1 וְאֵ֛לֶּה רָאשֵׁ֥י אֲבֹתֵיהֶ֖ם וְהִתְיַחְשָׂ֑ם הָעֹלִ֣ים עִמִּ֗י בְּמַלְכ֛וּת אַרְתַּחְשַׁ֥סְתְּא הַמֶּ֖לֶךְ מִבָּבֶֽל׃ ס weʾeleh raʾshey ʾavoteyhem wehiteyaḥesam haʿoliym ʿimiy bemalekhut ʾaretaḥeshaseteʾ hamelekhe mibavel׃ s
2 מִבְּנֵ֤י פִֽינְחָס֙ גֵּֽרְשֹׁ֔ם ס מִבְּנֵ֥י אִיתָמָ֖ר דָּנִיֵּ֑אל ס מִבְּנֵ֥י דָוִ֖יד חַטּֽוּשׁ׃ ס mibeney fiyneḥas gereshom s mibeney ʾiytamar daniyeʾl s mibeney dawiyd ḥaṭush׃ s
3 מִבְּנֵ֣י שְׁכַנְיָ֔ה ס מִבְּנֵ֥י פַרְעֹ֖שׁ זְכַרְיָ֑ה וְעִמֹּ֛ו הִתְיַחֵ֥שׂ לִזְכָרִ֖ים מֵאָ֥ה וַחֲמִשִּֽׁים׃ ס mibeney shekhaneyah s mibeney fareʿosh zekhareyah weʿimow hiteyaḥes lizekhariym meʾah waḥamishiym׃ s
4 מִבְּנֵי֙ פַּחַ֣ת מֹואָ֔ב אֶלְיְהֹֽועֵינַ֖י בֶּן־זְרַֽחְיָ֑ה וְעִמֹּ֖ו מָאתַ֥יִם הַזְּכָרִֽים׃ ס mibeney paḥat mowʾav ʾeleyehowʿeynay ben־zeraḥeyah weʿimow maʾtayim hazekhariym׃ s
5 מִבְּנֵ֥י שְׁכַנְיָ֖ה בֶּן־יַחֲזִיאֵ֑ל וְעִמֹּ֕ו שְׁלֹ֥שׁ מֵאֹ֖ות הַזְּכָרִֽים׃ ס mibeney shekhaneyah ben־yaḥaziyʾel weʿimow shelosh meʾowt hazekhariym׃ s
6 וּמִבְּנֵ֣י עָדִ֔ין עֶ֖בֶד בֶּן־יֹונָתָ֑ן וְעִמֹּ֖ו חֲמִשִּׁ֥ים הַזְּכָרִֽים׃ ס umibeney ʿadiyn ʿeved ben־yownatan weʿimow ḥamishiym hazekhariym׃ s
7 וּמִבְּנֵ֣י עֵילָ֔ם יְשַֽׁעְיָ֖ה בֶּן־עֲתַלְיָ֑ה וְעִמֹּ֖ו שִׁבְעִ֥ים הַזְּכָרִֽים׃ ס umibeney ʿeylam yeshaʿeyah ben־ʿataleyah weʿimow shiveʿiym hazekhariym׃ s
8 וּמִבְּנֵ֣י שְׁפַטְיָ֔ה זְבַדְיָ֖ה בֶּן־מִֽיכָאֵ֑ל וְעִמֹּ֖ו שְׁמֹנִ֥ים הַזְּכָרִֽים׃ ס umibeney shefaṭeyah zevadeyah ben־miykhaʾel weʿimow shemoniym hazekhariym׃ s
9 מִבְּנֵ֣י יֹואָ֔ב עֹבַדְיָ֖ה בֶּן־יְחִיאֵ֑ל וְעִמֹּ֕ו מָאתַ֛יִם וּשְׁמֹנָ֥ה עָשָׂ֖ר הַזְּכָרִֽים׃ ס mibeney yowʾav ʿovadeyah ben־yeḥiyʾel weʿimow maʾtayim ushemonah ʿasar hazekhariym׃ s
10 וּמִבְּנֵ֥י שְׁלֹומִ֖ית בֶּן־יֹוסִפְיָ֑ה וְעִמֹּ֕ו מֵאָ֥ה וְשִׁשִּׁ֖ים הַזְּכָרִֽים׃ ס umibeney shelowmiyt ben־yowsifeyah weʿimow meʾah weshishiym hazekhariym׃ s
11 וּמִבְּנֵ֣י בֵבַ֔י זְכַרְיָ֖ה בֶּן־בֵּבָ֑י וְעִמֹּ֕ו עֶשְׂרִ֥ים וּשְׁמֹנָ֖ה הַזְּכָרִֽים׃ ס umibeney vevay zekhareyah ben־bevay weʿimow ʿeseriym ushemonah hazekhariym׃ s
12 וּמִבְּנֵ֣י עַזְגָּ֔ד יֹוחָנָ֖ן בֶּן־הַקָּטָ֑ן וְעִמֹּ֕ו מֵאָ֥ה וַעֲשָׂרָ֖ה הַזְּכָרִֽים׃ ס umibeney ʿazegad yowḥanan ben־haqaṭan weʿimow meʾah waʿasarah hazekhariym׃ s
13 וּמִבְּנֵ֣י אֲדֹנִיקָם֮ אַחֲרֹנִים֒ וְאֵ֣לֶּה שְׁמֹותָ֔ם אֱלִיפֶ֖לֶט יְעִיאֵ֣ל וּֽשְׁמַעְיָ֑ה וְעִמָּהֶ֖ם שִׁשִּׁ֥ים הַזְּכָרִֽים׃ ס umibeney ʾadoniyqam ʾaḥaroniym weʾeleh shemowtam ʾeliyfeleṭ yeʿiyʾel ushemaʿeyah weʿimahem shishiym hazekhariym׃ s
14 וּמִבְּנֵ֥י בִגְוַ֖י עוּתַ֣י [וְזָבוּד כ] (וְזַכּ֑וּר ק) וְעִמֹּ֖ו שִׁבְעִ֥ים הַזְּכָרִֽים׃ פ umibeney vigeway ʿutay [wezavud kh] (wezakur q) weʿimow shiveʿiym hazekhariym׃ f
15 וָֽאֶקְבְּצֵ֗ם אֶל־הַנָּהָר֙ הַבָּ֣א אֶֽל־אַהֲוָ֔א וַנַּחֲנֶ֥ה שָׁ֖ם יָמִ֣ים שְׁלֹשָׁ֑ה וָאָבִ֤ינָה בָעָם֙ וּבַכֹּ֣הֲנִ֔ים וּמִבְּנֵ֥י לֵוִ֖י לֹא־מָצָ֥אתִי שָֽׁם׃ waʾeqebetsem ʾel־hanahar habaʾ ʾel־ʾahawaʾ wanaḥaneh sham yamiym sheloshah waʾaviynah vaʿam uvakohaniym umibeney lewiy loʾ־matsaʾtiy sham׃
16 וָאֶשְׁלְחָ֡ה לֶאֱלִיעֶ֡זֶר לַאֲרִיאֵ֡ל לִֽ֠שְׁמַעְיָה וּלְאֶלְנָתָ֨ן וּלְיָרִ֜יב וּלְאֶלְנָתָ֧ן וּלְנָתָ֛ן וְלִזְכַרְיָ֥ה וְלִמְשֻׁלָּ֖ם רָאשִׁ֑ים וּלְיֹויָרִ֥יב וּלְאֶלְנָתָ֖ן מְבִינִֽים ׃ waʾesheleḥah leʾeliyʿezer laʾariyʾel lishemaʿeyah uleʾelenatan uleyariyv uleʾelenatan ulenatan welizekhareyah welimeshulam raʾshiym uleyowyariyv uleʾelenatan meviyniym ׃
17 [וָאֹוצִאָה כ] (וָאֲצַוֶּ֤ה ק) אֹותָם֙ עַל־אִדֹּ֣ו הָרֹ֔אשׁ בְּכָסִפְיָ֖א הַמָּקֹ֑ום וָאָשִׂימָה֩ בְּפִיהֶ֨ם דְּבָרִ֜ים לְ֠דַבֵּר אֶל־אִדֹּ֨ו אָחִ֤יו [הַנְּתוּנִים כ] (הַנְּתִינִים֙ ק) בְּכָסִפְיָ֣א הַמָּקֹ֔ום לְהָֽבִיא־לָ֥נוּ מְשָׁרְתִ֖ים לְבֵ֥ית אֱלֹהֵֽינוּ׃ [waʾowtsiʾah kh] (waʾatsaueh q) ʾowtam ʿal־ʾidow haroʾsh bekhasifeyaʾ hamaqowm waʾasiymah befiyhem devariym ledaber ʾel־ʾidow ʾaḥiyw [hanetuniym kh] (hanetiyniym q) bekhasifeyaʾ hamaqowm lehaviyʾ־lanu mesharetiym leveyt ʾeloheynu׃
18 וַיָּבִ֨יאּוּ לָ֜נוּ כְּיַד־אֱלֹהֵ֨ינוּ הַטֹּובָ֤ה עָלֵ֙ינוּ֙ אִ֣ישׁ שֶׂ֔כֶל מִבְּנֵ֣י מַחְלִ֔י בֶּן־לֵוִ֖י בֶּן־יִשְׂרָאֵ֑ל וְשֵׁרֵֽבְיָ֛ה וּבָנָ֥יו וְאֶחָ֖יו שְׁמֹנָ֥ה עָשָֽׂר׃ wayaviyʾu lanu keyad־ʾeloheynu haṭowvah ʿaleynu ʾiysh sekhel mibeney maḥeliy ben־lewiy ben־yiseraʾel weshereveyah uvanayw weʾeḥayw shemonah ʿasar׃
19 וְאֶת־חֲשַׁבְיָ֔ה וְאִתֹּ֥ו יְשַֽׁעְיָ֖ה מִבְּנֵ֣י מְרָרִ֑י אֶחָ֥יו וּבְנֵיהֶ֖ם עֶשְׂרִֽים׃ ס weʾet־ḥashaveyah weʾitow yeshaʿeyah mibeney merariy ʾeḥayw uveneyhem ʿeseriym׃ s
20 וּמִן־הַנְּתִינִ֗ים שֶׁנָּתַ֨ן דָּוִ֤יד וְהַשָּׂרִים֙ לַעֲבֹדַ֣ת הַלְוִיִּ֔ם נְתִינִ֖ים מָאתַ֣יִם וְעֶשְׂרִ֑ים כֻּלָּ֖ם נִקְּב֥וּ בְשֵׁמֹֽות׃ umin־hanetiyniym shenatan dawiyd wehasariym laʿavodat halewiyim netiyniym maʾtayim weʿeseriym kulam niqevu veshemowt׃
21 וָאֶקְרָ֨א שָׁ֥ם צֹום֙ עַל־הַנָּהָ֣ר אַהֲוָ֔א לְהִתְעַנֹּ֖ות לִפְנֵ֣י אֱלֹהֵ֑ינוּ לְבַקֵּ֤שׁ מִמֶּ֙נּוּ֙ דֶּ֣רֶךְ יְשָׁרָ֔ה לָ֥נוּ וּלְטַפֵּ֖נוּ וּלְכָל־רְכוּשֵֽׁנוּ׃ waʾeqeraʾ sham tsowm ʿal־hanahar ʾahawaʾ lehiteʿanowt lifeney ʾeloheynu levaqesh mimenu derekhe yesharah lanu uleṭapenu ulekhal־rekhushenu׃
22 כִּ֣י בֹ֗שְׁתִּי לִשְׁאֹ֤ול מִן־הַמֶּ֙לֶךְ֙ חַ֣יִל וּפָרָשִׁ֔ים לְעָזְרֵ֥נוּ מֵאֹויֵ֖ב בַּדָּ֑רֶךְ כִּֽי־אָמַ֨רְנוּ לַמֶּ֜לֶךְ לֵאמֹ֗ר יַד־אֱלֹהֵ֤ינוּ עַל־כָּל־מְבַקְשָׁיו֙ לְטֹובָ֔ה וְעֻזֹּ֣ו וְאַפֹּ֔ו עַ֖ל כָּל־עֹזְבָֽיו׃ kiy voshetiy lisheʾowl min־hamelekhe ḥayil ufarashiym leʿazerenu meʾowyev badarekhe kiy־ʾamarenu lamelekhe leʾmor yad־ʾeloheynu ʿal־kal־mevaqeshayw leṭowvah weʿuzow weʾapow ʿal kal־ʿozevayw׃
23 וַנָּצ֛וּמָה וַנְּבַקְשָׁ֥ה מֵאֱלֹהֵ֖ינוּ עַל־זֹ֑את וַיֵּעָתֵ֖ר לָֽנוּ׃ wanatsumah wanevaqeshah meʾeloheynu ʿal־zoʾt wayeʿater lanu׃
24 וָאַבְדִּ֛ילָה מִשָּׂרֵ֥י הַכֹּהֲנִ֖ים שְׁנֵ֣ים עָשָׂ֑ר לְשֵׁרֵֽבְיָ֣ה חֲשַׁבְיָ֔ה וְעִמָּהֶ֥ם מֵאֲחֵיהֶ֖ם עֲשָׂרָֽה׃ waʾavediylah misarey hakohaniym sheneym ʿasar leshereveyah ḥashaveyah weʿimahem meʾaḥeyhem ʿasarah׃
25 [וָאֶשְׁקֹולָה כ] (וָאֶשְׁקֳלָ֣ה ק) לָהֶ֔ם אֶת־הַכֶּ֥סֶף וְאֶת־הַזָּהָ֖ב וְאֶת־הַכֵּלִ֑ים תְּרוּמַ֣ת בֵּית־אֱלֹהֵ֗ינוּ הַהֵרִ֙ימוּ֙ הַמֶּ֙לֶךְ֙ וְיֹעֲצָ֣יו וְשָׂרָ֔יו וְכָל־יִשְׂרָאֵ֖ל הַנִּמְצָאִֽים׃ [waʾesheqowlah kh] (waʾesheqolah q) lahem ʾet־hakesef weʾet־hazahav weʾet־hakeliym terumat beyt־ʾeloheynu haheriymu hamelekhe weyoʿatsayw wesarayw wekhal־yiseraʾel hanimetsaʾiym׃
26 וָאֶשְׁקֲלָ֨ה עַל־יָדָ֜ם כֶּ֗סֶף כִּכָּרִים֙ שֵֽׁשׁ־מֵאֹ֣ות וַחֲמִשִּׁ֔ים וּכְלֵי־כֶ֥סֶף מֵאָ֖ה לְכִכָּרִ֑ים זָהָ֖ב מֵאָ֥ה כִכָּֽר׃ waʾesheqalah ʿal־yadam kesef kikariym shesh־meʾowt waḥamishiym ukheley־khesef meʾah lekhikariym zahav meʾah khikar׃
27 וּכְפֹרֵ֤י זָהָב֙ עֶשְׂרִ֔ים לַאֲדַרְכֹנִ֖ים אָ֑לֶף וּכְלֵ֨י נְחֹ֜שֶׁת מֻצְהָ֤ב טֹובָה֙ שְׁנַ֔יִם חֲמוּדֹ֖ת כַּזָּהָֽב׃ ukheforey zahav ʿeseriym laʾadarekhoniym ʾalef ukheley neḥoshet mutsehav ṭowvah shenayim ḥamudot kazahav׃
28 וָאֹמְרָ֣ה אֲלֵהֶ֗ם אַתֶּ֥ם קֹ֙דֶשׁ֙ לַיהוָ֔ה וְהַכֵּלִ֖ים קֹ֑דֶשׁ וְהַכֶּ֤סֶף וְהַזָּהָב֙ נְדָבָ֔ה לַיהוָ֖ה אֱלֹהֵ֥י אֲבֹתֵיכֶֽם׃ waʾomerah ʾalehem ʾatem qodesh layhwah wehakeliym qodesh wehakesef wehazahav nedavah layhwah ʾelohey ʾavoteykhem׃
29 שִׁקְד֣וּ וְשִׁמְר֗וּ עַֽד־תִּשְׁקְל֡וּ לִפְנֵי֩ שָׂרֵ֨י הַכֹּהֲנִ֧ים וְהַלְוִיִּ֛ם וְשָׂרֵֽי־הָאָבֹ֥ות לְיִשְׂרָאֵ֖ל בִּירוּשָׁלִָ֑ם הַלִּשְׁכֹ֖ות בֵּ֥ית יְהוָֽה׃ shiqedu weshimeru ʿad־tisheqelu lifeney sarey hakohaniym wehalewiyim wesarey־haʾavowt leyiseraʾel biyrushalim halishekhowt beyt yehwah׃
30 וְקִבְּלוּ֙ הַכֹּהֲנִ֣ים וְהַלְוִיִּ֔ם מִשְׁקַ֛ל הַכֶּ֥סֶף וְהַזָּהָ֖ב וְהַכֵּלִ֑ים לְהָבִ֥יא לִירוּשָׁלִַ֖ם לְבֵ֥ית אֱלֹהֵֽינוּ׃ פ weqibelu hakohaniym wehalewiyim misheqal hakesef wehazahav wehakeliym lehaviyʾ liyrushalim leveyt ʾeloheynu׃ f
31 וַֽנִּסְעָ֞ה מִנְּהַ֣ר אַֽהֲוָ֗א בִּשְׁנֵ֤ים עָשָׂר֙ לַחֹ֣דֶשׁ הָרִאשֹׁ֔ון לָלֶ֖כֶת יְרוּשָׁלִָ֑ם וְיַד־אֱלֹהֵ֙ינוּ֙ הָיְתָ֣ה עָלֵ֔ינוּ וַיַּ֨צִּילֵ֔נוּ מִכַּ֥ף אֹויֵ֛ב וְאֹורֵ֖ב עַל־הַדָּֽרֶךְ׃ waniseʿah minehar ʾahawaʾ bisheneym ʿasar laḥodesh hariʾshown lalekhet yerushalim weyad־ʾeloheynu hayetah ʿaleynu wayatsiylenu mikaf ʾowyev weʾowrev ʿal־hadarekhe׃
32 וַנָּבֹ֖וא יְרוּשָׁלִָ֑ם וַנֵּ֥שֶׁב שָׁ֖ם יָמִ֥ים שְׁלֹשָֽׁה׃ wanavowʾ yerushalim waneshev sham yamiym sheloshah׃
33 וּבַיֹּ֣ום הָרְבִיעִ֡י נִשְׁקַ֣ל הַכֶּסֶף֩ וְהַזָּהָ֨ב וְהַכֵּלִ֜ים בְּבֵ֣ית אֱלֹהֵ֗ינוּ עַ֠ל יַד־מְרֵמֹ֤ות בֶּן־אֽוּרִיָּה֙ הַכֹּהֵ֔ן וְעִמֹּ֖ו אֶלְעָזָ֣ר בֶּן־פִּֽינְחָ֑ס וְעִמָּהֶ֞ם יֹוזָבָ֧ד בֶּן־יֵשׁ֛וּעַ וְנֹֽועַדְיָ֥ה בֶן־בִּנּ֖וּי הַלְוִיִּֽם׃ uvayowm hareviyʿiy nisheqal hakesef wehazahav wehakeliym beveyt ʾeloheynu ʿal yad־meremowt ben־ʾuriyah hakohen weʿimow ʾeleʿazar ben־piyneḥas weʿimahem yowzavad ben־yeshuaʿ wenowʿadeyah ven־binuy halewiyim׃
34 בְּמִסְפָּ֥ר בְּמִשְׁקָ֖ל לַכֹּ֑ל וַיִּכָּתֵ֥ב כָּֽל־הַמִּשְׁקָ֖ל בָּעֵ֥ת הַהִֽיא׃ פ bemisepar bemisheqal lakol wayikatev kal־hamisheqal baʿet hahiyʾ׃ f
35 הַ֠בָּאִים מֵֽהַשְּׁבִ֨י בְנֵֽי־הַגֹּולָ֜ה הִקְרִ֥יבוּ עֹלֹ֣ות ׀ לֵאלֹהֵ֣י יִשְׂרָאֵ֗ל פָּרִ֨ים שְׁנֵים־עָשָׂ֤ר עַל־כָּל־יִשְׂרָאֵל֙ אֵילִ֣ים ׀ תִּשְׁעִ֣ים וְשִׁשָּׁ֗ה כְּבָשִׂים֙ שִׁבְעִ֣ים וְשִׁבְעָ֔ה צְפִירֵ֥י חַטָּ֖את שְׁנֵ֣ים עָשָׂ֑ר הַכֹּ֖ל עֹולָ֥ה לַיהוָֽה׃ פ habaʾiym mehasheviy veney־hagowlah hiqeriyvu ʿolowt ׀ leʾlohey yiseraʾel pariym sheneym־ʿasar ʿal־kal־yiseraʾel ʾeyliym ׀ tisheʿiym weshishah kevasiym shiveʿiym weshiveʿah tsefiyrey ḥaṭaʾt sheneym ʿasar hakol ʿowlah layhwah׃ f
36 וַֽיִּתְּנ֣וּ ׀ אֶת־דָּתֵ֣י הַמֶּ֗לֶךְ לַאֲחַשְׁדַּרְפְּנֵי֙ הַמֶּ֔לֶךְ וּפַחֲוֹ֖ות עֵ֣בֶר הַנָּהָ֑ר וְנִשְּׂא֥וּ אֶת־הָעָ֖ם וְאֶת־בֵּֽית־הָאֱלֹהִֽים׃ ס wayitenu ׀ ʾet־datey hamelekhe laʾaḥashedarepeney hamelekhe ufaḥaowt ʿever hanahar weniseʾu ʾet־haʿam weʾet־beyt־haʾelohiym׃ s