Ésaïe 37

¹ וַיְהִ֗י כִּשְׁמֹ֙עַ֙ הַמֶּ֣לֶךְ חִזְקִיָּ֔הוּ וַיִּקְרַ֖ע אֶת־בְּגָדָ֑יו וַיִּתְכַּ֣ס בַּשָּׂ֔ק וַיָּבֹ֖א בֵּ֥ית יְהוָֽה׃ wayehiy kishemoaʿ hamelekhe ḥizeqiyahu wayiqeraʿ ʾet־begadayw wayitekas basaq wayavoʾ beyt yehwah׃

² וַ֠יִּשְׁלַח אֶת־אֶלְיָקִ֨ים אֲשֶׁר־עַל־הַבַּ֜יִת וְאֵ֣ת ׀ שֶׁבְנָ֣א הַסֹּופֵ֗ר וְאֵת֙ זִקְנֵ֣י הַכֹּהֲנִ֔ים מִתְכַּסִּ֖ים בַּשַּׂקִּ֑ים אֶל־יְשַֽׁעְיָ֥הוּ בֶן־אָמֹ֖וץ הַנָּבִֽיא׃ wayishelaḥ ʾet־ʾeleyaqiym ʾasher־ʿal־habayit weʾet ׀ shevenaʾ hasowfer weʾet ziqeney hakohaniym mitekasiym basaqiym ʾel־yeshaʿeyahu ven־ʾamowts hanaviyʾ׃

³ וַיֹּאמְר֣וּ אֵלָ֗יו כֹּ֚ה אָמַ֣ר חִזְקִיָּ֔הוּ יֹום־צָרָ֧ה וְתֹוכֵחָ֛ה וּנְאָצָ֖ה הַיֹּ֣ום הַזֶּ֑ה כִּ֣י בָ֤אוּ בָנִים֙ עַד־מַשְׁבֵּ֔ר וְכֹ֥חַ אַ֖יִן לְלֵדָֽה׃ wayoʾmeru ʾelayw koh ʾamar ḥizeqiyahu yowm־tsarah wetowkheḥah uneʾatsah hayowm hazeh kiy vaʾu vaniym ʿad־masheber wekhoaḥ ʾayin leledah׃

⁴ אוּלַ֡י יִשְׁמַע֩ יְהוָ֨ה אֱלֹהֶ֜יךָ אֵ֣ת ׀ דִּבְרֵ֣י רַב־שָׁקֵ֗ה אֲשֶׁר֩ שְׁלָחֹ֨ו מֶֽלֶךְ־אַשּׁ֤וּר ׀ אֲדֹנָיו֙ לְחָרֵף֙ אֱלֹהִ֣ים חַ֔י וְהֹוכִ֙יחַ֙ בַּדְּבָרִ֔ים אֲשֶׁ֥ר שָׁמַ֖ע יְהוָ֣ה אֱלֹהֶ֑יךָ וְנָשָׂ֣אתָ תְפִלָּ֔ה בְּעַ֥ד הַשְּׁאֵרִ֖ית הַנִּמְצָאָֽה׃ ʾulay yishemaʿ yehwah ʾeloheykha ʾet ׀ diverey rav־shaqeh ʾasher shelaḥow melekhe־ʾashur ׀ ʾadonayw leḥaref ʾelohiym ḥay wehowkhiyḥa badevariym ʾasher shamaʿ yehwah ʾeloheykha wenasaʾta tefilah beʿad hasheʾeriyt hanimetsaʾah׃

⁵ וַיָּבֹ֗אוּ עַבְדֵ֛י הַמֶּ֥לֶךְ חִזְקִיָּ֖הוּ אֶל־יְשַׁעְיָֽהוּ׃ wayavoʾu ʿavedey hamelekhe ḥizeqiyahu ʾel־yeshaʿeyahu׃

⁶ וַיֹּ֤אמֶר אֲלֵיהֶם֙ יְשַֽׁעְיָ֔הוּ כֹּ֥ה תֹאמְר֖וּן אֶל־אֲדֹנֵיכֶ֑ם כֹּ֣ה ׀ אָמַ֣ר יְהוָ֗ה אַל־תִּירָא֙ מִפְּנֵ֤י הַדְּבָרִים֙ אֲשֶׁ֣ר שָׁמַ֔עְתָּ אֲשֶׁ֧ר גִּדְּפ֛וּ נַעֲרֵ֥י מֶלֶךְ־אַשּׁ֖וּר אֹותִֽי׃ wayoʾmer ʾaleyhem yeshaʿeyahu koh toʾmerun ʾel־ʾadoneykhem koh ׀ ʾamar yehwah ʾal־tiyraʾ mipeney hadevariym ʾasher shamaʿeta ʾasher gidefu naʿarey melekhe־ʾashur ʾowtiy׃

⁷ הִנְנִ֨י נֹותֵ֥ן בֹּו֙ ר֔וּחַ וְשָׁמַ֥ע שְׁמוּעָ֖ה וְשָׁ֣ב אֶל־אַרְצֹ֑ו וְהִפַּלְתִּ֥יו בַּחֶ֖רֶב בְּאַרְצֹֽו׃ hineniy nowten bow ruaḥ weshamaʿ shemuʿah weshav ʾel־ʾaretsow wehipaletiyw baḥerev beʾaretsow׃

⁸ וַיָּ֙שָׁב֙ רַב־שָׁקֵ֔ה וַיִּמְצָא֙ אֶת־מֶ֣לֶךְ אַשּׁ֔וּר נִלְחָ֖ם עַל־לִבְנָ֑ה כִּ֣י שָׁמַ֔ע כִּ֥י נָסַ֖ע מִלָּכִֽישׁ׃ wayashav rav־shaqeh wayimetsaʾ ʾet־melekhe ʾashur nileḥam ʿal־livenah kiy shamaʿ kiy nasaʿ milakhiysh׃

⁹ וַיִּשְׁמַ֗ע עַל־תִּרְהָ֤קָה מֶֽלֶךְ־כּוּשׁ֙ לֵאמֹ֔ר יָצָ֖א לְהִלָּחֵ֣ם אִתָּ֑ךְ וַיִּשְׁמַע֙ וַיִּשְׁלַ֣ח מַלְאָכִ֔ים אֶל־חִזְקִיָּ֖הוּ לֵאמֹֽר׃ wayishemaʿ ʿal־tirehaqah melekhe־kush leʾmor yatsaʾ lehilaḥem ʾitakhe wayishemaʿ wayishelaḥ maleʾakhiym ʾel־ḥizeqiyahu leʾmor׃

¹⁰ כֹּ֣ה תֹאמְר֗וּן אֶל־חִזְקִיָּ֤הוּ מֶֽלֶךְ־יְהוּדָה֙ לֵאמֹ֔ר אַל־יַשִּׁאֲךָ֣ אֱלֹהֶ֔יךָ אֲשֶׁ֥ר אַתָּ֛ה בֹּוטֵ֥חַ בֹּ֖ו לֵאמֹ֑ר לֹ֤א תִנָּתֵן֙ יְר֣וּשָׁלִַ֔ם בְּיַ֖ד מֶ֥לֶךְ אַשּֽׁוּר׃ koh toʾmerun ʾel־ḥizeqiyahu melekhe־yehudah leʾmor ʾal־yashiʾakha ʾeloheykha ʾasher ʾatah bowṭeaḥ bow leʾmor loʾ tinaten yerushalim beyad melekhe ʾashur׃

¹¹ הִנֵּ֣ה ׀ אַתָּ֣ה שָׁמַ֗עְתָּ אֲשֶׁ֨ר עָשׂ֜וּ מַלְכֵ֥י אַשּׁ֛וּר לְכָל־הָאֲרָצֹ֖ות לְהַחֲרִימָ֑ם וְאַתָּ֖ה תִּנָּצֵֽל׃ hineh ׀ ʾatah shamaʿeta ʾasher ʿasu malekhey ʾashur lekhal־haʾaratsowt lehaḥariymam weʾatah tinatsel׃

¹² הַהִצִּ֨ילוּ אֹותָ֜ם אֱלֹהֵ֤י הַגֹּויִם֙ אֲשֶׁ֣ר הִשְׁחִ֣יתוּ אֲבֹותַ֔י אֶת־גֹּוזָ֖ן וְאֶת־חָרָ֑ן וְרֶ֥צֶף וּבְנֵי־עֶ֖דֶן אֲשֶׁ֥ר בִּתְלַשָּֽׂר׃ hahitsiylu ʾowtam ʾelohey hagowyim ʾasher hisheḥiytu ʾavowtay ʾet־gowzan weʾet־ḥaran weretsef uveney־ʿeden ʾasher bitelasar׃

¹³ אַיֵּ֤ה מֶֽלֶךְ־חֲמָת֙ וּמֶ֣לֶךְ אַרְפָּ֔ד וּמֶ֖לֶךְ לָעִ֣יר סְפַרְוָ֑יִם הֵנַ֖ע וְעִוָּֽה׃ ʾayeh melekhe־ḥamat umelekhe ʾarepad umelekhe laʿiyr sefarewayim henaʿ weʿiuah׃

¹⁴ וַיִּקַּ֨ח חִזְקִיָּ֧הוּ אֶת־הַסְּפָרִ֛ים מִיַּ֥ד הַמַּלְאָכִ֖ים וַיִּקְרָאֵ֑הוּ וַיַּ֙עַל֙ בֵּ֣ית יְהוָ֔ה וַיִּפְרְשֵׂ֥הוּ חִזְקִיָּ֖הוּ לִפְנֵ֥י יְהוָֽה׃ wayiqaḥ ḥizeqiyahu ʾet־hasefariym miyad hamaleʾakhiym wayiqeraʾehu wayaʿal beyt yehwah wayiferesehu ḥizeqiyahu lifeney yehwah׃

¹⁵ וַיִּתְפַּלֵּל֙ חִזְקִיָּ֔הוּ אֶל־יְהוָ֖ה לֵאמֹֽר׃ wayitepalel ḥizeqiyahu ʾel־yehwah leʾmor׃

¹⁶ יְהוָ֨ה צְבָאֹ֜ות אֱלֹהֵ֤י יִשְׂרָאֵל֙ יֹשֵׁ֣ב הַכְּרֻבִ֔ים אַתָּה־ה֤וּא הָֽאֱלֹהִים֙ לְבַדְּךָ֔ לְכֹ֖ל מַמְלְכֹ֣ות הָאָ֑רֶץ אַתָּ֣ה עָשִׂ֔יתָ אֶת־הַשָּׁמַ֖יִם וְאֶת־הָאָֽרֶץ׃ yehwah tsevaʾowt ʾelohey yiseraʾel yoshev hakeruviym ʾatah־huʾ haʾelohiym levadekha lekhol mamelekhowt haʾarets ʾatah ʿasiyta ʾet־hashamayim weʾet־haʾarets׃

¹⁷ הַטֵּ֨ה יְהוָ֤ה ׀ אָזְנְךָ֙ וּֽשְׁמָ֔ע פְּקַ֧ח יְהוָ֛ה עֵינֶ֖ךָ וּרְאֵ֑ה וּשְׁמַ֗ע אֵ֚ת כָּל־דִּבְרֵ֣י סַנְחֵרִ֔יב אֲשֶׁ֣ר שָׁלַ֔ח לְחָרֵ֖ף אֱלֹהִ֥ים חָֽי׃ haṭeh yehwah ׀ ʾazenekha ushemaʿ peqaḥ yehwah ʿeynekha ureʾeh ushemaʿ ʾet kal־diverey saneḥeriyv ʾasher shalaḥ leḥaref ʾelohiym ḥay׃

¹⁸ אָמְנָ֖ם יְהוָ֑ה הֶחֱרִ֜יבוּ מַלְכֵ֥י אַשּׁ֛וּר אֶת־כָּל־הָאֲרָצֹ֖ות וְאֶת־אַרְצָֽם׃ ʾamenam yehwah heḥeriyvu malekhey ʾashur ʾet־kal־haʾaratsowt weʾet־ʾaretsam׃

¹⁹ וְנָתֹ֥ן אֶת־אֱלֹהֵיהֶ֖ם בָּאֵ֑שׁ כִּי֩ לֹ֨א אֱלֹהִ֜ים הֵ֗מָּה כִּ֣י אִם־מַעֲשֵׂ֧ה יְדֵֽי־אָדָ֛ם עֵ֥ץ וָאֶ֖בֶן וַֽיְאַבְּדֽוּם׃ wenaton ʾet־ʾeloheyhem baʾesh kiy loʾ ʾelohiym hemah kiy ʾim־maʿaseh yedey־ʾadam ʿets waʾeven wayeʾabedum׃

²⁰ וְעַתָּה֙ יְהוָ֣ה אֱלֹהֵ֔ינוּ הֹושִׁיעֵ֖נוּ מִיָדֹ֑ו וְיֵֽדְעוּ֙ כָּל־מַמְלְכֹ֣ות הָאָ֔רֶץ כִּֽי־אַתָּ֥ה יְהוָ֖ה לְבַדֶּֽךָ׃ weʿatah yehwah ʾeloheynu howshiyʿenu miyadow weyedeʿu kal־mamelekhowt haʾarets kiy־ʾatah yehwah levadekha׃

²¹ וַיִּשְׁלַח֙ יְשַֽׁעְיָ֣הוּ בֶן־אָמֹ֔וץ אֶל־חִזְקִיָּ֖הוּ לֵאמֹ֑ר כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ הִתְפַּלַּ֣לְתָּ אֵלַ֔י אֶל־סַנְחֵרִ֖יב מֶ֥לֶךְ אַשּֽׁוּר׃ wayishelaḥ yeshaʿeyahu ven־ʾamowts ʾel־ḥizeqiyahu leʾmor koh־ʾamar yehwah ʾelohey yiseraʾel ʾasher hitepalaleta ʾelay ʾel־saneḥeriyv melekhe ʾashur׃

²² זֶ֣ה הַדָּבָ֔ר אֲשֶׁר־דִּבֶּ֥ר יְהוָ֖ה עָלָ֑יו בָּזָ֨ה לְךָ֜ לָעֲגָ֣ה לְךָ֗ בְּתוּלַת֙ בַּת־צִיֹּ֔ון אַחֲרֶ֙יךָ֙ רֹ֣אשׁ הֵנִ֔יעָה בַּ֖ת יְרוּשָׁלִָֽם׃ zeh hadavar ʾasher־diber yehwah ʿalayw bazah lekha laʿagah lekha betulat bat־tsiyown ʾaḥareykha roʾsh heniyʿah bat yerushalim׃

²³ אֶת־מִ֤י חֵרַ֙פְתָּ֙ וְגִדַּ֔פְתָּ וְעַל־מִ֖י הֲרִימֹ֣ותָה קֹּ֑ול וַתִּשָּׂ֥א מָרֹ֛ום עֵינֶ֖יךָ אֶל־קְדֹ֥ושׁ יִשְׂרָאֵֽל׃ ʾet־miy ḥerafeta wegidafeta weʿal־miy hariymowtah qowl watisaʾ marowm ʿeyneykha ʾel־qedowsh yiseraʾel׃

²⁴ בְּיַ֣ד עֲבָדֶיךָ֮ חֵרַ֣פְתָּ ׀ אֲדֹנָי֒ וַתֹּ֗אמֶר בְּרֹ֥ב רִכְבִּ֛י אֲנִ֥י עָלִ֛יתִי מְרֹ֥ום הָרִ֖ים יַרְכְּתֵ֣י לְבָנֹ֑ון וְאֶכְרֹ֞ת קֹומַ֤ת אֲרָזָיו֙ מִבְחַ֣ר בְּרֹשָׁ֔יו וְאָבֹוא֙ מְרֹ֣ום קִצֹּ֔ו יַ֖עַר כַּרְמִלֹּֽו׃ beyad ʿavadeykha ḥerafeta ׀ ʾadonay watoʾmer berov rikhebiy ʾaniy ʿaliytiy merowm hariym yareketey levanown weʾekherot qowmat ʾarazayw miveḥar beroshayw weʾavowʾ merowm qitsow yaʿar karemilow׃

²⁵ אֲנִ֥י קַ֖רְתִּי וְשָׁתִ֣יתִי מָ֑יִם וְאַחְרִב֙ בְּכַף־פְּעָמַ֔י כֹּ֖ל יְאֹרֵ֥י מָצֹֽור׃ ʾaniy qaretiy weshatiytiy mayim weʾaḥeriv bekhaf־peʿamay kol yeʾorey matsowr׃

²⁶ הֲלֹֽוא־שָׁמַ֤עְתָּ לְמֵֽרָחֹוק֙ אֹותָ֣הּ עָשִׂ֔יתִי מִ֥ימֵי קֶ֖דֶם וִיצַרְתִּ֑יהָ עַתָּ֣ה הֲבֵאתִ֔יהָ וּתְהִ֗י לְהַשְׁאֹ֛ות גַּלִּ֥ים נִצִּ֖ים עָרִ֥ים בְּצֻרֹֽות׃ halowʾ־shamaʿeta lemeraḥowq ʾowtah ʿasiytiy miymey qedem wiytsaretiyha ʿatah haveʾtiyha utehiy lehasheʾowt galiym nitsiym ʿariym betsurowt׃

²⁷ וְיֹֽשְׁבֵיהֶן֙ קִצְרֵי־יָ֔ד חַ֖תּוּ וָבֹ֑שׁוּ הָי֞וּ עֵ֤שֶׂב שָׂדֶה֙ וִ֣ירַק דֶּ֔שֶׁא חֲצִ֣יר גַּגֹּ֔ות וּשְׁדֵמָ֖ה לִפְנֵ֥י קָמָֽה׃ weyosheveyhen qitserey־yad ḥatu wavoshu hayu ʿesev sadeh wiyraq desheʾ ḥatsiyr gagowt ushedemah lifeney qamah׃

²⁸ וְשִׁבְתְּךָ֛ וְצֵאתְךָ֥ וּבֹואֲךָ֖ יָדָ֑עְתִּי וְאֵ֖ת הִֽתְרַגֶּזְךָ֥ אֵלָֽי׃ weshivetekha wetseʾtekha uvowʾakha yadaʿetiy weʾet hiteragezekha ʾelay׃

²⁹ יַ֚עַן הִתְרַגֶּזְךָ֣ אֵלַ֔י וְשַׁאֲנַנְךָ֖ עָלָ֣ה בְאָזְנָ֑י וְשַׂמְתִּ֨י חַחִ֜י בְּאַפֶּ֗ךָ וּמִתְגִּי֙ בִּשְׂפָתֶ֔יךָ וַהֲשִׁ֣יבֹתִ֔יךָ בַּדֶּ֖רֶךְ אֲשֶׁר־בָּ֥אתָ בָּֽהּ׃ yaʿan hiteragezekha ʾelay weshaʾananekha ʿalah veʾazenay wesametiy ḥaḥiy beʾapekha umitegiy bisefateykha wahashiyvotiykha baderekhe ʾasher־baʾta bah׃

³⁰ וְזֶה־לְּךָ֣ הָאֹ֔ות אָכֹ֤ול הַשָּׁנָה֙ סָפִ֔יחַ וּבַשָּׁנָ֥ה הַשֵּׁנִ֖ית שָׁחִ֑יס וּבַשָּׁנָ֣ה הַשְּׁלִישִׁ֗ית זִרְע֧וּ וְקִצְר֛וּ וְנִטְע֥וּ כְרָמִ֖ים [וְאָכֹול כ] (וְאִכְל֥וּ ק) פִרְיָֽם׃ wezeh־lekha haʾowt ʾakhowl hashanah safiyḥa uvashanah hasheniyt shaḥiys uvashanah hasheliyshiyt zireʿu weqitseru weniṭeʿu kheramiym [weʾakhowl kh] (weʾikhelu q) fireyam׃

³¹ וְיָ֨סְפָ֜ה פְּלֵיטַ֧ת בֵּית־יְהוּדָ֛ה הַנִּשְׁאָרָ֖ה שֹׁ֣רֶשׁ לְמָ֑טָּה וְעָשָׂ֥ה פְרִ֖י לְמָֽעְלָה׃ weyasefah peleyṭat beyt־yehudah hanisheʾarah shoresh lemaṭah weʿasah feriy lemaʿelah׃

³² כִּ֤י מִירֽוּשָׁלִַ֙ם֙ תֵּצֵ֣א שְׁאֵרִ֔ית וּפְלֵיטָ֖ה מֵהַ֣ר צִיֹּ֑ון קִנְאַ֛ת יְהוָ֥ה צְבָאֹ֖ות תַּֽעֲשֶׂה־זֹּֽאת׃ ס kiy miyrushalim tetseʾ sheʾeriyt ufeleyṭah mehar tsiyown qineʾat yehwah tsevaʾowt taʿaseh־zoʾt׃ s

³³ לָכֵ֗ן כֹּֽה־אָמַ֤ר יְהוָה֙ אֶל־מֶ֣לֶךְ אַשּׁ֔וּר לֹ֤א יָבֹוא֙ אֶל־הָעִ֣יר הַזֹּ֔את וְלֹֽא־יֹורֶ֥ה שָׁ֖ם חֵ֑ץ וְלֹֽא־יְקַדְּמֶ֣נָּה מָגֵ֔ן וְלֹֽא־יִשְׁפֹּ֥ךְ עֳלֶ֖יהָ סֹלְלָֽה׃ lakhen koh־ʾamar yehwah ʾel־melekhe ʾashur loʾ yavowʾ ʾel־haʿiyr hazoʾt weloʾ־yowreh sham ḥets weloʾ־yeqademenah magen weloʾ־yishepokhe ʿoleyha solelah׃

³⁴ בַּדֶּ֥רֶךְ אֲשֶׁר־בָּ֖א בָּ֣הּ יָשׁ֑וּב וְאֶל־הָעִ֥יר הַזֹּ֛את לֹ֥א יָבֹ֖וא נְאֻם־יְהוָֽה׃ baderekhe ʾasher־baʾ bah yashuv weʾel־haʿiyr hazoʾt loʾ yavowʾ neʾum־yehwah׃

³⁵ וְגַנֹּותִ֛י עַל־הָעִ֥יר הַזֹּ֖את לְהֹֽושִׁיעָ֑הּ לְמַֽעֲנִ֔י וּלְמַ֖עַן דָּוִ֥ד עַבְדִּֽי׃ ס weganowtiy ʿal־haʿiyr hazoʾt lehowshiyʿah lemaʿaniy ulemaʿan dawid ʿavediy׃ s

³⁶ וַיֵּצֵ֣א ׀ מַלְאַ֣ךְ יְהוָ֗ה וַיַּכֶּה֙ בְּמַחֲנֵ֣ה אַשּׁ֔וּר מֵאָ֛ה וּשְׁמֹנִ֥ים וַחֲמִשָּׁ֖ה אָ֑לֶף וַיַּשְׁכִּ֣ימוּ בַבֹּ֔קֶר וְהִנֵּ֥ה כֻלָּ֖ם פְּגָרִ֥ים מֵתִֽים׃ wayetseʾ ׀ maleʾakhe yehwah wayakeh bemaḥaneh ʾashur meʾah ushemoniym waḥamishah ʾalef wayashekiymu vaboqer wehineh khulam pegariym metiym׃

³⁷ וַיִּסַּ֣ע וַיֵּ֔לֶךְ וַיָּ֖שָׁב סַנְחֵרִ֣יב מֶֽלֶךְ־אַשּׁ֑וּר וַיֵּ֖שֶׁב בְּנִֽינְוֵֽה׃ wayisaʿ wayelekhe wayashav saneḥeriyv melekhe־ʾashur wayeshev beniyneweh׃

³⁸ וַיְהִי֩ ה֨וּא מִֽשְׁתַּחֲוֶ֜ה בֵּ֣ית ׀ נִסְרֹ֣ךְ אֱלֹהָ֗יו וְֽאַדְרַמֶּ֨לֶךְ וְשַׂרְאֶ֤צֶר בָּנָיו֙ הִכֻּ֣הוּ בַחֶ֔רֶב וְהֵ֥מָּה נִמְלְט֖וּ אֶ֣רֶץ אֲרָרָ֑ט וַיִּמְלֹ֛ךְ אֵֽסַר־חַדֹּ֥ן בְּנֹ֖ו תַּחְתָּֽיו׃ ס wayehiy huʾ mishetaḥaweh beyt ׀ niserokhe ʾelohayw weʾaderamelekhe wesareʾetser banayw hikuhu vaḥerev wehemah nimeleṭu ʾerets ʾararaṭ wayimelokhe ʾesar־ḥadon benow taḥetayw׃ s