Ésaïe 9

¹ הָעָם֙ הַהֹלְכִ֣ים בַּחֹ֔שֶׁךְ רָא֖וּ אֹ֣ור גָּדֹ֑ול יֹשְׁבֵי֙ בְּאֶ֣רֶץ צַלְמָ֔וֶת אֹ֖ור נָגַ֥הּ עֲלֵיהֶֽם׃ haʿam haholekhiym baḥoshekhe raʾu ʾowr gadowl yoshevey beʾerets tsalemawet ʾowr nagah ʿaleyhem׃

² הִרְבִּ֣יתָ הַגֹּ֔וי [לֹא כ] (לֹ֖ו ק) הִגְדַּ֣לְתָּ הַשִּׂמְחָ֑ה שָׂמְח֤וּ לְפָנֶ֙יךָ֙ כְּשִׂמְחַ֣ת בַּקָּצִ֔יר כַּאֲשֶׁ֥ר יָגִ֖ילוּ בְּחַלְּקָ֥ם שָׁלָֽל׃ hirebiyta hagowy [loʾ kh] (low q) higedaleta hasimeḥah sameḥu lefaneykha kesimeḥat baqatsiyr kaʾasher yagiylu beḥaleqam shalal׃

³ כִּ֣י ׀ אֶת־עֹ֣ל סֻבֳּלֹ֗ו וְאֵת֙ מַטֵּ֣ה שִׁכְמֹ֔ו שֵׁ֖בֶט הַנֹּגֵ֣שׂ בֹּ֑ו הַחִתֹּ֖תָ כְּיֹ֥ום מִדְיָֽן׃ kiy ׀ ʾet־ʿol subolow weʾet maṭeh shikhemow sheveṭ hanoges bow haḥitota keyowm mideyan׃

⁴ כִּ֤י כָל־סְאֹון֙ סֹאֵ֣ן בְּרַ֔עַשׁ וְשִׂמְלָ֖ה מְגֹולָלָ֣ה בְדָמִ֑ים וְהָיְתָ֥ה לִשְׂרֵפָ֖ה מַאֲכֹ֥לֶת אֵֽשׁ׃ kiy khal־seʾown soʾen beraʿash wesimelah megowlalah vedamiym wehayetah liserefah maʾakholet ʾesh׃

⁵ כִּי־יֶ֣לֶד יֻלַּד־לָ֗נוּ בֵּ֚ן נִתַּן־לָ֔נוּ וַתְּהִ֥י הַמִּשְׂרָ֖ה עַל־שִׁכְמֹ֑ו וַיִּקְרָ֨א שְׁמֹ֜ו פֶּ֠לֶא יֹועֵץ֙ אֵ֣ל גִּבֹּ֔ור אֲבִיעַ֖ד שַׂר־שָׁלֹֽום׃ kiy־yeled yulad־lanu ben nitan־lanu watehiy hamiserah ʿal־shikhemow wayiqeraʾ shemow peleʾ yowʿets ʾel gibowr ʾaviyʿad sar־shalowm׃

⁶ [לְמַרְבֵּה כ] (לְמַרְבֵּ֨ה ק) הַמִּשְׂרָ֜ה וּלְשָׁלֹ֣ום אֵֽין־קֵ֗ץ עַל־כִּסֵּ֤א דָוִד֙ וְעַל־מַמְלַכְתֹּ֔ו לְהָכִ֤ין אֹתָהּ֙ וּֽלְסַעֲדָ֔הּ בְּמִשְׁפָּ֖ט וּבִצְדָקָ֑ה מֵעַתָּה֙ וְעַד־עֹולָ֔ם קִנְאַ֛ת יְהוָ֥ה צְבָאֹ֖ות תַּעֲשֶׂה־זֹּֽאת׃ ס [lemarebeh kh] (lemarebeh q) hamiserah uleshalowm ʾeyn־qets ʿal־kiseʾ dawid weʿal־mamelakhetow lehakhiyn ʾotah ulesaʿadah bemishepaṭ uvitsedaqah meʿatah weʿad־ʿowlam qineʾat yehwah tsevaʾowt taʿaseh־zoʾt׃ s

⁷ דָּבָ֛ר שָׁלַ֥ח אֲדֹנָ֖י בְּיַעֲקֹ֑ב וְנָפַ֖ל בְּיִשְׂרָאֵֽל׃ davar shalaḥ ʾadonay beyaʿaqov wenafal beyiseraʾel׃

⁸ וְיָדְעוּ֙ הָעָ֣ם כֻּלֹּ֔ו אֶפְרַ֖יִם וְיֹושֵׁ֣ב שֹׁמְרֹ֑ון בְּגַאֲוָ֛ה וּבְגֹ֥דֶל לֵבָ֖ב לֵאמֹֽר׃ weyadeʿu haʿam kulow ʾeferayim weyowshev shomerown begaʾawah uvegodel levav leʾmor׃

⁹ לְבֵנִ֥ים נָפָ֖לוּ וְגָזִ֣ית נִבְנֶ֑ה שִׁקְמִ֣ים גֻּדָּ֔עוּ וַאֲרָזִ֖ים נַחֲלִֽיף׃ leveniym nafalu wegaziyt niveneh shiqemiym gudaʿu waʾaraziym naḥaliyf׃

¹⁰ וַיְשַׂגֵּ֧ב יְהוָ֛ה אֶת־צָרֵ֥י רְצִ֖ין עָלָ֑יו וְאֶת־אֹיְבָ֖יו יְסַכְסֵֽךְ׃ wayesagev yehwah ʾet־tsarey retsiyn ʿalayw weʾet־ʾoyevayw yesakhesekhe׃

¹¹ אֲרָ֣ם מִקֶּ֗דֶם וּפְלִשְׁתִּים֙ מֵֽאָחֹ֔ור וַיֹּאכְל֥וּ אֶת־יִשְׂרָאֵ֖ל בְּכָל־פֶּ֑ה בְּכָל־זֹאת֙ לֹא־שָׁ֣ב אַפֹּ֔ו וְעֹ֖וד יָדֹ֥ו נְטוּיָֽה׃ ʾaram miqedem ufelishetiym meʾaḥowr wayoʾkhelu ʾet־yiseraʾel bekhal־peh bekhal־zoʾt loʾ־shav ʾapow weʿowd yadow neṭuyah׃

¹² וְהָעָ֥ם לֹא־שָׁ֖ב עַד־הַמַּכֵּ֑הוּ וְאֶת־יְהוָ֥ה צְבָאֹ֖ות לֹ֥א דָרָֽשׁוּ׃ ס wehaʿam loʾ־shav ʿad־hamakehu weʾet־yehwah tsevaʾowt loʾ darashu׃ s

¹³ וַיַּכְרֵ֨ת יְהוָ֜ה מִיִּשְׂרָאֵ֗ל רֹ֧אשׁ וְזָנָ֛ב כִּפָּ֥ה וְאַגְמֹ֖ון יֹ֥ום אֶחָֽד׃ wayakheret yehwah miyiseraʾel roʾsh wezanav kipah weʾagemown yowm ʾeḥad׃

¹⁴ זָקֵ֥ן וּנְשׂוּא־פָנִ֖ים ה֣וּא הָרֹ֑אשׁ וְנָבִ֥יא מֹֽורֶה־שֶּׁ֖קֶר ה֥וּא הַזָּנָֽב׃ zaqen unesuʾ־faniym huʾ haroʾsh wenaviyʾ mowreh־sheqer huʾ hazanav׃

¹⁵ וַיִּֽהְי֛וּ מְאַשְּׁרֵ֥י הָֽעָם־הַזֶּ֖ה מַתְעִ֑ים וּמְאֻשָּׁרָ֖יו מְבֻלָּעִֽים׃ wayiheyu meʾasherey haʿam־hazeh mateʿiym umeʾusharayw mevulaʿiym׃

¹⁶ עַל־כֵּ֨ן עַל־בַּחוּרָ֜יו לֹֽא־יִשְׂמַ֣ח ׀ אֲדֹנָ֗י וְאֶת־יְתֹמָ֤יו וְאֶת־אַלְמְנֹתָיו֙ לֹ֣א יְרַחֵ֔ם כִּ֤י כֻלֹּו֙ חָנֵ֣ף וּמֵרַ֔ע וְכָל־פֶּ֖ה דֹּבֵ֣ר נְבָלָ֑ה בְּכָל־זֹאת֙ לֹא־שָׁ֣ב אַפֹּ֔ו וְעֹ֖וד יָדֹ֥ו נְטוּיָֽה׃ ʿal־ken ʿal־baḥurayw loʾ־yisemaḥ ׀ ʾadonay weʾet־yetomayw weʾet־ʾalemenotayw loʾ yeraḥem kiy khulow ḥanef umeraʿ wekhal־peh dover nevalah bekhal־zoʾt loʾ־shav ʾapow weʿowd yadow neṭuyah׃

¹⁷ כִּֽי־בָעֲרָ֤ה כָאֵשׁ֙ רִשְׁעָ֔ה שָׁמִ֥יר וָשַׁ֖יִת תֹּאכֵ֑ל וַתִּצַּת֙ בְּסִֽבְכֵ֣י הַיַּ֔עַר וַיִּֽתְאַבְּכ֖וּ גֵּא֥וּת עָשָֽׁן׃ kiy־vaʿarah khaʾesh risheʿah shamiyr washayit toʾkhel watitsat besivekhey hayaʿar wayiteʾabekhu geʾut ʿashan׃

¹⁸ בְּעֶבְרַ֛ת יְהוָ֥ה צְבָאֹ֖ות נֶעְתַּ֣ם אָ֑רֶץ וַיְהִ֤י הָעָם֙ כְּמַאֲכֹ֣לֶת אֵ֔שׁ אִ֥ישׁ אֶל־אָחִ֖יו לֹ֥א יַחְמֹֽלוּ׃ beʿeverat yehwah tsevaʾowt neʿetam ʾarets wayehiy haʿam kemaʾakholet ʾesh ʾiysh ʾel־ʾaḥiyw loʾ yaḥemolu׃

¹⁹ וַיִּגְזֹ֤ר עַל־יָמִין֙ וְרָעֵ֔ב וַיֹּ֥אכַל עַל־שְׂמֹ֖אול וְלֹ֣א שָׂבֵ֑עוּ אִ֥ישׁ בְּשַׂר־זְרֹעֹ֖ו יֹאכֵֽלוּ׃ wayigezor ʿal־yamiyn weraʿev wayoʾkhal ʿal־semoʾwl weloʾ saveʿu ʾiysh besar־zeroʿow yoʾkhelu׃

²⁰ מְנַשֶּׁ֣ה אֶת־אֶפְרַ֗יִם וְאֶפְרַ֙יִם֙ אֶת־מְנַשֶּׁ֔ה יַחְדָּ֥ו הֵ֖מָּה עַל־יְהוּדָ֑ה בְּכָל־זֹאת֙ לֹא־שָׁ֣ב אַפֹּ֔ו וְעֹ֖וד יָדֹ֥ו נְטוּיָֽה׃ ס menasheh ʾet־ʾeferayim weʾeferayim ʾet־menasheh yaḥedaw hemah ʿal־yehudah bekhal־zoʾt loʾ־shav ʾapow weʿowd yadow neṭuyah׃ s