1 בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת וַיָּבֹ֣א אֵ֠לָיו יְשַׁעְיָ֨הוּ בֶן־אָמֹ֜וץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְהוָה֙ צַ֣ו לְבֵיתֶ֔ךָ כִּ֛י מֵ֥ת אַתָּ֖ה וְלֹ֥א תִֽחְיֶֽה׃ bayamiym hahem ḥalah ḥizeqiyahu lamut wayavoʾ ʾelayw yeshaʿeyahu ven־ʾamowts hanaviyʾ wayoʾmer ʾelayw koh־ʾamar yehwah tsaw leveytekha kiy met ʾatah weloʾ tiḥeyeh׃
2 וַיַּסֵּ֥ב אֶת־פָּנָ֖יו אֶל־הַקִּ֑יר וַיִּ֨תְפַּלֵּ֔ל אֶל־יְהוָ֖ה לֵאמֹֽר׃ wayasev ʾet־panayw ʾel־haqiyr wayitepalel ʾel־yehwah leʾmor׃
3 אָנָּ֣ה יְהוָ֗ה זְכָר־נָ֞א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵבָ֣ב שָׁלֵ֔ם וְהַטֹּ֥וב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֹֽול׃ ס ʾanah yehwah zekhar־naʾ ʾet ʾasher hitehalakhetiy lefaneykha beʾemet uvelevav shalem wehaṭowv beʿeyneykha ʿasiytiy wayeveke ḥizeqiyahu bekhiy gadowl׃ s
4 וַיְהִ֣י יְשַׁעְיָ֔הוּ לֹ֣א יָצָ֔א [הָעִיר כ] (חָצֵ֖ר ק) הַתִּֽיכֹנָ֑ה וּדְבַר־יְהוָ֔ה הָיָ֥ה אֵלָ֖יו לֵאמֹֽר׃ wayehiy yeshaʿeyahu loʾ yatsaʾ [haʿiyr kh] (ḥatser q) hatiykhonah udevar־yehwah hayah ʾelayw leʾmor׃
5 שׁ֣וּב וְאָמַרְתָּ֞ אֶל־חִזְקִיָּ֣הוּ נְגִיד־עַמִּ֗י כֹּֽה־אָמַ֤ר יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֙עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ הִנְנִי֙ רֹ֣פֶא לָ֔ךְ בַּיֹּום֙ הַשְּׁלִישִׁ֔י תַּעֲלֶ֖ה בֵּ֥ית יְהוָֽה׃ shuv weʾamareta ʾel־ḥizeqiyahu negiyd־ʿamiy koh־ʾamar yehwah ʾelohey dawid ʾaviykha shamaʿetiy ʾet־tefilatekha raʾiytiy ʾet־dimeʿatekha hineniy rofeʾ lakhe bayowm hasheliyshiy taʿaleh beyt yehwah׃
6 וְהֹסַפְתִּ֣י עַל־יָמֶ֗יךָ חֲמֵ֤שׁ עֶשְׂרֵה֙ שָׁנָ֔ה וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔ וְאֵ֖ת הָעִ֣יר הַזֹּ֑את וְגַנֹּותִי֙ עַל־הָעִ֣יר הַזֹּ֔את לְמַֽעֲנִ֔י וּלְמַ֖עַן דָּוִ֥ד עַבְדִּֽי׃ wehosafetiy ʿal־yameykha ḥamesh ʿesereh shanah umikaf melekhe־ʾashur ʾatsiylekha weʾet haʿiyr hazoʾt weganowtiy ʿal־haʿiyr hazoʾt lemaʿaniy ulemaʿan dawid ʿavediy׃
7 וַיֹּ֣אמֶר יְשַֽׁעְיָ֔הוּ קְח֖וּ דְּבֶ֣לֶת תְּאֵנִ֑ים וַיִּקְח֛וּ וַיָּשִׂ֥ימוּ עַֽל־הַשְּׁחִ֖ין וַיֶּֽחִי׃ wayoʾmer yeshaʿeyahu qeḥu develet teʾeniym wayiqeḥu wayasiymu ʿal־hasheḥiyn wayeḥiy׃
8 וַיֹּ֤אמֶר חִזְקִיָּ֙הוּ֙ אֶֽל־יְשַׁעְיָ֔הוּ מָ֣ה אֹ֔ות כִּֽי־יִרְפָּ֥א יְהוָ֖ה לִ֑י וְעָלִ֛יתִי בַּיֹּ֥ום הַשְּׁלִישִׁ֖י בֵּ֥ית יְהוָֽה׃ wayoʾmer ḥizeqiyahu ʾel־yeshaʿeyahu mah ʾowt kiy־yirepaʾ yehwah liy weʿaliytiy bayowm hasheliyshiy beyt yehwah׃
9 וַיֹּ֣אמֶר יְשַׁעְיָ֗הוּ זֶה־לְּךָ֤ הָאֹות֙ מֵאֵ֣ת יְהוָ֔ה כִּ֚י יַעֲשֶׂ֣ה יְהוָ֔ה אֶת־הַדָּבָ֖ר אֲשֶׁ֣ר דִּבֵּ֑ר הָלַ֤ךְ הַצֵּל֙ עֶ֣שֶׂר מַֽעֲלֹ֔ות אִם־יָשׁ֖וּב עֶ֥שֶׂר מַעֲלֹֽות׃ wayoʾmer yeshaʿeyahu zeh־lekha haʾowt meʾet yehwah kiy yaʿaseh yehwah ʾet־hadavar ʾasher diber halakhe hatsel ʿeser maʿalowt ʾim־yashuv ʿeser maʿalowt׃
10 וַיֹּ֙אמֶר֙ יְחִזְקִיָּ֔הוּ נָקֵ֣ל לַצֵּ֔ל לִנְטֹ֖ות עֶ֣שֶׂר מַעֲלֹ֑ות לֹ֣א כִ֔י יָשׁ֥וּב הַצֵּ֛ל אֲחֹרַנִּ֖ית עֶ֥שֶׂר מַעֲלֹֽות׃ wayoʾmer yeḥizeqiyahu naqel latsel lineṭowt ʿeser maʿalowt loʾ khiy yashuv hatsel ʾaḥoraniyt ʿeser maʿalowt׃
11 וַיִּקְרָ֛א יְשַׁעְיָ֥הוּ הַנָּבִ֖יא אֶל־יְהוָ֑ה וַיָּ֣שֶׁב אֶת־הַצֵּ֗ל בַּֽ֠מַּעֲלֹות אֲשֶׁ֨ר יָרְדָ֜ה בְּמַעֲלֹ֥ות אָחָ֛ז אֲחֹֽרַנִּ֖ית עֶ֥שֶׂר מַעֲלֹֽות׃ פ wayiqeraʾ yeshaʿeyahu hanaviyʾ ʾel־yehwah wayashev ʾet־hatsel bamaʿalowt ʾasher yaredah bemaʿalowt ʾaḥaz ʾaḥoraniyt ʿeser maʿalowt׃ f
12 בָּעֵ֣ת הַהִ֡יא שָׁלַ֡ח בְּרֹאדַ֣ךְ בַּ֠לְאֲדָן בֶּֽן־בַּלְאֲדָ֧ן מֶֽלֶךְ־בָּבֶ֛ל סְפָרִ֥ים וּמִנְחָ֖ה אֶל־חִזְקִיָּ֑הוּ כִּ֣י שָׁמַ֔ע כִּ֥י חָלָ֖ה חִזְקִיָּֽהוּ׃ baʿet hahiyʾ shalaḥ beroʾdakhe baleʾadan ben־baleʾadan melekhe־bavel sefariym umineḥah ʾel־ḥizeqiyahu kiy shamaʿ kiy ḥalah ḥizeqiyahu׃
13 וַיִּשְׁמַ֣ע עֲלֵיהֶם֮ חִזְקִיָּהוּ֒ וַיַּרְאֵ֣ם אֶת־כָּל־בֵּ֣ית נְכֹתֹ֡ה אֶת־הַכֶּסֶף֩ וְאֶת־הַזָּהָ֨ב וְאֶת־הַבְּשָׂמִ֜ים וְאֵ֣ת ׀ שֶׁ֣מֶן הַטֹּ֗וב וְאֵת֙ בֵּ֣ית כֵּלָ֔יו וְאֵ֛ת כָּל־אֲשֶׁ֥ר נִמְצָ֖א בְּאֹֽוצְרֹתָ֑יו לֹֽא־הָיָ֣ה דָבָ֗ר אֲ֠שֶׁר לֹֽא־הֶרְאָ֧ם חִזְקִיָּ֛הוּ בְּבֵיתֹ֖ו וּבְכָל־מֶמְשַׁלְתֹּֽו׃ wayishemaʿ ʿaleyhem ḥizeqiyahu wayareʾem ʾet־kal־beyt nekhotoh ʾet־hakesef weʾet־hazahav weʾet־habesamiym weʾet ׀ shemen haṭowv weʾet beyt kelayw weʾet kal־ʾasher nimetsaʾ beʾowtserotayw loʾ־hayah davar ʾasher loʾ־hereʾam ḥizeqiyahu beveytow uvekhal־memeshaletow׃
14 וַיָּבֹא֙ יְשַֽׁעְיָ֣הוּ הַנָּבִ֔יא אֶל־הַמֶּ֖לֶךְ חִזְקִיָּ֑הוּ וַיֹּ֨אמֶר אֵלָ֜יו מָ֥ה אָמְר֣וּ ׀ הָאֲנָשִׁ֣ים הָאֵ֗לֶּה וּמֵאַ֙יִן֙ יָבֹ֣אוּ אֵלֶ֔יךָ וַיֹּ֙אמֶר֙ חִזְקִיָּ֔הוּ מֵאֶ֧רֶץ רְחֹוקָ֛ה בָּ֖אוּ מִבָּבֶֽל׃ wayavoʾ yeshaʿeyahu hanaviyʾ ʾel־hamelekhe ḥizeqiyahu wayoʾmer ʾelayw mah ʾameru ׀ haʾanashiym haʾeleh umeʾayin yavoʾu ʾeleykha wayoʾmer ḥizeqiyahu meʾerets reḥowqah baʾu mibavel׃
15 וַיֹּ֕אמֶר מָ֥ה רָא֖וּ בְּבֵיתֶ֑ךָ וַיֹּ֣אמֶר חִזְקִיָּ֗הוּ אֵ֣ת כָּל־אֲשֶׁ֤ר בְּבֵיתִי֙ רָא֔וּ לֹא־הָיָ֥ה דָבָ֛ר אֲשֶׁ֥ר לֹֽא־הִרְאִיתִ֖ם בְּאֹצְרֹתָֽי׃ wayoʾmer mah raʾu beveytekha wayoʾmer ḥizeqiyahu ʾet kal־ʾasher beveytiy raʾu loʾ־hayah davar ʾasher loʾ־hireʾiytim beʾotserotay׃
16 וַיֹּ֥אמֶר יְשַׁעְיָ֖הוּ אֶל־חִזְקִיָּ֑הוּ שְׁמַ֖ע דְּבַר־יְהוָֽה׃ wayoʾmer yeshaʿeyahu ʾel־ḥizeqiyahu shemaʿ devar־yehwah׃
17 הִנֵּה֮ יָמִ֣ים בָּאִים֒ וְנִשָּׂ֣א ׀ כָּל־אֲשֶׁ֣ר בְּבֵיתֶ֗ךָ וַאֲשֶׁ֨ר אָצְר֧וּ אֲבֹתֶ֛יךָ עַד־הַיֹּ֥ום הַזֶּ֖ה בָּבֶ֑לָה לֹֽא־יִוָּתֵ֥ר דָּבָ֖ר אָמַ֥ר יְהוָֽה׃ hineh yamiym baʾiym wenisaʾ ׀ kal־ʾasher beveytekha waʾasher ʾatseru ʾavoteykha ʿad־hayowm hazeh bavelah loʾ־yiuater davar ʾamar yehwah׃
18 וּמִבָּנֶ֜יךָ אֲשֶׁ֨ר יֵצְא֧וּ מִמְּךָ֛ אֲשֶׁ֥ר תֹּולִ֖יד [יִקָּח כ] (יִקָּ֑חוּ ק) וְהָיוּ֙ סָֽרִיסִ֔ים בְּהֵיכַ֖ל מֶ֥לֶךְ בָּבֶֽל׃ umibaneykha ʾasher yetseʾu mimekha ʾasher towliyd [yiqaḥ kh] (yiqaḥu q) wehayu sariysiym beheykhal melekhe bavel׃
19 וַיֹּ֤אמֶר חִזְקִיָּ֙הוּ֙ אֶֽל־יְשַֽׁעְיָ֔הוּ טֹ֥וב דְּבַר־יְהוָ֖ה אֲשֶׁ֣ר דִּבַּ֑רְתָּ וַיֹּ֕אמֶר הֲלֹ֛וא אִם־שָׁלֹ֥ום וֶאֱמֶ֖ת יִהְיֶ֥ה בְיָמָֽי׃ wayoʾmer ḥizeqiyahu ʾel־yeshaʿeyahu ṭowv devar־yehwah ʾasher dibareta wayoʾmer halowʾ ʾim־shalowm weʾemet yiheyeh veyamay׃
20 וְיֶ֨תֶר דִּבְרֵ֤י חִזְקִיָּ֙הוּ֙ וְכָל־גְּב֣וּרָתֹ֔ו וַאֲשֶׁ֣ר עָשָׂ֗ה אֶת־הַבְּרֵכָה֙ וְאֶת־הַתְּעָלָ֔ה וַיָּבֵ֥א אֶת־הַמַּ֖יִם הָעִ֑ירָה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey ḥizeqiyahu wekhal־gevuratow waʾasher ʿasah ʾet־haberekhah weʾet־hateʿalah wayaveʾ ʾet־hamayim haʿiyrah haloʾ־hem ketuviym ʿal־sefer diverey hayamiym lemalekhey yehudah׃
21 וַיִּשְׁכַּ֥ב חִזְקִיָּ֖הוּ עִם־אֲבֹתָ֑יו וַיִּמְלֹ֛ךְ מְנַשֶּׁ֥ה בְנֹ֖ו תַּחְתָּֽיו׃ פ wayishekav ḥizeqiyahu ʿim־ʾavotayw wayimelokhe menasheh venow taḥetayw׃ f