Ésaïe 40

¹ נַחֲמ֥וּ נַחֲמ֖וּ עַמִּ֑י יֹאמַ֖ר אֱלֹהֵיכֶֽם׃ naḥamu naḥamu ʿamiy yoʾmar ʾeloheykhem׃

² דַּבְּר֞וּ עַל־לֵ֤ב יְרֽוּשָׁלִַ֙ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֹנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל־חַטֹּאתֶֽיהָ׃ ס daberu ʿal־lev yerushalim weqireʾu ʾeleyha kiy maleʾah tsevaʾah kiy niretsah ʿaonah kiy laqeḥah miyad yehwah kifelayim bekhal־ḥaṭoʾteyha׃ s

³ קֹ֣ול קֹורֵ֔א בַּמִּדְבָּ֕ר פַּנּ֖וּ דֶּ֣רֶךְ יְהוָ֑ה יַשְּׁרוּ֙ בָּעֲרָבָ֔ה מְסִלָּ֖ה לֵאלֹהֵֽינוּ׃ qowl qowreʾ bamidebar panu derekhe yehwah yasheru baʿaravah mesilah leʾloheynu׃

⁴ כָּל־גֶּיא֙ יִנָּשֵׂ֔א וְכָל־הַ֥ר וְגִבְעָ֖ה יִשְׁפָּ֑לוּ וְהָיָ֤ה הֶֽעָקֹב֙ לְמִישֹׁ֔ור וְהָרְכָסִ֖ים לְבִקְעָֽה׃ kal־geyʾ yinaseʾ wekhal־har wegiveʿah yishepalu wehayah heʿaqov lemiyshowr weharekhasiym leviqeʿah׃

⁵ וְנִגְלָ֖ה כְּבֹ֣וד יְהוָ֑ה וְרָא֤וּ כָל־בָּשָׂר֙ יַחְדָּ֔ו כִּ֛י פִּ֥י יְהוָ֖ה דִּבֵּֽר׃ ס wenigelah kevowd yehwah weraʾu khal־basar yaḥedaw kiy piy yehwah diber׃ s

⁶ קֹ֚ול אֹמֵ֣ר קְרָ֔א וְאָמַ֖ר מָ֣ה אֶקְרָ֑א כָּל־הַבָּשָׂ֣ר חָצִ֔יר וְכָל־חַסְדֹּ֖ו כְּצִ֥יץ הַשָּׂדֶֽה׃ qowl ʾomer qeraʾ weʾamar mah ʾeqeraʾ kal־habasar ḥatsiyr wekhal־ḥasedow ketsiyts hasadeh׃

⁷ יָבֵ֤שׁ חָצִיר֙ נָ֣בֵֽל צִ֔יץ כִּ֛י ר֥וּחַ יְהוָ֖ה נָ֣שְׁבָה בֹּ֑ו אָכֵ֥ן חָצִ֖יר הָעָֽם׃ yavesh ḥatsiyr navel tsiyts kiy ruaḥ yehwah nashevah bow ʾakhen ḥatsiyr haʿam׃

⁸ יָבֵ֥שׁ חָצִ֖יר נָ֣בֵֽל צִ֑יץ וּדְבַר־אֱלֹהֵ֖ינוּ יָק֥וּם לְעֹולָֽם׃ ס yavesh ḥatsiyr navel tsiyts udevar־ʾeloheynu yaqum leʿowlam׃ s

⁹ עַ֣ל הַר־גָּבֹ֤הַ עֲלִי־לָךְ֙ מְבַשֶּׂ֣רֶת צִיֹּ֔ון הָרִ֤ימִי בַכֹּ֙חַ֙ קֹולֵ֔ךְ מְבַשֶּׂ֖רֶת יְרוּשָׁלִָ֑ם הָרִ֙ימִי֙ אַל־תִּירָ֔אִי אִמְרִי֙ לְעָרֵ֣י יְהוּדָ֔ה הִנֵּ֖ה אֱלֹהֵיכֶֽם׃ ʿal har־gavoah ʿaliy־lakhe mevaseret tsiyown hariymiy vakoaḥ qowlekhe mevaseret yerushalim hariymiy ʾal־tiyraʾiy ʾimeriy leʿarey yehudah hineh ʾeloheykhem׃

¹⁰ הִנֵּ֨ה אֲדֹנָ֤י יְהוִה֙ בְּחָזָ֣ק יָבֹ֔וא וּזְרֹעֹ֖ו מֹ֣שְׁלָה לֹ֑ו הִנֵּ֤ה שְׂכָרֹו֙ אִתֹּ֔ו וּפְעֻלָּתֹ֖ו לְפָנָֽיו׃ hineh ʾadonay yehwih beḥazaq yavowʾ uzeroʿow moshelah low hineh sekharow ʾitow ufeʿulatow lefanayw׃

¹¹ כְּרֹעֶה֙ עֶדְרֹ֣ו יִרְעֶ֔ה בִּזְרֹעֹו֙ יְקַבֵּ֣ץ טְלָאִ֔ים וּבְחֵיקֹ֖ו יִשָּׂ֑א עָלֹ֖ות יְנַהֵֽל׃ ס keroʿeh ʿederow yireʿeh bizeroʿow yeqabets ṭelaʾiym uveḥeyqow yisaʾ ʿalowt yenahel׃ s

¹² מִֽי־מָדַ֨ד בְּשָׁעֳלֹ֜ו מַ֗יִם וְשָׁמַ֙יִם֙ בַּזֶּ֣רֶת תִּכֵּ֔ן וְכָ֥ל בַּשָּׁלִ֖שׁ עֲפַ֣ר הָאָ֑רֶץ וְשָׁקַ֤ל בַּפֶּ֙לֶס֙ הָרִ֔ים וּגְבָעֹ֖ות בְּמֹאזְנָֽיִם׃ miy־madad beshaʿolow mayim weshamayim bazeret tiken wekhal bashalish ʿafar haʾarets weshaqal bapeles hariym ugevaʿowt bemoʾzenayim׃

¹³ מִֽי־תִכֵּ֥ן אֶת־ר֖וּחַ יְהוָ֑ה וְאִ֥ישׁ עֲצָתֹ֖ו יֹודִיעֶֽנּוּ׃ miy־tiken ʾet־ruaḥ yehwah weʾiysh ʿatsatow yowdiyʿenu׃

¹⁴ אֶת־מִ֤י נֹועָץ֙ וַיְבִינֵ֔הוּ וַֽיְלַמְּדֵ֖הוּ בְּאֹ֣רַח מִשְׁפָּ֑ט וַיְלַמְּדֵ֣הוּ דַ֔עַת וְדֶ֥רֶךְ תְּבוּנֹ֖ות יֹודִיעֶֽנּוּ׃ ʾet־miy nowʿats wayeviynehu wayelamedehu beʾoraḥ mishepaṭ wayelamedehu daʿat wederekhe tevunowt yowdiyʿenu׃

¹⁵ הֵ֤ן גֹּויִם֙ כְּמַ֣ר מִדְּלִ֔י וּכְשַׁ֥חַק מֹאזְנַ֖יִם נֶחְשָׁ֑בוּ הֵ֥ן אִיִּ֖ים כַּדַּ֥ק יִטֹּֽול׃ hen gowyim kemar mideliy ukheshaḥaq moʾzenayim neḥeshavu hen ʾiyiym kadaq yiṭowl׃

¹⁶ וּלְבָנֹ֕ון אֵ֥ין דֵּ֖י בָּעֵ֑ר וְחַיָּתֹ֔ו אֵ֥ין דֵּ֖י עֹולָֽה׃ ס ulevanown ʾeyn dey baʿer weḥayatow ʾeyn dey ʿowlah׃ s

¹⁷ כָּל־הַגֹּויִ֖ם כְּאַ֣יִן נֶגְדֹּ֑ו מֵאֶ֥פֶס וָתֹ֖הוּ נֶחְשְׁבוּ־לֹֽו׃ kal־hagowyim keʾayin negedow meʾefes watohu neḥeshevu־low׃

¹⁸ וְאֶל־מִ֖י תְּדַמְּי֣וּן אֵ֑ל וּמַה־דְּמ֖וּת תַּ֥עַרְכוּ לֹֽו׃ weʾel־miy tedameyun ʾel umah־demut taʿarekhu low׃

¹⁹ הַפֶּ֙סֶל֙ נָסַ֣ךְ חָרָ֔שׁ וְצֹרֵ֖ף בַּזָּהָ֣ב יְרַקְּעֶ֑נּוּ וּרְתֻקֹ֥ות כֶּ֖סֶף צֹורֵֽף׃ hapesel nasakhe ḥarash wetsoref bazahav yeraqeʿenu uretuqowt kesef tsowref׃

²⁰ הַֽמְסֻכָּ֣ן תְּרוּמָ֔ה עֵ֥ץ לֹֽא־יִרְקַ֖ב יִבְחָ֑ר חָרָ֤שׁ חָכָם֙ יְבַקֶּשׁ־לֹ֔ו לְהָכִ֥ין פֶּ֖סֶל לֹ֥א יִמֹּֽוט׃ hamesukan terumah ʿets loʾ־yireqav yiveḥar ḥarash ḥakham yevaqesh־low lehakhiyn pesel loʾ yimowṭ׃

²¹ הֲלֹ֤וא תֵֽדְעוּ֙ הֲלֹ֣וא תִשְׁמָ֔עוּ הֲלֹ֛וא הֻגַּ֥ד מֵרֹ֖אשׁ לָכֶ֑ם הֲלֹוא֙ הֲבִ֣ינֹתֶ֔ם מֹוסְדֹ֖ות הָאָֽרֶץ׃ halowʾ tedeʿu halowʾ tishemaʿu halowʾ hugad meroʾsh lakhem halowʾ haviynotem mowsedowt haʾarets׃

²² הַיֹּשֵׁב֙ עַל־ח֣וּג הָאָ֔רֶץ וְיֹשְׁבֶ֖יהָ כַּחֲגָבִ֑ים הַנֹּוטֶ֤ה כַדֹּק֙ שָׁמַ֔יִם וַיִּמְתָּחֵ֥ם כָּאֹ֖הֶל לָשָֽׁבֶת׃ hayoshev ʿal־ḥug haʾarets weyosheveyha kaḥagaviym hanowṭeh khadoq shamayim wayimetaḥem kaʾohel lashavet׃

²³ הַנֹּותֵ֥ן רֹוזְנִ֖ים לְאָ֑יִן שֹׁ֥פְטֵי אֶ֖רֶץ כַּתֹּ֥הוּ עָשָֽׂה׃ hanowten rowzeniym leʾayin shofeṭey ʾerets katohu ʿasah׃

²⁴ אַ֣ף בַּל־נִטָּ֗עוּ אַ֚ף בַּל־זֹרָ֔עוּ אַ֛ף בַּל־שֹׁרֵ֥שׁ בָּאָ֖רֶץ גִּזְעָ֑ם וְגַם־נָשַׁ֤ף בָּהֶם֙ וַיִּבָ֔שׁוּ וּסְעָרָ֖ה כַּקַּ֥שׁ תִּשָּׂאֵֽם׃ ס ʾaf bal־niṭaʿu ʾaf bal־zoraʿu ʾaf bal־shoresh baʾarets gizeʿam wegam־nashaf bahem wayivashu useʿarah kaqash tisaʾem׃ s

²⁵ וְאֶל־מִ֥י תְדַמְּי֖וּנִי וְאֶשְׁוֶ֑ה יֹאמַ֖ר קָדֹֽושׁ׃ weʾel־miy tedameyuniy weʾesheweh yoʾmar qadowsh׃

²⁶ שְׂאוּ־מָרֹ֨ום עֵינֵיכֶ֤ם וּרְאוּ֙ מִי־בָרָ֣א אֵ֔לֶּה הַמֹּוצִ֥יא בְמִסְפָּ֖ר צְבָאָ֑ם לְכֻלָּם֙ בְּשֵׁ֣ם יִקְרָ֔א מֵרֹ֤ב אֹונִים֙ וְאַמִּ֣יץ כֹּ֔חַ אִ֖ישׁ לֹ֥א נֶעְדָּֽר׃ ס seʾu־marowm ʿeyneykhem ureʾu miy־varaʾ ʾeleh hamowtsiyʾ vemisepar tsevaʾam lekhulam beshem yiqeraʾ merov ʾowniym weʾamiyts koaḥ ʾiysh loʾ neʿedar׃ s

²⁷ לָ֤מָּה תֹאמַר֙ יַֽעֲקֹ֔ב וּתְדַבֵּ֖ר יִשְׂרָאֵ֑ל נִסְתְּרָ֤ה דַרְכִּי֙ מֵיְהוָ֔ה וּמֵאֱלֹהַ֖י מִשְׁפָּטִ֥י יַעֲבֹֽור׃ lamah toʾmar yaʿaqov utedaber yiseraʾel niseterah darekiy meyehwah umeʾelohay mishepaṭiy yaʿavowr׃

²⁸ הֲלֹ֨וא יָדַ֜עְתָּ אִם־לֹ֣א שָׁמַ֗עְתָּ אֱלֹהֵ֨י עֹולָ֤ם ׀ יְהוָה֙ בֹּורֵא֙ קְצֹ֣ות הָאָ֔רֶץ לֹ֥א יִיעַ֖ף וְלֹ֣א יִיגָ֑ע אֵ֥ין חֵ֖קֶר לִתְבוּנָתֹֽו׃ halowʾ yadaʿeta ʾim־loʾ shamaʿeta ʾelohey ʿowlam ׀ yehwah bowreʾ qetsowt haʾarets loʾ yiyʿaf weloʾ yiygaʿ ʾeyn ḥeqer litevunatow׃

²⁹ נֹתֵ֥ן לַיָּעֵ֖ף כֹּ֑חַ וּלְאֵ֥ין אֹונִ֖ים עָצְמָ֥ה יַרְבֶּֽה׃ noten layaʿef koaḥ uleʾeyn ʾowniym ʿatsemah yarebeh׃

³⁰ וְיִֽעֲפ֥וּ נְעָרִ֖ים וְיִגָ֑עוּ וּבַחוּרִ֖ים כָּשֹׁ֥ול יִכָּשֵֽׁלוּ׃ weyiʿafu neʿariym weyigaʿu uvaḥuriym kashowl yikashelu׃

³¹ וְקֹויֵ֤ יְהוָה֙ יַחֲלִ֣יפוּ כֹ֔חַ יַעֲל֥וּ אֵ֖בֶר כַּנְּשָׁרִ֑ים יָר֙וּצוּ֙ וְלֹ֣א יִיגָ֔עוּ יֵלְכ֖וּ וְלֹ֥א יִיעָֽפוּ׃ פ weqowye yehwah yaḥaliyfu khoaḥ yaʿalu ʾever kaneshariym yarutsu weloʾ yiygaʿu yelekhu weloʾ yiyʿafu׃ f