1 וּזְכֹר֙ אֶת־בֹּ֣ורְאֶ֔יךָ בִּימֵ֖י בְּחוּרֹתֶ֑יךָ עַ֣ד אֲשֶׁ֤ר לֹא־יָבֹ֙אוּ֙ יְמֵ֣י הָֽרָעָ֔ה וְהִגִּ֣יעוּ שָׁנִ֔ים אֲשֶׁ֣ר תֹּאמַ֔ר אֵֽין־לִ֥י בָהֶ֖ם חֵֽפֶץ׃ uzekhor ʾet־bowreʾeykha biymey beḥuroteykha ʿad ʾasher loʾ־yavoʾu yemey haraʿah wehigiyʿu shaniym ʾasher toʾmar ʾeyn־liy vahem ḥefets׃

2 עַ֠ד אֲשֶׁ֨ר לֹֽא־תֶחְשַׁ֤ךְ הַשֶּׁ֙מֶשׁ֙ וְהָאֹ֔ור וְהַיָּרֵ֖חַ וְהַכֹּוכָבִ֑ים וְשָׁ֥בוּ הֶעָבִ֖ים אַחַ֥ר הַגָּֽשֶׁם׃ ʿad ʾasher loʾ־teḥeshakhe hashemesh wehaʾowr wehayareaḥ wehakowkhaviym weshavu heʿaviym ʾaḥar hagashem׃

3 בַּיֹּ֗ום שֶׁיָּזֻ֙עוּ֙ שֹׁמְרֵ֣י הַבַּ֔יִת וְהִֽתְעַוְּת֖וּ אַנְשֵׁ֣י הֶחָ֑יִל וּבָטְל֤וּ הַטֹּֽחֲנֹות֙ כִּ֣י מִעֵ֔טוּ וְחָשְׁכ֥וּ הָרֹאֹ֖ות בָּאֲרֻבֹּֽות׃ bayowm sheyazuʿu shomerey habayit wehiteʿauetu ʾaneshey heḥayil uvaṭelu haṭoḥanowt kiy miʿeṭu weḥashekhu haroʾowt baʾarubowt׃

4 וְסֻגְּר֤וּ דְלָתַ֙יִם֙ בַּשּׁ֔וּק בִּשְׁפַ֖ל קֹ֣ול הַֽטַּחֲנָ֑ה וְיָקוּם֙ לְקֹ֣ול הַצִּפֹּ֔ור וְיִשַּׁ֖חוּ כָּל־בְּנֹ֥ות הַשִּֽׁיר׃ wesugeru delatayim bashuq bishefal qowl haṭaḥanah weyaqum leqowl hatsipowr weyishaḥu kal־benowt hashiyr׃

5 גַּ֣ם מִגָּבֹ֤הַּ יִרָ֙אוּ֙ וְחַתְחַתִּ֣ים בַּדֶּ֔רֶךְ וְיָנֵ֤אץ הַשָּׁקֵד֙ וְיִסְתַּבֵּ֣ל הֶֽחָגָ֔ב וְתָפֵ֖ר הָֽאֲבִיֹּונָ֑ה כִּֽי־הֹלֵ֤ךְ הָאָדָם֙ אֶל־בֵּ֣ית עֹולָמֹ֔ו וְסָבְב֥וּ בַשּׁ֖וּק הַסֹּפְדִֽים׃ gam migavoah yiraʾu weḥateḥatiym baderekhe weyaneʾts hashaqed weyisetabel heḥagav wetafer haʾaviyownah kiy־holekhe haʾadam ʾel־beyt ʿowlamow wesavevu vashuq hasofediym׃

6 עַ֣ד אֲשֶׁ֤ר לֹֽא־ [יִרחַק כ] (יֵרָתֵק֙ ק) חֶ֣בֶל הַכֶּ֔סֶף וְתָרֻ֖ץ גֻּלַּ֣ת הַזָּהָ֑ב וְתִשָּׁ֤בֶר כַּד֙ עַל־הַמַּבּ֔וּעַ וְנָרֹ֥ץ הַגַּלְגַּ֖ל אֶל־הַבֹּֽור׃ ʿad ʾasher loʾ־ [yirḥaq kh] (yerateq q) ḥevel hakesef wetaruts gulat hazahav wetishaver kad ʿal־hamabuaʿ wenarots hagalegal ʾel־habowr׃

7 וְיָשֹׁ֧ב הֶעָפָ֛ר עַל־הָאָ֖רֶץ כְּשֶׁהָיָ֑ה וְהָר֣וּחַ תָּשׁ֔וּב אֶל־הָאֱלֹהִ֖ים אֲשֶׁ֥ר נְתָנָֽהּ׃ weyashov heʿafar ʿal־haʾarets keshehayah weharuaḥ tashuv ʾel־haʾelohiym ʾasher netanah׃

8 הֲבֵ֧ל הֲבָלִ֛ים אָמַ֥ר הַקֹּוהֶ֖לֶת הַכֹּ֥ל הָֽבֶל׃ havel havaliym ʾamar haqowhelet hakol havel׃

9 וְיֹתֵ֕ר שֶׁהָיָ֥ה קֹהֶ֖לֶת חָכָ֑ם עֹ֗וד לִמַּד־דַּ֙עַת֙ אֶת־הָעָ֔ם וְאִזֵּ֣ן וְחִקֵּ֔ר תִּקֵּ֖ן מְשָׁלִ֥ים הַרְבֵּֽה׃ weyoter shehayah qohelet ḥakham ʿowd limad־daʿat ʾet־haʿam weʾizen weḥiqer tiqen meshaliym harebeh׃

10 בִּקֵּ֣שׁ קֹהֶ֔לֶת לִמְצֹ֖א דִּבְרֵי־חֵ֑פֶץ וְכָת֥וּב יֹ֖שֶׁר דִּבְרֵ֥י אֱמֶֽת׃ biqesh qohelet limetsoʾ diverey־ḥefets wekhatuv yosher diverey ʾemet׃

11 דִּבְרֵ֤י חֲכָמִים֙ כַּדָּ֣רְבֹנֹ֔ות וּֽכְמַשְׂמְרֹ֥ות נְטוּעִ֖ים בַּעֲלֵ֣י אֲסֻפֹּ֑ות נִתְּנ֖וּ מֵרֹעֶ֥ה אֶחָֽד׃ diverey ḥakhamiym kadarevonowt ukhemasemerowt neṭuʿiym baʿaley ʾasupowt nitenu meroʿeh ʾeḥad׃

12 וְיֹתֵ֥ר מֵהֵ֖מָּה בְּנִ֣י הִזָּהֵ֑ר עֲשֹׂ֨ות סְפָרִ֤ים הַרְבֵּה֙ אֵ֣ין קֵ֔ץ וְלַ֥הַג הַרְבֵּ֖ה יְגִעַ֥ת בָּשָֽׂר׃ weyoter mehemah beniy hizaher ʿasowt sefariym harebeh ʾeyn qets welahag harebeh yegiʿat basar׃

13 סֹ֥וף דָּבָ֖ר הַכֹּ֣ל נִשְׁמָ֑ע אֶת־הָאֱלֹהִ֤ים יְרָא֙ וְאֶת־מִצְוֹתָ֣יו שְׁמֹ֔ור כִּי־זֶ֖ה כָּל־הָאָדָֽם׃ sowf davar hakol nishemaʿ ʾet־haʾelohiym yeraʾ weʾet־mitseotayw shemowr kiy־zeh kal־haʾadam׃

14 כִּ֤י אֶת־כָּל־מַֽעֲשֶׂ֔ה הָאֱלֹהִ֛ים יָבִ֥א בְמִשְׁפָּ֖ט עַ֣ל כָּל־נֶעְלָ֑ם אִם־טֹ֖וב וְאִם־רָֽע׃ kiy ʾet־kal־maʿaseh haʾelohiym yaviʾ vemishepaṭ ʿal kal־neʿelam ʾim־ṭowv weʾim־raʿ׃