykha misham lamah ʾeshekal gam־sheneykhem yowm ʾeḥad׃
46 וַתֹּ֤אמֶר רִבְקָה֙ אֶל־יִצְחָ֔ק קַ֣צְתִּי בְחַיַּ֔י מִפְּנֵ֖י בְּנֹ֣ות חֵ֑ת אִם־לֹקֵ֣חַ יַ֠עֲקֹב אִשָּׁ֨ה מִבְּנֹֽות־חֵ֤ת כָּאֵ֙לֶּה֙ מִבְּנֹ֣ות הָאָ֔רֶץ לָ֥מָּה לִּ֖י חַיִּֽים׃ watoʾmer riveqah ʾel־yitseḥaq qatsetiy veḥayay mipeney benowt ḥet ʾim־loqeaḥ yaʿaqov ʾishah mibenowt־ḥet kaʾeleh mibenowt haʾarets lamah liy ḥayiym׃
