Ésaïe 8

¹ וַיֹּ֤אמֶר יְהוָה֙ אֵלַ֔י קַח־לְךָ֖ גִּלָּיֹ֣ון גָּדֹ֑ול וּכְתֹ֤ב עָלָיו֙ בְּחֶ֣רֶט אֱנֹ֔ושׁ לְמַהֵ֥ר שָׁלָ֖ל חָ֥שׁ בַּֽז׃ wayoʾmer yehwah ʾelay qaḥ־lekha gilayown gadowl ukhetov ʿalayw beḥereṭ ʾenowsh lemaher shalal ḥash baz׃

² וְאָעִ֣ידָה לִּ֔י עֵדִ֖ים נֶאֱמָנִ֑ים אֵ֚ת אוּרִיָּ֣ה הַכֹּהֵ֔ן וְאֶת־זְכַרְיָ֖הוּ בֶּ֥ן יְבֶרֶכְיָֽהוּ׃ weʾaʿiydah liy ʿediym neʾemaniym ʾet ʾuriyah hakohen weʾet־zekhareyahu ben yeverekheyahu׃

³ וָאֶקְרַב֙ אֶל־הַנְּבִיאָ֔ה וַתַּ֖הַר וַתֵּ֣לֶד בֵּ֑ן וַיֹּ֤אמֶר יְהוָה֙ אֵלַ֔י קְרָ֣א שְׁמֹ֔ו מַהֵ֥ר שָׁלָ֖ל חָ֥שׁ בַּֽז׃ waʾeqerav ʾel־haneviyʾah watahar wateled ben wayoʾmer yehwah ʾelay qeraʾ shemow maher shalal ḥash baz׃

⁴ כִּ֗י בְּטֶ֙רֶם֙ יֵדַ֣ע הַנַּ֔עַר קְרֹ֖א אָבִ֣י וְאִמִּ֑י יִשָּׂ֣א ׀ אֶת־חֵ֣יל דַּמֶּ֗שֶׂק וְאֵת֙ שְׁלַ֣ל שֹׁמְרֹ֔ון לִפְנֵ֖י מֶ֥לֶךְ אַשּֽׁוּר׃ ס kiy beṭerem yedaʿ hanaʿar qeroʾ ʾaviy weʾimiy yisaʾ ׀ ʾet־ḥeyl dameseq weʾet shelal shomerown lifeney melekhe ʾashur׃ s

⁵ וַיֹּ֣סֶף יְהוָ֔ה דַּבֵּ֥ר אֵלַ֛י עֹ֖וד לֵאמֹֽר׃ wayosef yehwah daber ʾelay ʿowd leʾmor׃

⁶ יַ֗עַן כִּ֤י מָאַס֙ הָעָ֣ם הַזֶּ֔ה אֵ֚ת מֵ֣י הַשִּׁלֹ֔חַ הַהֹלְכִ֖ים לְאַ֑ט וּמְשֹׂ֥ושׂ אֶת־רְצִ֖ין וּבֶן־רְמַלְיָֽהוּ׃ yaʿan kiy maʾas haʿam hazeh ʾet mey hashiloaḥ haholekhiym leʾaṭ umesows ʾet־retsiyn uven־remaleyahu׃

⁷ וְלָכֵ֡ן הִנֵּ֣ה אֲדֹנָי֩ מַעֲלֶ֨ה עֲלֵיהֶ֜ם אֶת־מֵ֣י הַנָּהָ֗ר הָעֲצוּמִים֙ וְהָ֣רַבִּ֔ים אֶת־מֶ֥לֶךְ אַשּׁ֖וּר וְאֶת־כָּל־כְּבֹודֹ֑ו וְעָלָה֙ עַל־כָּל־אֲפִיקָ֔יו וְהָלַ֖ךְ עַל־כָּל־גְּדֹותָֽיו׃ welakhen hineh ʾadonay maʿaleh ʿaleyhem ʾet־mey hanahar haʿatsumiym weharabiym ʾet־melekhe ʾashur weʾet־kal־kevowdow weʿalah ʿal־kal־ʾafiyqayw wehalakhe ʿal־kal־gedowtayw׃

⁸ וְחָלַ֤ף בִּֽיהוּדָה֙ שָׁטַ֣ף וְעָבַ֔ר עַד־צַוָּ֖אר יַגִּ֑יעַ וְהָיָה֙ מֻטֹּ֣ות כְּנָפָ֔יו מְלֹ֥א רֹֽחַב־אַרְצְךָ֖ עִמָּ֥נוּ אֵֽל׃ ס weḥalaf biyhudah shaṭaf weʿavar ʿad־tsauaʾr yagiyʿa wehayah muṭowt kenafayw meloʾ roḥav־ʾaretsekha ʿimanu ʾel׃ s

⁹ רֹ֤עוּ עַמִּים֙ וָחֹ֔תּוּ וְהַֽאֲזִ֔ינוּ כֹּ֖ל מֶרְחַקֵּי־אָ֑רֶץ הִתְאַזְּר֣וּ וָחֹ֔תּוּ הִֽתְאַזְּר֖וּ וָחֹֽתּוּ׃ roʿu ʿamiym waḥotu wehaʾaziynu kol mereḥaqey־ʾarets hiteʾazeru waḥotu hiteʾazeru waḥotu׃

¹⁰ עֻ֥צוּ עֵצָ֖ה וְתֻפָ֑ר דַּבְּר֤וּ דָבָר֙ וְלֹ֣א יָק֔וּם כִּ֥י עִמָּ֖נוּ אֵֽל׃ ס ʿutsu ʿetsah wetufar daberu davar weloʾ yaqum kiy ʿimanu ʾel׃ s

¹¹ כִּי֩ כֹ֨ה אָמַ֧ר יְהוָ֛ה אֵלַ֖י כְּחֶזְקַ֣ת הַיָּ֑ד וְיִסְּרֵ֕נִי מִלֶּ֛כֶת בְּדֶ֥רֶךְ הָֽעָם־הַזֶּ֖ה לֵאמֹֽר׃ kiy khoh ʾamar yehwah ʾelay keḥezeqat hayad weyisereniy milekhet bederekhe haʿam־hazeh leʾmor׃

¹² לֹא־תֹאמְר֣וּן קֶ֔שֶׁר לְכֹ֧ל אֲשֶׁר־יֹאמַ֛ר הָעָ֥ם הַזֶּ֖ה קָ֑שֶׁר וְאֶת־מֹורָאֹ֥ו לֹֽא־תִֽירְא֖וּ וְלֹ֥א תַעֲרִֽיצוּ׃ loʾ־toʾmerun qesher lekhol ʾasher־yoʾmar haʿam hazeh qasher weʾet־mowraʾow loʾ־tiyreʾu weloʾ taʿariytsu׃

¹³ אֶת־יְהוָ֥ה צְבָאֹ֖ות אֹתֹ֣ו תַקְדִּ֑ישׁוּ וְה֥וּא מֹורַאֲכֶ֖ם וְה֥וּא מַֽעֲרִֽצְכֶֽם׃ ʾet־yehwah tsevaʾowt ʾotow taqediyshu wehuʾ mowraʾakhem wehuʾ maʿaritsekhem׃

¹⁴ וְהָיָ֖ה לְמִקְדָּ֑שׁ וּלְאֶ֣בֶן נֶ֠גֶף וּלְצ֨וּר מִכְשֹׁ֜ול לִשְׁנֵ֨י בָתֵּ֤י יִשְׂרָאֵל֙ לְפַ֣ח וּלְמֹוקֵ֔שׁ לְיֹושֵׁ֖ב יְרוּשָׁלִָֽם׃ wehayah lemiqedash uleʾeven negef uletsur mikheshowl lisheney vatey yiseraʾel lefaḥ ulemowqesh leyowshev yerushalim׃

¹⁵ וְכָ֥שְׁלוּ בָ֖ם רַבִּ֑ים וְנָפְל֣וּ וְנִשְׁבָּ֔רוּ וְנֹוקְשׁ֖וּ וְנִלְכָּֽדוּ׃ ס wekhashelu vam rabiym wenafelu wenishebaru wenowqeshu wenilekadu׃ s

¹⁶ צֹ֖ור תְּעוּדָ֑ה חֲתֹ֥ום תֹּורָ֖ה בְּלִמֻּדָֽי׃ tsowr teʿudah ḥatowm towrah belimuday׃

¹⁷ וְחִכִּ֙יתִי֙ לַיהוָ֔ה הַמַּסְתִּ֥יר פָּנָ֖יו מִבֵּ֣ית יַעֲקֹ֑ב וְקִוֵּ֖יתִֽי־לֹֽו׃ weḥikiytiy layhwah hamasetiyr panayw mibeyt yaʿaqov weqiueytiy־low׃

¹⁸ הִנֵּ֣ה אָנֹכִ֗י וְהַיְלָדִים֙ אֲשֶׁ֣ר נָֽתַן־לִ֣י יְהוָ֔ה לְאֹתֹ֥ות וּלְמֹופְתִ֖ים בְּיִשְׂרָאֵ֑ל מֵעִם֙ יְהוָ֣ה צְבָאֹ֔ות הַשֹּׁכֵ֖ן בְּהַ֥ר צִיֹּֽון׃ ס hineh ʾanokhiy wehayeladiym ʾasher natan־liy yehwah leʾotowt ulemowfetiym beyiseraʾel meʿim yehwah tsevaʾowt hashokhen behar tsiyown׃ s

¹⁹ וְכִֽי־יֹאמְר֣וּ אֲלֵיכֶ֗ם דִּרְשׁ֤וּ אֶל־הָאֹבֹות֙ וְאֶל־הַיִּדְּעֹנִ֔ים הַֽמְצַפְצְפִ֖ים וְהַמַּהְגִּ֑ים הֲלֹוא־עַם֙ אֶל־אֱלֹהָ֣יו יִדְרֹ֔שׁ בְּעַ֥ד הַחַיִּ֖ים אֶל־הַמֵּתִֽים׃ wekhiy־yoʾmeru ʾaleykhem direshu ʾel־haʾovowt weʾel־hayideʿoniym hametsafetsefiym wehamahegiym halowʾ־ʿam ʾel־ʾelohayw yiderosh beʿad haḥayiym ʾel־hametiym׃

²⁰ לְתֹורָ֖ה וְלִתְעוּדָ֑ה אִם־לֹ֤א יֹֽאמְרוּ֙ כַּדָּבָ֣ר הַזֶּ֔ה אֲשֶׁ֥ר אֵֽין־לֹ֖ו שָֽׁחַר׃ letowrah weliteʿudah ʾim־loʾ yoʾmeru kadavar hazeh ʾasher ʾeyn־low shaḥar׃

²¹ וְעָ֥בַר בָּ֖הּ נִקְשֶׁ֣ה וְרָעֵ֑ב וְהָיָ֨ה כִֽי־יִרְעַ֜ב וְהִתְקַצַּ֗ף וְקִלֵּ֧ל בְּמַלְכֹּ֛ו וּבֵאלֹהָ֖יו וּפָנָ֥ה לְמָֽעְלָה׃ weʿavar bah niqesheh weraʿev wehayah khiy־yireʿav wehiteqatsaf weqilel bemalekow uveʾlohayw ufanah lemaʿelah׃

²² וְאֶל־אֶ֖רֶץ יַבִּ֑יט וְהִנֵּ֨ה צָרָ֤ה וַחֲשֵׁכָה֙ מְע֣וּף צוּקָ֔ה וַאֲפֵלָ֖ה מְנֻדָּֽח׃ weʾel־ʾerets yabiyṭ wehineh tsarah waḥashekhah meʿuf tsuqah waʾafelah menudaḥ׃

²³ כִּ֣י לֹ֣א מוּעָף֮ לַאֲשֶׁ֣ר מוּצָ֣ק לָהּ֒ כָּעֵ֣ת הָרִאשֹׁ֗ון הֵקַ֞ל אַ֤רְצָה זְבֻלוּן֙ וְאַ֣רְצָה נַפְתָּלִ֔י וְהָאַחֲרֹ֖ון הִכְבִּ֑יד דֶּ֤רֶךְ הַיָּם֙ עֵ֣בֶר הַיַּרְדֵּ֔ן גְּלִ֖יל הַגֹּויִֽם׃ kiy loʾ muʿaf laʾasher mutsaq lah kaʿet hariʾshown heqal ʾaretsah zevulun weʾaretsah nafetaliy wehaʾaḥarown hikhebiyd derekhe hayam ʿever hayareden geliyl hagowyim׃