Ésaïe 1

¹ חֲזֹון֙ יְשַֽׁעְיָ֣הוּ בֶן־אָמֹ֔וץ אֲשֶׁ֣ר חָזָ֔ה עַל־יְהוּדָ֖ה וִירוּשָׁלִָ֑ם בִּימֵ֨י עֻזִּיָּ֧הוּ יֹותָ֛ם אָחָ֥ז יְחִזְקִיָּ֖הוּ מַלְכֵ֥י יְהוּדָֽה׃ ḥazown yeshaʿeyahu ven־ʾamowts ʾasher ḥazah ʿal־yehudah wiyrushalim biymey ʿuziyahu yowtam ʾaḥaz yeḥizeqiyahu malekhey yehudah׃

² שִׁמְע֤וּ שָׁמַ֙יִם֙ וְהַאֲזִ֣ינִי אֶ֔רֶץ כִּ֥י יְהוָ֖ה דִּבֵּ֑ר בָּנִים֙ גִּדַּ֣לְתִּי וְרֹומַ֔מְתִּי וְהֵ֖ם פָּ֥שְׁעוּ בִֽי׃ shimeʿu shamayim wehaʾaziyniy ʾerets kiy yehwah diber baniym gidaletiy werowmametiy wehem pasheʿu viy׃

³ יָדַ֥ע שֹׁור֙ קֹנֵ֔הוּ וַחֲמֹ֖ור אֵב֣וּס בְּעָלָ֑יו יִשְׂרָאֵל֙ לֹ֣א יָדַ֔ע עַמִּ֖י לֹ֥א הִתְבֹּונָֽן׃ yadaʿ showr qonehu waḥamowr ʾevus beʿalayw yiseraʾel loʾ yadaʿ ʿamiy loʾ hitebownan׃

⁴ הֹ֣וי ׀ גֹּ֣וי חֹטֵ֗א עַ֚ם כֶּ֣בֶד עָוֹ֔ן זֶ֣רַע מְרֵעִ֔ים בָּנִ֖ים מַשְׁחִיתִ֑ים עָזְב֣וּ אֶת־יְהוָ֗ה נִֽאֲצ֛וּ אֶת־קְדֹ֥ושׁ יִשְׂרָאֵ֖ל נָזֹ֥רוּ אָחֹֽור׃ howy ׀ gowy ḥoṭeʾ ʿam keved ʿaon zeraʿ mereʿiym baniym masheḥiytiym ʿazevu ʾet־yehwah niʾatsu ʾet־qedowsh yiseraʾel nazoru ʾaḥowr׃

⁵ עַ֣ל מֶ֥ה תֻכּ֛וּ עֹ֖וד תֹּוסִ֣יפוּ סָרָ֑ה כָּל־רֹ֣אשׁ לָחֳלִ֔י וְכָל־לֵבָ֖ב דַּוָּֽי׃ ʿal meh tuku ʿowd towsiyfu sarah kal־roʾsh laḥoliy wekhal־levav dauay׃

⁶ מִכַּף־רֶ֤גֶל וְעַד־רֹאשׁ֙ אֵֽין־בֹּ֣ו מְתֹ֔ם פֶּ֥צַע וְחַבּוּרָ֖ה וּמַכָּ֣ה טְרִיָּ֑ה לֹא־זֹ֙רוּ֙ וְלֹ֣א חֻבָּ֔שׁוּ וְלֹ֥א רֻכְּכָ֖ה בַּשָּֽׁמֶן׃ mikaf־regel weʿad־roʾsh ʾeyn־bow metom petsaʿ weḥaburah umakah ṭeriyah loʾ־zoru weloʾ ḥubashu weloʾ rukekhah bashamen׃

⁷ אַרְצְכֶ֣ם שְׁמָמָ֔ה עָרֵיכֶ֖ם שְׂרֻפֹ֣ות אֵ֑שׁ אַדְמַתְכֶ֗ם לְנֶגְדְּכֶם֙ זָרִים֙ אֹכְלִ֣ים אֹתָ֔הּ וּשְׁמָמָ֖ה כְּמַהְפֵּכַ֥ת זָרִֽים׃ ʾaretsekhem shemamah ʿareykhem serufowt ʾesh ʾadematekhem lenegedekhem zariym ʾokheliym ʾotah ushemamah kemahepekhat zariym׃

⁸ וְנֹותְרָ֥ה בַת־צִיֹּ֖ון כְּסֻכָּ֣ה בְכָ֑רֶם כִּמְלוּנָ֥ה בְמִקְשָׁ֖ה כְּעִ֥יר נְצוּרָֽה׃ wenowterah vat־tsiyown kesukah vekharem kimelunah vemiqeshah keʿiyr netsurah׃

⁹ לוּלֵי֙ יְהוָ֣ה צְבָאֹ֔ות הֹותִ֥יר לָ֛נוּ שָׂרִ֖יד כִּמְעָ֑ט כִּסְדֹ֣ם הָיִ֔ינוּ לַעֲמֹרָ֖ה דָּמִֽינוּ׃ ס luley yehwah tsevaʾowt howtiyr lanu sariyd kimeʿaṭ kisedom hayiynu laʿamorah damiynu׃ s

¹⁰ שִׁמְע֥וּ דְבַר־יְהוָ֖ה קְצִינֵ֣י סְדֹ֑ם הַאֲזִ֛ינוּ תֹּורַ֥ת אֱלֹהֵ֖ינוּ עַ֥ם עֲמֹרָֽה׃ shimeʿu devar־yehwah qetsiyney sedom haʾaziynu towrat ʾeloheynu ʿam ʿamorah׃

¹¹ לָמָּה־לִּ֤י רֹב־זִבְחֵיכֶם֙ יֹאמַ֣ר יְהוָ֔ה שָׂבַ֛עְתִּי עֹלֹ֥ות אֵילִ֖ים וְחֵ֣לֶב מְרִיאִ֑ים וְדַ֨ם פָּרִ֧ים וּכְבָשִׂ֛ים וְעַתּוּדִ֖ים לֹ֥א חָפָֽצְתִּי׃ lamah־liy rov־ziveḥeykhem yoʾmar yehwah savaʿetiy ʿolowt ʾeyliym weḥelev meriyʾiym wedam pariym ukhevasiym weʿatudiym loʾ ḥafatsetiy׃

¹² כִּ֣י תָבֹ֔אוּ לֵרָאֹ֖ות פָּנָ֑י מִי־בִקֵּ֥שׁ זֹ֛את מִיֶּדְכֶ֖ם רְמֹ֥ס חֲצֵרָֽי׃ kiy tavoʾu leraʾowt panay miy־viqesh zoʾt miyedekhem remos ḥatseray׃

¹³ לֹ֣א תֹוסִ֗יפוּ הָבִיא֙ מִנְחַת־שָׁ֔וְא קְטֹ֧רֶת תֹּועֵבָ֛ה הִ֖יא לִ֑י חֹ֤דֶשׁ וְשַׁבָּת֙ קְרֹ֣א מִקְרָ֔א לֹא־אוּכַ֥ל אָ֖וֶן וַעֲצָרָֽה׃ loʾ towsiyfu haviyʾ mineḥat־shaweʾ qeṭoret towʿevah hiyʾ liy ḥodesh weshabat qeroʾ miqeraʾ loʾ־ʾukhal ʾawen waʿatsarah׃

¹⁴ חָדְשֵׁיכֶ֤ם וּמֹועֲדֵיכֶם֙ שָׂנְאָ֣ה נַפְשִׁ֔י הָי֥וּ עָלַ֖י לָטֹ֑רַח נִלְאֵ֖יתִי נְשֹֽׂא׃ ḥadesheykhem umowʿadeykhem saneʾah nafeshiy hayu ʿalay laṭoraḥ nileʾeytiy nesoʾ׃

¹⁵ וּבְפָרִשְׂכֶ֣ם כַּפֵּיכֶ֗ם אַעְלִ֤ים עֵינַי֙ מִכֶּ֔ם גַּ֛ם כִּֽי־תַרְבּ֥וּ תְפִלָּ֖ה אֵינֶ֣נִּי שֹׁמֵ֑עַ יְדֵיכֶ֖ם דָּמִ֥ים מָלֵֽאוּ׃ uvefarisekhem kapeykhem ʾaʿeliym ʿeynay mikem gam kiy־tarebu tefilah ʾeyneniy shomeaʿ yedeykhem damiym maleʾu׃

¹⁶ רַחֲצוּ֙ הִזַּכּ֔וּ הָסִ֛ירוּ רֹ֥עַ מַעַלְלֵיכֶ֖ם מִנֶּ֣גֶד עֵינָ֑י חִדְל֖וּ הָרֵֽעַ׃ raḥatsu hizaku hasiyru roaʿ maʿaleleykhem mineged ʿeynay ḥidelu hareaʿ׃

¹⁷ לִמְד֥וּ הֵיטֵ֛ב דִּרְשׁ֥וּ מִשְׁפָּ֖ט אַשְּׁר֣וּ חָמֹ֑וץ שִׁפְט֣וּ יָתֹ֔ום רִ֖יבוּ אַלְמָנָֽה׃ ס limedu heyṭev direshu mishepaṭ ʾasheru ḥamowts shifeṭu yatowm riyvu ʾalemanah׃ s

¹⁸ לְכוּ־נָ֛א וְנִוָּֽכְחָ֖ה יֹאמַ֣ר יְהוָ֑ה אִם־יִֽהְי֨וּ חֲטָאֵיכֶ֤ם כַּשָּׁנִים֙ כַּשֶּׁ֣לֶג יַלְבִּ֔ינוּ אִם־יַאְדִּ֥ימוּ כַתֹּולָ֖ע כַּצֶּ֥מֶר יִהְיֽוּ׃ lekhu־naʾ weniuakheḥah yoʾmar yehwah ʾim־yiheyu ḥaṭaʾeykhem kashaniym kasheleg yalebiynu ʾim־yaʾediymu khatowlaʿ katsemer yiheyu׃

¹⁹ אִם־תֹּאב֖וּ וּשְׁמַעְתֶּ֑ם ט֥וּב הָאָ֖רֶץ תֹּאכֵֽלוּ׃ ʾim־toʾvu ushemaʿetem ṭuv haʾarets toʾkhelu׃

²⁰ וְאִם־תְּמָאֲנ֖וּ וּמְרִיתֶ֑ם חֶ֣רֶב תְּאֻכְּל֔וּ כִּ֛י פִּ֥י יְהוָ֖ה דִּבֵּֽר׃ ס weʾim־temaʾanu umeriytem ḥerev teʾukelu kiy piy yehwah diber׃ s

²¹ אֵיכָה֙ הָיְתָ֣ה לְזֹונָ֔ה קִרְיָ֖ה נֶאֱמָנָ֑ה מְלֵאֲתִ֣י מִשְׁפָּ֗ט צֶ֛דֶק יָלִ֥ין בָּ֖הּ וְעַתָּ֥ה מְרַצְּחִֽים׃ ʾeykhah hayetah lezownah qireyah neʾemanah meleʾatiy mishepaṭ tsedeq yaliyn bah weʿatah meratseḥiym׃

²² כַּסְפֵּ֖ךְ הָיָ֣ה לְסִיגִ֑ים סָבְאֵ֖ךְ מָה֥וּל בַּמָּֽיִם׃ kasepekhe hayah lesiygiym saveʾekhe mahul bamayim׃

²³ שָׂרַ֣יִךְ סֹורְרִ֗ים וְחַבְרֵי֙ גַּנָּבִ֔ים כֻּלֹּו֙ אֹהֵ֣ב שֹׁ֔חַד וְרֹדֵ֖ף שַׁלְמֹנִ֑ים יָתֹום֙ לֹ֣א יִשְׁפֹּ֔טוּ וְרִ֥יב אַלְמָנָ֖ה לֹֽא־יָבֹ֥וא אֲלֵיהֶֽם׃ פ sarayikhe sowreriym weḥaverey ganaviym kulow ʾohev shoḥad werodef shalemoniym yatowm loʾ yishepoṭu weriyv ʾalemanah loʾ־yavowʾ ʾaleyhem׃ f

²⁴ לָכֵ֗ן נְאֻ֤ם הָֽאָדֹון֙ יְהוָ֣ה צְבָאֹ֔ות אֲבִ֖יר יִשְׂרָאֵ֑ל הֹ֚וי אֶנָּחֵ֣ם מִצָּרַ֔י וְאִנָּקְמָ֖ה מֵאֹויְבָֽי׃ lakhen neʾum haʾadown yehwah tsevaʾowt ʾaviyr yiseraʾel howy ʾenaḥem mitsaray weʾinaqemah meʾowyevay׃

²⁵ וְאָשִׁ֤יבָה יָדִי֙ עָלַ֔יִךְ וְאֶצְרֹ֥ף כַּבֹּ֖ר סִיגָ֑יִךְ וְאָסִ֖ירָה כָּל־בְּדִילָֽיִךְ׃ weʾashiyvah yadiy ʿalayikhe weʾetserof kabor siygayikhe weʾasiyrah kal־bediylayikhe׃

²⁶ וְאָשִׁ֤יבָה שֹׁפְטַ֙יִךְ֙ כְּבָרִ֣אשֹׁנָ֔ה וְיֹעֲצַ֖יִךְ כְּבַתְּחִלָּ֑ה אַחֲרֵי־כֵ֗ן יִקָּ֤רֵא לָךְ֙ עִ֣יר הַצֶּ֔דֶק קִרְיָ֖ה נֶאֱמָנָֽה׃ weʾashiyvah shofeṭayikhe kevariʾshonah weyoʿatsayikhe kevateḥilah ʾaḥarey־khen yiqareʾ lakhe ʿiyr hatsedeq qireyah neʾemanah׃

²⁷ צִיֹּ֖ון בְּמִשְׁפָּ֣ט תִּפָּדֶ֑ה וְשָׁבֶ֖יהָ בִּצְדָקָֽה׃ tsiyown bemishepaṭ tipadeh weshaveyha bitsedaqah׃

²⁸ וְשֶׁ֧בֶר פֹּשְׁעִ֛ים וְחַטָּאִ֖ים יַחְדָּ֑ו וְעֹזְבֵ֥י יְהוָ֖ה יִכְלֽוּ׃ weshever posheʿiym weḥaṭaʾiym yaḥedaw weʿozevey yehwah yikhelu׃

²⁹ כִּ֣י יֵבֹ֔שׁוּ מֵאֵילִ֖ים אֲשֶׁ֣ר חֲמַדְתֶּ֑ם וְתַ֨חְפְּר֔וּ מֵהַגַּנֹּ֖ות אֲשֶׁ֥ר בְּחַרְתֶּֽם׃ kiy yevoshu meʾeyliym ʾasher ḥamadetem wetaḥeperu mehaganowt ʾasher beḥaretem׃

³⁰ כִּ֣י תִֽהְי֔וּ כְּאֵלָ֖ה נֹבֶ֣לֶת עָלֶ֑הָ וּֽכְגַנָּ֔ה אֲשֶׁר־מַ֖יִם אֵ֥ין לָֽהּ׃ kiy tiheyu keʾelah novelet ʿaleah ukheganah ʾasher־mayim ʾeyn lah׃

³¹ וְהָיָ֤ה הֶחָסֹן֙ לִנְעֹ֔רֶת וּפֹעֲלֹ֖ו לְנִיצֹ֑וץ וּבָעֲר֧וּ שְׁנֵיהֶ֛ם יַחְדָּ֖ו וְאֵ֥ין מְכַבֶּֽה׃ ס wehayah heḥason lineʿoret ufoʿalow leniytsowts uvaʿaru sheneyhem yaḥedaw weʾeyn mekhabeh׃ s