2 Chroniques 30

¹ וַיִּשְׁלַ֨ח יְחִזְקִיָּ֜הוּ עַל־כָּל־יִשְׂרָאֵ֣ל וִֽיהוּדָ֗ה וְגַֽם־אִגְּרֹות֙ כָּתַב֙ עַל־אֶפְרַ֣יִם וּמְנַשֶּׁ֔ה לָבֹ֥וא לְבֵית־יְהוָ֖ה בִּֽירוּשָׁלִָ֑ם לַעֲשֹׂ֣ות פֶּ֔סַח לַיהוָ֖ה אֱלֹהֵ֥י יִשְׂרָאֵֽל׃ wayishelaḥ yeḥizeqiyahu ʿal־kal־yiseraʾel wiyhudah wegam־ʾigerowt katav ʿal־ʾeferayim umenasheh lavowʾ leveyt־yehwah biyrushalim laʿasowt pesaḥ layhwah ʾelohey yiseraʾel׃

² וַיִּוָּעַ֨ץ הַמֶּ֧לֶךְ וְשָׂרָ֛יו וְכָל־הַקָּהָ֖ל בִּירוּשָׁלִָ֑ם לַעֲשֹׂ֥ות הַפֶּ֖סַח בַּחֹ֥דֶשׁ הַשֵּׁנִֽי׃ wayiuaʿats hamelekhe wesarayw wekhal־haqahal biyrushalim laʿasowt hapesaḥ baḥodesh hasheniy׃

³ כִּ֣י לֹ֧א יָכְל֛וּ לַעֲשֹׂתֹ֖ו בָּעֵ֣ת הַהִ֑יא כִּ֤י הַכֹּהֲנִים֙ לֹֽא־הִתְקַדְּשׁ֣וּ לְמַדַּ֔י וְהָעָ֖ם לֹא־נֶאֶסְפ֖וּ לִֽירוּשָׁלִָֽם׃ kiy loʾ yakhelu laʿasotow baʿet hahiyʾ kiy hakohaniym loʾ־hiteqadeshu lemaday wehaʿam loʾ־neʾesefu liyrushalim׃

⁴ וַיִּישַׁ֥ר הַדָּבָ֖ר בְּעֵינֵ֣י הַמֶּ֑לֶךְ וּבְעֵינֵ֖י כָּל־הַקָּהָֽל׃ wayiyshar hadavar beʿeyney hamelekhe uveʿeyney kal־haqahal׃

⁵ וַיַּֽעֲמִ֣ידוּ דָבָ֗ר לְהַעֲבִ֨יר קֹ֤ול בְּכָל־יִשְׂרָאֵל֙ מִבְּאֵֽר־שֶׁ֣בַע וְעַד־דָּ֔ן לָבֹ֞וא לַעֲשֹׂ֥ות פֶּ֛סַח לַיהוָ֥ה אֱלֹהֵֽי־יִשְׂרָאֵ֖ל בִּירוּשָׁלִָ֑ם כִּ֣י לֹ֥א לָרֹ֛ב עָשׂ֖וּ כַּכָּתֽוּב׃ wayaʿamiydu davar lehaʿaviyr qowl bekhal־yiseraʾel mibeʾer־shevaʿ weʿad־dan lavowʾ laʿasowt pesaḥ layhwah ʾelohey־yiseraʾel biyrushalim kiy loʾ larov ʿasu kakatuv׃

⁶ וַיֵּלְכוּ֩ הָרָצִ֨ים בָּֽאִגְּרֹ֜ות מִיַּ֧ד הַמֶּ֣לֶךְ וְשָׂרָ֗יו בְּכָל־יִשְׂרָאֵל֙ וִֽיהוּדָ֔ה וּכְמִצְוַ֥ת הַמֶּ֖לֶךְ לֵאמֹ֑ר בְּנֵ֣י יִשְׂרָאֵ֗ל שׁ֤וּבוּ אֶל־יְהוָ֗ה אֱלֹהֵי֙ אַבְרָהָם֙ יִצְחָ֣ק וְיִשְׂרָאֵ֔ל וְיָשֹׁב֙ אֶל־הַפְּלֵיטָ֔ה הַנִּשְׁאֶ֣רֶת לָכֶ֔ם מִכַּ֖ף מַלְכֵ֥י אַשּֽׁוּר׃ wayelekhu haratsiym baʾigerowt miyad hamelekhe wesarayw bekhal־yiseraʾel wiyhudah ukhemitsewat hamelekhe leʾmor beney yiseraʾel shuvu ʾel־yehwah ʾelohey ʾaveraham yitseḥaq weyiseraʾel weyashov ʾel־hapeleyṭah hanisheʾeret lakhem mikaf malekhey ʾashur׃

⁷ וְאַל־תִּֽהְי֗וּ כַּאֲבֹֽותֵיכֶם֙ וְכַ֣אֲחֵיכֶ֔ם אֲשֶׁ֣ר מָעֲל֔וּ בַּיהוָ֖ה אֱלֹהֵ֣י אֲבֹותֵיהֶ֑ם וַיִּתְּנֵ֣ם לְשַׁמָּ֔ה כַּאֲשֶׁ֖ר אַתֶּ֥ם רֹאִֽים׃ weʾal־tiheyu kaʾavowteykhem wekhaʾaḥeykhem ʾasher maʿalu bayhwah ʾelohey ʾavowteyhem wayitenem leshamah kaʾasher ʾatem roʾiym׃

⁸ עַתָּ֕ה אַל־תַּקְשׁ֥וּ עָרְפְּכֶ֖ם כַּאֲבֹותֵיכֶ֑ם תְּנוּ־יָ֣ד לַיהוָ֗ה וּבֹ֤אוּ לְמִקְדָּשֹׁו֙ אֲשֶׁ֣ר הִקְדִּ֣ישׁ לְעֹולָ֔ם וְעִבְדוּ֙ אֶת־יְהוָ֣ה אֱלֹהֵיכֶ֔ם וְיָשֹׁ֥ב מִכֶּ֖ם חֲרֹ֥ון אַפֹּֽו׃ ʿatah ʾal־taqeshu ʿarepekhem kaʾavowteykhem tenu־yad layhwah uvoʾu lemiqedashow ʾasher hiqediysh leʿowlam weʿivedu ʾet־yehwah ʾeloheykhem weyashov mikem ḥarown ʾapow׃

⁹ כִּ֣י בְשׁוּבְכֶ֞ם עַל־יְהוָ֗ה אֲחֵיכֶ֨ם וּבְנֵיכֶ֤ם לְרַחֲמִים֙ לִפְנֵ֣י שֹֽׁובֵיהֶ֔ם וְלָשׁ֖וּב לָאָ֣רֶץ הַזֹּ֑את כִּֽי־חַנּ֤וּן וְרַחוּם֙ יְהוָ֣ה אֱלֹהֵיכֶ֔ם וְלֹא־יָסִ֤יר פָּנִים֙ מִכֶּ֔ם אִם־תָּשׁ֖וּבוּ אֵלָֽיו׃ פ kiy veshuvekhem ʿal־yehwah ʾaḥeykhem uveneykhem leraḥamiym lifeney showveyhem welashuv laʾarets hazoʾt kiy־ḥanun weraḥum yehwah ʾeloheykhem weloʾ־yasiyr paniym mikem ʾim־tashuvu ʾelayw׃ f

¹⁰ וַיִּֽהְי֨וּ הָרָצִ֜ים עֹבְרִ֨ים מֵעִ֧יר ׀ לָעִ֛יר בְּאֶֽרֶץ־אֶפְרַ֥יִם וּמְנַשֶּׁ֖ה וְעַד־זְבֻל֑וּן וַיִּֽהְיוּ֙ מַשְׂחִיקִ֣ים עֲלֵיהֶ֔ם וּמַלְעִגִ֖ים בָּֽם׃ wayiheyu haratsiym ʿoveriym meʿiyr ׀ laʿiyr beʾerets־ʾeferayim umenasheh weʿad־zevulun wayiheyu maseḥiyqiym ʿaleyhem umaleʿigiym bam׃

¹¹ אַךְ־אֲנָשִׁ֛ים מֵאָשֵׁ֥ר וּמְנַשֶּׁ֖ה וּמִזְּבֻל֑וּן נִֽכְנְע֔וּ וַיָּבֹ֖אוּ לִירוּשָׁלִָֽם׃ ʾakhe־ʾanashiym meʾasher umenasheh umizevulun nikheneʿu wayavoʾu liyrushalim׃

¹² גַּ֣ם בִּיהוּדָ֗ה הָֽיְתָה֙ יַ֣ד הָאֱלֹהִ֔ים לָתֵ֥ת לָהֶ֖ם לֵ֣ב אֶחָ֑ד לַעֲשֹׂ֞ות מִצְוַ֥ת הַמֶּ֛לֶךְ וְהַשָּׂרִ֖ים בִּדְבַ֥ר יְהוָֽה׃ gam biyhudah hayetah yad haʾelohiym latet lahem lev ʾeḥad laʿasowt mitsewat hamelekhe wehasariym bidevar yehwah׃

¹³ וַיֵּֽאָסְפ֤וּ יְרוּשָׁלִַ֙ם֙ עַם־רָ֔ב לַעֲשֹׂ֛ות אֶת־חַ֥ג הַמַּצֹּ֖ות בַּחֹ֣דֶשׁ הַשֵּׁנִ֑י קָהָ֖ל לָרֹ֥ב מְאֹֽד׃ wayeʾasefu yerushalim ʿam־rav laʿasowt ʾet־ḥag hamatsowt baḥodesh hasheniy qahal larov meʾod׃

¹⁴ וַיָּקֻ֕מוּ וַיָּסִ֙ירוּ֙ אֶת־הַֽמִּזְבְּחֹ֔ות אֲשֶׁ֖ר בִּירוּשָׁלִָ֑ם וְאֵ֤ת כָּל־הַֽמְקַטְּרֹות֙ הֵסִ֔ירוּ וַיַּשְׁלִ֖יכוּ לְנַ֥חַל קִדְרֹֽון׃ wayaqumu wayasiyru ʾet־hamizebeḥowt ʾasher biyrushalim weʾet kal־hameqaṭerowt hesiyru wayasheliykhu lenaḥal qiderown׃

¹⁵ וַיִּשְׁחֲט֣וּ הַפֶּ֔סַח בְּאַרְבָּעָ֥ה עָשָׂ֖ר לַחֹ֣דֶשׁ הַשֵּׁנִ֑י וְהַכֹּהֲנִ֨ים וְהַלְוִיִּ֤ם נִכְלְמוּ֙ וַיִּֽתְקַדְּשׁ֔וּ וַיָּבִ֥יאוּ עֹלֹ֖ות בֵּ֥ית יְהוָֽה׃ wayisheḥaṭu hapesaḥ beʾarebaʿah ʿasar laḥodesh hasheniy wehakohaniym wehalewiyim nikhelemu wayiteqadeshu wayaviyʾu ʿolowt beyt yehwah׃

¹⁶ וַיַּֽעַמְד֤וּ עַל־עָמְדָם֙ כְּמִשְׁפָּטָ֔ם כְּתֹורַ֖ת מֹשֶׁ֣ה אִישׁ־הָאֱלֹהִ֑ים הַכֹּֽהֲנִים֙ זֹרְקִ֣ים אֶת־הַדָּ֔ם מִיַּ֖ד הַלְוִיִּֽם׃ wayaʿamedu ʿal־ʿamedam kemishepaṭam ketowrat mosheh ʾiysh־haʾelohiym hakohaniym zoreqiym ʾet־hadam miyad halewiyim׃

¹⁷ כִּי־רַבַּ֥ת בַּקָּהָ֖ל אֲשֶׁ֣ר לֹא־הִתְקַדָּ֑שׁוּ וְהַלְוִיִּ֞ם עַל־שְׁחִיטַ֣ת הַפְּסָחִ֗ים לְכֹל֙ לֹ֣א טָהֹ֔ור לְהַקְדִּ֖ישׁ לַיהוָֽה׃ kiy־rabat baqahal ʾasher loʾ־hiteqadashu wehalewiyim ʿal־sheḥiyṭat hapesaḥiym lekhol loʾ ṭahowr lehaqediysh layhwah׃

¹⁸ כִּ֣י מַרְבִּ֣ית הָעָ֡ם רַ֠בַּת מֵֽאֶפְרַ֨יִם וּמְנַשֶּׁ֜ה יִשָּׂשכָ֤ר וּזְבֻלוּן֙ לֹ֣א הִטֶּהָ֔רוּ כִּֽי־אָכְל֥וּ אֶת־הַפֶּ֖סַח בְּלֹ֣א כַכָּת֑וּב כִּי֩ הִתְפַּלֵּ֨ל יְחִזְקִיָּ֤הוּ עֲלֵיהֶם֙ לֵאמֹ֔ר יְהוָ֥ה הַטֹּ֖וב יְכַפֵּ֥ר בְּעַֽד׃ kiy marebiyt haʿam rabat meʾeferayim umenasheh yisashkhar uzevulun loʾ hiṭeharu kiy־ʾakhelu ʾet־hapesaḥ beloʾ khakatuv kiy hitepalel yeḥizeqiyahu ʿaleyhem leʾmor yehwah haṭowv yekhaper beʿad׃

¹⁹ כָּל־לְבָבֹ֣ו הֵכִ֔ין לִדְרֹ֛ושׁ הָאֱלֹהִ֥ים ׀ יְהוָ֖ה אֱלֹהֵ֣י אֲבֹותָ֑יו וְלֹ֖א כְּטָהֳרַ֥ת הַקֹּֽדֶשׁ׃ ס kal־levavow hekhiyn liderowsh haʾelohiym ׀ yehwah ʾelohey ʾavowtayw weloʾ keṭahorat haqodesh׃ s

²⁰ וַיִּשְׁמַ֤ע יְהוָה֙ אֶל־יְחִזְקִיָּ֔הוּ וַיִּרְפָּ֖א אֶת־הָעָֽם׃ ס wayishemaʿ yehwah ʾel־yeḥizeqiyahu wayirepaʾ ʾet־haʿam׃ s

²¹ וַיַּעֲשׂ֣וּ בְנֵֽי־יִ֠שְׂרָאֵל הַנִּמְצְאִ֨ים בִּירוּשָׁלִַ֜ם אֶת־חַ֧ג הַמַּצֹּ֛ות שִׁבְעַ֥ת יָמִ֖ים בְּשִׂמְחָ֣ה גְדֹולָ֑ה וּֽמְהַלְלִ֣ים לַ֠יהוָה יֹ֣ום ׀ בְּיֹ֞ום הַלְוִיִּ֧ם וְהַכֹּהֲנִ֛ים בִּכְלֵי־עֹ֖ז לַיהוָֽה׃ ס wayaʿasu veney־yiseraʾel hanimetseʾiym biyrushalim ʾet־ḥag hamatsowt shiveʿat yamiym besimeḥah gedowlah umehaleliym layhwah yowm ׀ beyowm halewiyim wehakohaniym bikheley־ʿoz layhwah׃ s

²² וַיְדַבֵּ֣ר יְחִזְקִיָּ֗הוּ עַל־לֵב֙ כָּל־הַלְוִיִּ֔ם הַמַּשְׂכִּילִ֥ים שֵֽׂכֶל־טֹ֖וב לַיהוָ֑ה וַיֹּאכְל֤וּ אֶת־הַמֹּועֵד֙ שִׁבְעַ֣ת הַיָּמִ֔ים מְזַבְּחִים֙ זִבְחֵ֣י שְׁלָמִ֔ים וּמִ֨תְוַדִּ֔ים לַיהוָ֖ה אֱלֹהֵ֥י אֲבֹותֵיהֶֽם׃ ס wayedaber yeḥizeqiyahu ʿal־lev kal־halewiyim hamasekiyliym sekhel־ṭowv layhwah wayoʾkhelu ʾet־hamowʿed shiveʿat hayamiym mezabeḥiym ziveḥey shelamiym umitewadiym layhwah ʾelohey ʾavowteyhem׃ s

²³ וַיִּוָּֽעֲצוּ֙ כָּל־הַקָּהָ֔ל לַעֲשֹׂ֕ות שִׁבְעַ֥ת יָמִ֖ים אֲחֵרִ֑ים וַיַּֽעֲשׂ֥וּ שִׁבְעַת־יָמִ֖ים שִׂמְחָֽה׃ wayiuaʿatsu kal־haqahal laʿasowt shiveʿat yamiym ʾaḥeriym wayaʿasu shiveʿat־yamiym simeḥah׃

²⁴ כִּ֣י חִזְקִיָּ֣הוּ מֶֽלֶךְ־יְ֠הוּדָה הֵרִ֨ים לַקָּהָ֜ל אֶ֣לֶף פָּרִים֮ וְשִׁבְעַ֣ת אֲלָפִ֣ים צֹאן֒ ס וְהַשָּׂרִ֞ים הֵרִ֤ימוּ לַקָּהָל֙ פָּרִ֣ים אֶ֔לֶף וְצֹ֖אן עֲשֶׂ֣רֶת אֲלָפִ֑ים וַיִּֽתְקַדְּשׁ֥וּ כֹהֲנִ֖ים לָרֹֽב׃ kiy ḥizeqiyahu melekhe־yehudah heriym laqahal ʾelef pariym weshiveʿat ʾalafiym tsoʾn s wehasariym heriymu laqahal pariym ʾelef wetsoʾn ʿaseret ʾalafiym wayiteqadeshu khohaniym larov׃

²⁵ וַֽיִּשְׂמְח֣וּ ׀ כָּל־קְהַ֣ל יְהוּדָ֗ה וְהַכֹּהֲנִים֙ וְהַלְוִיִּ֔ם וְכָל־הַקָּהָ֖ל הַבָּאִ֣ים מִיִּשְׂרָאֵ֑ל וְהַגֵּרִ֗ים הַבָּאִים֙ מֵאֶ֣רֶץ יִשְׂרָאֵ֔ל וְהַיֹּושְׁבִ֖ים בִּיהוּדָֽה׃ wayisemeḥu ׀ kal־qehal yehudah wehakohaniym wehalewiyim wekhal־haqahal habaʾiym miyiseraʾel wehageriym habaʾiym meʾerets yiseraʾel wehayowsheviym biyhudah׃

²⁶ וַתְּהִ֥י שִׂמְחָֽה־גְדֹולָ֖ה בִּֽירוּשָׁלִָ֑ם כִּ֠י מִימֵ֞י שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל לֹ֥א כָזֹ֖את בִּירוּשָׁלִָֽם׃ ס watehiy simeḥah־gedowlah biyrushalim kiy miymey shelomoh ven־dawiyd melekhe yiseraʾel loʾ khazoʾt biyrushalim׃ s

²⁷ וַיָּקֻ֜מוּ הַכֹּהֲנִ֤ים הַלְוִיִּם֙ וַיְבָרֲכ֣וּ אֶת־הָעָ֔ם וַיִּשָּׁמַ֖ע בְּקֹולָ֑ם וַתָּבֹ֧וא תְפִלָּתָ֛ם לִמְעֹ֥ון קָדְשֹׁ֖ו לַשָּׁמָֽיִם׃ פ wayaqumu hakohaniym halewiyim wayevarakhu ʾet־haʿam wayishamaʿ beqowlam watavowʾ tefilatam limeʿown qadeshow lashamayim׃ f