Psaumes 22

¹ לַ֭מְנַצֵּחַ עַל־אַיֶּ֥לֶת הַשַּׁ֗חַר מִזְמֹ֥ור לְדָוִֽד׃ lamenatseaḥ ʿal־ʾayelet hashaḥar mizemowr ledawid׃

² אֵלִ֣י אֵ֭לִי לָמָ֣ה עֲזַבְתָּ֑נִי רָחֹ֥וק מִֽ֝ישׁוּעָתִ֗י דִּבְרֵ֥י שַׁאֲגָתִֽי׃ ʾeliy ʾeliy lamah ʿazavetaniy raḥowq miyshuʿatiy diverey shaʾagatiy׃

³ אֱ‍ֽלֹהַ֗י אֶקְרָ֣א יֹ֖ומָם וְלֹ֣א תַעֲנֶ֑ה וְ֝לַ֗יְלָה וְֽלֹא־דֽוּמִיָּ֥ה לִֽי׃ א‍lohay ʾeqeraʾ yowmam weloʾ taʿaneh welayelah weloʾ־dumiyah liy׃

⁴ וְאַתָּ֥ה קָדֹ֑ושׁ יֹ֝ושֵׁ֗ב תְּהִלֹּ֥ות יִשְׂרָאֵֽל׃ weʾatah qadowsh yowshev tehilowt yiseraʾel׃

⁵ בְּ֭ךָ בָּטְח֣וּ אֲבֹתֵ֑ינוּ בָּ֝טְח֗וּ וַֽתְּפַלְּטֵֽמֹו׃ bekha baṭeḥu ʾavoteynu baṭeḥu watefaleṭemow׃

⁶ אֵלֶ֣יךָ זָעֲק֣וּ וְנִמְלָ֑טוּ בְּךָ֖ בָטְח֣וּ וְלֹא־בֹֽושׁוּ׃ ʾeleykha zaʿaqu wenimelaṭu bekha vaṭeḥu weloʾ־vowshu׃

⁷ וְאָנֹכִ֣י תֹולַ֣עַת וְלֹא־אִ֑ישׁ חֶרְפַּ֥ת אָ֝דָ֗ם וּבְז֥וּי עָֽם׃ weʾanokhiy towlaʿat weloʾ־ʾiysh ḥerepat ʾadam uvezuy ʿam׃

⁸ כָּל־רֹ֭אַי יַלְעִ֣גוּ לִ֑י יַפְטִ֥ירוּ בְ֝שָׂפָ֗ה יָנִ֥יעוּ רֹֽאשׁ׃ kal־roʾay yaleʿigu liy yafeṭiyru vesafah yaniyʿu roʾsh׃

⁹ גֹּ֣ל אֶל־יְהוָ֣ה יְפַלְּטֵ֑הוּ יַ֝צִּילֵ֗הוּ כִּ֘י חָ֥פֵֽץ בֹּֽו׃ gol ʾel־yehwah yefaleṭehu yatsiylehu kiy ḥafets bow׃

¹⁰ כִּֽי־אַתָּ֣ה גֹחִ֣י מִבָּ֑טֶן מַ֝בְטִיחִ֗י עַל־שְׁדֵ֥י אִמִּֽי׃ kiy־ʾatah goḥiy mibaṭen maveṭiyḥiy ʿal־shedey ʾimiy׃

¹¹ עָ֭לֶיךָ הָשְׁלַ֣כְתִּי מֵרָ֑חֶם מִבֶּ֥טֶן אִ֝מִּ֗י אֵ֣לִי אָֽתָּה׃ ʿaleykha hashelakhetiy meraḥem mibeṭen ʾimiy ʾeliy ʾatah׃

¹² אַל־תִּרְחַ֣ק מִ֭מֶּנִּי כִּי־צָרָ֣ה קְרֹובָ֑ה כִּי־אֵ֥ין עֹוזֵֽר׃ ʾal־tireḥaq mimeniy kiy־tsarah qerowvah kiy־ʾeyn ʿowzer׃

¹³ סְ֭בָבוּנִי פָּרִ֣ים רַבִּ֑ים אַבִּירֵ֖י בָשָׁ֣ן כִּתְּרֽוּנִי׃ sevavuniy pariym rabiym ʾabiyrey vashan kiteruniy׃

¹⁴ פָּצ֣וּ עָלַ֣י פִּיהֶ֑ם אַ֝רְיֵ֗ה טֹרֵ֥ף וְשֹׁאֵֽג׃ patsu ʿalay piyhem ʾareyeh ṭoref weshoʾeg׃

¹⁵ כַּמַּ֥יִם נִשְׁפַּכְתִּי֮ וְהִתְפָּֽרְד֗וּ כָּֽל־עַצְמֹ֫ותָ֥י הָיָ֣ה לִ֭בִּי כַּדֹּונָ֑ג נָ֝מֵ֗ס בְּתֹ֣וךְ מֵעָֽי׃ kamayim nishepakhetiy wehiteparedu kal־ʿatsemowtay hayah libiy kadownag names betowkhe meʿay׃

¹⁶ יָ֘בֵ֤שׁ כַּחֶ֨רֶשׂ ׀ כֹּחִ֗י וּ֖לְשֹׁונִי מֻדְבָּ֣ק מַלְקֹוחָ֑י וְֽלַעֲפַר־מָ֥וֶת תִּשְׁפְּתֵֽנִי׃ yavesh kaḥeres ׀ koḥiy uleshowniy mudebaq maleqowḥay welaʿafar־mawet tishepeteniy׃

¹⁷ כִּ֥י סְבָב֗וּנִי כְּלָ֫בִ֥ים עֲדַ֣ת מְ֭רֵעִים הִקִּיפ֑וּנִי כָּ֝אֲרִ֗י יָדַ֥י וְרַגְלָֽי׃ kiy sevavuniy kelaviym ʿadat mereʿiym hiqiyfuniy kaʾariy yaday weragelay׃

¹⁸ אֲסַפֵּ֥ר כָּל־עַצְמֹותָ֑י הֵ֥מָּה יַ֝בִּ֗יטוּ יִרְאוּ־בִֽי׃ ʾasaper kal־ʿatsemowtay hemah yabiyṭu yireʾu־viy׃

¹⁹ יְחַלְּק֣וּ בְגָדַ֣י לָהֶ֑ם וְעַל־לְ֝בוּשִׁ֗י יַפִּ֥ילוּ גֹורָֽל׃ yeḥalequ vegaday lahem weʿal־levushiy yapiylu gowral׃

²⁰ וְאַתָּ֣ה יְ֭הוָה אַל־תִּרְחָ֑ק אֱ֝יָלוּתִ֗י לְעֶזְרָ֥תִי חֽוּשָׁה׃ weʾatah yehwah ʾal־tireḥaq ʾeyalutiy leʿezeratiy ḥushah׃

²¹ הַצִּ֣ילָה מֵחֶ֣רֶב נַפְשִׁ֑י מִיַּד־כֶּ֝֗לֶב יְחִידָתִֽי׃ hatsiylah meḥerev nafeshiy miyad־kelev yeḥiydatiy׃

²² הֹ֭ושִׁיעֵנִי מִפִּ֣י אַרְיֵ֑ה וּמִקַּרְנֵ֖י רֵמִ֣ים עֲנִיתָֽנִי׃ howshiyʿeniy mipiy ʾareyeh umiqareney remiym ʿaniytaniy׃

²³ אֲסַפְּרָ֣ה שִׁמְךָ֣ לְאֶחָ֑י בְּתֹ֖וךְ קָהָ֣ל אֲהַלְלֶֽךָּ׃ ʾasaperah shimekha leʾeḥay betowkhe qahal ʾahaleleka׃

²⁴ יִרְאֵ֤י יְהוָ֨ה ׀ הַֽלְל֗וּהוּ כָּל־זֶ֣רַע יַעֲקֹ֣ב כַּבְּד֑וּהוּ וְג֥וּרוּ מִ֝מֶּ֗נּוּ כָּל־זֶ֥רַע יִשְׂרָאֵֽל׃ yireʾey yehwah ׀ haleluhu kal־zeraʿ yaʿaqov kabeduhu weguru mimenu kal־zeraʿ yiseraʾel׃

²⁵ כִּ֤י לֹֽא־בָזָ֨ה וְלֹ֪א שִׁקַּ֡ץ עֱנ֬וּת עָנִ֗י וְלֹא־הִסְתִּ֣יר פָּנָ֣יו מִמֶּ֑נּוּ וּֽבְשַׁוְּעֹ֖ו אֵלָ֣יו שָׁמֵֽעַ׃ kiy loʾ־vazah weloʾ shiqats ʿenut ʿaniy weloʾ־hisetiyr panayw mimenu uveshaueʿow ʾelayw shameaʿ׃

²⁶ מֵ֥אִתְּךָ֗ תְֽהִלָּ֫תִ֥י בְּקָהָ֥ל רָ֑ב נְדָרַ֥י אֲ֝שַׁלֵּ֗ם נֶ֣גֶד יְרֵאָֽיו׃ meʾitekha tehilatiy beqahal rav nedaray ʾashalem neged yereʾayw׃

²⁷ יֹאכְל֬וּ עֲנָוִ֨ים ׀ וְיִשְׂבָּ֗עוּ יְהַֽלְל֣וּ יְ֭הוָה דֹּ֣רְשָׁ֑יו יְחִ֖י לְבַבְכֶ֣ם לָעַֽד׃ yoʾkhelu ʿanawiym ׀ weyisebaʿu yehalelu yehwah doreshayw yeḥiy levavekhem laʿad׃

²⁸ יִזְכְּר֤וּ ׀ וְיָשֻׁ֣בוּ אֶל־יְ֭הוָה כָּל־אַפְסֵי־אָ֑רֶץ וְיִֽשְׁתַּחֲו֥וּ לְ֝פָנֶ֗יךָ כָּֽל־מִשְׁפְּחֹ֥ות גֹּויִֽם׃ yizekeru ׀ weyashuvu ʾel־yehwah kal־ʾafesey־ʾarets weyishetaḥawu lefaneykha kal־mishepeḥowt gowyim׃

²⁹ כִּ֣י לַ֭יהוָה הַמְּלוּכָ֑ה וּ֝מֹשֵׁ֗ל בַּגֹּויִֽם׃ kiy layhwah hamelukhah umoshel bagowyim׃

³⁰ אָכְל֬וּ וַיִּֽשְׁתַּחֲוּ֨וּ ׀ כָּֽל־דִּשְׁנֵי־אֶ֗רֶץ לְפָנָ֣יו יִ֭כְרְעוּ כָּל־יֹורְדֵ֣י עָפָ֑ר וְ֝נַפְשֹׁ֗ו לֹ֣א חִיָּֽה׃ ʾakhelu wayishetaḥauu ׀ kal־disheney־ʾerets lefanayw yikhereʿu kal־yowredey ʿafar wenafeshow loʾ ḥiyah׃

³¹ זֶ֥רַע יַֽעַבְדֶ֑נּוּ יְסֻפַּ֖ר לַֽאדֹנָ֣י לַדֹּֽור׃ zeraʿ yaʿavedenu yesupar laʾdonay ladowr׃

³² יָ֭בֹאוּ וְיַגִּ֣ידוּ צִדְקָתֹ֑ו לְעַ֥ם נֹ֝ולָ֗ד כִּ֣י עָשָֽׂה׃ yavoʾu weyagiydu tsideqatow leʿam nowlad kiy ʿasah׃