Osée 10

¹ גֶּ֤פֶן בֹּוקֵק֙ יִשְׂרָאֵ֔ל פְּרִ֖י יְשַׁוֶּה־לֹּ֑ו כְּרֹ֣ב לְפִרְיֹ֗ו הִרְבָּה֙ לַֽמִּזְבְּחֹ֔ות כְּטֹ֣וב לְאַרְצֹ֔ו הֵיטִ֖יבוּ מַצֵּבֹֽות׃ gefen bowqeq yiseraʾel periy yeshaueh־low kerov lefireyow hirebah lamizebeḥowt keṭowv leʾaretsow heyṭiyvu matsevowt׃

² חָלַ֥ק לִבָּ֖ם עַתָּ֣ה יֶאְשָׁ֑מוּ ה֚וּא יַעֲרֹ֣ף מִזְבְּחֹותָ֔ם יְשֹׁדֵ֖ד מַצֵּבֹותָֽם׃ ḥalaq libam ʿatah yeʾeshamu huʾ yaʿarof mizebeḥowtam yeshoded matsevowtam׃

³ כִּ֤י עַתָּה֙ יֹֽאמְר֔וּ אֵ֥ין מֶ֖לֶךְ לָ֑נוּ כִּ֣י לֹ֤א יָרֵ֙אנוּ֙ אֶת־יְהוָ֔ה וְהַמֶּ֖לֶךְ מַה־יַּֽעֲשֶׂה־לָּֽנוּ׃ kiy ʿatah yoʾmeru ʾeyn melekhe lanu kiy loʾ yareʾnu ʾet־yehwah wehamelekhe mah־yaʿaseh־lanu׃

⁴ דִּבְּר֣וּ דְבָרִ֔ים אָלֹ֥ות שָׁ֖וְא כָּרֹ֣ת בְּרִ֑ית וּפָרַ֤ח כָּרֹאשׁ֙ מִשְׁפָּ֔ט עַ֖ל תַּלְמֵ֥י שָׂדָֽי׃ diberu devariym ʾalowt shaweʾ karot beriyt ufaraḥ karoʾsh mishepaṭ ʿal talemey saday׃

⁵ לְעֶגְלֹות֙ בֵּ֣ית אָ֔וֶן יָג֖וּרוּ שְׁכַ֣ן שֹֽׁמְרֹ֑ון כִּי־אָבַ֨ל עָלָ֜יו עַמֹּ֗ו וּכְמָרָיו֙ עָלָ֣יו יָגִ֔ילוּ עַל־כְּבֹודֹ֖ו כִּֽי־גָלָ֥ה מִמֶּֽנּוּ׃ leʿegelowt beyt ʾawen yaguru shekhan shomerown kiy־ʾaval ʿalayw ʿamow ukhemarayw ʿalayw yagiylu ʿal־kevowdow kiy־galah mimenu׃

⁶ גַּם־אֹותֹו֙ לְאַשּׁ֣וּר יוּבָ֔ל מִנְחָ֖ה לְמֶ֣לֶךְ יָרֵ֑ב בָּשְׁנָה֙ אֶפְרַ֣יִם יִקָּ֔ח וְיֵבֹ֥ושׁ יִשְׂרָאֵ֖ל מֵעֲצָתֹֽו׃ gam־ʾowtow leʾashur yuval mineḥah lemelekhe yarev bashenah ʾeferayim yiqaḥ weyevowsh yiseraʾel meʿatsatow׃

⁷ נִדְמֶ֥ה שֹׁמְרֹ֖ון מַלְכָּ֑הּ כְּקֶ֖צֶף עַל־פְּנֵי־מָֽיִם׃ nidemeh shomerown malekah keqetsef ʿal־peney־mayim׃

⁸ וְנִשְׁמְד֞וּ בָּמֹ֣ות אָ֗וֶן חַטַּאת֙ יִשְׂרָאֵ֔ל קֹ֣וץ וְדַרְדַּ֔ר יַעֲלֶ֖ה עַל־מִזְבְּחֹותָ֑ם וְאָמְר֤וּ לֶֽהָרִים֙ כַּסּ֔וּנוּ וְלַגְּבָעֹ֖ות נִפְל֥וּ עָלֵֽינוּ׃ ס wenishemedu bamowt ʾawen ḥaṭaʾt yiseraʾel qowts wedaredar yaʿaleh ʿal־mizebeḥowtam weʾameru lehariym kasunu welagevaʿowt nifelu ʿaleynu׃ s

⁹ מִימֵי֙ הַגִּבְעָ֔ה חָטָ֖אתָ יִשְׂרָאֵ֑ל שָׁ֣ם עָמָ֔דוּ לֹֽא־תַשִּׂיגֵ֧ם בַּגִּבְעָ֛ה מִלְחָמָ֖ה עַל־בְּנֵ֥י עַֽלְוָֽה׃ miymey hagiveʿah ḥaṭaʾta yiseraʾel sham ʿamadu loʾ־tasiygem bagiveʿah mileḥamah ʿal־beney ʿalewah׃

¹⁰ בְּאַוָּתִ֖י וְאֶסֳּרֵ֑ם וְאֻסְּפ֤וּ עֲלֵיהֶם֙ עַמִּ֔ים בְּאָסְרָ֖ם לִשְׁתֵּ֥י [עֵינֹתָם כ] (עֹונֹתָֽם׃ ק) beʾauatiy weʾesorem weʾusefu ʿaleyhem ʿamiym beʾaseram lishetey [ʿeynotam kh] (ʿownotam׃ q)

¹¹ וְאֶפְרַ֜יִם עֶגְלָ֤ה מְלֻמָּדָה֙ אֹהַ֣בְתִּי לָד֔וּשׁ וַאֲנִ֣י עָבַ֔רְתִּי עַל־ט֖וּב צַוָּארָ֑הּ אַרְכִּ֤יב אֶפְרַ֙יִם֙ יַחֲרֹ֣ושׁ יְהוּדָ֔ה יְשַׂדֶּד־לֹ֖ו יַעֲקֹֽב׃ weʾeferayim ʿegelah melumadah ʾohavetiy ladush waʾaniy ʿavaretiy ʿal־ṭuv tsauaʾrah ʾarekiyv ʾeferayim yaḥarowsh yehudah yesaded־low yaʿaqov׃

¹² זִרְע֨וּ לָכֶ֤ם לִצְדָקָה֙ קִצְר֣וּ לְפִי־חֶ֔סֶד נִ֥ירוּ לָכֶ֖ם נִ֑יר וְעֵת֙ לִדְרֹ֣ושׁ אֶת־יְהוָ֔ה עַד־יָבֹ֕וא וְיֹרֶ֥ה צֶ֖דֶק לָכֶֽם׃ zireʿu lakhem litsedaqah qitseru lefiy־ḥesed niyru lakhem niyr weʿet liderowsh ʾet־yehwah ʿad־yavowʾ weyoreh tsedeq lakhem׃

¹³ חֲרַשְׁתֶּם־רֶ֛שַׁע עַוְלָ֥תָה קְצַרְתֶּ֖ם אֲכַלְתֶּ֣ם פְּרִי־כָ֑חַשׁ כִּֽי־בָטַ֥חְתָּ בְדַרְכְּךָ֖ בְּרֹ֥ב גִּבֹּורֶֽיךָ׃ ḥarashetem־reshaʿ ʿawelatah qetsaretem ʾakhaletem periy־khaḥash kiy־vaṭaḥeta vedarekekha berov gibowreykha׃

¹⁴ וְקָ֣אם שָׁאֹון֮ בְּעַמֶּךָ֒ וְכָל־מִבְצָרֶ֣יךָ יוּשַּׁ֔ד כְּשֹׁ֧ד שַֽׁלְמַ֛ן בֵּ֥ית אַֽרְבֵ֖אל בְּיֹ֣ום מִלְחָמָ֑ה אֵ֥ם עַל־בָּנִ֖ים רֻטָּֽשָׁה׃ weqaʾm shaʾown beʿamekha wekhal־mivetsareykha yushad keshod shaleman beyt ʾareveʾl beyowm mileḥamah ʾem ʿal־baniym ruṭashah׃

¹⁵ כָּ֗כָה עָשָׂ֤ה לָכֶם֙ בֵּֽית־אֵ֔ל מִפְּנֵ֖י רָעַ֣ת רָֽעַתְכֶ֑ם בַּשַּׁ֕חַר נִדְמֹ֥ה נִדְמָ֖ה מֶ֥לֶךְ יִשְׂרָאֵֽל׃ kakhah ʿasah lakhem beyt־ʾel mipeney raʿat raʿatekhem bashaḥar nidemoh nidemah melekhe yiseraʾel׃