1 הִנֵּ֨ה עַל־הֶהָרִ֜ים רַגְלֵ֤י מְבַשֵּׂר֙ מַשְׁמִ֣יעַ שָׁלֹ֔ום חָגִּ֧י יְהוּדָ֛ה חַגַּ֖יִךְ שַׁלְּמִ֣י נְדָרָ֑יִךְ כִּי֩ לֹ֨א יֹוסִ֥יף עֹ֛וד [לַעֲבֹור־ כ] (לַֽעֲבָר־בָּ֥ךְ ק) בְּלִיַּ֖עַל כֻּלֹּ֥ה נִכְרָֽת׃ hineh ʿal־hehariym rageley mevaser mashemiyʿa shalowm ḥagiy yehudah ḥagayikhe shalemiy nedarayikhe kiy loʾ yowsiyf ʿowd [laʿavowr־ kh] (laʿavar־bakhe q) beliyaʿal kuloh nikherat׃

2 עָלָ֥ה מֵפִ֛יץ עַל־פָּנַ֖יִךְ נָצֹ֣ור מְצֻרָ֑ה צַפֵּה־דֶ֙רֶךְ֙ חַזֵּ֣ק מָתְנַ֔יִם אַמֵּ֥ץ כֹּ֖חַ מְאֹֽד׃ ʿalah mefiyts ʿal־panayikhe natsowr metsurah tsapeh־derekhe ḥazeq matenayim ʾamets koaḥ meʾod׃

3 כִּ֣י שָׁ֤ב יְהוָה֙ אֶת־גְּאֹ֣ון יַעֲקֹ֔ב כִּגְאֹ֖ון יִשְׂרָאֵ֑ל כִּ֤י בְקָקוּם֙ בֹּֽקְקִ֔ים וּזְמֹרֵיהֶ֖ם שִׁחֵֽתוּ׃ kiy shav yehwah ʾet־geʾown yaʿaqov kigeʾown yiseraʾel kiy veqaqum boqeqiym uzemoreyhem shiḥetu׃

4 מָגֵ֨ן גִּבֹּרֵ֜יהוּ מְאָדָּ֗ם אַנְשֵׁי־חַ֙יִל֙ מְתֻלָּעִ֔ים בְּאֵשׁ־פְּלָדֹ֥ות הָרֶ֖כֶב בְּיֹ֣ום הֲכִינֹ֑ו וְהַבְּרֹשִׁ֖ים הָרְעָֽלוּ׃ magen giboreyhu meʾadam ʾaneshey־ḥayil metulaʿiym beʾesh־peladowt harekhev beyowm hakhiynow wehaberoshiym hareʿalu׃

5 בַּֽחוּצֹות֙ יִתְהֹולְל֣וּ הָרֶ֔כֶב יִֽשְׁתַּקְשְׁק֖וּן בָּרְחֹבֹ֑ות מַרְאֵיהֶן֙ כַּלַּפִּידִ֔ם כַּבְּרָקִ֖ים יְרֹוצֵֽצוּ׃ baḥutsowt yitehowlelu harekhev yishetaqeshequn bareḥovowt mareʾeyhen kalapiydim kaberaqiym yerowtsetsu׃

6 יִזְכֹּר֙ אַדִּירָ֔יו יִכָּשְׁל֖וּ [בַהֲלִכֹותָם כ] (בַּהֲלִֽיכָתָ֑ם ק) יְמַֽהֲרוּ֙ חֹֽומָתָ֔הּ וְהֻכַ֖ן הַסֹּכֵֽךְ׃ yizekor ʾadiyrayw yikashelu [vahalikhowtam kh] (bahaliykhatam q) yemaharu ḥowmatah wehukhan hasokhekhe׃

7 שַׁעֲרֵ֥י הַנְּהָרֹ֖ות נִפְתָּ֑חוּ וְהַֽהֵיכָ֖ל נָמֹֽוג׃ shaʿarey haneharowt nifetaḥu wehaheykhal namowg׃

8 וְהֻצַּ֖ב גֻּלְּתָ֣ה הֹֽעֲלָ֑תָה וְאַמְהֹתֶ֗יהָ מְנַֽהֲגֹות֙ כְּקֹ֣ול יֹונִ֔ים מְתֹפְפֹ֖ת עַל־לִבְבֵהֶֽן׃ wehutsav guletah hoʿalatah weʾamehoteyha menahagowt keqowl yowniym metofefot ʿal־livevehen׃

9 וְנִינְוֵ֥ה כִבְרֵֽכַת־מַ֖יִם מִ֣ימֵי הִ֑יא וְהֵ֣מָּה נָסִ֔ים עִמְד֥וּ עֲמֹ֖דוּ וְאֵ֥ין מַפְנֶֽה׃ weniyneweh khiverekhat־mayim miymey hiyʾ wehemah nasiym ʿimedu ʿamodu weʾeyn mafeneh׃

10 בֹּ֥זּוּ כֶ֖סֶף בֹּ֣זּוּ זָהָ֑ב וְאֵ֥ין קֵ֙צֶה֙ לַתְּכוּנָ֔ה כָּבֹ֕ד מִכֹּ֖ל כְּלִ֥י חֶמְדָּֽה׃ bozu khesef bozu zahav weʾeyn qetseh latekhunah kavod mikol keliy ḥemedah׃

11 בּוּקָ֥ה וּמְבוּקָ֖ה וּמְבֻלָּקָ֑ה וְלֵ֨ב נָמֵ֜ס וּפִ֣ק בִּרְכַּ֗יִם וְחַלְחָלָה֙ בְּכָל־מָתְנַ֔יִם וּפְנֵ֥י כֻלָּ֖ם קִבְּצ֥וּ פָארֽוּר׃ buqah umevuqah umevulaqah welev names ufiq birekayim weḥaleḥalah bekhal־matenayim ufeney khulam qibetsu faʾrur׃

12 אַיֵּה֙ מְעֹ֣ון אֲרָיֹ֔ות וּמִרְעֶ֥ה ה֖וּא לַכְּפִרִ֑ים אֲשֶׁ֣ר הָלַךְ֩ אַרְיֵ֨ה לָבִ֥יא שָׁ֛ם גּ֥וּר אַרְיֵ֖ה וְאֵ֥ין מַחֲרִֽיד׃ ʾayeh meʿown ʾarayowt umireʿeh huʾ lakefiriym ʾasher halakhe ʾareyeh laviyʾ sham gur ʾareyeh weʾeyn maḥariyd׃

13 אַרְיֵ֤ה טֹרֵף֙ בְּדֵ֣י גֹֽרֹותָ֔יו וּמְחַנֵּ֖ק לְלִבְאֹתָ֑יו וַיְמַלֵּא־טֶ֣רֶף חֹרָ֔יו וּמְעֹֽנֹתָ֖יו טְרֵפָֽה׃ ʾareyeh ṭoref bedey gorowtayw umeḥaneq leliveʾotayw wayemaleʾ־ṭeref ḥorayw umeʿonotayw ṭerefah׃

14 הִנְנִ֣י אֵלַ֗יִךְ נְאֻם֙ יְהוָ֣ה צְבָאֹ֔ות וְהִבְעַרְתִּ֤י בֶֽעָשָׁן֙ רִכְבָּ֔הּ וּכְפִירַ֖יִךְ תֹּ֣אכַל חָ֑רֶב וְהִכְרַתִּ֤י מֵאֶ֙רֶץ֙ טַרְפֵּ֔ךְ וְלֹֽא־יִשָּׁמַ֥ע עֹ֖וד קֹ֥ול מַלְאָכֵֽכֵה׃ ס hineniy ʾelayikhe neʾum yehwah tsevaʾowt wehiveʿaretiy veʿashan rikhebah ukhefiyrayikhe toʾkhal ḥarev wehikheratiy meʾerets ṭarepekhe weloʾ־yishamaʿ ʿowd qowl maleʾakhekheh׃ s