1 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
2 עֲשֵׂ֣ה לְךָ֗ שְׁתֵּי֙ חֲצֹֽוצְרֹ֣ת כֶּ֔סֶף מִקְשָׁ֖ה תַּעֲשֶׂ֣ה אֹתָ֑ם וְהָי֤וּ לְךָ֙ לְמִקְרָ֣א הָֽעֵדָ֔ה וּלְמַסַּ֖ע אֶת־הַֽמַּחֲנֹֽות׃ ʿaseh lekha shetey ḥatsowtserot kesef miqeshah taʿaseh ʾotam wehayu lekha lemiqeraʾ haʿedah ulemasaʿ ʾet־hamaḥanowt׃
3 וְתָקְע֖וּ בָּהֵ֑ן וְנֹֽועֲד֤וּ אֵלֶ֙יךָ֙ כָּל־הָ֣עֵדָ֔ה אֶל־פֶּ֖תַח אֹ֥הֶל מֹועֵֽד׃ wetaqeʿu bahen wenowʿadu ʾeleykha kal־haʿedah ʾel־petaḥ ʾohel mowʿed׃
4 וְאִם־בְּאַחַ֖ת יִתְקָ֑עוּ וְנֹועֲד֤וּ אֵלֶ֙יךָ֙ הַנְּשִׂיאִ֔ים רָאשֵׁ֖י אַלְפֵ֥י יִשְׂרָאֵֽל׃ weʾim־beʾaḥat yiteqaʿu wenowʿadu ʾeleykha hanesiyʾiym raʾshey ʾalefey yiseraʾel׃
5 וּתְקַעְתֶּ֖ם תְּרוּעָ֑ה וְנָֽסְעוּ֙ הַֽמַּחֲנֹ֔ות הַחֹנִ֖ים קֵֽדְמָה׃ uteqaʿetem teruʿah wenaseʿu hamaḥanowt haḥoniym qedemah׃
6 וּתְקַעְתֶּ֤ם תְּרוּעָה֙ שֵׁנִ֔ית וְנָֽסְעוּ֙ הַֽמַּחֲנֹ֔ות הַחֹנִ֖ים תֵּימָ֑נָה תְּרוּעָ֥ה יִתְקְע֖וּ לְמַסְעֵיהֶֽם׃ uteqaʿetem teruʿah sheniyt wenaseʿu hamaḥanowt haḥoniym teymanah teruʿah yiteqeʿu lemaseʿeyhem׃
7 וּבְהַקְהִ֖יל אֶת־הַקָּהָ֑ל תִּתְקְע֖וּ וְלֹ֥א תָרִֽיעוּ׃ uvehaqehiyl ʾet־haqahal titeqeʿu weloʾ tariyʿu׃
8 וּבְנֵ֤י אַהֲרֹן֙ הַכֹּ֣הֲנִ֔ים יִתְקְע֖וּ בַּֽחֲצֹצְרֹ֑ות וְהָי֥וּ לָכֶ֛ם לְחֻקַּ֥ת עֹולָ֖ם לְדֹרֹתֵיכֶֽם׃ uveney ʾaharon hakohaniym yiteqeʿu baḥatsotserowt wehayu lakhem leḥuqat ʿowlam ledoroteykhem׃
9 וְכִֽי־תָבֹ֨אוּ מִלְחָמָ֜ה בְּאַרְצְכֶ֗ם עַל־הַצַּר֙ הַצֹּרֵ֣ר אֶתְכֶ֔ם וַהֲרֵעֹתֶ֖ם בַּחֲצֹצְרֹ֑ות וֲנִזְכַּרְתֶּ֗ם לִפְנֵי֙ יְהוָ֣ה אֱלֹֽהֵיכֶ֔ם וְנֹושַׁעְתֶּ֖ם מֵאֹיְבֵיכֶֽם׃ wekhiy־tavoʾu mileḥamah beʾaretsekhem ʿal־hatsar hatsorer ʾetekhem wahareʿotem baḥatsotserowt wanizekaretem lifeney yehwah ʾeloheykhem wenowshaʿetem meʾoyeveykhem׃
10 וּבְיֹ֨ום שִׂמְחַתְכֶ֥ם וּֽבְמֹועֲדֵיכֶם֮ וּבְרָאשֵׁ֣י חָדְשֵׁיכֶם֒ וּתְקַעְתֶּ֣ם בַּחֲצֹֽצְרֹ֗ת עַ֚ל עֹלֹ֣תֵיכֶ֔ם וְעַ֖ל זִבְחֵ֣י שַׁלְמֵיכֶ֑ם וְהָי֨וּ לָכֶ֤ם לְזִכָּרֹון֙ לִפְנֵ֣י אֱלֹֽהֵיכֶ֔ם אֲנִ֖י יְהוָ֥ה אֱלֹהֵיכֶֽם׃ פ uveyowm simeḥatekhem uvemowʿadeykhem uveraʾshey ḥadesheykhem uteqaʿetem baḥatsotserot ʿal ʿoloteykhem weʿal ziveḥey shalemeykhem wehayu lakhem lezikarown lifeney ʾeloheykhem ʾaniy yehwah ʾeloheykhem׃ f
11 וַיְהִ֞י בַּשָּׁנָ֧ה הַשֵּׁנִ֛ית בַּחֹ֥דֶשׁ הַשֵּׁנִ֖י בְּעֶשְׂרִ֣ים בַּחֹ֑דֶשׁ נַעֲלָה֙ הֶֽעָנָ֔ן מֵעַ֖ל מִשְׁכַּ֥ן הָעֵדֻֽת׃ wayehiy bashanah hasheniyt baḥodesh hasheniy beʿeseriym baḥodesh naʿalah heʿanan meʿal mishekan haʿedut׃
12 וַיִּסְע֧וּ בְנֵֽי־יִשְׂרָאֵ֛ל לְמַסְעֵיהֶ֖ם מִמִּדְבַּ֣ר סִינָ֑י וַיִּשְׁכֹּ֥ן הֶעָנָ֖ן בְּמִדְבַּ֥ר פָּארָֽן׃ wayiseʿu veney־yiseraʾel lemaseʿeyhem mimidebar siynay wayishekon heʿanan bemidebar paʾran׃
13 וַיִּסְע֖וּ בָּרִאשֹׁנָ֑ה עַל־פִּ֥י יְהוָ֖ה בְּיַד־מֹשֶֽׁה׃ wayiseʿu bariʾshonah ʿal־piy yehwah beyad־mosheh׃
14 וַיִּסַּ֞ע דֶּ֣גֶל מַחֲנֵ֧ה בְנֵֽי־יְהוּדָ֛ה בָּרִאשֹׁנָ֖ה לְצִבְאֹתָ֑ם וְעַל־צְבָאֹ֔ו נַחְשֹׁ֖ון בֶּן־עַמִּינָדָֽב׃ wayisaʿ degel maḥaneh veney־yehudah bariʾshonah letsiveʾotam weʿal־tsevaʾow naḥeshown ben־ʿamiynadav׃
15 וְעַ֨ל־צְבָ֔א מַטֵּ֖ה בְּנֵ֣י יִשָׂשכָ֑ר נְתַנְאֵ֖ל בֶּן־צוּעָֽר׃ weʿal־tsevaʾ maṭeh beney yisashkhar netaneʾel ben־tsuʿar׃
16 וְעַ֨ל־צְבָ֔א מַטֵּ֖ה בְּנֵ֣י זְבוּלֻ֑ן אֱלִיאָ֖ב בֶּן־חֵלֹֽון׃ weʿal־tsevaʾ maṭeh beney zevulun ʾeliyʾav ben־ḥelown׃
17 וְהוּרַ֖ד הַמִּשְׁכָּ֑ן וְנָסְע֤וּ בְנֵֽי־גֵרְשֹׁון֙ וּבְנֵ֣י מְרָרִ֔י נֹשְׂאֵ֖י הַמִּשְׁכָּֽן׃ ס wehurad hamishekan wenaseʿu veney־gereshown uveney merariy noseʾey hamishekan׃ s
18 וְנָסַ֗ע דֶּ֛גֶל מַחֲנֵ֥ה רְאוּבֵ֖ן לְצִבְאֹתָ֑ם וְעַל־צְבָאֹ֔ו אֱלִיצ֖וּר בֶּן־שְׁדֵיאֽוּר׃ wenasaʿ degel maḥaneh reʾuven letsiveʾotam weʿal־tsevaʾow ʾeliytsur ben־shedeyʾur׃
19 וְעַ֨ל־צְבָ֔א מַטֵּ֖ה בְּנֵ֣י שִׁמְעֹ֑ון שְׁלֻֽמִיאֵ֖ל בֶּן־צוּרִֽי שַׁדָּֽי׃ weʿal־tsevaʾ maṭeh beney shimeʿown shelumiyʾel ben־tsuriy shaday׃
20 וְעַל־צְבָ֖א מַטֵּ֣ה בְנֵי־גָ֑ד אֶלְיָסָ֖ף בֶּן־דְּעוּאֵֽל׃ weʿal־tsevaʾ maṭeh veney־gad ʾeleyasaf ben־deʿuʾel׃
21 וְנָסְעוּ֙ הַקְּהָתִ֔ים נֹשְׂאֵ֖י הַמִּקְדָּ֑שׁ וְהֵקִ֥ימוּ אֶת־הַמִּשְׁכָּ֖ן עַד־בֹּאָֽם׃ ס wenaseʿu haqehatiym noseʾey hamiqedash weheqiymu ʾet־hamishekan ʿad־boʾam׃ s
22 וְנָסַ֗ע דֶּ֛גֶל מַחֲנֵ֥ה בְנֵֽי־אֶפְרַ֖יִם לְצִבְאֹתָ֑ם וְעַל־צְבָאֹ֔ו אֱלִישָׁמָ֖ע בֶּן־עַמִּיהֽוּד׃ wenasaʿ degel maḥaneh veney־ʾeferayim letsiveʾotam weʿal־tsevaʾow ʾeliyshamaʿ ben־ʿamiyhud׃
23 וְעַ֨ל־צְבָ֔א מַטֵּ֖ה בְּנֵ֣י מְנַשֶּׁ֑ה גַּמְלִיאֵ֖ל בֶּן־פְּדָה־צֽוּר ׃ weʿal־tsevaʾ maṭeh beney menasheh gameliyʾel ben־pedah־tsur ׃
24 וְעַ֨ל־צְבָ֔א מַטֵּ֖ה בְּנֵ֣י בִנְיָמִ֑ן אֲבִידָ֖ן בֶּן־גִּדְעֹונִֽי׃ ס weʿal־tsevaʾ maṭeh beney vineyamin ʾaviydan ben־gideʿowniy׃ s
25 וְנָסַ֗ע דֶּ֚גֶל מַחֲנֵ֣ה בְנֵי־דָ֔ן מְאַסֵּ֥ף לְכָל־הַֽמַּחֲנֹ֖ת לְצִבְאֹתָ֑ם וְעַל־צְבָאֹ֔ו אֲחִיעֶ֖זֶר בֶּן־עַמִּישַׁדָּֽי ׃ wenasaʿ degel maḥaneh veney־dan meʾasef lekhal־hamaḥanot letsiveʾotam weʿal־tsevaʾow ʾaḥiyʿezer ben־ʿamiyshaday ׃
26 וְעַל־צְבָ֔א מַטֵּ֖ה בְּנֵ֣י אָשֵׁ֑ר פַּגְעִיאֵ֖ל בֶּן־עָכְרָֽן׃ weʿal־tsevaʾ maṭeh beney ʾasher pageʿiyʾel ben־ʿakheran׃
27 וְעַ֨ל־צְבָ֔א מַטֵּ֖ה בְּנֵ֣י נַפְתָּלִ֑י אֲחִירַ֖ע בֶּן־עֵינָֽן׃ weʿal־tsevaʾ maṭeh beney nafetaliy ʾaḥiyraʿ ben־ʿeynan׃
28 אֵ֛לֶּה מַסְעֵ֥י בְנֵֽי־יִשְׂרָאֵ֖ל לְצִבְאֹתָ֑ם וַיִּסָּֽעוּ׃ ס ʾeleh maseʿey veney־yiseraʾel letsiveʾotam wayisaʿu׃ s
29 וַיֹּ֣אמֶר מֹשֶׁ֗ה לְ֠חֹבָב בֶּן־רְעוּאֵ֣ל הַמִּדְיָנִי֮ חֹתֵ֣ן מֹשֶׁה֒ נֹסְעִ֣ים ׀ אֲנַ֗חְנוּ אֶל־הַמָּקֹום֙ אֲשֶׁ֣ר אָמַ֣ר יְהוָ֔ה אֹתֹ֖ו אֶתֵּ֣ן לָכֶ֑ם לְכָ֤ה אִתָּ֙נוּ֙ וְהֵטַ֣בְנוּ לָ֔ךְ כִּֽי־יְהוָ֥ה דִּבֶּר־טֹ֖וב עַל־יִשְׂרָאֵֽל׃ wayoʾmer mosheh leḥovav ben־reʿuʾel hamideyaniy ḥoten mosheh noseʿiym ׀ ʾanaḥenu ʾel־hamaqowm ʾasher ʾamar yehwah ʾotow ʾeten lakhem lekhah ʾitanu weheṭavenu lakhe kiy־yehwah diber־ṭowv ʿal־yiseraʾel׃
30 וַיֹּ֥אמֶר אֵלָ֖יו לֹ֣א אֵלֵ֑ךְ כִּ֧י אִם־אֶל־אַרְצִ֛י וְאֶל־מֹולַדְתִּ֖י אֵלֵֽךְ׃ wayoʾmer ʾelayw loʾ ʾelekhe kiy ʾim־ʾel־ʾaretsiy weʾel־mowladetiy ʾelekhe׃
31 וַיֹּ֕אמֶר אַל־נָ֖א תַּעֲזֹ֣ב אֹתָ֑נוּ כִּ֣י ׀ עַל־כֵּ֣ן יָדַ֗עְתָּ חֲנֹתֵ֙נוּ֙ בַּמִּדְבָּ֔ר וְהָיִ֥יתָ לָּ֖נוּ לְעֵינָֽיִם׃ wayoʾmer ʾal־naʾ taʿazov ʾotanu kiy ׀ ʿal־ken yadaʿeta ḥanotenu bamidebar wehayiyta lanu leʿeynayim׃
32 וְהָיָ֖ה כִּי־תֵלֵ֣ךְ עִמָּ֑נוּ וְהָיָ֣ה ׀ הַטֹּ֣וב הַה֗וּא אֲשֶׁ֨ר יֵיטִ֧יב יְהוָ֛ה עִמָּ֖נוּ וְהֵטַ֥בְנוּ לָֽךְ׃ wehayah kiy־telekhe ʿimanu wehayah ׀ haṭowv hahuʾ ʾasher yeyṭiyv yehwah ʿimanu weheṭavenu lakhe׃
33 וַיִּסְעוּ֙ מֵהַ֣ר יְהוָ֔ה דֶּ֖רֶךְ שְׁלֹ֣שֶׁת יָמִ֑ים וַאֲרֹ֨ון בְּרִית־יְהוָ֜ה נֹסֵ֣עַ לִפְנֵיהֶ֗ם דֶּ֚רֶךְ שְׁלֹ֣שֶׁת יָמִ֔ים לָת֥וּר לָהֶ֖ם מְנוּחָֽה׃ wayiseʿu mehar yehwah derekhe sheloshet yamiym waʾarown beriyt־yehwah noseaʿ lifeneyhem derekhe sheloshet yamiym latur lahem menuḥah׃
34 וַעֲנַ֧ן יְהוָ֛ה עֲלֵיהֶ֖ם יֹומָ֑ם בְּנָסְעָ֖ם מִן־הַֽמַּחֲנֶֽה׃ ס waʿanan yehwah ʿaleyhem yowmam benaseʿam min־hamaḥaneh׃ s
35 וַיְהִ֛י בִּנְסֹ֥עַ הָאָרֹ֖ן וַיֹּ֣אמֶר מֹשֶׁ֑ה קוּמָ֣ה ׀ יְהוָ֗ה וְיָפֻ֙צוּ֙ אֹֽיְבֶ֔יךָ וְיָנֻ֥סוּ מְשַׂנְאֶ֖יךָ מִפָּנֶֽיךָ׃ wayehiy binesoaʿ haʾaron wayoʾmer mosheh qumah ׀ yehwah weyafutsu ʾoyeveykha weyanusu mesaneʾeykha mipaneykha׃
36 וּבְנֻחֹ֖ה יֹאמַ֑ר שׁוּבָ֣ה יְהוָ֔ה רִֽבְבֹ֖ות אַלְפֵ֥י יִשְׂרָאֵֽל׃ פ uvenuḥoh yoʾmar shuvah yehwah rivevowt ʾalefey yiseraʾel׃ f