1 וַיֵּ֤לֶךְ דָּוִד֙ מִשָּׁ֔ם וַיִּמָּלֵ֖ט אֶל־מְעָרַ֣ת עֲדֻלָּ֑ם וַיִּשְׁמְע֤וּ אֶחָיו֙ וְכָל־בֵּ֣ית אָבִ֔יו וַיֵּרְד֥וּ אֵלָ֖יו שָֽׁמָּה׃ wayelekhe dawid misham wayimaleṭ ʾel־meʿarat ʿadulam wayishemeʿu ʾeḥayw wekhal־beyt ʾaviyw wayeredu ʾelayw shamah׃
2 וַיִּֽתְקַבְּצ֣וּ אֵ֠לָיו כָּל־אִ֨ישׁ מָצֹ֜וק וְכָל־אִ֨ישׁ אֲשֶׁר־לֹ֤ו נֹשֶׁא֙ וְכָל־אִ֣ישׁ מַר־נֶ֔פֶשׁ וַיְהִ֥י עֲלֵיהֶ֖ם לְשָׂ֑ר וַיִּהְי֣וּ עִמֹּ֔ו כְּאַרְבַּ֥ע מֵאֹ֖ות אִֽישׁ׃ wayiteqabetsu ʾelayw kal־ʾiysh matsowq wekhal־ʾiysh ʾasher־low nosheʾ wekhal־ʾiysh mar־nefesh wayehiy ʿaleyhem lesar wayiheyu ʿimow keʾarebaʿ meʾowt ʾiysh׃
3 וַיֵּ֧לֶךְ דָּוִ֛ד מִשָּׁ֖ם מִצְפֵּ֣ה מֹואָ֑ב וַיֹּ֣אמֶר ׀ אֶל־מֶ֣לֶךְ מֹואָ֗ב יֵֽצֵא־נָ֞א אָבִ֤י וְאִמִּי֙ אִתְּכֶ֔ם עַ֚ד אֲשֶׁ֣ר אֵדַ֔ע מַה־יַּֽעֲשֶׂה־לִּ֖י אֱלֹהִֽים׃ wayelekhe dawid misham mitsepeh mowʾav wayoʾmer ׀ ʾel־melekhe mowʾav yetseʾ־naʾ ʾaviy weʾimiy ʾitekhem ʿad ʾasher ʾedaʿ mah־yaʿaseh־liy ʾelohiym׃
4 וַיַּנְחֵ֕ם אֶת־פְּנֵ֖י מֶ֣לֶךְ מֹואָ֑ב וַיֵּשְׁב֣וּ עִמֹּ֔ו כָּל־יְמֵ֥י הֱיֹות־דָּוִ֖ד בַּמְּצוּדָֽה׃ ס wayaneḥem ʾet־peney melekhe mowʾav wayeshevu ʿimow kal־yemey heyowt־dawid bametsudah׃ s
5 וַיֹּאמֶר֩ גָּ֨ד הַנָּבִ֜יא אֶל־דָּוִ֗ד לֹ֤א תֵשֵׁב֙ בַּמְּצוּדָ֔ה לֵ֥ךְ וּבָֽאתָ־לְּךָ֖ אֶ֣רֶץ יְהוּדָ֑ה וַיֵּ֣לֶךְ דָּוִ֔ד וַיָּבֹ֖א יַ֥עַר חָֽרֶת׃ ס wayoʾmer gad hanaviyʾ ʾel־dawid loʾ teshev bametsudah lekhe uvaʾta־lekha ʾerets yehudah wayelekhe dawid wayavoʾ yaʿar ḥaret׃ s
6 וַיִּשְׁמַ֣ע שָׁא֔וּל כִּ֚י נֹודַ֣ע דָּוִ֔ד וַאֲנָשִׁ֖ים אֲשֶׁ֣ר אִתֹּ֑ו וְשָׁאוּל֩ יֹושֵׁ֨ב בַּגִּבְעָ֜ה תַּֽחַת־הָאֶ֤שֶׁל בָּֽרָמָה֙ וַחֲנִיתֹ֣ו בְיָדֹ֔ו וְכָל־עֲבָדָ֖יו נִצָּבִ֥ים עָלָֽיו׃ wayishemaʿ shaʾul kiy nowdaʿ dawid waʾanashiym ʾasher ʾitow weshaʾul yowshev bagiveʿah taḥat־haʾeshel baramah waḥaniytow veyadow wekhal־ʿavadayw nitsaviym ʿalayw׃
7 וַיֹּ֣אמֶר שָׁא֗וּל לַֽעֲבָדָיו֙ הַנִּצָּבִ֣ים עָלָ֔יו שִׁמְעוּ־נָ֖א בְּנֵ֣י יְמִינִ֑י גַּם־לְכֻלְּכֶ֗ם יִתֵּ֤ן בֶּן־יִשַׁי֙ שָׂדֹ֣ות וּכְרָמִ֔ים לְכֻלְּכֶ֣ם יָשִׂ֔ים שָׂרֵ֥י אֲלָפִ֖ים וְשָׂרֵ֥י מֵאֹֽות׃ wayoʾmer shaʾul laʿavadayw hanitsaviym ʿalayw shimeʿu־naʾ beney yemiyniy gam־lekhulekhem yiten ben־yishay sadowt ukheramiym lekhulekhem yasiym sarey ʾalafiym wesarey meʾowt׃
8 כִּי֩ קְשַׁרְתֶּ֨ם כֻּלְּכֶ֜ם עָלַ֗י וְאֵין־גֹּלֶ֤ה אֶת־אָזְנִי֙ בִּכְרָת־בְּנִ֣י עִם־בֶּן־יִשַׁ֔י וְאֵין־חֹלֶ֥ה מִכֶּ֛ם עָלַ֖י וְגֹלֶ֣ה אֶת־אָזְנִ֑י כִּ֣י הֵקִים֩ בְּנִ֨י אֶת־עַבְדִּ֥י עָלַ֛י לְאֹרֵ֖ב כַּיֹּ֥ום הַזֶּֽה׃ ס kiy qesharetem kulekhem ʿalay weʾeyn־goleh ʾet־ʾazeniy bikherat־beniy ʿim־ben־yishay weʾeyn־ḥoleh mikem ʿalay wegoleh ʾet־ʾazeniy kiy heqiym beniy ʾet־ʿavediy ʿalay leʾorev kayowm hazeh׃ s
9 וַיַּ֜עַן דֹּאֵ֣ג הָאֲדֹמִ֗י וְה֛וּא נִצָּ֥ב עַל־עַבְדֵֽי־שָׁא֖וּל וַיֹּאמַ֑ר רָאִ֙יתִי֙ אֶת־בֶּן־יִשַׁ֔י בָּ֣א נֹ֔בֶה אֶל־אֲחִימֶ֖לֶךְ בֶּן־אֲחִטֽוּב׃ wayaʿan doʾeg haʾadomiy wehuʾ nitsav ʿal־ʿavedey־shaʾul wayoʾmar raʾiytiy ʾet־ben־yishay baʾ noveh ʾel־ʾaḥiymelekhe ben־ʾaḥiṭuv׃
10 וַיִּשְׁאַל־לֹו֙ בַּֽיהוָ֔ה וְצֵידָ֖ה נָ֣תַן לֹ֑ו וְאֵ֗ת חֶ֛רֶב גָּלְיָ֥ת הַפְּלִשְׁתִּ֖י נָ֥תַן לֹֽו׃ wayisheʾal־low bayhwah wetseydah natan low weʾet ḥerev galeyat hapelishetiy natan low׃
11 וַיִּשְׁלַ֣ח הַמֶּ֡לֶךְ לִקְרֹא֩ אֶת־אֲחִימֶ֨לֶךְ בֶּן־אֲחִיט֜וּב הַכֹּהֵ֗ן וְאֵ֨ת כָּל־בֵּ֥ית אָבִ֛יו הַכֹּהֲנִ֖ים אֲשֶׁ֣ר בְּנֹ֑ב וַיָּבֹ֥אוּ כֻלָּ֖ם אֶל־הַמֶּֽלֶךְ׃ ס wayishelaḥ hamelekhe liqeroʾ ʾet־ʾaḥiymelekhe ben־ʾaḥiyṭuv hakohen weʾet kal־beyt ʾaviyw hakohaniym ʾasher benov wayavoʾu khulam ʾel־hamelekhe׃ s
12 וַיֹּ֣אמֶר שָׁא֔וּל שְֽׁמַֽע־נָ֖א בֶּן־אֲחִיט֑וּב וַיֹּ֖אמֶר הִנְנִ֥י אֲדֹנִֽי׃ wayoʾmer shaʾul shemaʿ־naʾ ben־ʾaḥiyṭuv wayoʾmer hineniy ʾadoniy׃
13 וַיֹּ֤אמֶר [אֵלֹו כ] (אֵלָיו֙ ק) שָׁא֔וּל לָ֚מָּה קְשַׁרְתֶּ֣ם עָלַ֔י אַתָּ֖ה וּבֶן־יִשָׁ֑י בְּתִתְּךָ֙ לֹ֜ו לֶ֣חֶם וְחֶ֗רֶב וְשָׁאֹ֥ול לֹו֙ בֵּֽאלֹהִ֔ים לָק֥וּם אֵלַ֛י לְאֹרֵ֖ב כַּיֹּ֥ום הַזֶּֽה׃ ס wayoʾmer [ʾelow kh] (ʾelayw q) shaʾul lamah qesharetem ʿalay ʾatah uven־yishay betitekha low leḥem weḥerev weshaʾowl low beʾlohiym laqum ʾelay leʾorev kayowm hazeh׃ s
14 וַיַּ֧עַן אֲחִימֶ֛לֶךְ אֶת־הַמֶּ֖לֶךְ וַיֹּאמַ֑ר וּמִ֤י בְכָל־עֲבָדֶ֙יךָ֙ כְּדָוִ֣ד נֶאֱמָ֔ן וַחֲתַ֥ן הַמֶּ֛לֶךְ וְסָ֥ר אֶל־מִשְׁמַעְתֶּ֖ךָ וְנִכְבָּ֥ד בְּבֵיתֶֽךָ׃ wayaʿan ʾaḥiymelekhe ʾet־hamelekhe wayoʾmar umiy vekhal־ʿavadeykha kedawid neʾeman waḥatan hamelekhe wesar ʾel־mishemaʿetekha wenikhebad beveytekha׃
15 הַיֹּ֧ום הַחִלֹּ֛תִי [לְשָׁאֹול־ כ] (לִשְׁאָל־לֹ֥ו ק) בֵאלֹהִ֖ים חָלִ֣ילָה לִּ֑י אַל־יָשֵׂם֩ הַמֶּ֨לֶךְ בְּעַבְדֹּ֤ו דָבָר֙ בְּכָל־בֵּ֣ית אָבִ֔י כִּ֠י לֹֽא־יָדַ֤ע עַבְדְּךָ֙ בְּכָל־זֹ֔את דָּבָ֥ר קָטֹ֖ן אֹ֥ו גָדֹֽול׃ hayowm haḥilotiy [leshaʾowl־ kh] (lisheʾal־low q) veʾlohiym ḥaliylah liy ʾal־yasem hamelekhe beʿavedow davar bekhal־beyt ʾaviy kiy loʾ־yadaʿ ʿavedekha bekhal־zoʾt davar qaṭon ʾow gadowl׃
16 וַיֹּ֣אמֶר הַמֶּ֔לֶךְ מֹ֥ות תָּמ֖וּת אֲחִימֶ֑לֶךְ אַתָּ֖ה וְכָל־בֵּ֥ית אָבִֽיךָ׃ wayoʾmer hamelekhe mowt tamut ʾaḥiymelekhe ʾatah wekhal־beyt ʾaviykha׃
17 וַיֹּ֣אמֶר הַמֶּ֡לֶךְ לָרָצִים֩ הַנִּצָּבִ֨ים עָלָ֜יו סֹ֥בּוּ וְהָמִ֣יתוּ ׀ כֹּהֲנֵ֣י יְהוָ֗ה כִּ֤י גַם־יָדָם֙ עִם־דָּוִ֔ד וְכִ֤י יָֽדְעוּ֙ כִּֽי־בֹרֵ֣חַ ה֔וּא וְלֹ֥א גָל֖וּ אֶת־ [אָזְנֹו כ] (אָזְנִ֑י ק) וְלֹֽא־אָב֞וּ עַבְדֵ֤י הַמֶּ֙לֶךְ֙ לִשְׁלֹ֣חַ אֶת־יָדָ֔ם לִפְגֹ֖עַ בְּכֹהֲנֵ֥י יְהוָֽה׃ ס wayoʾmer hamelekhe laratsiym hanitsaviym ʿalayw sobu wehamiytu ׀ kohaney yehwah kiy gam־yadam ʿim־dawid wekhiy yadeʿu kiy־voreaḥ huʾ weloʾ galu ʾet־ [ʾazenow kh] (ʾazeniy q) weloʾ־ʾavu ʿavedey hamelekhe lisheloaḥ ʾet־yadam lifegoaʿ bekhohaney yehwah׃ s
18 וַיֹּ֤אמֶר הַמֶּ֙לֶךְ֙ [לְדֹויֵג כ] (לְדֹואֵ֔ג ק) סֹ֣ב אַתָּ֔ה וּפְגַ֖ע בַּכֹּהֲנִ֑ים וַיִּסֹּ֞ב [דֹּויֵג כ] (דֹּואֵ֣ג ק) הָאֲדֹמִ֗י וַיִּפְגַּע־הוּא֙ בַּכֹּ֣הֲנִ֔ים וַיָּ֣מֶת ׀ בַּיֹּ֣ום הַה֗וּא שְׁמֹנִ֤ים וַחֲמִשָּׁה֙ אִ֔ישׁ נֹשֵׂ֖א אֵפֹ֥וד בָּֽד׃ wayoʾmer hamelekhe [ledowyeg kh] (ledowʾeg q) sov ʾatah ufegaʿ bakohaniym wayisov [dowyeg kh] (dowʾeg q) haʾadomiy wayifegaʿ־huʾ bakohaniym wayamet ׀ bayowm hahuʾ shemoniym waḥamishah ʾiysh noseʾ ʾefowd bad׃
19 וְאֵ֨ת נֹ֤ב עִיר־הַכֹּֽהֲנִים֙ הִכָּ֣ה לְפִי־חֶ֔רֶב מֵאִישׁ֙ וְעַד־אִשָּׁ֔ה מֵעֹולֵ֖ל וְעַד־יֹונֵ֑ק וְשֹׁ֧ור וַחֲמֹ֛ור וָשֶׂ֖ה לְפִי־חָֽרֶב׃ weʾet nov ʿiyr־hakohaniym hikah lefiy־ḥerev meʾiysh weʿad־ʾishah meʿowlel weʿad־yowneq weshowr waḥamowr waseh lefiy־ḥarev׃
20 וַיִּמָּלֵ֣ט בֵּן־אֶחָ֗ד לַאֲחִימֶ֙לֶךְ֙ בֶּן־אֲחִט֔וּב וּשְׁמֹ֖ו אֶבְיָתָ֑ר וַיִּבְרַ֖ח אַחֲרֵ֥י דָוִֽד׃ wayimaleṭ ben־ʾeḥad laʾaḥiymelekhe ben־ʾaḥiṭuv ushemow ʾeveyatar wayiveraḥ ʾaḥarey dawid׃
21 וַיַּגֵּ֥ד אֶבְיָתָ֖ר לְדָוִ֑ד כִּ֚י הָרַ֣ג שָׁא֔וּל אֵ֖ת כֹּהֲנֵ֥י יְהוָֽה׃ wayaged ʾeveyatar ledawid kiy harag shaʾul ʾet kohaney yehwah׃
22 וַיֹּ֨אמֶר דָּוִ֜ד לְאֶבְיָתָ֗ר יָדַ֜עְתִּי בַּיֹּ֤ום הַהוּא֙ כִּֽי־שָׁם֙ [דֹּויֵג כ] (דֹּואֵ֣ג ק) הָאֲדֹמִ֔י כִּֽי־הַגֵּ֥ד יַגִּ֖יד לְשָׁא֑וּל אָנֹכִ֣י סַבֹּ֔תִי בְּכָל־נֶ֖פֶשׁ בֵּ֥ית אָבִֽיךָ׃ wayoʾmer dawid leʾeveyatar yadaʿetiy bayowm hahuʾ kiy־sham [dowyeg kh] (dowʾeg q) haʾadomiy kiy־haged yagiyd leshaʾul ʾanokhiy sabotiy bekhal־nefesh beyt ʾaviykha׃
23 שְׁבָ֤ה אִתִּי֙ אַל־תִּירָ֔א כִּ֛י אֲשֶׁר־יְבַקֵּ֥שׁ אֶת־נַפְשִׁ֖י יְבַקֵּ֣שׁ אֶת־נַפְשֶׁ֑ךָ כִּֽי־מִשְׁמֶ֥רֶת אַתָּ֖ה עִמָּדִֽי׃ shevah ʾitiy ʾal־tiyraʾ kiy ʾasher־yevaqesh ʾet־nafeshiy yevaqesh ʾet־nafeshekha kiy־mishemeret ʾatah ʿimadiy׃