1 דְּבַר־יְהוָה֙ אֲשֶׁ֣ר הָיָ֔ה אֶל־יֹואֵ֖ל בֶּן־פְּתוּאֵֽל׃ devar־yehwah ʾasher hayah ʾel־yowʾel ben־petuʾel׃
2 שִׁמְעוּ־זֹאת֙ הַזְּקֵנִ֔ים וְהַֽאֲזִ֔ינוּ כֹּ֖ל יֹושְׁבֵ֣י הָאָ֑רֶץ הֶהָ֤יְתָה זֹּאת֙ בִּֽימֵיכֶ֔ם וְאִ֖ם בִּימֵ֥י אֲבֹֽתֵיכֶֽם׃ shimeʿu־zoʾt hazeqeniym wehaʾaziynu kol yowshevey haʾarets hehayetah zoʾt biymeykhem weʾim biymey ʾavoteykhem׃
3 עָלֶ֖יהָ לִבְנֵיכֶ֣ם סַפֵּ֑רוּ וּבְנֵיכֶם֙ לִבְנֵיהֶ֔ם וּבְנֵיהֶ֖ם לְדֹ֥ור אַחֵֽר׃ ʿaleyha liveneykhem saperu uveneykhem liveneyhem uveneyhem ledowr ʾaḥer׃
4 יֶ֤תֶר הַגָּזָם֙ אָכַ֣ל הָֽאַרְבֶּ֔ה וְיֶ֥תֶר הָאַרְבֶּ֖ה אָכַ֣ל הַיָּ֑לֶק וְיֶ֣תֶר הַיֶּ֔לֶק אָכַ֖ל הֶחָסִֽיל׃ yeter hagazam ʾakhal haʾarebeh weyeter haʾarebeh ʾakhal hayaleq weyeter hayeleq ʾakhal heḥasiyl׃
5 הָקִ֤יצוּ שִׁכֹּורִים֙ וּבְכ֔וּ וְהֵילִ֖לוּ כָּל־שֹׁ֣תֵי יָ֑יִן עַל־עָסִ֕יס כִּ֥י נִכְרַ֖ת מִפִּיכֶֽם׃ haqiytsu shikowriym uvekhu weheylilu kal־shotey yayin ʿal־ʿasiys kiy nikherat mipiykhem׃
6 כִּֽי־גֹוי֙ עָלָ֣ה עַל־אַרְצִ֔י עָצ֖וּם וְאֵ֣ין מִסְפָּ֑ר שִׁנָּיו֙ שִׁנֵּ֣י אַרְיֵ֔ה וּֽמְתַלְּעֹ֥ות לָבִ֖יא לֹֽו׃ kiy־gowy ʿalah ʿal־ʾaretsiy ʿatsum weʾeyn misepar shinayw shiney ʾareyeh umetaleʿowt laviyʾ low׃
7 שָׂ֤ם גַּפְנִי֙ לְשַׁמָּ֔ה וּתְאֵנָתִ֖י לִקְצָפָ֑ה חָשֹׂ֤ף חֲשָׂפָהּ֙ וְהִשְׁלִ֔יךְ הִלְבִּ֖ינוּ שָׂרִיגֶֽיהָ׃ sam gafeniy leshamah uteʾenatiy liqetsafah ḥasof ḥasafah wehisheliykhe hilebiynu sariygeyha׃
8 אֱלִ֕י כִּבְתוּלָ֥ה חֲגֻֽרַת־שַׂ֖ק עַל־בַּ֥עַל נְעוּרֶֽיהָ׃ ʾeliy kivetulah ḥagurat־saq ʿal־baʿal neʿureyha׃
9 הָכְרַ֥ת מִנְחָ֛ה וָנֶ֖סֶךְ מִבֵּ֣ית יְהוָ֑ה אָֽבְלוּ֙ הַכֹּ֣הֲנִ֔ים מְשָׁרְתֵ֖י יְהוָֽה׃ hakherat mineḥah wanesekhe mibeyt yehwah ʾavelu hakohaniym mesharetey yehwah׃
10 שֻׁדַּ֣ד שָׂדֶ֔ה אָבְלָ֖ה אֲדָמָ֑ה כִּ֚י שֻׁדַּ֣ד דָּגָ֔ן הֹובִ֥ישׁ תִּירֹ֖ושׁ אֻמְלַ֥ל יִצְהָֽר׃ shudad sadeh ʾavelah ʾadamah kiy shudad dagan howviysh tiyrowsh ʾumelal yitsehar׃
11 הֹבִ֣ישׁוּ אִכָּרִ֗ים הֵילִ֙ילוּ֙ כֹּֽרְמִ֔ים עַל־חִטָּ֖ה וְעַל־שְׂעֹרָ֑ה כִּ֥י אָבַ֖ד קְצִ֥יר שָׂדֶֽה׃ hoviyshu ʾikariym heyliylu koremiym ʿal־ḥiṭah weʿal־seʿorah kiy ʾavad qetsiyr sadeh׃
12 הַגֶּ֣פֶן הֹובִ֔ישָׁה וְהַתְּאֵנָ֖ה אֻמְלָ֑לָה רִמֹּ֞ון גַּם־תָּמָ֣ר וְתַפּ֗וּחַ כָּל־עֲצֵ֤י הַשָּׂדֶה֙ יָבֵ֔שׁוּ כִּֽי־הֹבִ֥ישׁ שָׂשֹׂ֖ון מִן־בְּנֵ֥י אָדָֽם׃ ס hagefen howviyshah wehateʾenah ʾumelalah rimown gam־tamar wetapuaḥ kal־ʿatsey hasadeh yaveshu kiy־hoviysh sasown min־beney ʾadam׃ s
13 חִגְר֨וּ וְסִפְד֜וּ הַכֹּהֲנִ֗ים הֵילִ֙ילוּ֙ מְשָׁרְתֵ֣י מִזְבֵּ֔חַ בֹּ֚אוּ לִ֣ינוּ בַשַּׂקִּ֔ים מְשָׁרְתֵ֖י אֱלֹהָ֑י כִּ֥י נִמְנַ֛ע מִבֵּ֥ית אֱלֹהֵיכֶ֖ם מִנְחָ֥ה וָנָֽסֶךְ׃ ḥigeru wesifedu hakohaniym heyliylu mesharetey mizebeaḥ boʾu liynu vasaqiym mesharetey ʾelohay kiy nimenaʿ mibeyt ʾeloheykhem mineḥah wanasekhe׃
14 קַדְּשׁוּ־צֹום֙ קִרְא֣וּ עֲצָרָ֔ה אִסְפ֣וּ זְקֵנִ֗ים כֹּ֚ל יֹשְׁבֵ֣י הָאָ֔רֶץ בֵּ֖ית יְהוָ֣ה אֱלֹהֵיכֶ֑ם וְזַעֲק֖וּ אֶל־יְהוָֽה׃ qadeshu־tsowm qireʾu ʿatsarah ʾisefu zeqeniym kol yoshevey haʾarets beyt yehwah ʾeloheykhem wezaʿaqu ʾel־yehwah׃
15 אֲהָ֖הּ לַיֹּ֑ום כִּ֤י קָרֹוב֙ יֹ֣ום יְהוָ֔ה וּכְשֹׁ֖ד מִשַׁדַּ֥י יָבֹֽוא׃ ʾahah layowm kiy qarowv yowm yehwah ukheshod mishaday yavowʾ׃
16 הֲלֹ֛וא נֶ֥גֶד עֵינֵ֖ינוּ אֹ֣כֶל נִכְרָ֑ת מִבֵּ֥ית אֱלֹהֵ֖ינוּ שִׂמְחָ֥ה וָגִֽיל׃ halowʾ neged ʿeyneynu ʾokhel nikherat mibeyt ʾeloheynu simeḥah wagiyl׃
17 עָבְשׁ֣וּ פְרֻדֹ֗ות תַּ֚חַת מֶגְרְפֹ֣תֵיהֶ֔ם נָשַׁ֙מּוּ֙ אֹֽצָרֹ֔ות נֶהֶרְס֖וּ מַמְּגֻרֹ֑ות כִּ֥י הֹבִ֖ישׁ דָּגָֽן׃ ʿaveshu ferudowt taḥat megerefoteyhem nashamu ʾotsarowt neheresu mamegurowt kiy hoviysh dagan׃
18 מַה־נֶּאֶנְחָ֣ה בְהֵמָ֗ה נָבֹ֙כוּ֙ עֶדְרֵ֣י בָקָ֔ר כִּ֛י אֵ֥ין מִרְעֶ֖ה לָהֶ֑ם גַּם־עֶדְרֵ֥י הַצֹּ֖אן נֶאְשָֽׁמוּ׃ mah־neʾeneḥah vehemah navokhu ʿederey vaqar kiy ʾeyn mireʿeh lahem gam־ʿederey hatsoʾn neʾeshamu׃
19 אֵלֶ֥יךָ יְהוָ֖ה אֶקְרָ֑א כִּ֣י אֵ֗שׁ אָֽכְלָה֙ נְאֹ֣ות מִדְבָּ֔ר וְלֶ֣הָבָ֔ה לִהֲטָ֖ה כָּל־עֲצֵ֥י הַשָּׂדֶֽה׃ ʾeleykha yehwah ʾeqeraʾ kiy ʾesh ʾakhelah neʾowt midebar welehavah lihaṭah kal־ʿatsey hasadeh׃
20 גַּם־בַּהֲמֹ֥ות שָׂדֶ֖ה תַּעֲרֹ֣וג אֵלֶ֑יךָ כִּ֤י יָֽבְשׁוּ֙ אֲפִ֣יקֵי מָ֔יִם וְאֵ֕שׁ אָכְלָ֖ה נְאֹ֥ות הַמִּדְבָּֽר׃ פ gam־bahamowt sadeh taʿarowg ʾeleykha kiy yaveshu ʾafiyqey mayim weʾesh ʾakhelah neʾowt hamidebar׃ f