Josué 5

¹ וַיְהִ֣י כִשְׁמֹ֣עַ כָּל־מַלְכֵ֣י הָאֱמֹרִ֡י אֲשֶׁר֩ בְּעֵ֨בֶר הַיַּרְדֵּ֜ן יָ֗מָּה וְכָל־מַלְכֵ֤י הַֽכְּנַעֲנִי֙ אֲשֶׁ֣ר עַל־הַיָּ֔ם אֵ֠ת אֲשֶׁר־הֹובִ֨ישׁ יְהוָ֜ה אֶת־מֵ֧י הַיַּרְדֵּ֛ן מִפְּנֵ֥י בְנֵֽי־יִשְׂרָאֵ֖ל עַד־ [עָבְרָנוּ כ] (עָבְרָ֑ם ק) וַיִּמַּ֣ס לְבָבָ֗ם וְלֹא־הָ֨יָה בָ֥ם עֹוד֙ ר֔וּחַ מִפְּנֵ֖י בְּנֵֽי־יִשְׂרָאֵֽל׃ ס wayehiy khishemoaʿ kal־malekhey haʾemoriy ʾasher beʿever hayareden yamah wekhal־malekhey hakenaʿaniy ʾasher ʿal־hayam ʾet ʾasher־howviysh yehwah ʾet־mey hayareden mipeney veney־yiseraʾel ʿad־ [ʿaveranu kh] (ʿaveram q) wayimas levavam weloʾ־hayah vam ʿowd ruaḥ mipeney beney־yiseraʾel׃ s

² בָּעֵ֣ת הַהִ֗יא אָמַ֤ר יְהוָה֙ אֶל־יְהֹושֻׁ֔עַ עֲשֵׂ֥ה לְךָ֖ חַֽרְבֹ֣ות צֻרִ֑ים וְשׁ֛וּב מֹ֥ל אֶת־בְּנֵֽי־יִשְׂרָאֵ֖ל שֵׁנִֽית׃ baʿet hahiyʾ ʾamar yehwah ʾel־yehowshuaʿ ʿaseh lekha ḥarevowt tsuriym weshuv mol ʾet־beney־yiseraʾel sheniyt׃

³ וַיַּעַשׂ־לֹ֥ו יְהֹושֻׁ֖עַ חַֽרְבֹ֣ות צֻרִ֑ים וַיָּ֙מָל֙ אֶת־בְּנֵ֣י יִשְׂרָאֵ֔ל אֶל־גִּבְעַ֖ת הָעֲרָלֹֽות׃ wayaʿas־low yehowshuaʿ ḥarevowt tsuriym wayamal ʾet־beney yiseraʾel ʾel־giveʿat haʿaralowt׃

⁴ וְזֶ֥ה הַדָּבָ֖ר אֲשֶׁר־מָ֣ל יְהֹושֻׁ֑עַ כָּל־הָעָ֣ם הַיֹּצֵא֩ מִמִּצְרַ֨יִם הַזְּכָרִ֜ים כֹּ֣ל ׀ אַנְשֵׁ֣י הַמִּלְחָמָ֗ה מֵ֤תוּ בַמִּדְבָּר֙ בַּדֶּ֔רֶךְ בְּצֵאתָ֖ם מִמִּצְרָֽיִם׃ wezeh hadavar ʾasher־mal yehowshuaʿ kal־haʿam hayotseʾ mimitserayim hazekhariym kol ׀ ʾaneshey hamileḥamah metu vamidebar baderekhe betseʾtam mimitserayim׃

⁵ כִּֽי־מֻלִ֣ים הָי֔וּ כָּל־הָעָ֖ם הַיֹּֽצְאִ֑ים וְכָל־הָ֠עָם הַיִּלֹּדִ֨ים בַּמִּדְבָּ֥ר בַּדֶּ֛רֶךְ בְּצֵאתָ֥ם מִמִּצְרַ֖יִם לֹא־מָֽלוּ׃ kiy־muliym hayu kal־haʿam hayotseʾiym wekhal־haʿam hayilodiym bamidebar baderekhe betseʾtam mimitserayim loʾ־malu׃

⁶ כִּ֣י ׀ אַרְבָּעִ֣ים שָׁנָ֗ה הָלְכ֣וּ בְנֵֽי־יִשְׂרָאֵל֮ בַּמִּדְבָּר֒ עַד־תֹּ֨ם כָּל־הַגֹּ֜וי אַנְשֵׁ֤י הַמִּלְחָמָה֙ הַיֹּצְאִ֣ים מִמִּצְרַ֔יִם אֲשֶׁ֥ר לֹֽא־שָׁמְע֖וּ בְּקֹ֣ול יְהוָ֑ה אֲשֶׁ֨ר נִשְׁבַּ֤ע יְהוָה֙ לָהֶ֔ם לְבִלְתִּ֞י הַרְאֹותָ֣ם אֶת־הָאָ֗רֶץ אֲשֶׁר֩ נִשְׁבַּ֨ע יְהוָ֤ה לַֽאֲבֹותָם֙ לָ֣תֶת לָ֔נוּ אֶ֛רֶץ זָבַ֥ת חָלָ֖ב וּדְבָֽשׁ׃ kiy ׀ ʾarebaʿiym shanah halekhu veney־yiseraʾel bamidebar ʿad־tom kal־hagowy ʾaneshey hamileḥamah hayotseʾiym mimitserayim ʾasher loʾ־shameʿu beqowl yehwah ʾasher nishebaʿ yehwah lahem leviletiy hareʾowtam ʾet־haʾarets ʾasher nishebaʿ yehwah laʾavowtam latet lanu ʾerets zavat ḥalav udevash׃

⁷ וְאֶת־בְּנֵיהֶם֙ הֵקִ֣ים תַּחְתָּ֔ם אֹתָ֖ם מָ֣ל יְהֹושֻׁ֑עַ כִּי־עֲרֵלִ֣ים הָי֔וּ כִּ֛י לֹא־מָ֥לוּ אֹותָ֖ם בַּדָּֽרֶךְ׃ weʾet־beneyhem heqiym taḥetam ʾotam mal yehowshuaʿ kiy־ʿareliym hayu kiy loʾ־malu ʾowtam badarekhe׃

⁸ וַיְהִ֛י כַּאֲשֶׁר־תַּ֥מּוּ כָל־הַגֹּ֖וי לְהִמֹּ֑ול וַיֵּשְׁב֥וּ תַחְתָּ֛ם בַּֽמַּחֲנֶ֖ה עַ֥ד חֲיֹותָֽם׃ פ wayehiy kaʾasher־tamu khal־hagowy lehimowl wayeshevu taḥetam bamaḥaneh ʿad ḥayowtam׃ f

⁹ וַיֹּ֤אמֶר יְהוָה֙ אֶל־יְהֹושֻׁ֔עַ הַיֹּ֗ום גַּלֹּ֛ותִי אֶת־חֶרְפַּ֥ת מִצְרַ֖יִם מֵעֲלֵיכֶ֑ם וַיִּקְרָ֞א שֵׁ֣ם הַמָּקֹ֤ום הַהוּא֙ גִּלְגָּ֔ל עַ֖ד הַיֹּ֥ום הַזֶּֽה׃ wayoʾmer yehwah ʾel־yehowshuaʿ hayowm galowtiy ʾet־ḥerepat mitserayim meʿaleykhem wayiqeraʾ shem hamaqowm hahuʾ gilegal ʿad hayowm hazeh׃

¹⁰ וַיַּחֲנ֥וּ בְנֵֽי־יִשְׂרָאֵ֖ל בַּגִּלְגָּ֑ל וַיַּעֲשׂ֣וּ אֶת־הַפֶּ֡סַח בְּאַרְבָּעָה֩ עָשָׂ֨ר יֹ֥ום לַחֹ֛דֶשׁ בָּעֶ֖רֶב בְּעַֽרְבֹ֥ות יְרִיחֹֽו׃ wayaḥanu veney־yiseraʾel bagilegal wayaʿasu ʾet־hapesaḥ beʾarebaʿah ʿasar yowm laḥodesh baʿerev beʿarevowt yeriyḥow׃

¹¹ וַיֹּ֨אכְל֜וּ מֵעֲב֥וּר הָאָ֛רֶץ מִמָּֽחֳרַ֥ת הַפֶּ֖סַח מַצֹּ֣ות וְקָל֑וּי בְּעֶ֖צֶם הַיֹּ֥ום הַזֶּֽה׃ wayoʾkhelu meʿavur haʾarets mimaḥorat hapesaḥ matsowt weqaluy beʿetsem hayowm hazeh׃

¹² וַיִּשְׁבֹּ֨ת הַמָּ֜ן מִֽמָּחֳרָ֗ת בְּאָכְלָם֙ מֵעֲב֣וּר הָאָ֔רֶץ וְלֹא־הָ֥יָה עֹ֛וד לִבְנֵ֥י יִשְׂרָאֵ֖ל מָ֑ן וַיֹּאכְל֗וּ מִתְּבוּאַת֙ אֶ֣רֶץ כְּנַ֔עַן בַּשָּׁנָ֖ה הַהִֽיא׃ ס wayishebot haman mimaḥorat beʾakhelam meʿavur haʾarets weloʾ־hayah ʿowd liveney yiseraʾel man wayoʾkhelu mitevuʾat ʾerets kenaʿan bashanah hahiyʾ׃ s

¹³ וַיְהִ֗י בִּֽהְיֹ֣ות יְהֹושֻׁעַ֮ בִּירִיחֹו֒ וַיִּשָּׂ֤א עֵינָיו֙ וַיַּ֔רְא וְהִנֵּה־אִישׁ֙ עֹמֵ֣ד לְנֶגְדֹּ֔ו וְחַרְבֹּ֥ו שְׁלוּפָ֖ה בְּיָדֹ֑ו וַיֵּ֨לֶךְ יְהֹושֻׁ֤עַ אֵלָיו֙ וַיֹּ֣אמֶר לֹ֔ו הֲלָ֥נוּ אַתָּ֖ה אִם־לְצָרֵֽינוּ׃ wayehiy biheyowt yehowshuaʿ biyriyḥow wayisaʾ ʿeynayw wayareʾ wehineh־ʾiysh ʿomed lenegedow weḥarebow shelufah beyadow wayelekhe yehowshuaʿ ʾelayw wayoʾmer low halanu ʾatah ʾim־letsareynu׃

¹⁴ וַיֹּ֣אמֶר ׀ לֹ֗א כִּ֛י אֲנִ֥י שַׂר־צְבָֽא־יְהוָ֖ה עַתָּ֣ה בָ֑אתִי וַיִּפֹּל֩ יְהֹושֻׁ֨עַ אֶל־פָּנָ֥יו אַ֙רְצָה֙ וַיִּשְׁתָּ֔חוּ וַיֹּ֣אמֶר לֹ֔ו מָ֥ה אֲדֹנִ֖י מְדַבֵּ֥ר אֶל־עַבְדֹּֽו׃ wayoʾmer ׀ loʾ kiy ʾaniy sar־tsevaʾ־yehwah ʿatah vaʾtiy wayipol yehowshuaʿ ʾel־panayw ʾaretsah wayishetaḥu wayoʾmer low mah ʾadoniy medaber ʾel־ʿavedow׃

¹⁵ וַיֹּאמֶר֩ שַׂר־צְבָ֨א יְהוָ֜ה אֶל־יְהֹושֻׁ֗עַ שַׁל־נַֽעַלְךָ֙ מֵעַ֣ל רַגְלֶ֔ךָ כִּ֣י הַמָּקֹ֗ום אֲשֶׁ֥ר אַתָּ֛ה עֹמֵ֥ד עָלָ֖יו קֹ֣דֶשׁ ה֑וּא וַיַּ֥עַשׂ יְהֹושֻׁ֖עַ כֵּֽן׃ wayoʾmer sar־tsevaʾ yehwah ʾel־yehowshuaʿ shal־naʿalekha meʿal ragelekha kiy hamaqowm ʾasher ʾatah ʿomed ʿalayw qodesh huʾ wayaʿas yehowshuaʿ ken׃