Proverbes 3

¹ בְּ֭נִי תֹּורָתִ֣י אַל־תִּשְׁכָּ֑ח וּ֝מִצְוֹתַ֗י יִצֹּ֥ר לִבֶּֽךָ׃ beniy towratiy ʾal־tishekaḥ umitseotay yitsor libekha׃

² כִּ֤י אֹ֣רֶךְ יָ֭מִים וּשְׁנֹ֣ות חַיִּ֑ים וְ֝שָׁלֹ֗ום יֹוסִ֥יפוּ לָֽךְ׃ kiy ʾorekhe yamiym ushenowt ḥayiym weshalowm yowsiyfu lakhe׃

³ חֶ֥סֶד וֶאֱמֶ֗ת אַֽל־יַעַ֫זְבֻ֥ךָ קָשְׁרֵ֥ם עַל־גַּרְגְּרֹותֶ֑יךָ כָּ֝תְבֵ֗ם עַל־ל֥וּחַ לִבֶּֽךָ׃ ḥesed weʾemet ʾal־yaʿazevukha qasherem ʿal־garegerowteykha katevem ʿal־luaḥ libekha׃

⁴ וּמְצָא־חֵ֖ן וְשֵֽׂכֶל־טֹ֑וב בְּעֵינֵ֖י אֱלֹהִ֣ים וְאָדָֽם׃ פ umetsaʾ־ḥen wesekhel־ṭowv beʿeyney ʾelohiym weʾadam׃ f

⁵ בְּטַ֣ח אֶל־יְ֭הוָה בְּכָל־לִבֶּ֑ךָ וְאֶל־בִּֽ֝ינָתְךָ֗ אַל־תִּשָּׁעֵֽן׃ beṭaḥ ʾel־yehwah bekhal־libekha weʾel־biynatekha ʾal־tishaʿen׃

⁶ בְּכָל־דְּרָכֶ֥יךָ דָעֵ֑הוּ וְ֝ה֗וּא יְיַשֵּׁ֥ר אֹֽרְחֹתֶֽיךָ׃ bekhal־derakheykha daʿehu wehuʾ yeyasher ʾoreḥoteykha׃

⁷ אַל־תְּהִ֣י חָכָ֣ם בְּעֵינֶ֑יךָ יְרָ֥א אֶת־יְ֝הוָ֗ה וְס֣וּר מֵרָֽע׃ ʾal־tehiy ḥakham beʿeyneykha yeraʾ ʾet־yehwah wesur meraʿ׃

⁸ רִ֭פְאוּת תְּהִ֣י לְשָׁרֶּ֑ךָ וְ֝שִׁקּ֗וּי לְעַצְמֹותֶֽיךָ׃ rifeʾut tehiy lesharekha weshiquy leʿatsemowteykha׃

⁹ כַּבֵּ֣ד אֶת־יְ֭הוָה מֵהֹונֶ֑ךָ וּ֝מֵרֵאשִׁ֗ית כָּל־תְּבוּאָתֶֽךָ׃ kabed ʾet־yehwah mehownekha umereʾshiyt kal־tevuʾatekha׃

¹⁰ וְיִמָּלְא֣וּ אֲסָמֶ֣יךָ שָׂבָ֑ע וְ֝תִירֹ֗ושׁ יְקָבֶ֥יךָ יִפְרֹֽצוּ׃ פ weyimaleʾu ʾasameykha savaʿ wetiyrowsh yeqaveykha yiferotsu׃ f

¹¹ מוּסַ֣ר יְ֭הוָה בְּנִ֣י אַל־תִּמְאָ֑ס וְאַל־תָּ֝קֹ֗ץ בְּתֹוכַחְתֹּֽו׃ musar yehwah beniy ʾal־timeʾas weʾal־taqots betowkhaḥetow׃

¹² כִּ֤י אֶ֥ת אֲשֶׁ֣ר יֶאֱהַ֣ב יְהוָ֣ה יֹוכִ֑יחַ וּ֝כְאָ֗ב אֶת־בֵּ֥ן יִרְצֶֽה׃ kiy ʾet ʾasher yeʾehav yehwah yowkhiyḥa ukheʾav ʾet־ben yiretseh׃

¹³ אַשְׁרֵ֣י אָ֭דָם מָצָ֣א חָכְמָ֑ה וְ֝אָדָ֗ם יָפִ֥יק תְּבוּנָֽה׃ ʾasherey ʾadam matsaʾ ḥakhemah weʾadam yafiyq tevunah׃

¹⁴ כִּ֤י טֹ֣וב סַ֭חְרָהּ מִסְּחַר־כָּ֑סֶף וּ֝מֵחָר֗וּץ תְּבוּאָתָֽהּ׃ kiy ṭowv saḥerah miseḥar־kasef umeḥaruts tevuʾatah׃

¹⁵ יְקָ֣רָה הִ֭יא [מִפְּנִיִּים כ] (מִפְּנִינִ֑ים ק) וְכָל־חֲ֝פָצֶ֗יךָ לֹ֣א יִֽשְׁווּ־בָֽהּ׃ yeqarah hiyʾ [mipeniyiym kh] (mipeniyniym q) wekhal־ḥafatseykha loʾ yishewu־vah׃

¹⁶ אֹ֣רֶךְ יָ֭מִים בִּֽימִינָ֑הּ בִּ֝שְׂמֹאולָ֗הּ עֹ֣שֶׁר וְכָבֹֽוד׃ ʾorekhe yamiym biymiynah bisemoʾwlah ʿosher wekhavowd׃

¹⁷ דְּרָכֶ֥יהָ דַרְכֵי־נֹ֑עַם וְֽכָל־נְתִ֖יבֹותֶ֣יהָ שָׁלֹֽום׃ derakheyha darekhey־noʿam wekhal־netiyvowteyha shalowm׃

¹⁸ עֵץ־חַיִּ֣ים הִ֭יא לַמַּחֲזִיקִ֣ים בָּ֑הּ וְֽתֹמְכֶ֥יהָ מְאֻשָּֽׁר׃ פ ʿets־ḥayiym hiyʾ lamaḥaziyqiym bah wetomekheyha meʾushar׃ f

¹⁹ יְֽהוָ֗ה בְּחָכְמָ֥ה יָֽסַד־אָ֑רֶץ כֹּונֵ֥ן מַ֗יִם בִּתְבוּנָֽה׃ yehwah beḥakhemah yasad־ʾarets kownen mayim bitevunah׃

²⁰ בְּ֭דַעְתֹּו תְּהֹומֹ֣ות נִבְקָ֑עוּ וּ֝שְׁחָקִ֗ים יִרְעֲפוּ־טָֽל׃ bedaʿetow tehowmowt niveqaʿu usheḥaqiym yireʿafu־ṭal׃

²¹ בְּ֭נִי אַל־יָלֻ֣זוּ מֵעֵינֶ֑יךָ נְצֹ֥ר תֻּ֝שִׁיָּ֗ה וּמְזִמָּֽה׃ beniy ʾal־yaluzu meʿeyneykha netsor tushiyah umezimah׃

²² וְיִֽהְי֣וּ חַיִּ֣ים לְנַפְשֶׁ֑ךָ וְ֝חֵ֗ן לְגַרְגְּרֹתֶֽיךָ׃ weyiheyu ḥayiym lenafeshekha weḥen legaregeroteykha׃

²³ אָ֤ז תֵּלֵ֣ךְ לָבֶ֣טַח דַּרְכֶּ֑ךָ וְ֝רַגְלְךָ֗ לֹ֣א תִגֹּֽוף׃ ʾaz telekhe laveṭaḥ darekekha weragelekha loʾ tigowf׃

²⁴ אִם־תִּשְׁכַּ֥ב לֹֽא־תִפְחָ֑ד וְ֝שָׁכַבְתָּ֗ וְֽעָרְבָ֥ה שְׁנָתֶֽךָ׃ ʾim־tishekav loʾ־tifeḥad weshakhaveta weʿarevah shenatekha׃

²⁵ אַל־תִּ֭ירָא מִפַּ֣חַד פִּתְאֹ֑ם וּמִשֹּׁאַ֥ת רְ֝שָׁעִ֗ים כִּ֣י תָבֹֽא׃ ʾal־tiyraʾ mipaḥad piteʾom umishoʾat reshaʿiym kiy tavoʾ׃

²⁶ כִּֽי־יְ֭הוָה יִהְיֶ֣ה בְכִסְלֶ֑ךָ וְשָׁמַ֖ר רַגְלְךָ֣ מִלָּֽכֶד׃ kiy־yehwah yiheyeh vekhiselekha weshamar ragelekha milakhed׃

²⁷ אַל־תִּמְנַע־טֹ֥וב מִבְּעָלָ֑יו בִּהְיֹ֨ות לְאֵ֖ל [יָדֶיךָ כ] (יָדְךָ֣ ק) לַעֲשֹֽׂות׃ ʾal־timenaʿ־ṭowv mibeʿalayw biheyowt leʾel [yadeykha kh] (yadekha q) laʿasowt׃

²⁸ אַל־תֹּ֘אמַ֤ר [לְרֵעֶיךָ כ] (לְרֵֽעֲךָ֨ ׀ ק) לֵ֣ךְ וָ֭שׁוּב וּמָחָ֥ר אֶתֵּ֗ן וְיֵ֣שׁ אִתָּֽךְ׃ ʾal־toʾmar [lereʿeykha kh] (lereʿakha ׀ q) lekhe washuv umaḥar ʾeten weyesh ʾitakhe׃

²⁹ אַל־תַּחֲרֹ֣שׁ עַל־רֵעֲךָ֣ רָעָ֑ה וְהֽוּא־יֹושֵׁ֖ב לָבֶ֣טַח אִתָּֽךְ׃ ʾal־taḥarosh ʿal־reʿakha raʿah wehuʾ־yowshev laveṭaḥ ʾitakhe׃

³⁰ אַל־ [תָּרֹוב כ] (תָּרִ֣יב ק) עִם־אָדָ֣ם חִנָּ֑ם אִם־לֹ֖א גְמָלְךָ֣ רָעָֽה׃ ʾal־ [tarowv kh] (tariyv q) ʿim־ʾadam ḥinam ʾim־loʾ gemalekha raʿah׃

³¹ אַל־תְּ֭קַנֵּא בְּאִ֣ישׁ חָמָ֑ס וְאַל־תִּ֝בְחַ֗ר בְּכָל־דְּרָכָֽיו׃ ʾal־teqaneʾ beʾiysh ḥamas weʾal־tiveḥar bekhal־derakhayw׃

³² כִּ֤י תֹועֲבַ֣ת יְהוָ֣ה נָלֹ֑וז וְֽאֶת־יְשָׁרִ֥ים סֹודֹֽו׃ kiy towʿavat yehwah nalowz weʾet־yeshariym sowdow׃

³³ מְאֵרַ֣ת יְ֭הוָה בְּבֵ֣ית רָשָׁ֑ע וּנְוֵ֖ה צַדִּיקִ֣ים יְבָרֵֽךְ׃ meʾerat yehwah beveyt rashaʿ uneweh tsadiyqiym yevarekhe׃

³⁴ אִם־לַלֵּצִ֥ים הֽוּא־יָלִ֑יץ [וְלַעֲנִיִּים כ] (וְ֝לַעֲנָוִ֗ים ק) יִתֶּן־חֵֽן׃ ʾim־laletsiym huʾ־yaliyts [welaʿaniyiym kh] (welaʿanawiym q) yiten־ḥen׃

³⁵ כָּ֭בֹוד חֲכָמִ֣ים יִנְחָ֑לוּ וּ֝כְסִילִ֗ים מֵרִ֥ים קָלֹֽון׃ פ kavowd ḥakhamiym yineḥalu ukhesiyliym meriym qalown׃ f