Proverbes 1

¹ מִ֭שְׁלֵי שְׁלֹמֹ֣ה בֶן־דָּוִ֑ד מֶ֝֗לֶךְ יִשְׂרָאֵֽל׃ misheley shelomoh ven־dawid melekhe yiseraʾel׃

² לָדַ֣עַת חָכְמָ֣ה וּמוּסָ֑ר לְ֝הָבִ֗ין אִמְרֵ֥י בִינָֽה׃ ladaʿat ḥakhemah umusar lehaviyn ʾimerey viynah׃

³ לָ֭קַחַת מוּסַ֣ר הַשְׂכֵּ֑ל צֶ֥דֶק וּ֝מִשְׁפָּ֗ט וּמֵישָׁרִֽים׃ laqaḥat musar hasekel tsedeq umishepaṭ umeyshariym׃

⁴ לָתֵ֣ת לִפְתָאיִ֣ם עָרְמָ֑ה לְ֝נַ֗עַר דַּ֣עַת וּמְזִמָּֽה׃ latet lifetaʾyim ʿaremah lenaʿar daʿat umezimah׃

⁵ יִשְׁמַ֣ע חָ֭כָם וְיֹ֣וסֶף לֶ֑קַח וְ֝נָבֹ֗ון תַּחְבֻּלֹ֥ות יִקְנֶֽה׃ yishemaʿ ḥakham weyowsef leqaḥ wenavown taḥebulowt yiqeneh׃

⁶ לְהָבִ֣ין מָ֭שָׁל וּמְלִיצָ֑ה דִּבְרֵ֥י חֲ֝כָמִ֗ים וְחִידֹתָֽם׃ lehaviyn mashal umeliytsah diverey ḥakhamiym weḥiydotam׃

⁷ יִרְאַ֣ת יְ֭הוָה רֵאשִׁ֣ית דָּ֑עַת חָכְמָ֥ה וּ֝מוּסָ֗ר אֱוִילִ֥ים בָּֽזוּ׃ פ yireʾat yehwah reʾshiyt daʿat ḥakhemah umusar ʾewiyliym bazu׃ f

⁸ שְׁמַ֣ע בְּ֭נִי מוּסַ֣ר אָבִ֑יךָ וְאַל־תִּ֝טֹּ֗שׁ תֹּורַ֥ת אִמֶּֽךָ׃ shemaʿ beniy musar ʾaviykha weʾal־tiṭosh towrat ʾimekha׃

⁹ כִּ֤י ׀ לִוְיַ֤ת חֵ֓ן הֵ֬ם לְרֹאשֶׁ֑ךָ וַ֝עֲנָקִ֗ים לְגַרְגְּרֹתֶֽיךָ׃ kiy ׀ liweyat ḥen hem leroʾshekha waʿanaqiym legaregeroteykha׃

¹⁰ בְּנִ֡י אִם־יְפַתּ֥וּךָ חַ֝טָּאִ֗ים אַל־תֹּבֵֽא׃ beniy ʾim־yefatukha ḥaṭaʾiym ʾal־toveʾ׃

¹¹ אִם־יֹאמְרוּ֮ לְכָ֪ה אִ֫תָּ֥נוּ נֶאֶרְבָ֥ה לְדָ֑ם נִצְפְּנָ֖ה לְנָקִ֣י חִנָּֽם׃ ʾim־yoʾmeru lekhah ʾitanu neʾerevah ledam nitsepenah lenaqiy ḥinam׃

¹² נִ֭בְלָעֵם כִּשְׁאֹ֣ול חַיִּ֑ים וּ֝תְמִימִ֗ים כְּיֹ֣ורְדֵי בֹֽור׃ nivelaʿem kisheʾowl ḥayiym utemiymiym keyowredey vowr׃

¹³ כָּל־הֹ֣ון יָקָ֣ר נִמְצָ֑א נְמַלֵּ֖א בָתֵּ֣ינוּ שָׁלָֽל׃ kal־hown yaqar nimetsaʾ nemaleʾ vateynu shalal׃

¹⁴ גֹּ֭ורָ֣לְךָ תַּפִּ֣יל בְּתֹוכֵ֑נוּ כִּ֥יס אֶ֝חָ֗ד יִהְיֶ֥ה לְכֻלָּֽנוּ׃ gowralekha tapiyl betowkhenu kiys ʾeḥad yiheyeh lekhulanu׃

¹⁵ בְּנִ֗י אַל־תֵּלֵ֣ךְ בְּדֶ֣רֶךְ אִתָּ֑ם מְנַ֥ע רַ֝גְלְךָ֗ מִנְּתִיבָתָֽם׃ beniy ʾal־telekhe bederekhe ʾitam menaʿ ragelekha minetiyvatam׃

¹⁶ כִּ֣י רַ֭גְלֵיהֶם לָרַ֣ע יָר֑וּצוּ וִֽ֝ימַהֲר֗וּ לִשְׁפָּךְ־דָּֽם׃ kiy rageleyhem laraʿ yarutsu wiymaharu lishepakhe־dam׃

¹⁷ כִּֽי־חִ֭נָּם מְזֹרָ֣ה הָרָ֑שֶׁת בְּ֝עֵינֵ֗י כָל־בַּ֥עַל כָּנָֽף׃ kiy־ḥinam mezorah harashet beʿeyney khal־baʿal kanaf׃

¹⁸ וְ֭הֵם לְדָמָ֣ם יֶאֱרֹ֑בוּ יִ֝צְפְּנ֗וּ לְנַפְשֹׁתָֽם׃ wehem ledamam yeʾerovu yitsepenu lenafeshotam׃

¹⁹ כֵּ֗ן אָ֭רְחֹות כָּל־בֹּ֣צֵֽעַ בָּ֑צַע אֶת־נֶ֖פֶשׁ בְּעָלָ֣יו יִקָּֽח׃ פ ken ʾareḥowt kal־botseaʿ batsaʿ ʾet־nefesh beʿalayw yiqaḥ׃ f

²⁰ חָ֭כְמֹות בַּח֣וּץ תָּרֹ֑נָּה בָּ֝רְחֹבֹ֗ות תִּתֵּ֥ן קֹולָֽהּ׃ ḥakhemowt baḥuts taronah bareḥovowt titen qowlah׃

²¹ בְּרֹ֥אשׁ הֹמִיֹּ֗ות תִּ֫קְרָ֥א בְּפִתְחֵ֖י שְׁעָרִ֥ים בָּעִ֗יר אֲמָרֶ֥יהָ תֹאמֵֽר׃ beroʾsh homiyowt tiqeraʾ befiteḥey sheʿariym baʿiyr ʾamareyha toʾmer׃

²² עַד־מָתַ֣י ׀ פְּתָיִם֮ תְּֽאֵהֲב֫וּ פֶ֥תִי וְלֵצִ֗ים לָ֭צֹון חָמְד֣וּ לָהֶ֑ם וּ֝כְסִילִ֗ים יִשְׂנְאוּ־דָֽעַת׃ ʿad־matay ׀ petayim teʾehavu fetiy weletsiym latsown ḥamedu lahem ukhesiyliym yiseneʾu־daʿat׃

²³ תָּשׁ֗וּבוּ לְֽתֹ֫וכַחְתִּ֥י הִנֵּ֤ה אַבִּ֣יעָה לָכֶ֣ם רוּחִ֑י אֹודִ֖יעָה דְבָרַ֣י אֶתְכֶֽם׃ tashuvu letowkhaḥetiy hineh ʾabiyʿah lakhem ruḥiy ʾowdiyʿah devaray ʾetekhem׃

²⁴ יַ֣עַן קָ֭רָאתִי וַתְּמָאֵ֑נוּ נָטִ֥יתִי יָ֝דִ֗י וְאֵ֣ין מַקְשִֽׁיב׃ yaʿan qaraʾtiy watemaʾenu naṭiytiy yadiy weʾeyn maqeshiyv׃

²⁵ וַתִּפְרְע֥וּ כָל־עֲצָתִ֑י וְ֝תֹוכַחְתִּ֗י לֹ֣א אֲבִיתֶֽם׃ watifereʿu khal־ʿatsatiy wetowkhaḥetiy loʾ ʾaviytem׃

²⁶ גַּם־אֲ֭נִי בְּאֵידְכֶ֣ם אֶשְׂחָ֑ק אֶ֝לְעַ֗ג בְּבֹ֣א פַחְדְּכֶֽם׃ gam־ʾaniy beʾeydekhem ʾeseḥaq ʾeleʿag bevoʾ faḥedekhem׃

²⁷ בְּבֹ֤א [כְשַׁאֲוָה כ] (כְשֹׁואָ֨ה ׀ ק) פַּחְדְּכֶ֗ם וְֽ֭אֵידְכֶם כְּסוּפָ֣ה יֶאֱתֶ֑ה בְּבֹ֥א עֲ֝לֵיכֶ֗ם צָרָ֥ה וְצוּקָֽה׃ bevoʾ [kheshaʾawah kh] (kheshowʾah ׀ q) paḥedekhem weʾeydekhem kesufah yeʾeteh bevoʾ ʿaleykhem tsarah wetsuqah׃

²⁸ אָ֣ז יִ֭קְרָאֻנְנִי וְלֹ֣א אֶֽעֱנֶ֑ה יְ֝שַׁחֲרֻ֗נְנִי וְלֹ֣א יִמְצָאֻֽנְנִי׃ ʾaz yiqeraʾuneniy weloʾ ʾeʿeneh yeshaḥaruneniy weloʾ yimetsaʾuneniy׃

²⁹ תַּ֭חַת כִּי־שָׂ֣נְאוּ דָ֑עַת וְיִרְאַ֥ת יְ֝הֹוָ֗ה לֹ֣א בָחָֽרוּ׃ taḥat kiy־saneʾu daʿat weyireʾat yehowah loʾ vaḥaru׃

³⁰ לֹא־אָב֥וּ לַעֲצָתִ֑י נָ֝אֲצ֗וּ כָּל־תֹּוכַחְתִּֽי׃ loʾ־ʾavu laʿatsatiy naʾatsu kal־towkhaḥetiy׃

³¹ וְֽ֭יֹאכְלוּ מִפְּרִ֣י דַרְכָּ֑ם וּֽמִמֹּעֲצֹ֖תֵיהֶ֣ם יִשְׂבָּֽעוּ׃ weyoʾkhelu miperiy darekam umimoʿatsoteyhem yisebaʿu׃

³² כִּ֤י מְשׁוּבַ֣ת פְּתָיִ֣ם תַּֽהַרְגֵ֑ם וְשַׁלְוַ֖ת כְּסִילִ֣ים תְּאַבְּדֵֽם׃ kiy meshuvat petayim taharegem weshalewat kesiyliym teʾabedem׃

³³ וְשֹׁמֵ֣עַֽ לִ֭י יִשְׁכָּן־בֶּ֑טַח וְ֝שַׁאֲנַ֗ן מִפַּ֥חַד רָעָֽה׃ פ weshomeaʿ liy yishekan־beṭaḥ weshaʾanan mipaḥad raʿah׃ f