1 לַמְנַצֵּ֗חַ מַשְׂכִּ֥יל לִבְנֵי־קֹֽרַח׃ lamenatseaḥ masekiyl liveney־qoraḥ׃
2 כְּאַיָּ֗ל תַּעֲרֹ֥ג עַל־אֲפִֽיקֵי־מָ֑יִם כֵּ֤ן נַפְשִׁ֨י תַעֲרֹ֖ג אֵלֶ֣יךָ אֱלֹהִֽים׃ keʾayal taʿarog ʿal־ʾafiyqey־mayim ken nafeshiy taʿarog ʾeleykha ʾelohiym׃
3 צָמְאָ֬ה נַפְשִׁ֨י ׀ לֵאלֹהִים֮ לְאֵ֪ל חָ֥י מָתַ֥י אָבֹ֑וא וְ֝אֵרָאֶ֗ה פְּנֵ֣י אֱלֹהִֽים׃ tsameʾah nafeshiy ׀ leʾlohiym leʾel ḥay matay ʾavowʾ weʾeraʾeh peney ʾelohiym׃
4 הָֽיְתָה־לִּ֬י דִמְעָתִ֣י לֶ֭חֶם יֹומָ֣ם וָלָ֑יְלָה בֶּאֱמֹ֥ר אֵלַ֥י כָּל־הַ֝יֹּ֗ום אַיֵּ֥ה אֱלֹהֶֽיךָ׃ hayetah־liy dimeʿatiy leḥem yowmam walayelah beʾemor ʾelay kal־hayowm ʾayeh ʾeloheykha׃
5 אֵ֤לֶּה אֶזְכְּרָ֨ה ׀ וְאֶשְׁפְּכָ֬ה עָלַ֨י ׀ נַפְשִׁ֗י כִּ֤י אֶֽעֱבֹ֨ר ׀ בַּסָּךְ֮ אֶדַּדֵּ֗ם עַד־בֵּ֥ית אֱלֹ֫הִ֥ים בְּקֹול־רִנָּ֥ה וְתֹודָ֗ה הָמֹ֥ון חֹוגֵֽג׃ ʾeleh ʾezekerah ׀ weʾeshepekhah ʿalay ׀ nafeshiy kiy ʾeʿevor ׀ basakhe ʾedadem ʿad־beyt ʾelohiym beqowl־rinah wetowdah hamown ḥowgeg׃
6 מַה־תִּשְׁתֹּ֬וחֲחִ֨י ׀ נַפְשִׁי֮ וַתֶּהֱמִ֪י עָ֫לָ֥י הֹוחִ֣ילִי לֵֽ֭אלֹהִים כִּי־עֹ֥וד אֹודֶ֗נּוּ יְשׁוּעֹ֥ות פָּנָֽיו׃ mah־tishetowḥaḥiy ׀ nafeshiy watehemiy ʿalay howḥiyliy leʾlohiym kiy־ʿowd ʾowdenu yeshuʿowt panayw׃
7 אֱֽלֹהַ֗י עָלַי֮ נַפְשִׁ֪י תִשְׁתֹּ֫וחָ֥ח עַל־כֵּ֗ן אֶ֭זְכָּרְךָ מֵאֶ֣רֶץ יַרְדֵּ֑ן וְ֝חֶרְמֹונִ֗ים מֵהַ֥ר מִצְעָֽר׃ אlohay ʿalay nafeshiy tishetowḥaḥ ʿal־ken ʾezekarekha meʾerets yareden weḥeremowniym mehar mitseʿar׃
8 תְּהֹֽום־אֶל־תְּהֹ֣ום קֹ֭ורֵא לְקֹ֣ול צִנֹּורֶ֑יךָ כָּֽל־מִשְׁבָּרֶ֥יךָ וְ֝גַלֶּ֗יךָ עָלַ֥י עָבָֽרוּ׃ tehowm־ʾel־tehowm qowreʾ leqowl tsinowreykha kal־mishebareykha wegaleykha ʿalay ʿavaru׃
9 יֹומָ֤ם ׀ יְצַוֶּ֬ה יְהוָ֨ה ׀ חַסְדֹּ֗ו וּ֭בַלַּיְלָה [שִׁירָהּ כ] (שִׁירֹ֣ו ק) עִמִּ֑י תְּ֝פִלָּ֗ה לְאֵ֣ל חַיָּֽי׃ yowmam ׀ yetsaueh yehwah ׀ ḥasedow uvalayelah [shiyrah kh] (shiyrow q) ʿimiy tefilah leʾel ḥayay׃
10 אֹומְרָ֤ה ׀ לְאֵ֥ל סַלְעִי֮ לָמָ֪ה שְׁכַ֫חְתָּ֥נִי לָֽמָּה־קֹדֵ֥ר אֵלֵ֗ךְ בְּלַ֣חַץ אֹויֵֽב׃ ʾowmerah ׀ leʾel saleʿiy lamah shekhaḥetaniy lamah־qoder ʾelekhe belaḥats ʾowyev׃
11 בְּרֶ֤צַח ׀ בְּֽעַצְמֹותַ֗י חֵרְפ֥וּנִי צֹורְרָ֑י בְּאָמְרָ֥ם אֵלַ֥י כָּל־הַ֝יֹּ֗ום אַיֵּ֥ה אֱלֹהֶֽיךָ׃ beretsaḥ ׀ beʿatsemowtay ḥerefuniy tsowreray beʾameram ʾelay kal־hayowm ʾayeh ʾeloheykha׃
12 מַה־תִּשְׁתֹּ֬וחֲחִ֨י ׀ נַפְשִׁי֮ וּֽמַה־תֶּהֱמִ֪י עָ֫לָ֥י הֹוחִ֣ילִי לֵֽ֭אלֹהִים כִּי־עֹ֣וד אֹודֶ֑נּוּ יְשׁוּעֹ֥ת פָּ֝נַ֗י וֵֽאלֹהָֽי׃ mah־tishetowḥaḥiy ׀ nafeshiy umah־tehemiy ʿalay howḥiyliy leʾlohiym kiy־ʿowd ʾowdenu yeshuʿot panay weʾlohay׃