Job 32

¹ וַֽיִּשְׁבְּת֡וּ שְׁלֹ֤שֶׁת הָאֲנָשִׁ֣ים הָ֭אֵלֶּה מֵעֲנֹ֣ות אֶת־אִיֹּ֑וב כִּ֤י ה֖וּא צַדִּ֣יק בְּעֵינָֽיו׃ פ wayishebetu sheloshet haʾanashiym haʾeleh meʿanowt ʾet־ʾiyowv kiy huʾ tsadiyq beʿeynayw׃ f

² וַיִּ֤חַר אַ֨ף ׀ אֱלִיה֣וּא בֶן־בַּרַכְאֵ֣ל הַבּוּזִי֮ מִמִּשְׁפַּ֪חַ֫ת רָ֥ם בְּ֭אִיֹּוב חָרָ֣ה אַפֹּ֑ו עַֽל־צַדְּקֹ֥ו נַ֝פְשֹׁ֗ו מֵאֱלֹהִֽים׃ wayiḥar ʾaf ׀ ʾeliyhuʾ ven־barakheʾel habuziy mimishepaḥat ram beʾiyowv ḥarah ʾapow ʿal־tsadeqow nafeshow meʾelohiym׃

³ וּבִשְׁלֹ֣שֶׁת רֵעָיו֮ חָרָ֪ה אַ֫פֹּ֥ו עַ֤ל אֲשֶׁ֣ר לֹא־מָצְא֣וּ מַעֲנֶ֑ה וַ֝יַּרְשִׁ֗יעוּ אֶת־אִיֹּֽוב׃ uvisheloshet reʿayw ḥarah ʾapow ʿal ʾasher loʾ־matseʾu maʿaneh wayareshiyʿu ʾet־ʾiyowv׃

⁴ וֶֽאֱלִיה֗וּ חִכָּ֣ה אֶת־אִ֭יֹּוב בִּדְבָרִ֑ים כִּ֤י זְֽקֵנִים־הֵ֖מָּה מִמֶּ֣נּוּ לְיָמִֽים׃ weʾeliyhu ḥikah ʾet־ʾiyowv bidevariym kiy zeqeniym־hemah mimenu leyamiym׃

⁵ וַיַּ֤רְא אֱלִיה֗וּא כִּ֘י אֵ֤ין מַעֲנֶ֗ה בְּ֭פִי שְׁלֹ֥שֶׁת הָאֲנָשִׁ֗ים וַיִּ֥חַר אַפֹּֽו׃ פ wayareʾ ʾeliyhuʾ kiy ʾeyn maʿaneh befiy sheloshet haʾanashiym wayiḥar ʾapow׃ f

⁶ וַיַּ֤עַן ׀ אֱלִיה֖וּא בֶן־בַּֽרַכְאֵ֥ל הַבּוּזִ֗י וַיֹּ֫אמַ֥ר צָ֘עִ֤יר אֲנִ֣י לְ֭יָמִים וְאַתֶּ֣ם יְשִׁישִׁ֑ים עַל־כֵּ֖ן זָחַ֥לְתִּי וָֽאִירָ֓א ׀ מֵחַוֹּ֖ת דֵּעִ֣י אֶתְכֶֽם׃ wayaʿan ׀ ʾeliyhuʾ ven־barakheʾel habuziy wayoʾmar tsaʿiyr ʾaniy leyamiym weʾatem yeshiyshiym ʿal־ken zaḥaletiy waʾiyraʾ ׀ meḥaot deʿiy ʾetekhem׃

⁷ אָ֭מַרְתִּי יָמִ֣ים יְדַבֵּ֑רוּ וְרֹ֥ב נִ֗ים יֹדִ֥יעוּ חָכְמָֽה׃ ʾamaretiy yamiym yedaberu werov niym yodiyʿu ḥakhemah׃

⁸ אָ֭כֵן רֽוּחַ־הִ֣יא בֶאֱנֹ֑ושׁ וְנִשְׁמַ֖ת שַׁדַּ֣י תְּבִינֵֽם׃ ʾakhen ruaḥ־hiyʾ veʾenowsh wenishemat shaday teviynem׃

⁹ לֹֽא־רַבִּ֥ים יֶחְכָּ֑מוּ וּ֝זְקֵנִ֗ים יָבִ֥ינוּ מִשְׁפָּֽט׃ loʾ־rabiym yeḥekamu uzeqeniym yaviynu mishepaṭ׃

¹⁰ לָכֵ֣ן אָ֭מַרְתִּי שִׁמְעָה־לִּ֑י אֲחַוֶּ֖ה דֵּעִ֣י אַף־אָֽנִי׃ lakhen ʾamaretiy shimeʿah־liy ʾaḥaueh deʿiy ʾaf־ʾaniy׃

¹¹ הֵ֤ן הֹוחַ֨לְתִּי לְֽדִבְרֵיכֶ֗ם אָ֭זִין עַד־תְּב֥וּנֹֽתֵיכֶ֑ם עַֽד־תַּחְקְר֥וּן מִלִּֽין׃ hen howḥaletiy ledivereykhem ʾaziyn ʿad־tevunoteykhem ʿad־taḥeqerun miliyn׃

¹² וְעָֽדֵיכֶ֗ם אֶתְבֹּ֫ונָ֥ן וְהִנֵּ֤ה אֵ֣ין לְאִיֹּ֣וב מֹוכִ֑יחַ עֹונֶ֖ה אֲמָרָ֣יו מִכֶּֽם׃ weʿadeykhem ʾetebownan wehineh ʾeyn leʾiyowv mowkhiyḥa ʿowneh ʾamarayw mikem׃

¹³ פֶּן־תֹּ֣֭אמְרוּ מָצָ֣אנוּ חָכְמָ֑ה אֵ֖ל יִדְּפֶ֣נּוּ לֹא־אִֽישׁ׃ pen־toʾmeru matsaʾnu ḥakhemah ʾel yidefenu loʾ־ʾiysh׃

¹⁴ וְלֹא־עָרַ֣ךְ אֵלַ֣י מִלִּ֑ין וּ֝בְאִמְרֵיכֶ֗ם לֹ֣א אֲשִׁיבֶֽנּוּ׃ weloʾ־ʿarakhe ʾelay miliyn uveʾimereykhem loʾ ʾashiyvenu׃

¹⁵ חַ֭תּוּ לֹא־עָ֣נוּ עֹ֑וד הֶעְתִּ֖יקוּ מֵהֶ֣ם מִלִּֽים׃ ḥatu loʾ־ʿanu ʿowd heʿetiyqu mehem miliym׃

¹⁶ וְ֭הֹוחַלְתִּי כִּי־לֹ֣א יְדַבֵּ֑רוּ כִּ֥י עָ֝מְד֗וּ לֹא־עָ֥נוּ עֹֽוד׃ wehowḥaletiy kiy־loʾ yedaberu kiy ʿamedu loʾ־ʿanu ʿowd׃

¹⁷ אַעֲנֶ֣ה אַף־אֲנִ֣י חֶלְקִ֑י אֲחַוֶּ֖ה דֵעִ֣י אַף־אָֽנִי׃ ʾaʿaneh ʾaf־ʾaniy ḥeleqiy ʾaḥaueh deʿiy ʾaf־ʾaniy׃

¹⁸ כִּ֭י מָלֵ֣תִי מִלִּ֑ים הֱ֝צִיקַ֗תְנִי ר֣וּחַ בִּטְנִֽי׃ kiy maletiy miliym hetsiyqateniy ruaḥ biṭeniy׃

¹⁹ הִנֵּֽה־בִטְנִ֗י כְּיַ֥יִן לֹא־יִפָּתֵ֑חַ כְּאֹבֹ֥ות חֲ֝דָשִׁ֗ים יִבָּקֵֽעַ׃ hineh־viṭeniy keyayin loʾ־yipateaḥ keʾovowt ḥadashiym yibaqeaʿ׃

²⁰ אֲדַבְּרָ֥ה וְיִֽרְוַֽח־לִ֑י אֶפְתַּ֖ח שְׂפָתַ֣י וְאֶֽעֱנֶֽה׃ ʾadaberah weyirewaḥ־liy ʾefetaḥ sefatay weʾeʿeneh׃

²¹ אַל־נָ֭א אֶשָּׂ֣א פְנֵי־אִ֑ישׁ וְאֶל־אָ֝דָ֗ם לֹ֣א אֲכַנֶּֽה׃ ʾal־naʾ ʾesaʾ feney־ʾiysh weʾel־ʾadam loʾ ʾakhaneh׃

²² כִּ֤י לֹ֣א יָדַ֣עְתִּי אֲכַנֶּ֑ה כִּ֝מְעַ֗ט יִשָּׂאֵ֥נִי עֹשֵֽׂנִי׃ kiy loʾ yadaʿetiy ʾakhaneh kimeʿaṭ yisaʾeniy ʿoseniy׃