Proverbes 15

¹ מַֽעֲנֶה־רַּ֭ךְ יָשִׁ֣יב חֵמָ֑ה וּדְבַר־עֶ֝֗צֶב יַעֲלֶה־אָֽף׃ maʿaneh־rakhe yashiyv ḥemah udevar־ʿetsev yaʿaleh־ʾaf׃

² לְשֹׁ֣ון חֲ֭כָמִים תֵּיטִ֣יב דָּ֑עַת וּפִ֥י כְ֝סִילִ֗ים יַבִּ֥יעַ אִוֶּֽלֶת׃ leshown ḥakhamiym teyṭiyv daʿat ufiy khesiyliym yabiyʿa ʾiuelet׃

³ בְּֽכָל־מָ֭קֹום עֵינֵ֣י יְהוָ֑ה צֹ֝פֹ֗ות רָעִ֥ים וטֹובִֽים ׃ bekhal־maqowm ʿeyney yehwah tsofowt raʿiym wṭowviym ׃

⁴ מַרְפֵּ֣א לָ֭שֹׁון עֵ֣ץ חַיִּ֑ים וְסֶ֥לֶף בָּ֝֗הּ שֶׁ֣בֶר בְּרֽוּחַ׃ marepeʾ lashown ʿets ḥayiym weselef bah shever beruaḥ׃

⁵ אֱוִ֗יל יִ֭נְאַץ מוּסַ֣ר אָבִ֑יו וְשֹׁמֵ֖ר תֹּוכַ֣חַת יַעְרִֽם׃ ʾewiyl yineʾats musar ʾaviyw weshomer towkhaḥat yaʿerim׃

⁶ בֵּ֣ית צַ֭דִּיק חֹ֣סֶן רָ֑ב וּבִתְבוּאַ֖ת רָשָׁ֣ע נֶעְכָּֽרֶת׃ beyt tsadiyq ḥosen rav uvitevuʾat rashaʿ neʿekaret׃

⁷ שִׂפְתֵ֣י חֲ֭כָמִים יְזָ֣רוּ דָ֑עַת וְלֵ֖ב כְּסִילִ֣ים לֹא־כֵֽן׃ sifetey ḥakhamiym yezaru daʿat welev kesiyliym loʾ־khen׃

⁸ זֶ֣בַח רְ֭שָׁעִים תֹּועֲבַ֣ת יְהוָ֑ה וּתְפִלַּ֖ת יְשָׁרִ֣ים רְצֹונֹֽו׃ zevaḥ reshaʿiym towʿavat yehwah utefilat yeshariym retsownow׃

⁹ תֹּועֲבַ֣ת יְ֭הוָה דֶּ֣רֶךְ רָשָׁ֑ע וּמְרַדֵּ֖ף צְדָקָ֣ה יֶאֱהָֽב׃ towʿavat yehwah derekhe rashaʿ umeradef tsedaqah yeʾehav׃

¹⁰ מוּסָ֣ר רָ֭ע לְעֹזֵ֣ב אֹ֑רַח שֹׂונֵ֖א תֹוכַ֣חַת יָמֽוּת׃ musar raʿ leʿozev ʾoraḥ sowneʾ towkhaḥat yamut׃

¹¹ שְׁאֹ֣ול וַ֭אֲבַדֹּון נֶ֣גֶד יְהוָ֑ה אַ֝֗ף כִּֽי־לִבֹּ֥ות בְּֽנֵי־אָדָֽם׃ sheʾowl waʾavadown neged yehwah ʾaf kiy־libowt beney־ʾadam׃

¹² לֹ֣א יֶאֱהַב־לֵ֭ץ הֹוכֵ֣חַֽ לֹ֑ו אֶל־חֲ֝כָמִ֗ים לֹ֣א יֵלֵֽךְ׃ loʾ yeʾehav־lets howkheaḥ low ʾel־ḥakhamiym loʾ yelekhe׃

¹³ לֵ֣ב מֵחַ יֵיטִ֣ב פָּנִ֑ים וּבְעַצְּבַת־לֵ֝ב ר֣וּחַ נְכֵאָֽה׃ lev meaḥ yeyṭiv paniym uveʿatsevat־lev ruaḥ nekheʾah׃

¹⁴ לֵ֣ב נָ֭בֹון יְבַקֶּשׁ־דָּ֑עַת [וּפְנֵי כ] (וּפִ֥י ק) כְ֝סִילִ֗ים יִרְעֶ֥ה אִוֶּֽלֶת׃ lev navown yevaqesh־daʿat [ufeney kh] (ufiy q) khesiyliym yireʿeh ʾiuelet׃

¹⁵ כָּל־יְמֵ֣י עָנִ֣י רָעִ֑ים וְטֹֽוב־לֵ֝֗ב מִשְׁתֶּ֥ה תָמִֽיד׃ kal־yemey ʿaniy raʿiym weṭowv־lev misheteh tamiyd׃

¹⁶ טֹוב־מְ֭עַט בְּיִרְאַ֣ת יְהוָ֑ה מֵאֹוצָ֥ר רָ֝֗ב וּמְה֥וּמָה בֹֽו׃ ṭowv־meʿaṭ beyireʾat yehwah meʾowtsar rav umehumah vow׃

¹⁷ טֹ֤וב אֲרֻחַ֣ת יָ֭רָק וְאַהֲבָה־שָׁ֑ם מִשֹּׁ֥ור אָ֝ב֗וּס וְשִׂנְאָה־בֹֽו׃ ṭowv ʾaruḥat yaraq weʾahavah־sham mishowr ʾavus wesineʾah־vow׃

¹⁸ אִ֣ישׁ חֵ֭מָה יְגָרֶ֣ה מָדֹ֑ון וְאֶ֥רֶך אַ֝פַּ֗יִם יַשְׁקִ֥יט רִֽיב׃ ʾiysh ḥemah yegareh madown weʾerekh ʾapayim yasheqiyṭ riyv׃

¹⁹ דֶּ֣רֶךְ עָ֭צֵל כִּמְשֻׂ֣כַת חָ֑דֶק וְאֹ֖רַח יְשָׁרִ֣ים סְלֻלָֽה׃ derekhe ʿatsel kimesukhat ḥadeq weʾoraḥ yeshariym selulah׃

²⁰ בֵּ֣ן חָ֭כָם יְשַׂמַּח־אָ֑ב וּכְסִ֥יל אָ֝דָ֗ם בֹּוזֶ֥ה אִמֹּֽו׃ ben ḥakham yesamaḥ־ʾav ukhesiyl ʾadam bowzeh ʾimow׃

²¹ אִ֭וֶּלֶת שִׂמְחָ֣ה לַחֲסַר־לֵ֑ב וְאִ֥ישׁ תְּ֝בוּנָ֗ה יְיַשֶּׁר־לָֽכֶת׃ ʾiuelet simeḥah laḥasar־lev weʾiysh tevunah yeyasher־lakhet׃

²² הָפֵ֣ר מַ֭חֲשָׁבֹות בְּאֵ֣ין סֹ֑וד וּבְרֹ֖ב יֹועֲצִ֣ים תָּקֽוּם׃ hafer maḥashavowt beʾeyn sowd uverov yowʿatsiym taqum׃

²³ שִׂמְחָ֣ה לָ֭אִישׁ בְּמַעֲנֵה־פִ֑יו וְדָבָ֖ר בְּעִתֹּ֣ו מַה־טֹּֽוב׃ simeḥah laʾiysh bemaʿaneh־fiyw wedavar beʿitow mah־ṭowv׃

²⁴ אֹ֣רַח חַ֭יִּים לְמַ֣עְלָה לְמַשְׂכִּ֑יל לְמַ֥עַן ס֝֗וּר מִשְּׁאֹ֥ול מָֽטָּה׃ ʾoraḥ ḥayiym lemaʿelah lemasekiyl lemaʿan sur misheʾowl maṭah׃

²⁵ בֵּ֣ית גֵּ֭אִים יִסַּ֥ח ׀ יְהוָ֑ה וְ֝יַצֵּ֗ב גְּב֣וּל אַלְמָנָֽה׃ beyt geʾiym yisaḥ ׀ yehwah weyatsev gevul ʾalemanah׃

²⁶ תֹּועֲבַ֣ת יְ֭הוָה מַחְשְׁבֹ֣ות רָ֑ע וּ֝טְהֹרִ֗ים אִמְרֵי־נֹֽעַם׃ towʿavat yehwah maḥeshevowt raʿ uṭehoriym ʾimerey־noʿam׃

²⁷ עֹכֵ֣ר בֵּ֭יתֹו בֹּוצֵ֣עַ בָּ֑צַע וְשֹׂונֵ֖א מַתָּנֹ֣ת יִחְיֶֽה׃ ʿokher beytow bowtseaʿ batsaʿ wesowneʾ matanot yiḥeyeh׃

²⁸ לֵ֣ב צַ֭דִּיק יֶהְגֶּ֣ה לַעֲנֹ֑ות וּפִ֥י רְ֝שָׁעִ֗ים יַבִּ֥יעַ רָעֹֽות׃ lev tsadiyq yehegeh laʿanowt ufiy reshaʿiym yabiyʿa raʿowt׃

²⁹ רָחֹ֣וק יְ֭הוָה מֵרְשָׁעִ֑ים וּתְפִלַּ֖ת צַדִּיקִ֣ים יִשְׁמָֽע׃ raḥowq yehwah mereshaʿiym utefilat tsadiyqiym yishemaʿ׃

³⁰ מְֽאֹור־עֵ֭ינַיִם יְשַׂמַּֽח־לֵ֑ב שְׁמוּעָ֥ה טֹ֝ובָ֗ה תְּדַשֶּׁן־עָֽצֶם׃ meʾowr־ʿeynayim yesamaḥ־lev shemuʿah ṭowvah tedashen־ʿatsem׃

³¹ אֹ֗זֶן שֹׁ֖מַעַת תֹּוכַ֣חַת חַיִּ֑ים בְּקֶ֖רֶב חֲכָמִ֣ים תָּלִֽין׃ ʾozen shomaʿat towkhaḥat ḥayiym beqerev ḥakhamiym taliyn׃

³² פֹּורֵ֣עַ מ֖וּסָר מֹואֵ֣ס נַפְשֹׁ֑ו וְשֹׁומֵ֥עַ תֹּ֝וכַ֗חַת קֹ֣ונֶה לֵּֽב׃ powreaʿ musar mowʾes nafeshow weshowmeaʿ towkhaḥat qowneh lev׃

³³ יִרְאַ֣ת יְ֭הוָה מוּסַ֣ר חָכְמָ֑ה וְלִפְנֵ֖י כָבֹ֣וד עֲנָוָֽה׃ yireʾat yehwah musar ḥakhemah welifeney khavowd ʿanawah׃