Proverbes 12

¹ אֹהֵ֣ב מ֖וּסָר אֹ֣הֵֽב דָּ֑עַת וְשֹׂנֵ֖א תֹוכַ֣חַת בָּֽעַר׃ ʾohev musar ʾohev daʿat wesoneʾ towkhaḥat baʿar׃

² טֹ֗וב יָפִ֣יק רָ֭צֹון מֵיְהוָ֑ה וְאִ֖ישׁ מְזִמֹּ֣ות יַרְשִֽׁיעַ׃ ṭowv yafiyq ratsown meyehwah weʾiysh mezimowt yareshiyʿa׃

³ לֹא־יִכֹּ֣ון אָדָ֣ם בְּרֶ֑שַׁע וְשֹׁ֥רֶשׁ צַ֝דִּיקִ֗ים בַּל־יִמֹּֽוט׃ loʾ־yikown ʾadam bereshaʿ weshoresh tsadiyqiym bal־yimowṭ׃

⁴ אֵֽשֶׁת־חַ֭יִל עֲטֶ֣רֶת בַּעְלָ֑הּ וּכְרָקָ֖ב בְּעַצְמֹותָ֣יו מְבִישָֽׁה׃ ʾeshet־ḥayil ʿaṭeret baʿelah ukheraqav beʿatsemowtayw meviyshah׃

⁵ מַחְשְׁבֹ֣ות צַדִּיקִ֣ים מִשְׁפָּ֑ט תַּחְבֻּלֹ֖ות רְשָׁעִ֣ים מִרְמָֽה׃ maḥeshevowt tsadiyqiym mishepaṭ taḥebulowt reshaʿiym miremah׃

⁶ דִּבְרֵ֣י רְשָׁעִ֣ים אֱרָב־דָּ֑ם וּפִ֥י יְ֝שָׁרִ֗ים יַצִּילֵֽם׃ diverey reshaʿiym ʾerav־dam ufiy yeshariym yatsiylem׃

⁷ הָפֹ֣וךְ רְשָׁעִ֣ים וְאֵינָ֑ם וּבֵ֖ית צַדִּיקִ֣ים יַעֲמֹֽד׃ hafowkhe reshaʿiym weʾeynam uveyt tsadiyqiym yaʿamod׃

⁸ לְֽפִישִׂ֭־כְלֹו יְהֻלַּל־אִ֑ישׁ וְנַעֲוֵה־לֵ֝֗ב יִהְיֶ֥ה לָבֽוּז׃ lefiysi־khelow yehulal־ʾiysh wenaʿaweh־lev yiheyeh lavuz׃

⁹ טֹ֣וב נִ֭קְלֶה וְעֶ֣בֶד לֹ֑ו מִ֝מְּתַכַּבֵּ֗ד וַחֲסַר־לָֽחֶם׃ ṭowv niqeleh weʿeved low mimetakabed waḥasar־laḥem׃

¹⁰ יֹודֵ֣עַ צַ֭דִּיק נֶ֣פֶשׁ בְּהֶמְתֹּ֑ו וְֽרַחֲמֵ֥י רְ֝שָׁעִ֗ים אַכְזָרִֽי׃ yowdeaʿ tsadiyq nefesh behemetow weraḥamey reshaʿiym ʾakhezariy׃

¹¹ עֹבֵ֣ד אַ֭דְמָתֹו יִֽשְׂבַּֽע־לָ֑חֶם וּמְרַדֵּ֖ף רֵיקִ֣ים חֲסַר־לֵֽב׃ ʿoved ʾadematow yisebaʿ־laḥem umeradef reyqiym ḥasar־lev׃

¹² חָמַ֣ד רָ֭שָׁע מְצֹ֣וד רָעִ֑ים וְשֹׁ֖רֶשׁ צַדִּיקִ֣ים יִתֵּֽן׃ ḥamad rashaʿ metsowd raʿiym weshoresh tsadiyqiym yiten׃

¹³ בְּפֶ֣שַׁע פָתַיִם מֹוקֵ֣שׁ רָ֑ע וַיֵּצֵ֖א מִצָּרָ֣ה צַדִּֽיק׃ befeshaʿ fatayim mowqesh raʿ wayetseʾ mitsarah tsadiyq׃

¹⁴ מִפְּרִ֣י פִי־אִ֭ישׁ יִשְׂבַּע־טֹ֑וב וּגְמ֥וּל יְדֵי־אָ֝דָ֗ם [יָשׁוּב כ] (יָשִׁ֥יב ק) לֹֽו׃ miperiy fiy־ʾiysh yisebaʿ־ṭowv ugemul yedey־ʾadam [yashuv kh] (yashiyv q) low׃

¹⁵ דֶּ֣רֶךְ אֱ֭וִיל יָשָׁ֣ר בְּעֵינָ֑יו וְשֹׁמֵ֖עַ לְעֵצָ֣ה חָכָֽם׃ derekhe ʾewiyl yashar beʿeynayw weshomeaʿ leʿetsah ḥakham׃

¹⁶ אֱוִ֗יל בַּ֭יֹּום יִוָּדַ֣ע כַּעְסֹ֑ו וְכֹסֶ֖ה קָלֹ֣ון עָרֽוּם׃ ʾewiyl bayowm yiuadaʿ kaʿesow wekhoseh qalown ʿarum׃

¹⁷ יָפִ֣יחַ אֱ֭מוּנָה יַגִּ֣יד צֶ֑דֶק וְעֵ֖ד שְׁקָרִ֣ים מִרְמָֽה׃ yafiyḥa ʾemunah yagiyd tsedeq weʿed sheqariym miremah׃

¹⁸ יֵ֣שׁ בֹּ֖וטֶה כְּמַדְקְרֹ֣ות חָ֑רֶב וּלְשֹׁ֖ון חֲכָמִ֣ים מַרְפֵּֽא׃ yesh bowṭeh kemadeqerowt ḥarev uleshown ḥakhamiym marepeʾ׃

¹⁹ שְֽׂפַת־אֱ֭מֶת תִּכֹּ֣ון לָעַ֑ד וְעַד־אַ֝רְגִּ֗יעָה לְשֹׁ֣ון שָֽׁקֶר׃ sefat־ʾemet tikown laʿad weʿad־ʾaregiyʿah leshown shaqer׃

²⁰ מִ֭רְמָה בְּלֶב־חֹ֣רְשֵׁי רָ֑ע וּֽלְיֹעֲצֵ֖י שָׁלֹ֣ום שִׂמְחָֽה׃ miremah belev־ḥoreshey raʿ uleyoʿatsey shalowm simeḥah׃

²¹ לֹא־יְאֻנֶּ֣ה לַצַּדִּ֣יק כָּל־אָ֑וֶן וּ֝רְשָׁעִ֗ים מָ֣לְאוּ רָֽע׃ loʾ־yeʾuneh latsadiyq kal־ʾawen ureshaʿiym maleʾu raʿ׃

²² תֹּועֲבַ֣ת יְ֭הוָה שִׂפְתֵי־שָׁ֑קֶר וְעֹשֵׂ֖י אֱמוּנָ֣ה רְצֹונֹֽו׃ towʿavat yehwah sifetey־shaqer weʿosey ʾemunah retsownow׃

²³ אָדָ֣ם עָ֭רוּם כֹּ֣סֶה דָּ֑עַת וְלֵ֥ב כְּ֝סִילִ֗ים יִקְרָ֥א אִוֶּֽלֶת׃ ʾadam ʿarum koseh daʿat welev kesiyliym yiqeraʾ ʾiuelet׃

²⁴ יַד־חָרוּצִ֥ים תִּמְשֹׁ֑ול וּ֝רְמִיָּ֗ה תִּהְיֶ֥ה לָמַֽס׃ yad־ḥarutsiym timeshowl uremiyah tiheyeh lamas׃

²⁵ דְּאָגָ֣ה בְלֶב־אִ֣ישׁ יַשְׁחֶ֑נָּה וְדָבָ֖ר טֹ֣וב יְשַׂמְּחֶֽנָּה׃ deʾagah velev־ʾiysh yasheḥenah wedavar ṭowv yesameḥenah׃

²⁶ יָתֵ֣ר מֵרֵעֵ֣הוּ צַדִּ֑יק וְדֶ֖רֶךְ רְשָׁעִ֣ים תַּתְעֵֽם׃ yater mereʿehu tsadiyq wederekhe reshaʿiym tateʿem׃

²⁷ לֹא־יַחֲרֹ֣ךְ רְמִיָּ֣ה צֵידֹ֑ו וְהֹון־אָדָ֖ם יָקָ֣ר חָרֽוּץ׃ loʾ־yaḥarokhe remiyah tseydow wehown־ʾadam yaqar ḥaruts׃

²⁸ בְּאֹֽרַח־צְדָקָ֥ה חַיִּ֑ים וְדֶ֖רֶךְ נְתִיבָ֣ה אַל־מָֽוֶת׃ beʾoraḥ־tsedaqah ḥayiym wederekhe netiyvah ʾal־mawet׃