Ésaïe 48

¹ שִׁמְעוּ־זֹ֣את בֵּֽית־יַעֲקֹ֗ב הַנִּקְרָאִים֙ בְּשֵׁ֣ם יִשְׂרָאֵ֔ל וּמִמֵּ֥י יְהוּדָ֖ה יָצָ֑אוּ הַֽנִּשְׁבָּעִ֣ים ׀ בְּשֵׁ֣ם יְהוָ֗ה וּבֵאלֹהֵ֤י יִשְׂרָאֵל֙ יַזְכִּ֔ירוּ לֹ֥א בֶאֱמֶ֖ת וְלֹ֥א בִצְדָקָֽה׃ shimeʿu־zoʾt beyt־yaʿaqov haniqeraʾiym beshem yiseraʾel umimey yehudah yatsaʾu hanishebaʿiym ׀ beshem yehwah uveʾlohey yiseraʾel yazekiyru loʾ veʾemet weloʾ vitsedaqah׃

² כִּֽי־מֵעִ֤יר הַקֹּ֙דֶשׁ֙ נִקְרָ֔אוּ וְעַל־אֱלֹהֵ֥י יִשְׂרָאֵ֖ל נִסְמָ֑כוּ יְהוָ֥ה צְבָאֹ֖ות שְׁמֹֽו׃ ס kiy־meʿiyr haqodesh niqeraʾu weʿal־ʾelohey yiseraʾel nisemakhu yehwah tsevaʾowt shemow׃ s

³ הָרִֽאשֹׁנֹות֙ מֵאָ֣ז הִגַּ֔דְתִּי וּמִפִּ֥י יָצְא֖וּ וְאַשְׁמִיעֵ֑ם פִּתְאֹ֥ם עָשִׂ֖יתִי וַתָּבֹֽאנָה׃ hariʾshonowt meʾaz higadetiy umipiy yatseʾu weʾashemiyʿem piteʾom ʿasiytiy watavoʾnah׃

⁴ מִדַּעְתִּ֕י כִּ֥י קָשֶׁ֖ה אָ֑תָּה וְגִ֤יד בַּרְזֶל֙ עָרְפֶּ֔ךָ וּמִצְחֲךָ֖ נְחוּשָֽׁה׃ midaʿetiy kiy qasheh ʾatah wegiyd barezel ʿarepekha umitseḥakha neḥushah׃

⁵ וָאַגִּ֤יד לְךָ֙ מֵאָ֔ז בְּטֶ֥רֶם תָּבֹ֖וא הִשְׁמַעְתִּ֑יךָ פֶּן־תֹּאמַר֙ עָצְבִּ֣י עָשָׂ֔ם וּפִסְלִ֥י וְנִסְכִּ֖י צִוָּֽם׃ waʾagiyd lekha meʾaz beṭerem tavowʾ hishemaʿetiykha pen־toʾmar ʿatsebiy ʿasam ufiseliy wenisekiy tsiuam׃

⁶ שָׁמַ֤עְתָּֽ חֲזֵה֙ כֻּלָּ֔הּ וְאַתֶּ֖ם הֲלֹ֣וא תַגִּ֑ידוּ הִשְׁמַעְתִּ֤יךָ חֲדָשֹׁות֙ מֵעַ֔תָּה וּנְצֻרֹ֖ות וְלֹ֥א יְדַעְתָּֽם׃ shamaʿeta ḥazeh kulah weʾatem halowʾ tagiydu hishemaʿetiykha ḥadashowt meʿatah unetsurowt weloʾ yedaʿetam׃

⁷ עַתָּ֤ה נִבְרְאוּ֙ וְלֹ֣א מֵאָ֔ז וְלִפְנֵי־יֹ֖ום וְלֹ֣א שְׁמַעְתָּ֑ם פֶּן־תֹּאמַ֖ר הִנֵּ֥ה יְדַעְתִּֽין׃ ʿatah nivereʾu weloʾ meʾaz welifeney־yowm weloʾ shemaʿetam pen־toʾmar hineh yedaʿetiyn׃

⁸ גַּ֣ם לֹֽא־שָׁמַ֗עְתָּ גַּ֚ם לֹ֣א יָדַ֔עְתָּ גַּ֕ם מֵאָ֖ז לֹא־פִתְּחָ֣ה אָזְנֶ֑ךָ כִּ֤י יָדַ֙עְתִּי֙ בָּגֹ֣וד תִּבְגֹּ֔וד וּפֹשֵׁ֥עַ מִבֶּ֖טֶן קֹ֥רָא לָֽךְ׃ gam loʾ־shamaʿeta gam loʾ yadaʿeta gam meʾaz loʾ־fiteḥah ʾazenekha kiy yadaʿetiy bagowd tivegowd ufosheaʿ mibeṭen qoraʾ lakhe׃

⁹ לְמַ֤עַן שְׁמִי֙ אַאֲרִ֣יךְ אַפִּ֔י וּתְהִלָּתִ֖י אֶחֱטָם־לָ֑ךְ לְבִלְתִּ֖י הַכְרִיתֶֽךָ׃ lemaʿan shemiy ʾaʾariykhe ʾapiy utehilatiy ʾeḥeṭam־lakhe leviletiy hakheriytekha׃

¹⁰ הִנֵּ֥ה צְרַפְתִּ֖יךָ וְלֹ֣א בְכָ֑סֶף בְּחַרְתִּ֖יךָ בְּכ֥וּר עֹֽנִי׃ hineh tserafetiykha weloʾ vekhasef beḥaretiykha bekhur ʿoniy׃

¹¹ לְמַעֲנִ֧י לְמַעֲנִ֛י אֶעֱשֶׂ֖ה כִּ֣י אֵ֣יךְ יֵחָ֑ל וּכְבֹודִ֖י לְאַחֵ֥ר לֹֽא־אֶתֵּֽן׃ ס lemaʿaniy lemaʿaniy ʾeʿeseh kiy ʾeykhe yeḥal ukhevowdiy leʾaḥer loʾ־ʾeten׃ s

¹² שְׁמַ֤ע אֵלַי֙ יַֽעֲקֹ֔ב וְיִשְׂרָאֵ֖ל מְקֹרָאִ֑י אֲנִי־הוּא֙ אֲנִ֣י רִאשֹׁ֔ון אַ֖ף אֲנִ֥י אַחֲרֹֽון׃ shemaʿ ʾelay yaʿaqov weyiseraʾel meqoraʾiy ʾaniy־huʾ ʾaniy riʾshown ʾaf ʾaniy ʾaḥarown׃

¹³ אַף־יָדִי֙ יָ֣סְדָה אֶ֔רֶץ וִֽימִינִ֖י טִפְּחָ֣ה שָׁמָ֑יִם קֹרֵ֥א אֲנִ֛י אֲלֵיהֶ֖ם יַעַמְד֥וּ יַחְדָּֽו׃ ʾaf־yadiy yasedah ʾerets wiymiyniy ṭipeḥah shamayim qoreʾ ʾaniy ʾaleyhem yaʿamedu yaḥedaw׃

¹⁴ הִקָּבְצ֤וּ כֻלְּכֶם֙ וּֽשֲׁמָ֔עוּ מִ֥י בָהֶ֖ם הִגִּ֣יד אֶת־אֵ֑לֶּה יְהוָ֣ה אֲהֵבֹ֔ו יַעֲשֶׂ֤ה חֶפְצֹו֙ בְּבָבֶ֔ל וּזְרֹעֹ֖ו כַּשְׂדִּֽים׃ hiqavetsu khulekhem ushamaʿu miy vahem higiyd ʾet־ʾeleh yehwah ʾahevow yaʿaseh ḥefetsow bevavel uzeroʿow kasediym׃

¹⁵ אֲנִ֥י אֲנִ֛י דִּבַּ֖רְתִּי אַף־קְרָאתִ֑יו הֲבִיאֹתִ֖יו וְהִצְלִ֥יחַ דַּרְכֹּֽו׃ ʾaniy ʾaniy dibaretiy ʾaf־qeraʾtiyw haviyʾotiyw wehitseliyḥa darekow׃

¹⁶ קִרְב֧וּ אֵלַ֣י שִׁמְעוּ־זֹ֗את לֹ֤א מֵרֹאשׁ֙ בַּסֵּ֣תֶר דִּבַּ֔רְתִּי מֵעֵ֥ת הֱיֹותָ֖הּ שָׁ֣ם אָ֑נִי וְעַתָּ֗ה אֲדֹנָ֧י יְהוִ֛ה שְׁלָחַ֖נִי וְרוּחֹֽו׃ פ qirevu ʾelay shimeʿu־zoʾt loʾ meroʾsh baseter dibaretiy meʿet heyowtah sham ʾaniy weʿatah ʾadonay yehwih shelaḥaniy weruḥow׃ f

¹⁷ כֹּֽה־אָמַ֧ר יְהוָ֛ה גֹּאַלְךָ֖ קְדֹ֣ושׁ יִשְׂרָאֵ֑ל אֲנִ֨י יְהוָ֤ה אֱלֹהֶ֙יךָ֙ מְלַמֶּדְךָ֣ לְהֹועִ֔יל מַדְרִֽיכֲךָ֖ בְּדֶ֥רֶךְ תֵּלֵֽךְ׃ koh־ʾamar yehwah goʾalekha qedowsh yiseraʾel ʾaniy yehwah ʾeloheykha melamedekha lehowʿiyl maderiykhakha bederekhe telekhe׃

¹⁸ ל֥וּא הִקְשַׁ֖בְתָּ לְמִצְוֹתָ֑י וַיְהִ֤י כַנָּהָר֙ שְׁלֹומֶ֔ךָ וְצִדְקָתְךָ֖ כְּגַלֵּ֥י הַיָּֽם׃ luʾ hiqeshaveta lemitseotay wayehiy khanahar shelowmekha wetsideqatekha kegaley hayam׃

¹⁹ וַיְהִ֤י כַחֹול֙ זַרְעֶ֔ךָ וְצֶאֱצָאֵ֥י מֵעֶ֖יךָ כִּמְעֹתָ֑יו לֹֽא־יִכָּרֵ֧ת וְֽלֹא־יִשָּׁמֵ֛ד שְׁמֹ֖ו מִלְּפָנָֽי׃ wayehiy khaḥowl zareʿekha wetseʾetsaʾey meʿeykha kimeʿotayw loʾ־yikaret weloʾ־yishamed shemow milefanay׃

²⁰ צְא֣וּ מִבָּבֶל֮ בִּרְח֣וּ מִכַּשְׂדִּים֒ בְּקֹ֣ול רִנָּ֗ה הַגִּ֤ידוּ הַשְׁמִ֙יעוּ֙ זֹ֔את הֹוצִיא֖וּהָ עַד־קְצֵ֣ה הָאָ֑רֶץ אִמְר֕וּ גָּאַ֥ל יְהוָ֖ה עַבְדֹּ֥ו יַעֲקֹֽב׃ tseʾu mibavel bireḥu mikasediym beqowl rinah hagiydu hashemiyʿu zoʾt howtsiyʾuah ʿad־qetseh haʾarets ʾimeru gaʾal yehwah ʿavedow yaʿaqov׃

²¹ וְלֹ֣א צָמְא֗וּ בָּחֳרָבֹות֙ הֹֽולִיכָ֔ם מַ֥יִם מִצּ֖וּר הִזִּ֣יל לָ֑מֹו וַיִּ֨בְקַע־צ֔וּר וַיָּזֻ֖בוּ מָֽיִם׃ weloʾ tsameʾu baḥoravowt howliykham mayim mitsur hiziyl lamow wayiveqaʿ־tsur wayazuvu mayim׃

²² אֵ֣ין שָׁלֹ֔ום אָמַ֥ר יְהוָ֖ה לָרְשָׁעִֽים׃ ס ʾeyn shalowm ʾamar yehwah lareshaʿiym׃ s