1 לַמְנַצֵּ֥חַ עַֽל־מָחֲלַ֗ת מַשְׂכִּ֥יל לְדָוִֽד׃ lamenatseaḥ ʿal־maḥalat masekiyl ledawid׃
2 אָ֘מַ֤ר נָבָ֣ל בְּ֭לִבֹּו אֵ֣ין אֱלֹהִ֑ים הִֽ֝שְׁחִ֗יתוּ וְהִֽתְעִ֥יבוּ עָ֝֗וֶל אֵ֣ין עֹֽשֵׂה־טֹֽוב׃ ʾamar naval belibow ʾeyn ʾelohiym hisheḥiytu wehiteʿiyvu ʿawel ʾeyn ʿoseh־ṭowv׃
3 אֱֽלֹהִ֗ים מִשָּׁמַיִם֮ הִשְׁקִ֪יף עַֽל־בְּנֵ֫י אָדָ֥ם לִ֭רְאֹות הֲיֵ֣שׁ מַשְׂכִּ֑יל דֹּ֝רֵ֗שׁ אֶת־אֱלֹהִֽים׃ אlohiym mishamayim hisheqiyf ʿal־beney ʾadam lireʾowt hayesh masekiyl doresh ʾet־ʾelohiym׃
4 כֻּלֹּ֥ו סָג֮ יַחְדָּ֪ו נֶ֫אֱלָ֥חוּ אֵ֤ין עֹֽשֵׂה־טֹ֑וב אֵ֝֗ין גַּם־אֶחָֽד׃ kulow sag yaḥedaw neʾelaḥu ʾeyn ʿoseh־ṭowv ʾeyn gam־ʾeḥad׃
5 הֲלֹ֥א יָדְעוּ֮ פֹּ֤עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם אֱ֝לֹהִ֗ים לֹ֣א קָרָֽאוּ׃ haloʾ yadeʿu poʿaley ʾawen ʾokheley ʿamiy ʾakhelu leḥem ʾelohiym loʾ qaraʾu׃
6 שָׁ֤ם ׀ פָּֽחֲדוּ־פַחַד֮ לֹא־הָ֪יָה֫ פָ֥חַד כִּֽי־אֱלֹהִ֗ים פִּ֭זַּר עַצְמֹ֣ות חֹנָ֑ךְ הֱ֝בִשֹׁ֗תָה כִּֽי־אֱלֹהִ֥ים מְאָסָֽם׃ sham ׀ paḥadu־faḥad loʾ־hayah faḥad kiy־ʾelohiym pizar ʿatsemowt ḥonakhe hevishotah kiy־ʾelohiym meʾasam׃
7 מִ֥י יִתֵּ֣ן מִצִּיֹּון֮ יְשֻׁעֹ֪ות יִשְׂרָ֫אֵ֥ל בְּשׁ֣וּב אֱ֭לֹהִים שְׁב֣וּת עַמֹּ֑ו יָגֵ֥ל יַ֝עֲקֹ֗ב יִשְׂמַ֥ח יִשְׂרָאֵֽל׃ miy yiten mitsiyown yeshuʿowt yiseraʾel beshuv ʾelohiym shevut ʿamow yagel yaʿaqov yisemaḥ yiseraʾel׃