Proverbes 6

¹ בְּ֭נִי אִם־עָרַ֣בְתָּ לְרֵעֶ֑ךָ תָּקַ֖עְתָּ לַזָּ֣ר כַּפֶּֽיךָ׃ beniy ʾim־ʿaraveta lereʿekha taqaʿeta lazar kapeykha׃

² נֹוקַ֥שְׁתָּ בְאִמְרֵי־פִ֑יךָ נִ֝לְכַּ֗דְתָּ בְּאִמְרֵי־פִֽיךָ׃ nowqasheta veʾimerey־fiykha nilekadeta beʾimerey־fiykha׃

³ עֲשֵׂ֨ה זֹ֥את אֵפֹ֪וא ׀ בְּנִ֡י וְֽהִנָּצֵ֗ל כִּ֘י בָ֤אתָ בְכַף־רֵעֶ֑ךָ לֵ֥ךְ הִ֝תְרַפֵּ֗ס וּרְהַ֥ב רֵעֶֽיךָ׃ ʿaseh zoʾt ʾefowʾ ׀ beniy wehinatsel kiy vaʾta vekhaf־reʿekha lekhe hiterapes urehav reʿeykha׃

⁴ אַל־תִּתֵּ֣ן שֵׁנָ֣ה לְעֵינֶ֑יךָ וּ֝תְנוּמָ֗ה לְעַפְעַפֶּֽיךָ׃ ʾal־titen shenah leʿeyneykha utenumah leʿafeʿapeykha׃

⁵ הִ֭נָּצֵל כִּצְבִ֣י מִיָּ֑ד וּ֝כְצִפֹּ֗ור מִיַּ֥ד יָקֽוּשׁ׃ פ hinatsel kitseviy miyad ukhetsipowr miyad yaqush׃ f

⁶ לֵֽךְ־אֶל־נְמָלָ֥ה עָצֵ֑ל רְאֵ֖ה דְרָכֶ֣יהָ וַחֲכָֽם׃ lekhe־ʾel־nemalah ʿatsel reʾeh derakheyha waḥakham׃

⁷ אֲשֶׁ֖ר אֵֽין־לָ֥הּ קָצִ֗ין שֹׁטֵ֥ר וּמֹשֵֽׁל׃ ʾasher ʾeyn־lah qatsiyn shoṭer umoshel׃

⁸ תָּכִ֣ין בַּקַּ֣יִץ לַחְמָ֑הּ אָגְרָ֥ה בַ֝קָּצִ֗יר מַאֲכָלָֽהּ׃ takhiyn baqayits laḥemah ʾagerah vaqatsiyr maʾakhalah׃

⁹ עַד־מָתַ֖י עָצֵ֥ל ׀ תִּשְׁכָּ֑ב מָ֝תַ֗י תָּק֥וּם מִשְּׁנָתֶֽךָ׃ ʿad־matay ʿatsel ׀ tishekav matay taqum mishenatekha׃

¹⁰ מְעַ֣ט נֹות מְעַ֣ט תְּנוּמֹ֑ות מְעַ֓ט ׀ חִבֻּ֖ק יָדַ֣יִם לִשְׁכָּֽב׃ meʿaṭ nowt meʿaṭ tenumowt meʿaṭ ׀ ḥibuq yadayim lishekav׃

¹¹ וּבָֽא־כִמְהַלֵּ֥ךְ רֵאשֶׁ֑ךָ וּ֝מַחְסֹֽרְךָ֗ כְּאִ֣ישׁ מָגֵֽן׃ פ uvaʾ־khimehalekhe reʾshekha umaḥesorekha keʾiysh magen׃ f

¹² אָדָ֣ם בְּ֭לִיַּעַל אִ֣ישׁ אָ֑וֶן הֹ֝ולֵ֗ךְ עִקְּשׁ֥וּת פֶּֽה׃ ʾadam beliyaʿal ʾiysh ʾawen howlekhe ʿiqeshut peh׃

¹³ קֹרֵ֣ץ בְּ֭עֵינָיו מֹלֵ֣ל בְּרַגְלָ֑ו מֹ֝רֶ֗ה בְּאֶצְבְּעֹתָֽיו׃ qorets beʿeynayw molel beragelaw moreh beʾetsebeʿotayw׃

¹⁴ תַּֽהְפֻּכֹ֨ות ׀ בְּלִבֹּ֗ו חֹרֵ֣שׁ רָ֣ע בְּכָל־עֵ֑ת [מְדָנִים כ] (מִדְיָנִ֥ים ק) יְשַׁלֵּֽחַ׃ tahepukhowt ׀ belibow ḥoresh raʿ bekhal־ʿet [medaniym kh] (mideyaniym q) yeshaleaḥ׃

¹⁵ עַל־כֵּ֗ן פִּ֭תְאֹם יָבֹ֣וא אֵידֹ֑ו פֶּ֥תַע יִ֝שָּׁבֵ֗ר וְאֵ֣ין מַרְפֵּֽא׃ פ ʿal־ken piteʾom yavowʾ ʾeydow petaʿ yishaver weʾeyn marepeʾ׃ f

¹⁶ שֶׁשׁ־הֵ֭נָּה שָׂנֵ֣א יְהוָ֑ה וְ֝שֶׁ֗בַע [תֹּועֲבֹות כ] (תֹּועֲבַ֥ת ק) נַפְשֹֽׁו׃ shesh־henah saneʾ yehwah weshevaʿ [towʿavowt kh] (towʿavat q) nafeshow׃

¹⁷ עֵינַ֣יִם רָ֭מֹות לְשֹׁ֣ון שָׁ֑קֶר וְ֝יָדַ֗יִם שֹׁפְכֹ֥ות דָּם־נָקִֽי׃ ʿeynayim ramowt leshown shaqer weyadayim shofekhowt dam־naqiy׃

¹⁸ לֵ֗ב חֹ֭רֵשׁ מַחְשְׁבֹ֣ות אָ֑וֶן רַגְלַ֥יִם מְ֝מַהֲרֹ֗ות לָר֥וּץ לָֽרָעָה׃ lev ḥoresh maḥeshevowt ʾawen ragelayim memaharowt laruts laraʿah׃

¹⁹ יָפִ֣יחַ כְּ֭זָבִים עֵ֣ד שָׁ֑קֶר וּמְשַׁלֵּ֥חַ מְ֝דָנִ֗ים בֵּ֣ין אַחִֽים׃ פ yafiyḥa kezaviym ʿed shaqer umeshaleaḥ medaniym beyn ʾaḥiym׃ f

²⁰ נְצֹ֣ר בְּ֭נִי מִצְוַ֣ת אָבִ֑יךָ וְאַל־תִּ֝טֹּ֗שׁ תֹּורַ֥ת אִמֶּֽךָ׃ netsor beniy mitsewat ʾaviykha weʾal־tiṭosh towrat ʾimekha׃

²¹ קָשְׁרֵ֣ם עַל־לִבְּךָ֣ תָמִ֑יד עָ֝נְדֵ֗ם עַל־גַּרְגְּרֹתֶֽךָ׃ qasherem ʿal־libekha tamiyd ʿanedem ʿal־garegerotekha׃

²² בְּהִתְהַלֶּכְךָ֨ ׀ תַּנְחֶ֬ה אֹתָ֗ךְ בְּֽ֭שָׁכְבְּךָ תִּשְׁמֹ֣ר עָלֶ֑יךָ וַ֝הֲקִיצֹ֗ותָ הִ֣יא תְשִׂיחֶֽךָ׃ behitehalekhekha ׀ taneḥeh ʾotakhe beshakhebekha tishemor ʿaleykha wahaqiytsowta hiyʾ tesiyḥekha׃

²³ כִּ֤י נֵ֣ר מִ֭צְוָה וְתֹ֣ורָה אֹ֑ור וְדֶ֥רֶךְ חַ֝יִּ֗ים תֹּוכְחֹ֥ות מוּסָֽר׃ kiy ner mitsewah wetowrah ʾowr wederekhe ḥayiym towkheḥowt musar׃

²⁴ לִ֭שְׁמָרְךָ מֵאֵ֣שֶׁת רָ֑ע מֵֽ֝חֶלְקַ֗ת לָשֹׁ֥ון נָכְרִיָּֽה׃ lishemarekha meʾeshet raʿ meḥeleqat lashown nakheriyah׃

²⁵ אַל־תַּחְמֹ֣ד יָ֭פְיָהּ בִּלְבָבֶ֑ךָ וְאַל־תִּ֝קָּֽחֲךָ֗ בְּעַפְעַפֶּֽיהָ׃ ʾal־taḥemod yafeyah bilevavekha weʾal־tiqaḥakha beʿafeʿapeyha׃

²⁶ כִּ֤י בְעַד־אִשָּׁ֥ה זֹונָ֗ה עַֽד־כִּכַּ֫ר לָ֥חֶם וְאֵ֥שֶׁת אִ֑ישׁ נֶ֖פֶשׁ יְקָרָ֣ה תָצֽוּד׃ פ kiy veʿad־ʾishah zownah ʿad־kikar laḥem weʾeshet ʾiysh nefesh yeqarah tatsud׃ f

²⁷ הֲיַחְתֶּ֤ה אִ֓ישׁ אֵ֬שׁ בְּחֵיקֹ֑ו וּ֝בְגָדָ֗יו לֹ֣א תִשָּׂרַֽפְנָה׃ hayaḥeteh ʾiysh ʾesh beḥeyqow uvegadayw loʾ tisarafenah׃

²⁸ אִם־יְהַלֵּ֣ךְ אִ֭ישׁ עַל־הַגֶּחָלִ֑ים וְ֝רַגְלָ֗יו לֹ֣א תִכָּוֶֽינָה׃ ʾim־yehalekhe ʾiysh ʿal־hageḥaliym weragelayw loʾ tikaweynah׃

²⁹ כֵּ֗ן הַ֭בָּא אֶל־אֵ֣שֶׁת רֵעֵ֑הוּ לֹ֥א יִ֝נָּקֶ֗ה כָּֽל־הַנֹּגֵ֥עַ בָּֽהּ׃ ken habaʾ ʾel־ʾeshet reʿehu loʾ yinaqeh kal־hanogeaʿ bah׃

³⁰ לֹא־יָב֣וּזוּ לַ֭גַּנָּב כִּ֣י יִגְנֹ֑וב לְמַלֵּ֥א נַ֝פְשֹׁ֗ו כִּ֣י יִרְעָֽב׃ loʾ־yavuzu laganav kiy yigenowv lemaleʾ nafeshow kiy yireʿav׃

³¹ וְ֭נִמְצָא יְשַׁלֵּ֣ם שִׁבְעָתָ֑יִם אֶת־כָּל־הֹ֖ון בֵּיתֹ֣ו יִתֵּֽן׃ wenimetsaʾ yeshalem shiveʿatayim ʾet־kal־hown beytow yiten׃

³² נֹאֵ֣ף אִשָּׁ֣ה חֲסַר־לֵ֑ב מַֽשְׁחִ֥ית נַ֝פְשֹׁ֗ו ה֣וּא יַעֲשֶֽׂנָּה׃ noʾef ʾishah ḥasar־lev masheḥiyt nafeshow huʾ yaʿasenah׃

³³ נֶֽגַע־וְקָלֹ֥ון יִמְצָ֑א וְ֝חֶרְפָּתֹ֗ו לֹ֣א תִמָּחֶֽה׃ negaʿ־weqalown yimetsaʾ weḥerepatow loʾ timaḥeh׃

³⁴ כִּֽי־קִנְאָ֥ה חֲמַת־גָּ֑בֶר וְלֹֽא־יַ֝חְמֹ֗ול בְּיֹ֣ום נָקָֽם׃ kiy־qineʾah ḥamat־gaver weloʾ־yaḥemowl beyowm naqam׃

³⁵ לֹא־יִ֭שָּׂא פְּנֵ֣י כָל־כֹּ֑פֶר וְלֹֽא־יֹ֝אבֶ֗ה כִּ֣י תַרְבֶּה־שֹֽׁחַד׃ פ loʾ־yisaʾ peney khal־kofer weloʾ־yoʾveh kiy tarebeh־shoḥad׃ f